紅山 (已結業)

作為最近開始在葵興工作的我,周圍去探索不同的餐廳可謂是一大樂事。今天我和幾位同事就來到了位於附近的「紅山」一試。雖然門面看起來不大,但一走進餐廳,卻能感受到寬敞舒適的用餐環境。我們幾個分別點了不同的菜式,有蕃茄薯仔牛筋腩飯、香煎龍脷柳配薯條、忌廉蘑菇雞肉炒長通粉,以及日式鰻魚定食配麵豉湯。品嚐後,我們一致認為這些菜品味道不錯,份量十足,物超所值。餐廳環境雖算不上頂級,但卻給人一種溫馨舒適的感覺。座位又比較闊落,讓我們可以悠閒地享受美食。另外,餐廳的服務態度也讓我們印象深刻。服務生親切周到,迅速為我們上菜,讓整個用餐過程十分順暢。總的來說,「紅山」無論在環境、菜式還是服務各方面,都令我們賓至如歸。作為附近工作的上班族,這裡絕對是我們的最愛。下次來葵興上班,我們一定會再來光顧,也會推薦給身邊的朋友。

為了留言特地開了openrice 賬號。$67 拿破侖意粉只有4口的分量，跟店員反應後只有提供白飯或净意面。味道雖然調的不錯，甜鹹適中，但由於配料極少（煙肉及洋葱給太少）口味單調。南瓜湯（？）淡而無味，不過質感不錯，順滑。還有冷氣滴水，把我衣服都滴溼了。如果有下次的話希望可以改善。

話說今日行過葵興做野，食飯時間周圍搵野食，咁啱見到呢間餐廳門面最新淨就入去試下啦。中午時間都算幾爆場，不過就唔洗等位入去直接安排位比我坐低。餐廳係用QR code掃碼點餐，係工廈區都比較少見，不過啱哂我地呢種選擇慢嘅人！！最緊要係多飯少冰少甜自己點單唔怕漏。叫左個海南雞飯試下，等左幾分鐘就到，都算快。隻雞味道唔錯又大份，個油飯出哂煙熱辣辣好正！！仲有碟仔菜送，凍飲又唔洗加錢，今時今日都算良心架啦。見佢一路多人入黎，待應都好有禮貌無一見我食完就趕客咁，慢慢飲埋杯奶茶先走。整體感覺幾好，下次過黎葵興會再食！！

$25淨係食你個通粉 使鬼食你咩？兩次早餐都冇咗個煎雙蛋都唔係價錢嘅問題… 係冇咗我想食嘅嘢我不如去隔離食貴啲😡裝修完，仲衰過以前 裝修得幾靚都冇用真係以後都唔會幫襯搵自己笨 😡😡😡😡😡

鰻魚定食跟關東煮同一隻蛋，主角蒲燒鰻魚唔係好肥美，得少少魚油味，都係靠甜醬油同半條蟹柳配白飯。關東煮得兩舊白蘿蔔，蛋係一隻熟心鹵蛋。定食亦冇跟麵豉湯。白汁栗米焗豬扒飯，豬扒切左一條條，肉質唔會死柴，炒飯底香口夠乾身，配埋白汁栗米，胃口大增。兩個主食加埋$13x ，份量少，味道可，性價比低D。

紅山不在半島, 在葵興的工廠大廈, 到附近辦點事, 行經紅山, 午飯時間很多人在排隊等位, 肚子剛餓, 一個人比較容易攝位, 便入去睇下有咩好嘢食吸引咁多食客。原來系茶記一間除咗一般茶記午餐, 麵食、客飯, 紅山還有供應幾款較高檔次的特式午餐, 我選了蒲燒鰻魚拼燒帶子。熱奶茶 (跟餐)夠熱, 茶味濃, 都幾滑口。蒲燒鰻魚拼燒帶子 ($70 包飲品 or 餐湯)賣相一般, 味道如何？ 下面分解;粟米粒 ~ 罐頭貨, 欠誠意。照燒鰻魚 ~ 肥美嫩滑, 唔夠香, 鰻魚完全無燒過的跡像, 如果燒一燒出少少油份, 鰻魚才會又香又滑呢, 照燒汁還可, 不會太鹹。燒帶子 ~ 大隻, 帶子爽口帶鮮。米飯 ~ 飯粒好腍, 不像珍珠米口感, 有點失望.

中午喺葵涌的確冇咩好食，係工廈區呢間紅山，唔係朋友仔帶我來我都唔識今日叫咗個燒牛扒拼炸蝦便當先講前菜，右上角嘅係關東煮，有蘿蔔、魚蛋同類似魚蛋嘅嘢（3舊）好味既右下角係一對雜菜，係無味嘅雜菜，清清地囉！炸蝦炸得好脆，可以話係啱啱好！牛扒亦都好淋，而且有牛味，白飯上面有照燒汁，整體來講係好味嘅！分量對一個女仔來講係食到好飽嘅！餐飲除咗一般咖啡或茶之外，可以揀橙汁蘋果汁利賓納，選擇多啲！仲有甘筍忌廉湯送一個午餐＄60 都OK啦！

Yo! 又順順利利幫人化完party makeup! 今次要化6個人甘多，所以第一次租間studio黎幫人化，化完岩岩好四點鐘，一落樓對腳就自然入左工廈區既茶餐廳食下午茶喇!😍呢間紅山唔似普通茶記，位於地牢，燈光有一點昏暗，感覺更似舊式扒房。下午茶menu都分左兩張，一張係麵飯類較飽肚，一張係輕食類醫口痕。我同另一位化妝師都未食午餐呀，囉一大桶飯黎就岩喇!😂😂😂 我叫既係 和風蒲燒鰻魚丼丼飯，店員隨即放下所應對既餐具，叉同匙羹。個匙羹好正呀，大大隻，好似日本大食妹「木下」既專用餐具。和風蒲燒鰻魚丼丼飯 下午茶餐 $55餐牌上其實有寫明茶餐既丼丼飯屬於細碗，其實飯既份量大概是屋企飯碗甘多，上面再放一塊肥鰻魚，對於女生來說這個份量已經夠飽。蒲燒鰻魚入口肥美，食到濃濃汁燒味道，甜甜香香，肉質較軟，偶有一些小軟骨，雖然不礙進食，但都會影響口感。不過除此以外，味道是不錯的。雖然是茶餐廳，但都很認真地用上珍珠米，令原本無甚期望的我感到驚喜👍。餐茶包冷熱飲品，檸檬茶有錫蘭茶香，而且無雜味（試過在某些餐廳飲過漂白水味、洗潔精味、毛巾味（！？）⋯） 工廈區的下午茶時間可謂絕對寧靜，能在忙碌過後寧

紅山算是暫時試過的工廠大廈裡，較為喜歡的一間。午餐的選擇都幾多元化，有港式茶餐廳的菜式，又有日式便當。上一次光顧，還吃了個瑞士餐廳著名的流心吉列豬扒。這天吃了個豬扒飯，有意想不到的驚喜。焗蘋果豬扒飯西餐的黑毛豬，配蘋果蓉並不出其，沒想到港式焗豬扒飯也可以。配菠蘿見得多，蘋果真是頭一回。鋪滿醬汁的焗豬扒飯，第一樣令人驚喜的，是面層厚厚的芝士。要是再焗一點，變得微焦，效果更佳。試完拉成絲的芝士，便到蘋果。切成一片片，焗得又熱又腍，清甜微酸，足足有半個蘋果。唯一不足，不夠多汁。豬扒厚切且醃得入味，碰巧我這份，全都是肉。同事的，有大大條骨。肉已切成塊，不禁想起男友說過，吃豬扒飯要切好的，懶人之選。值得一讚的，還有炒飯底。飯粒不會太腍，又炒得乾身，沒有黏在一起。飯裡混著大量蛋碎，有些還頗大塊的，啖啖蛋香。醬汁正正常常，常見的茶餐廳紅汁。要是能加入新鮮蕃茄，當然更好。可是，這＄55包飲品的午餐，可能就要加價了。最近越吃越多，體重上升。一直提醒自己，不要把飯吃光。結果，豬扒飯的醬汁、肉和飯的黃金比例，卻讓我一粒不剩，整碟吃個清光⋯⋯看似簡單的焗豬扒飯，其實是一門學問。

小Rab首次中午來到紅山，幸好不太多人，毋須等位。甫入餐廳，燈光稍暗，氣氛富情調般。被安排到大枱坐下，熱辣辣的天氣之下，餐廳空調尚算足夠。點餐後，侍應要求我們轉到別的4人座位，我們亦順意移動，因卡位較舒適。小Rab點選的日式牛脷丼丼飯，份量比較細，牛脷薄身軟錦錦，口感尚算不錯，加上內附的燒汁，惹味十足。旁邊有少量螺肉，爽口彈牙帶微辣。丼丼飯$48，在這區也算比較實惠，如閣下不是大食的話，是不錯選擇。

返工放工, 上上落落, 也經常路過此店。但見早餐時段, 工廠地帶, 人人索價HK$20左右一個早餐, 但這裡卻可叫價HK$30-40。作料雖有點不同, 但也不至於要有這個分別吧!! 所以每每卻步不進。同樣, 午市亦一樣, 叫價異於平常, 於是有日便趁下午餐有優惠, 來試試究竟。要的是一個黑椒叉燒意粉。份量相對較細, 對於我這個工廠區大食人來說, 這個絕不能替我去掉餓的感覺。可是下午茶餐叫價加飲品也要HK$38左右, 感覺都是較貴。不過意粉卻是用上原粒的黑胡椒磨粗粒粉爆香而炒, 鑊氣感覺夠。叉燒厚切, 有質感, 可是味道一般。加上幾片彩椒, 惹味, 油不多, 而有鑊香, 感覺可以。可是整體還是貴了一點吧!!

呢頭工業區, 無咩好野食, 呢間已經算係ok, 不過價錢就有d貴, 好似我呢d低薪打工仔, 日日食就一定afford晤起…咖哩豬頸肉飯 (包drink)味道 : 豬頸肉有醃過, 咖哩味道都ok, 晤辣; 不過好水… 應該係煮熟左豬頸肉, 之後就咁放d咖哩汁上去… 所以d味道分得好開… 個意粉太腍, 同埋比較細碟…杯橙汁… 應該係橙汁+水+糖水, 因為好甜但無咩橙味…賣相 : 晤得, 見到晤開胃, 不過食落又ok…Overall: service正常, 野食算係還好… 不過一個lunch要約$50… 好貴…

今午1:15, 工廠區人來人往, 朋友介紹的一間餐廳, 工廠裡有好嘢 ?門口係好特別的一個, 入到去是黑漆漆, 幾特別 。點了一個茄子肉醬長通粉, 配了一個甘荀忌廉湯 。等左10分鐘, 全部食物送上 。茄子肉醬長通粉-- 夠熱, 賣相真的不錯, 茄子長條切成, 長度剛剛可一口放入口,軟度適中, 由於是先用油炸過, 故樣子不錯, 顏色吸引 。肉醬, 多, 少咸, 味道幾好, 是半肥瘦碎肉。長通粉夠滑, 好夠肉汁, 不太溜, 唔錯。甘荀忌廉湯: 有少少蓉, 香及滑, 顏色仲好靚, 非常吸引 。這裡附近一般都是工廠食堂,這裡開一間餐廳果然特別, 還有免費wi-fi提供, 唔錯的一個choice。 而我朋友點了一個鯖魚飯, 外載的不是一個碗, 是一個長方型盒, 飯會多很多而料少, 不是太過吸引 。

紅山確是隱世，看一看食評，只有4則，名不驚人，即便食評也不多一個。紅山之所以隱世，是因為其源自工廠區的地理「優勢」，大門密封，似間Bar多過餐廳，上班族至愛在這裡享用早餐、午餐，用膳過後拍拍屁股便走。也因為工廈不能「打正招牌」在門外掛上店名之故，紅山只簡單用一張A4紙寫上紅山2字。午餐沒有嚐過，早餐倒是嚐得多，有A-G餐，內容都不太牢記，總之有多士餐、米線餐、一丁餐、西式早餐等等都有，今次選蕃茄肉碎米粉配煎蛋、腸仔。蕃茄湯沒有民華(見早前筆者的食評)的酸，但蕃茄茸味及肉仍滲在湯底的每個角落，米粉易吸湯底精華，選此配搭最佳，喜歡粟米的朋友把栗米混進米粉中沒那麼單調。其實紅山另一招牌是咖啡，味道夠濃夠厚，每次沖調比例恰當，誠意推介！(今次飲橙汁是因為腸胃不太好)另外，值得一提是紅山深知各個電話用戶喜用上網功能，紅山位處地牢半層，接收不好，於是紅山提供了Wifi上網服務，不少人早上喜來紅山上網、看報紙，總好過去大型連鎖食店吧！

同事叫, 一同去了這家餐廳.同事也齊吃牛扒set, 但廢事開學前敏感還是吃豬柳.沒有特別, 一般的, 少少腍, 起碼不算乾囉.汁也沒見特別可口.不明為何要$43, 同貿易廣場美心一樣, 物非所值.店員服務態度亦不見有禮過人, 不值.