糙米家 (已搬遷) 新店位置

之前一直想試下呢間餐廳 睇啲餐牌幾健康咁 今日終於去咗試下！下午三點幾四點 餐廳無咩人 裏面裝修得都幾靚唔講以為自己入咗間Cafe咁 光線好柔和睇下餐牌先👇🏻睇餐牌見到有沙律 有飯 有面 仲有Pizza添 都唔少選擇最後叫咗一個粉 一個飯卡邦尼長通粉$42好多汁 相比起個飯 呢個份量少咗啲 一個男人食唔夠飽 個sauce都幾creamy 香蔥雞扒煎蛋糙米飯$58配牛蒡茶（熱）呢個飯超抵食 大大份 之後發現好多男客人都點呢個飯一睇就知有幾大份 有半熟蛋一隻 雞扒一大塊 再加啲菜同糙米飯 唔錯 雞扒煎到啱啱好 皮脆脆地入口 整體黎講 餐廳上菜快（下午時間無咩人） 食物質素👌🏻 飯set份量比想像中大 下次可以試下叫Salad

安排坐位很失敗，完全没有顧及4人以上等位的顧客，不斷放4位及2位客，拆散所有位，4個以上的客人根本冇法入坐。我們只是在這裏想還我們一個公道，我們沒有迫其他客人走，經過上一次不愉快經歴，今次那安排位置員工再一次要求我們先入坐，我叫其中4位同事先入坐，我和另一位同事在門口等，但那員工堅持要我們入內等，當見到有其他位置，我才去叫員工可否請其他顧客行個方便，移去隔離，那員工還未開聲，那兩位好心的客人主動移去隔離坐，我們連聲答謝，那聲老闆娘，未清楚整件事就對用不禮貌態度說我們不對，你們在面書所寫＂熱情地跟客人嘘寒問暖＂，現在連最基本的待客之道也沒有，何為＂聖靈果子＂？？

由同事介紹得知，在灣仔機利臣街開左一間名為「糙米家」分店，並以健康飲食及糙米為主題的餐廳！於是同數名同事前往食早餐，我點左個＂豬扒雜菜辛辣麵＂超好食，份量又多到男仕亦夠飽，麵底煮得剛剛好，爽口彈牙，豬扒醃得相當好，不會太鹹，而且煎得又Juice和美味，因為係以健康為主題，所以有好多配菜，配菜也非常新鮮好味，整個早餐俾我感覺到係非常用心去煮，絕對不是隨隨便便的。另外，任何早餐轉出前一丁和轉凍飲亦無需加錢，埋單都係廿九蚊！有一位同事食＂波蛋芝腿脆豬飽配沙律＂賣相也非常誘人食慾，豬仔飽外脆內軟，配上芝士、火腿和令人心動的波蛋，我也忍不住搶咬了一啖，除了口感一流外，味道亦相當配合和好食！但見餐牌的午餐仲正，所以忍不住再去用午膳，店名係「糙米家」，所以大部分以糙米為主打，今次食左個＂香葱豬扒荷蛋糙米飯＂，其煎豬扒之好食已不用多提，加上煎得剛剛好的荷包蛋，但最值得提係它的糙米飯，絕無令人感覺太硬或難入口的感覺，反而相當好味和口感極佳，而且配菜也非常多，整個午餐均是多菜少油和健康，餐飲配埋健康的牛蒡茶，仲有甜品桂花糕送埋，都係四十六元！真係勁正！抵食！又健康！服務態又好！值得推薦！

lunch同同事去呢間野度試下, 睇個名都知~~食健康food的.店細細, 只坐到10個人about~ 選擇都幾多ge, 飯類有糙米紅米等選擇, 款式都幾吸引旦冇咩胃口~叫個面食好了~泡菜雞肉米線一黎到~~wa一聲~咁多料ge~!除了主角泡菜和雞肉配菜有: 金菰, 鮮東菰, 雞比菰, 芋絲, 娃娃菜, 小棠菜.好豐富, 加上少肉多菜, 好配合健康的意念加入了泡菜的湯底, 好正,呢個面好好食!難怪食食下~見到店外已聚集唔少人等位~~幾受歡迎, 尤其多女性食客會再幫襯的

　老友被店名「糙米家」吸引，請我去吃糙米飯。　全店吧凳小餐桌，像吧多於像家。我點了餐牌裡的「豆漿田園健康煮」，以為是雜菜糙米湯飯。原來是雜菜＋豆腐＋支竹＋芋絲＋鮮冬菇＋…的紅米＋白米湯飯，湯底似腐竹水多於豆漿。餐飲是牛蒡茶，有圓肉、杞子和紅棗，好甜。是日甜品：綠茶糕。　老友點了一碟糙米飯，來的是紅米＋白米飯。老友問，招牌同餐牌都打明賣糙米飯，點解會變咗紅米？疑似貸不對辦喎…正想問老闆，得悉老闆去了開飯，衹好留待下次幫襯時再問了。　

十一月上旬•晴想試這裡很久了，但平日下午來到，但這裡店小人多，總是插針不下的。就找一個周六下午來吃，雖然人也不少，但總算找到位置。座位是高檯，坐得高高的，都不算方便。餐牌方面，分「健康煮」及「糙米飯」兩個類別。前者是湯米線，一心來吃糙米飯的，就要了香草豬扒糙米飯及燒汁雞扒糙米飯。來得吃糙米，原以為在味道上會要有點將就，但原來又不然。香草豬扒是燒得香噴噴的，味道相當不錯，轉眼已吃清。燒汁雞扒也很不錯，亦是很快清碟。至於糙米，也不欺場，跟白米的比例是差不多一比一的，感覺上是健康一點的。餐後的飲品是玄米茶，還附送一件綠茶水晶糕，值得一來的地方。想看足本食評及所有的食物相片，請來這裡：http://gourmetkc.blogspot.com/2010/03/blog-post_13.html

分開兩次, 一次外買同一次是親身去的糙米家, 好味在食得較健康既下午茶, 猶如在家食一樣, 唔太貴, 一個SET也可送來, 店長推介既CHEESE蕃茄蘑姑奄列幾好味, 多士也OK架, 仲有杯野飲, 20元都叫做合理價錢.另一次便是同事叫了個SALAD, 她說也好正跟住親身去, 間舖地方好細, 好似食快餐既地方, 但野食一D都唔馬虎, 我食既魚柳焗糙米飯唔算太健康, BUT都有好多VEGETABLES, 個飯一定要趁熱食, 唔係凍左D飯會硬就唔好味

這兒的飛碟連飲品下午茶$24, 可任選1-3樣作飛碟料, 我點了一客芝士煙肉漢堡扒飛碟+熱奶茶.這間餐廳標榜健康飲食, 餐牌中的午餐約$42一客, 外賣自取價每客就$38. 餐廳主力售賣的健康餐有分健康煮及糙米飯兩大類. 我的飛碟茶餐用麥包做成, 麥包不是選用厚切麥包, 包面烘得少少熱, 飛碟內的芝士頗多, 芝士味尚算濃, 煙肉切成小塊, 漢堡扒切成碎, 吃出淡淡煙肉的濃香, 可惜漢堡扒份量實在太少, 吃不到牛肉味.茶餐跟凍或熱飲都是同價, 店員推介健康牛蒡茶及糙米茶. 我最後還是選了熱奶茶, 奶茶並不是茶餐廳那樣的芳香濃郁, 這兒的奶茶倒像拉茶, 不會很多奶但也很滑溜, 味道淡淡的, 頗清新.

雖然係阿Sir請食飯, 但都係想上來打番兩句支持的說話.我地係包場的派對, 正如同之前的朋友所講, 5:30pm之後可以包場慶祝派對. 所有食物都係由老闆同大仔阿Sing兩位拍板. 有小食同飯餐. 當晚的餐單:小食類: 1, 炸雞軟骨 (好有日本Feel)2, 春卷 (素食者推介), 3, 蜜糖腸拼粟米 (甜甜地好開胃)4, 北京水餃 (有粟米豬肉餃同白菜豬肉餃, 冇意見, 因為係"灣"字牌, 我又食唔到辣, 試唔到個汁)5, 金沙骨 (燒得剛剛好, 唔錯)6, 鹵蛋拼雞翼 (呢個同毓民果個黑油雞翼有得揮, 強烈推薦!!)沙律類:1, 水煮什菜豬肉伴日式芝麻醬 (勁有日本風味, 而且豬肉剛熟且不韌, 值得推介)2, 水果沙律拼雞胸 (冇意見, 因為飽死, 食唔到...)主菜:1, 肉醬意粉 (可以用叉叉住, 而且唔止肉醬, 仲有磨菇, 不過俾班狼死的男同學揀哂所有磨菇食哂, 我食唔到, 評唔到有幾正. 請見諒.)2, 白咖哩豬扒糙米飯 (唔錯, 9個大男人一個飯可以食得好飽. 雖然係白咖哩, 但係唔係好辣, 食唔得辣的都可以試下, 但係對咖哩敏感的唔好試)3, 油菜 (普通灼菜配個黑

2-9-08 (二)午餐價格略調整，現時是四十二元。健康煮配牛蒡茶仍是健康之選，不過吃慣濃味的客人一定會覺得味道很清淡。鴨胸紅糙米飯也是不錯。不過，菓一道的健康餐有更多選擇和味道較佳。這區就沒有很多健康餐可選了。

下午諗唔到去邊度食，所以上openrice 睇返屋企附近有咩好餐廳。一搵之下搵到糙米家, 見食評唔錯, 於是就去左食。由於位處橫街的關係，位置都比較難找, 建議大家睇清楚個map 先好去。入到去店內, 都係高枱與吧登，位置唔算好多，不過都頗舒適。看了一會餐牌，後生男店員就好親切咁問我係咪第一次黎, 仲親切咁介紹左唔同的菜, 態度幾好。揀完一輪, 點左個煎旦豬排糙米飯試下。食落真係唔錯, 最欣賞隻蛋，十分美味的。糙米起初以為好硬, 食落又ok wor。豬排亦唔錯, 所以好快就食完碟飯。跟住出埋個甜品, 係d 糕點的物體, 不過不失。overall 黎講, 就好似之前的食評一樣, 係一間有誠意的小店, 如無意外都會黎第二次，希望佢做得住la。

今日嚟左糙米家食早餐, 不過個menu內的早餐係無糙米既, 想食要午餐啦!以食左好平常的餐蛋出前一丁, 蕃茄磨菇腸仔奄列+多士 - 合格, 無驚喜. 店員笑容滿面, 店內播放着歌曲, 好舒服.

27-6-08 (五)竹笙雞絲健康煮：即竹笙雞絲配糙米湯飯(可選米線)，糙米的組合是店方配較的。健康煮，湯底當然不落味精，湯飯內還配有金茹、豆腐、芋絲、腐皮、鮮冬茹、雞脾茹、娃娃菜。加上牛蒡茶和桂花糕甜品，這個到二時半的午餐，下午四時多也有。和風口味豬扒包：紫菜＋沙律醬＋豬扒，味道普通，但硬豬包表皮頗脆，不會硬。配上紅棗杞子牛蒡茶，這個下午茶餐共二十元。洋蔥漢堡扒飛碟：這個自選系列有多款材料可選，加上凍朱古力共二十四元。店鋪小小，只有吧椅，食物也有不少選擇，味道較清淡，且感覺健康。服務親切，令人舒服的一間小店。

24-6-08 (二)每次經過都因怕座位不舒適而沒有試。當日終入內一試。香蔥豬扒荷蛋糙米飯 : 豬扒不過不失，糙米飯也不會太硬，配菜多是清煮的蔬菜，感覺健康。白酒龍利柳糙米飯 : 龍利柳普普通通，這裏有點像家常的飯菜，應該很受每天都要出外用膳的上班族歡迎。健康牛蒡茶:成份並有紅棗、桂圓和杞子。感覺甘甜清熱。很喜歡當日的飯後甜品，是一小杯的綠茶凍加紅豆，非常美味。又一間有誠意的小店，服務更是親切有禮。

上次吃完湯飯之後, 我再去了糙米家兩次, 都很滿意就是了:第一次點了鮮茄雜菌煙鴨胸糙米飯 ($38): 整碟飯的賣相紅紅綠綠, 美觀得來刺激食慾! 蔬菜的份量是罕有的多, 鮮茄雜菌汁則油了一點, 鴨胸也鹹了一點不過幾肥美。糙米飯當然是不錯, 相當有嚼頭, 但可能我食得太快, 之後竟然有些胃痛! 甜品是紅豆綠茶凍, 好味呀! 最愛軟綿綿的紅豆。我去的時候店主阿 Sing 一家總動員, 一位相信是Sing 媽的女子在狹小的廚房和店面之間忙的團團轉, 但仍笑容滿面, 親切非常。估唔到 2 時已過都仲有不少人的。第二次就要了香蔥荷蛋豬扒糙米飯 ($38), 有流心荷包蛋一隻, 豉油香蔥汁香口, 加埋有少少肥膏又夠嫩的大塊豬扒和大量蔬菜, 跟上次的鴨胸又是不同的風味, 不過份量較大, 男士吃都不會不夠飽。這次的糙米有點乾身, 但加上豉油汁就 OK 了。餐飲同樣是飲牛蒡茶, 我本要凍的, 但來了熱的, 不過老闆媽媽仍笑笑口的幫我換。甜品再來桂花荔枝糕, 沒有了第一次的驚艷不過還是不俗。小店出了名後人氣旺盛, 我在吃的時候不斷有 OL 進進出出, 店員也不住送外賣, 我也不敢久坐, 吃完就走。另外,