糖蓮子 (已搬遷) 新店位置

完成漢堡包及雞蛋仔後時間尚早,本打算在最近的手作之店吃雪糕作飯後甜品,只是走了大半條明安街也不像有甜品店,反而honhon眼利的找到她,可惜店面漆黑一片,門外竟貼著內部裝修紙條以前曾在不遠處吃過甜品,可惜又結業了!正在茫無頭緒之際想到林記燒賣附近應該有間甜品店的, 靠著熟悉紅磡的咖喱醬帶路下, 在靜靜的後街找到這間甜牙齒糖蓮子!! 全店顏色素白簡單,空調充足的感覺蠻舒適的,牆上幾幅拍攝精美的甜品照片已令人垂涎欲滴啦!笑容可掬的姨姨有禮的送上圖片精美的餐牌後,不忘向我們推薦拿了食神獎的美女與野獸,那座金光燦爛的獎盃真的耀目。首先上場是原味梳乎里,焗盅裡的蛋白焗得高高的,有看頭! 焗得微黃的蛋白鬆軟中帶挺身,吃進口裡輕的像陣風,但面層卻仍帶咁嚼勁,不會吃完像無物的感覺;蛋白打得均勻沒有糖粒在內像吃沙,不錯的手工! 選了原味更能嚐到來自蛋白的味道,沒花巧的味道更能感到其用料新鮮。再來的戀戀京都就是抹茶紅豆芭菲, 雪糕滿滿的塞滿玻璃杯,似乎材料蠻豐富。兩球綠茶雪糕還灑上綠茶粉, 令本已有濃濃抹茶味道的雪糕更重微甘抹茶香,雪糕質感幼滑,有點水準似的;繼續發掘到兩粒芝麻湯丸,湯丸外層較實在帶點煙韌

紅磡越嚟越多有誠意有服務有質素嘅食肆，住紅磡的人有福了！心太軟：好食！夠流心！配埋個豆腐雪糕，冇得彈！原味梳孚厘：全蛋白，都好大個下，不過如果加個蛋黃重蛋味多啲就好啲已經諗定下次要試佢地個得獎作品(唔知咩獎)：美女與野獸，應該係chocolate brownie + 雲呢拿奶凍。疑似老闆的媽媽好親切，又好禮貌，食物好都要加上親切服務先會令客人回頭！

在openrice見到有人寫糖蓮子是用心小店, 便下決心一定要去試~ haha~好彩冇令我失望~老闆娘很有心機的向我們解釋每一道甜品有甚麼材料, 很細心~戀戀京都 ($28) : 我不吃椰果, 老闆很好人的幫我改成西瓜, 綠茶雪糕的綠茶味道不太濃, 但芝麻湯丸超好味~楊枝金露奶凍($30) : 奶凍很滑心太軟($35) : 一切開朱古力便湧出來, 與雪糕一起吃很好味~下次要再去試朱古力三重奏~

之前在雜誌上看到介紹,見到有自己至愛的抹茶甜品便來試試這間店的位置不算很方便,店舖裝修給人很整潔的感覺店員的態度很好,非常親切戀戀京都(抹茶芭菲): 見到她的樣子覺得很吸引,上層有抹茶雪糕和紅豆蓉罐頭蜜桃底層應是類似奶凍的東西吧?! 味道不會太甜,紅豆蓉很香這店還有其他特色甜品,店員推介心太軟,下次會來試試!!

我每星期日食完晚飯都會經過糖蓮子, 因為佢裝修好簡單, 而且我每次經過都冇乜客, 覺得係"又開多間糖水舖, 呢間嘢成日都冇人食, 又開喺啲咁嘅位點會有生意... ..."琴晚決定走入去一試. 望緊門口個menu時, 老闆娘已經好熱情咁叫我地入去試, 一入去, 冇客(可能因為仲早, 未夠9點, 到我地走時, 都坐咗8成)老闆娘極力推介佢個心太軟(冇喺menu, 不過貼咗啲推介紙仔喺牆上), 我地叫咗一個朱古力梳乎里, 同埋心太軟.朱古力梳乎里 $28 -- 等候時間: 十分鐘我第三次食梳乎里呢樣嘢, 第一次喺出名食梳乎里嘅太平館, 覺得好好味同好好睇(睇住佢脹卜卜之後又lup落去), 第二次喺紅磡都會食自助餐覺得唔好食. 呢次糖蓮子呢個, 賣相花咗啲心思, 有朱古力味, 整體黎講都OK心太軟 $35 -- 等候時間: 廿分鐘 我覺得老闆娘應先同人講要等咁耐, 食晒個梳乎里都仲要等跟心太軟一齊上嗰個綠茶雪糕都OK, 睇落似薄荷雪糕咁淺色, 食落清清地但又有綠茶味, 同Häagen-Dazs 嗰隻綠茶好唔同. 個心太軟又真係好好味, 外面個薄皮有少少脆脆地嘅感覺, 入面嗰層蛋糕超級鬆軟

紅磡又開咗新甜品店, 我又點會錯過呢...! 一入去感覺好光猛, 地方都幾大, 還有洗手間, 十分方便.店員十分有禮, 還推介我們試心太軟, Tiramisu等等... 最後選擇咗呢度最出名的心太軟 及 梳乎里.等了10分鐘左右, 先送上朱古力梳乎里, 賣相唔錯! size比想像中大, 但整個梳乎里唔夠熱, 而且朱古力味唔夠香濃.心太軟: 伴碟的雪糕我們選擇了綠茶味, 感覺好多奶, 綠茶味唔夠突出. 心太軟比想像中細, 用羹輕輕分開, 香濃朱古力醬即時流出, 外脆內軟, 必食!!

今日行街見到有新甜品店廣告牌,於是走入去試試 原本想試梳乎厘,但要等十五分鐘才有,剛巧沒有時間等,所以叫了其他食:焦糖朱古力慕斯 - 它是用法國"valrhona"黑朱古力做,朱古力慕斯香滑濃郁,上面燒了一層焦糖不但有口感,配以朱古力慕斯一起食令到味覺多了一番層次感芒果芝麻珍珠 - 芒果鮮甜,份量十足,但芝麻珍珠太細粒無口感,椰汁欠缺椰香味下次有時間會試下梳乎厘

經過一晚係紅磡o既衝鋒陷陣, 肚皮已經脹了... 哈哈.. 不過壽星公隨口up話如果可以食埋 同埋 就perfect 喇.. 於是亂打亂撞, 去左係差館里新開左一排o既 - 糖蓮子.睇下個水牌, 嘩~~竟然有 [ 梳乎里 ] 喎. 點可以唔入去呀... 可能位處後街, 比較小人發現, 唔係咁多人咁... 友人重點叫左原味梳乎里, 我就揀左草莓芭菲 - 紅粉佳人, 另一友人就叫左朱古力蛋糕伴雪糕 ("Valrhona" Ugly Chocolate cake & Ice-cream)因為唔想成日食朱古力味, 又想清d, 所以叫左草莓芭菲. 等左一陣, 佢係第一個送上, 好靚o既賣相, 有個脆脆朱古力卷, 有好多薄脆, 又有奇異果, 士多啤梨, 同罐頭蜜桃, 係草莓雪糕上面仲有d朱古力粒粒(食左先知係脆o既).其實只論外表都已經好出眾, 因為個賣相好嚴謹, 點知食左兩口雪糕... 不得了呀... 好好味呀, 雪糕唔係咁甜, 又唔係平時食開d士多啤梨雪糕味, 好似新鮮生果咁, 而且雪糕裡面仲有鮮士多啤梨果肉, 三個人一齊食, 一路食一路讚好.. 真係好難得.. 食完雪糕興奮完, 梳乎里就

前晚離開家維村朋友家 途經差館里，竟然發現有一間甜品店，因為舖面很光猛，所以特別醒目，自然走近睇下有冇好嘢啦，發覺此店的甜品中西都有和種類很多，便入內試試，裡面同樣的燈火明亮，裝修較西化和地方都清潔，不知是否天花很高，給我有一種可以舒展的空間感覺，地方舒適。叫了一個生磨腰果露加湯圓，黑芝麻湯圓包上很軟滑的外皮，配上膿度適中的腰困露，不會太甜而搶了腰果味和黑芝麻味，非常好。朋友另外亦試了他們的芝麻糊加湯圓，好有芝麻味、夠滑和膿度適中，沒有渣和起結，好香滑。最後叫多一個楊枝甘露，或許是我特別喜歡芒果的關係，當遇到了好吃鮮甜的芒果時，令我的心情特別愉快 (楊枝甘露汁、西米和柚子份量適中，但芒果就很新鮮、夠甜和夠多)。招呼週到，很少遇到d伙記主動推介招牌甜品給客人，整體感覺舒服、價錢合理。

本來和學妹相約吃午餐，飽飽的吃過一頓日本菜以後，甜牙齒開始呼喚甜品，我提議不如試下這間新開的甜品店吧，恰巧學妹之前試過，感覺良好，於是兩個吃貨不理已經填了八成的肚腩，來到糖蓮子再下一城。結果就『玩大咗』，二人一共叫了四款，和學妹也都是性情吃貨（美其名曰…），乾脆就吃得盡興吧！雲尼拿奶凍：我個人非常喜愛panna cotta，這裡的出品算是高質素之作了。奶凍內嵌點點雲尼拿籽，入口散發出香草的甜香；而更抵讚之處在於奶凍質感頗為幼滑，奶香純正卻又不過分濃膩，是難得的佳作，不過也正因為實在幼滑，處於室溫多一會便融掉了。杏仁豆腐奶凍：學妹點的，也恰好是我想似的！不同於雲尼拿奶凍，這個質感微實，幼滑度略欠；杏仁口味來得純正，吃得出真實的果仁香醇，至於豆腐味似乎偏弱，勉強吃得出豆漿的味道。朱古力三重奏：算是最出名的一款了，聽聞又是valrhona出品，卻不止是噱頭，valrhona得很精彩。朱古力雪糕濃度最低也最甜，質感十分幼滑，出面幾粒脆而甜的朱古力粒豐富了柔滑雪糕的口感；中間的ugly chocolate cake質感偏於實淨，內層硬身外層卻微帶酥脆，朱古力濃度適中，感覺似乎沒有雪糕那麼甜；最濃

同家人辦理完祖母的葬禮, 想平息傷感的心情, 所以去到好朋友介紹的糖蓮子. 按照店主推介, 點了 "薑汁梳乎里", "空運京都抹茶奶凍伴紅豆", "腰果露" 和 "朱古力三重奏". 首先, "空運京都抹茶奶凍伴紅豆" - 只有七粒紅豆; 抹茶奶凍幾好味; 但實在太少太細杯了. 可能只有二三十毫升. "腰果露" = "腰果水"; 味道尚可; 太稀了. "朱古力三重奏". - 不過不失; 雖然用了一般優勝高級酒店常用的 "Valrhona" 朱古力, 但是.....如要同別的店舖Ēpöch相比之下.....真是天淵之別..... ; 至於朱古力雪糕....同awfully chocolate, 簡直是不可, 更不能比較. awfully chocolate is the best in town!!! 最終, "薑汁梳乎里" - 呆呆地等了超過十五至廿分鐘; 薑味欠奉; 空氣太多; 沒有質感. 總結來講...如對甜品沒有太大要求, 可以一試, 不太差!!!

星期六同男朋友係紅磡家維村食完飯行去坐車途中, 見到附近有間糖水店新開, 男朋友見到門口都有飲食雜誌介紹, 又見有位, 所以諗都唔諗就入左去試 戀戀京都 - 係用綠茶雪糕 + 大大粒紅豆 + 生果 + 椰果 如果喜歡綠茶味既朋友真係唔好錯過...因為雪糕既綠茶味非常之濃, 雪糕又不太甜...啱晒我口味...雲呢拿籽奶凍伴草莓 - 個奶凍非常滑,夾埋雲呢拿籽真係絕配, 甜度適中, 伴埋草莓醬 + 新鮮草莓真係好味到不得了...我見隔離台既朱古力甜品都好靚....一碟有晒三款味道...見到我都流晒口水...不過太飽食唔落...下次再去要試埋朱古力既甜品先得.....

是夜與友人吃過晚飯閒逛一會後總覺意猶未盡找個地方繼續聊天大家也未嚐過糖蓮子就決定試試吧店舖裝潢以白色為主光線充足很光猛令人精神為之一振XD思前想後最後點了2款甜品空運京都抹茶奶凍伴紅豆碎朱古力梳乎厘奶凍不會過甜很滑溜淡淡的抹茶味配上紅豆簡直一絕味道清新不過份量略嫌過少但仍值得一試!!至於碎朱古力梳乎厘梳乎厘內有朱古力碎感覺特別但味道不見突出沒有想一吃再吃的感覺此店還有其他特別的甜品有機會會再去嚐嚐

身為紅磡人, 屋企樓下開咗間甜品店, 當然第一時間去試吓! 地方闊落, 唔錯!! 簡簡單單叫咗個薑汁湯圓, 好老實, 同同區既呈真係有d距離. 試過一次有d怕怕~~ 不過心唸佢中式唔得, 西式又如何呢, 思前想後, 昨晚終於試多次, 唔得就以後 black list!叫咗個空運京都抹茶奶凍伴紅豆, 個奶味好重好滑, 紅豆質地亦好好, 只係個份量真係好細, 如果多20-30% 就 good fit 啦!!好彩俾多一次機會佢同自己, 以後可以近近地有正甜品食!

今日同friend行完黃埔, 想搵甜品食白令自己開心D, 個friend 話觀音廟對面新開左間糖連子甜品去到order左薑汁梳孚理, 戀戀京都, 同埋店主極力推介的雲呢拿籽奶凍伴草莓 & 朱古力班尼斯伴雪糕, 等左大約十分鐘, 店主送上雲呢拿籽奶凍伴草莓....第一淡食洛好滑好香雲呢拿..不錯...跟住個戀戀京都..好出位..好香綠茶味...Having talked to the owner, they selected the first class ingredients eg their green tea powder are directly ordered from Japan. I particularly like the "Ginger Egg White Souffle" with a strong taste of Ginger, I love it In fact, their "Egg White Souffle" is much cheaper than another dessert shop that I had tried in Shau Kin