紅椒力量

營業中

休息中

今晚去開紅磡，求其搵咗間餐廳食晚飯。呢間餐廳嘅菜單上面有好多扒餐，似乎係比較出名，但係今晚唔想食咁Heavy，所以叫咗個鹹魚雞粒炒飯。Emm… 個人覺得個炒飯質素一般，首先啲飯太濕，我比較鍾意乾身嘅炒飯，另外啲鹹魚唔夠香，成碟飯嘅味道偏淡，我會覺得唔合格。

我今日約同好友去紅磡行街，順道去位於必嘉街92號紅磡灣中心12號地舖的紅椒力量餐廳食午餐，環境舒適開揚，坐得舒服。我點左個精選扒套餐#1603的香煎羊扒$135，配意粉、餐飽及燒汁，餐飲係熱咖啡；好友點左個優質小菜＃8205的西蘭花帶子$85，配中湯及白飯。羊扒煎得外皮香脆，肉質嫩滑及羊味濃郁，配菜豐富又新鮮，熱餐飽揸牛油好食，羅宋湯好好飲，意粉軟腍有咬囗，熱咖啡好香。西蘭花帶子賣相吸引，西蘭花炒得青綠好味，帶子好大隻又好食，中湯好好飲。

同同事經過紅磡做嘢，咁啱經過呢度見到好似同之前唔同咗新裝修，又到午餐時間，所以就入咗去食。叫咗兩個午餐有主菜有湯同埋有嘢飲，估唔到個羅宋湯到勁多材料喺入面，好多唔同嘅蔬菜蕃茄味亦都非常之重。🍗海南雞飯雞肉都好嫩滑，肉嘅份量好多，雞油飯唔會食到成口油都好乾身但係充滿雞油香味。有埋三款醬汁俾你配襯，好抵食。🍖泰式豬髀飯份量多到同事都食唔晒，肉好多，而且豬皮都好彈牙好充滿骨膠原。味道調配得好好都幾入味。

今日朝早去紅磡有野做，搵左呢間餐廳食過靚早，睇落去新裝修，好多卡位坐🍽️精選早餐🍽️沙嗲牛肉麵配黑松露炒蛋拼牛油多士沙嗲牛醬汁好濃，牛肉軟滑，配埋公仔麵一齊食，唔會好鹹炒蛋滑溜帶有黑松露，令到個蛋更有層次烘底牛油多士，非常滋味餐飲茶走，煉奶奶茶，好滿足🍽️豬頸肉米線配煎蛋餐肉平牛油多士煎煮厚切豬頸肉，清湯米線，作為早餐，喜歡清淡一點，不過唔喜歡清湯的話，可轉冬陰功湯底嫁香煎煎蛋餐肉夾牛油多士，變左個三文治食，一樣美味餐飲熱檸茶📍紅椒力量

今日去咗紅磡搵朋友，夜晚嚟到呢間茶記食dinner。是日晚餐我成六款選擇，可以自由搭配，亦有其他set揀，出邊比較少見。第一款可以揀豆豉/菜遠/涼瓜配牛肉/肉片/排骨配白飯/炒河/炒麵。我哋要咗涼瓜排骨炒河。涼瓜同排骨嘅份量比想像之中多。涼瓜苦苦地，排骨幾嫩，煮得夠淋身。炒河好掛汁，惹味又唔會口渴，整體搭配好match，而且都只不過要$68，連埋餐湯再加嘢飲。好抵食。第二個要咗福建炒飯，好耐冇食啦。炒飯炒至粒粒分明，蛋香味好出，有驚喜。上面嘅配料舖到好滿，樣樣有齊，有咬口，可以按照個人喜好選擇撈幾多飯變濕飯，唔夠飽仲可以加飯，正。最後要埋清炒菜心，夠新鮮而且幾爽。湯都唔錯，有羅宋湯同粉葛豬骨湯，一中一西，又熱又夠味。

泰式二人粉麵-$198冬陰功肥牛河粉-落料十足，夠檸酸味，同辣味。喇沙咖喱雞翼米線-整體濃郁，夠椰味。4隻生炸雞翼配搭唔會搶走啲湯味。佢哋嘅咖喱值得推介。絲網春卷-金黃脆炸，熱辣辣，小心咬碎啲，唔好刮喉。馬拉盞炒菜心-用嘅菜心好幼嫩，容易入口。餐飲-味道均勻。整體而言：餐廳內部裝修過嚟。乾淨企理。有好多香港人喜歡嘅菜色，除咗我哋今日食嘅泰式二人餐之外，亦都有抄小菜，鐵板扒餐，早餐，下午茶。價錢適中。

是晚到左朋友屋企附近的紅椒力量食晚飯，貪佢地方大唔使等位，仲好多卡位坐得舒服。七點幾黎到，乜今晚咁靜嘅？唔通出晒市區賀新年？定北上左？😅店員示意隨便揀位坐，隨即送上水。睇下餐牌食咩好先，佢本身係泰菜餐廳，但係而家多咗好多港式小炒，仲有二人套餐四人套餐嗰啲添，價錢十分貼地。⭐例湯是晚例湯係蓮藕排骨湯，個湯幾甜，蓮藕好腍好粉，正喎😋⭐XO醬茄子牛仔骨煲叫咗個牛仔骨煲，茄子走過油，皮脆內嫩好好味。牛仔骨有咬口但不韌，份量不少添。雖然無乜XO醬味，但個調味都唔錯㗎。⭐西蘭花炒花枝鮮魷西蘭花翠綠爽口，花枝片彈牙，炒得香口有鑊氣，正😋⭐白飯太大碗好飽呀😂⭐熱檸水 & 鹹檸七小菜餐唔包飲品，可以用半價加配，叫咗一杯熱檸水同一個鹹檸七，酸酸地正好幫助消化😆無加一，幾抵食呀👍

之前食咗幾次都冇留意個名，茶餐廳來說環境都算幾寬敞，大部份都係卡位，而且比較光猛，通風都足夠，無論快餐、小菜、海南雞飯我都覺得唔錯，下午茶餐大約40幾蚊左右，喺呢個百物騰貴年代，真係糧尾之選-小菜方面，一定要試吓魚香茄子煲$85即叫即整勁有鑊氣，講質素已經秒殺70%嘅小菜餐廳，特別鍾意佢嘅魚香茄子入面有大葱調味，茄子已經走油特別香口，味道香濃非常下飯，份量絕對足夠，上次食唔晒仲要打包走-海南雞飯：諗過茶餐廳嘅海南雞飯都唔錯，最重要係雞唔會太肥，雞髀肉都係滑唔會黐牙，主打性價比高，$58食到一碟份量足夠嘅海南雞飯，價錢很貼地-星洲炒米：一放低我真係俾個份量嚇親，基本上係平時茶餐廳嘅1.5倍，唔使擔心會辣，味道比較溫和，同埋都有鑊氣，最緊要係即叫即炒，$58可以食到即炒嘅星洲炒米，相信平過唔少大排檔-例湯：羅宋湯同中湯表現都OK，但係我比較鍾意羅宋湯，飲落去幾順口

今日天氣超凍，所以遲咗起身，但係無論點都好臨急臨忙都要食返個早餐先，咁要快靚正，梗係落啱啱新裝修完嘅紅力量啦！要咗一個防鮑魚火腿通粉，再加黑松露炒蛋配牛油多，再加一個沙嗲牛肉公仔麵，配牛油多同埋餐肉煎蛋。味道當然好好味啦，價錢亦都相當相宜，兩個都係$36 ！特別鍾意呢度嘅黑松露炒蛋，黑松露味好香，炒蛋亦都整到好滑，超好食！嚟得茶餐廳，當然要返杯凍嘅鴛鴦啦，呢間啲鴛鴦味道唔錯，好順滑，飲完就真係精神返晒！

餐廳我之前幫襯過，炒粉麵好有穫氣，好有大排檔水準。今次過來，餐廳已經重新裝修過，望落更光猛，座位闊落又乾淨，坐得舒服。呢度基本上唸得出既野都食到，連小菜都有。今次點了海南雞飯。平時係連鎖快餐店都有食開，估唔到呢到更大份，價錢更相宜，十分之有誠意。雞肉食落超嫩滑，雞脾雞胸肉都有。點雞的醬油膏有點黑糖味，同雞肉都幾夾。油飯粒粒分別，色澤好靚。例湯夠足料又夠味。餐廳性價比高，又多選擇，以後午餐又多一個好去處。

去黃埔行入少少必嘉街紅磡灣中心有間東南亞菜，見佢大間企理光猛，餐牌選擇又多就入咗去試吓，卡位坐得舒服闊落👍🏻主打星馬菜同港式小炒，我哋就叫咗個二人餐兩樣都可以試晒$150有兩款中式小菜，加$30可以轉半隻海南雞，仲包例湯、白飯、飲品，嗰餐豐富得嚟都算幾抵食，例湯有中有西，飲品係普通茶記水準椒鹽肉扒多肉少骨有鑊氣，椒鹽好入味，豬肉夠林，好好送飯海南雞半隻份量都幾多，配三款醬汁，雞髀當然滑，連雞胸都好滑

見呢間餐廳裝修完地方幾大就入黎試下,除左平時茶餐廳既款式居然仲有泰式😂價錢都幾相宜唔算太貴😀《馬來沙嗲(半打) $78》揀左三串豬三串雞,豬肉串燒好好食,雞肉都ok,肉質唔鞋,但個人推薦豬多啲,半肥瘦好好食!!👍🏻《炸絲網春卷 $56》春卷即叫即炸,炸得好脆,調味適中,唔會太咸🙈《冬蔭肥牛湯金邊粉 $66》冬蔭公湯微辣,肥牛既份量都幾多,仲有好多芽菜,唔錯!整體感覺都唔錯,款式選擇多又抵食,食物質素都幾好🙈紅椒力量紅磡必嘉街紅磡灣中心12號地舖[⭐️5分為滿分]味道⭐️⭐️⭐️⭐️環境⭐️⭐️⭐️服務⭐️⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️

今日喺紅磡揾地方 late lunch，見呢間2點已有下午茶餐又幾多嘢揀，一於試試。相比一般茶餐廳主打小食或只有幾樣嘢揀，呢度淨係炒粉面飯已有二十款，仲有泰式撈檬，選擇極多。叫咗星洲炒米，雖然只收$43，但絕對係即叫即炒，上枱熱辣辣夠鑊氣，大大碟配料充足味道ok，唔會因為係特價茶餐而減料減量，抵俾個讃👍🏻跟餐熱檸茶味道不過不失，算大杯同多檸檬。以呢個價錢做到呢個份量同鑊氣，性價比不俗。下午茶時段去到6點，亦不失為紅磡抵食 early dinner 之選。

估唔到茶餐廳嘅泰國菜做得咁高質 ！今日咁啱咪係咁做嘢喺呢邊附近搵嘢食下午茶時間嚟到有好多下午茶選擇泰式豬髀飯份量超級多一啲都唔似下午茶！豬髀唔係好腍但係有咬口啱啱好，連埋膠質滿滿嘅豬皮食好正，滷水味道都好入味，配搭埋旁邊嘅鹹酸菜食完全可以解膩！香茅雞翼見隔籬枱叫咗呢個香茅雞翼好靚仔於是跟住嗌咗瞓，一份有五隻全部都炸得好酥脆，而且好香香茅味，好彩唔會過鹹因為出邊食過有啲香茅雞翼腌得太犀利導致好鹹整體性價比超高而且食物上枱快，超級適合放飯時間嚟食

行過見到新裝修，環境都幾闊落，而且餐牌菜式非常多選擇，就諗住去試下晚餐見到有鋸扒有小菜，仲有泰式野食兩個人就order左泰式二人粉麵餐試下式泰二人粉麵套餐($196)包括兩碗湯粉，小食一個，一碟炒菜，兩杯飲品香茅豬扒冬陰功金邊粉金邊粉一大碗，湯底好濃味好夠辣，豬扒份量好多，而且肉質唔韌，相當入味扎肉雞湯河粉扎肉同平時唔同，好厚好有咬口，而且唔會太鹹，清清地配雞湯，都有泰式味道沙嗲串燒(豬、雞)啖啖肉，唔會燒到好乾，而且有醬汁點下，酸酸地真係幾醒胃，食落口唔會膩蒜蓉炒芥蘭原本以為油菜size，點知黎到係小菜size，好有份量又有鑊氣，都相信其他小炒都唔會失禮