糧船灣有利海鮮漁村

營業中

休息中

2010年3月28日 ( 6-2 ) ( 有利海鮮漁村 - 1 ) 午餐日程：( 新穎茶餐廳 - 有利海鮮漁村 - 鄉誼荼座 - 廣東燒味 - 超級自助壽司 - 凱施餅店 )西貢海上一天遊，油麻地接辦，8時30分乘旅遊車出發，9時15分到達西貢碼頭，9時30時出海，先遊滘西洲天后，巧遇上一年一度的洪聖寶誕，島上非常熱鬧，遊畢後，前往糧船灣洲有利海鮮漁村午膳。白灼海生蝦：海蝦鮮甜爽口好吃。清蒸鱸魚：味帶少許泥味，肉質略嚡，屬一般普通貨色。蒜蓉椰菜：味道ok。葱花灼魷魚：魷魚煙韌美味。漁香炆茄子：惹味好吃。豉汁蒸肉排：味道不錯，仍有肉味。碧綠炒雞球：即西芹炒雞肉，一般ok。三色蒸水蛋：鹹蛋、皮蛋蒸雞蛋，雖然老了一點，味道仍然不錯。這店在西貢糧船灣洲，從前是海島，後來興建淡水湖時與陸地相連，地點偏僻自成一角，除了乘船往來外，還可以乘車後，再行山前往，這裡還有標示，行山人氏，有九折優惠喎，今餐屬油麻地接辦的包團貨色，整體也屬ok了。

參加了地質公園一天遊，下午安排到糧船灣有利海鮮漁村午膳，吃了一頓團體海鮮餐。白灼海生蝦：海生蝦都算新鮮。清蒸鱸魚：普通，肉質鞋了一點。蒜茸蒸扇貝：扇貝很細隻。蒜茸粉絲汁做得麻麻，粉絲碎濕濕。薑葱焗花蟹：三點花蟹同樣很細隻，蟹肉較少，質素一般。葱花灼魷魚：做得不錯，火喉剛剛好，魷魚又脆又爽口。酥炸蒜香骨：切得非常細粒，無口感。亦炸得過於老身。漁村白切雞：幾好食，有雞嘅鮮味！灼郊外油菜：炒椰菜，過於鹹及油膩。漁村海鮮粥：海鮮就唔覺，只是一煱泥鯭粥，味道尚算鮮甜。總括來說，以團餐作準，質素都算OK。若以自費海鮮餐來說，就唔得喇！另外，此店添加味精頗多，吃畢飯後頗口渴。加上此店位處偏僻，網上comment麻麻，建議試試另一間。

一去到坐低老闆都算殷勤招待, 好快手滿足哂我地既要求. 我地叫左個套餐, 蝦和蜆都可以,蒜茸蒸魷魚好好食,蒸魚也不錯.但之後惡夢就開始了,那個薑蔥花蟹的蟹肉是霉的, 一咬就全散開, 不新鮮.蟹粥無味. 西芹雞丁用的明顯是雪雞又出水.炒飯的叉燒應該是隔夜.汽水要十元一罐,啤酒三十元一支, 雖然是獨市生意也不用去得這麼盡吧? 仲要加一~~~~又不是大酒店大酒樓.咩都唔飲都要108/head... 本人不會再去.

伙計態度很差冇禮貌, 我們10人覺得很熱想換一張抬近風線位, 他說這處個個位也一樣沒有風. 這處很污糟抬和椅很多塵還有一張椅子有屎, 套餐每一碟很細不足十人份量, 上湯焗龍蝦是龍蝦BB仔, 清蒸海石班是魚仔, 上湯菜膽雞是急凍雞冇雞味, 生滾花蟹粥是粥和蟹分開很少蟹, 龍芽炒生麵是早餐炒麵, 他們當我們水魚一樣. 最後收差不多三千, 又食唔飽.

點解下面的食評講到咁差?!尋日我地一行八人去食,食完個個都好開心,老闆都好友善呀!我地係坐自己船去大蛇灣,行山約30分鐘就到,途中經過的地方都有見到其他行山者.食物方面我會推介海膽炒飯,另外咕嚕肉都好靚.其實老闆有快艇可以載客人去附近的地方.如果游船河去食飯,船可以泊在附近,然後請老闆來接你都可以.有利現在有年糕賣,我們買了回家食,好味!

幾個人，食大尿蝦約八隻，三隻蟹，廿幾隻中蝦，其他有細海螺十幾隻，一細碟鮮魷，泥蜢粥、炒菜，加幾條手掌大雜魚，這里收我兩千出頭。加一支三百幾既酒，加一，加炒粉一盒，最後收差不多三千。菜起渣，埋單有成五十蚊又唔找。我有客一齊所以當時唔出聲，反正公司數。不過，我好唔開心，因為發現又多一間無良餐廳。我去過幾次架，我今次食前問過大約幾多錢，個負責人同我講，依張單如果有兩千，咁我就一頸血。哈哈。依個負責人幾咁風趣呀！就算我唔係負責人既friend，都要均真呀。我覺得太離譜。個日我見佢地生意唔錯，有需要咁做？多收少少好啦，不過份量又少，點都說服唔到我接受咁既價錢。唔通一隻尿蝦賣2百蚊？一隻蟹要二百？蟹養到好瘦。大佬，我都去過幾年，真係回頭客，點解佢地要咁樣呢？很很很失望。香港人做生意真係好唔掂。要食，一定要負責人寫明幾多錢先好落單。唔好信佢講既任何野同任何承諾。

明白海膽的季節已過, 但海膽還是有d睇頭, 可能是行山路已又累又餓所以還是覺得OK的但其他海鮮唔OK!寫單的人叫我們去睇海鮮時就有點逼人寫多D既感覺首先是100蚊有8隻的花螺,上檯時我不由自主地和朋友你眼望我眼,就算係西貢或城市中的都無掠水咁深所謂盲蟹的確無野好食,剝殼的話真係食左都補唔番,STAFF又話D蟹子唔食得,真係連少少的驚喜都無埋去食之前他們無講可以搭船去,所以我們搭完的士又再行左D十年無人行過的山路,斜又濕,仲要D蜘蛛網顯然係好耐無人行過的最過份係明明講好盲蟹10蚊隻, 又變左15蚊隻.唉!!!