紅椒力量

營業中

休息中

紅磡現在食肆林立，多選擇到不得了，但紅椒力量係朋友住附近食過都推薦的一間，那今天就順便搵人再食埋飯。店內很大坐位距離夠濶落冷氣又夠，坐得挺舒服。餐牌又選擇夠多，見到很多中式菜又煲仔菜又泰菜及鐵板，見到都口水流我地中西泰合璧選了豆腐火腩煲，馬拉盞炒通菜同我好耐冇食既鐵板西冷牛扒再加個椰青通菜炒得很有鑊氣，超級惹美，即使說小辣都很好味😋豆腐火腩料多肉質不錯又有支竹，配飯一流鐵板西扒通常都係我首選點的，牛味肉算濃，不會過熟很易切，配埋茄汁意粉🍝非常夾整體來講價錢相宜又坐得舒服😌怪不得朋友都會再encore佢地碟碟都大大份的，我地都食到三分二，都真的好滿足又飽肚

紅椒力量抵食茶餐廳! 舊式冰室+泰國菜呢度晚市好多人,原來有泰國菜食又有茶餐廳菜式可以由上碟睇到幾有心做,腸仔都介花,睇落都好吸引有加分鐵板餐,港式風味,牛扒大大件,加埋司華力腸,仲有水煮蔬菜薯條係粗薯,個汁唔太辣,易入口,鐵板上時出曬煙牛扒有2件!!好抵食,一般都係一件牛扒就算,cp值高牛扒都唔細件架! 有少少黑椒醃過,食起黎幾好食,過下鐵板引份量真心多,仲有餐湯呢~麵包 100蚊有找食港式鐵板算抵了~另一款招牌港式焗豬扒飯身炒得爽,蛋炒飯,再加上傳統既番茄醬汁再焗,如果加芝士會更加香呢~,好食,豬扒都代剪上件,大大盤好抵食紅磡必嘉街紅磡灣中心12號地舖Shop 12, G/F, Hung Hom Bay Centre, Hung Hom #紅椒力量#canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie #香港美食

這間紅椒力量的茶餐廳，內邊除了有港式炒粉麵，還有越式，泰式及西式的菜式選擇，價錢平民化。上湯豬扒金邊粉大大碗，包埋餐飲只是$38. 上湯清甜，內邊有淋身紅/白蘿白，豬扒醃得入味，煎得香口，肉質鬆軟。泰式滷豬脾飯$51, 豬脾滷得入味軟淋，無骨易食，外皮嫩滑，吃後嘴唇有黏黏的感覺，但可以切薄身一點會更好，配上酸菜可減肉的油膩感。串燒$68 有半打，選了豬/雞各三串，燒得香香，而不乾身，食串燒當然沙嗲醬都很重要，他們的沙嗲醬很香花生味，不錯。

搬左黎紅磡一陣子，發現呢度嘅街坊餐廳，尤其係茶餐廳，真係花多眼亂。星期六午餐，如果無時間去慢慢品味大馬路嗰幾間文青cafe，呢間都算係又平又多選擇。呢間餐廳除左有港式焗飯扒餐選擇之外，仲有泰式嘅快餐。由於我係一個港式茶餐廳人，叫左個焗豬扒意試試水平先。以焗飯/意星期六下午都仲做到51蚊，真心算係咁，豬扒都有誠意嘅，算係大塊，仲成塊上。此外，杯奶茶真係唔錯，茶底味夠，加埋奶都夠滑。紅磡平靚正之選，榜上有名啦！

今日出開嚟紅磡區，同老公去咗呢間餐廳食lunch。餐牌好多選擇，有泰國菜、西餐、中餐小菜，我哋樣樣都想試吓，所以咩都叫咗啲泰式鳳爪鳳爪酸酸甜甜，好開胃，份量都多，好食鐵板帶子西冷牛扒上菜時俾塊牛扒嘅份量嚇親，好大塊😝，配埋啲洋蔥汁幾好食，有大量薯條半碟，食完超飽！海鮮雜菜煲個海鮮煲份量好大，有好多海鮮，有青口、魷魚、蝦，出街好少機會食到菜，呢個海鮮雜菜煲啱晒我今餐食到超飽！見到佢lunch time嘅Menu都好抵食，有機會下次試吓

本身我一直都係openrice嘅cd rom，但係呢一間餐廳我真係要特登為咗佢而寫一篇報告食評。嚴格啲嚟講其實又唔算係食評，因為我想話俾人哋知呢間餐廳嘅侍應個個都態度好囂張又串嘴。本身一入嚟我好聲好氣同佢講“我哋兩位”，有一個阿叔侍應就用唔耐煩嘅態度就講 ”有位就坐啦，唔得閒招呼你哋“，之後一路行去水吧一路念念有詞 ”自己搵位坐低喇，咩兩位啫“，真係當正自己係澳牛餐廳😒之後我哋坐低諗好叫咩嘢食之後，就叫另外一個侍應幫我哋落單，嗰個侍應好似撞聾咁，講咩都要重複一次先得🙄我：唔該我要一個504號餐 ”上湯扎肉湯粉轉檬粉“侍應：加唔加嘢飲？我：凍檸茶侍應：你咁樣加要加十蚊我：照加啦冇所謂侍應：（念念有詞）都唔明點解你要睇咁多menu，另外一個餐牌落就唔使加錢啦我心諗，咁樣你又話我，我鍾意加錢唔得咩？係唔係睇唔起我冇錢先？加多一百蚊我都俾得起呀😒😒😒如果你好聲好氣提我另外一個餐牌落單唔使加凍飲我條氣都順啲，再加上一入嚟門口嗰個阿叔侍應已經搞到我心情差，而家又俾你咁樣串我，真係未食都已經飽哂。唔會再嚟。

今日一家6大兩少黎食飯 服務真係不敢恭維8個人食晚飯800講真對野食有要求的話我唔敢但係咪平就可以侮辱我地呢首先我地倒瀉咗野飲 叫女侍應比紙巾 佢望一望我 擺低左比餸 就走左 我以為佢拎比我啦 點知佢去上飯比我地 再去上埋野飲 再上多一轉野飲 先拎比我 都算喇 我地4個一排咁坐 一個小朋友入面一個出面 條女係小朋友上面上菜 我地叫佢唔好係呢度上 佢又係冇應機 返左去同男侍應咬耳仔 之後個男人就過黎上餸 我地叫停佢佢硬係要係小朋友頭頂上菜 我地話佢佢仲眼超超 之後經理過左黎話佢地啲同事食好難教 我都無語了 我地一路食一路比佢地ber 成餐飯未食就飽哂野食方面 睇相 都對得住一人$100環境方面 近水吧位全程有收音機

中午行咗去紅磡食飯，之前成日經過「紅椒力量」，但幫襯都係第一次。我喺門口睇佢一系列嘅餐牌已覺得花多眼亂🙈，午餐選擇超過二十款，鹹蓋港式滋味同埋東南亞風情。店員非常好客，見我哋頭痕嘅樣子，就主動作出介紹👍。午餐除咗選擇多之外，價錢亦都好相宜，人均消費四五十蚊就搞掂，難怪有咁多街坊幫襯。新加坡海南雞飯($51)，套餐內容好完整🥢，有齊例湯、香油飯同三色醬料。先講海南雞，雞肉好入味，肉質夠嫩滑，雞皮爽而不膩，師傅好手勢🐔，但扣分位係並非去骨，唔啱我呢啲小朋友食，講笑啫，哈哈。🍚油飯令人喜出望外，齋睇色水覺得無乜特別，不過原來勁香，油份適中，飯質軟熟。唔鍾意食飯嘅我都成碗食晒！至於例湯就屬正常水平啦，唔味精嘅。美式什扒($78)，呢個餐係我同事點，大食嘅佢食完都話飽晒🤰。菜式擺盤精美，絕對唔係求其將啲肉放埋一齊。食雜扒可以一次過滿足多個願望，集豬扒、牛扒、雞扒、雞翼、香腸同火腿於一身，切都切到手軟啊。🍕肉嘅質素都唔差，唔係用鬆肉粉醃到過晒火嗰種。醬汁要咗洋蔥汁🧅，幾惹味，分開上可自己控制落幾多。伴菜有手切薯條同瓜菜，唔夠食仲可以加$10要飯或者意粉。扒餐跟餐包同羅宋湯，兩樣都唔馬虎。🥖麵包熱辣

每個星期日早上都會趁早冇乜人去買外賣早餐，佢哋好快手精美早餐：沙嗲牛肉公仔麵加黑松露炒蛋同埋牛油包最後加埋杯熱奶茶都係$33鍾意呢間啲公仔麵唔會煮到過熟一pat pat，每次都係未夠100%熟，咁返到屋企自己倒埋啲湯入去，首先食咗蛋同麵包，口感就會啱啱好！炒蛋同奶茶我都覺得好好味不過留意番每個外賣會額外加$3

是日想吃鋸扒，但友人想吃泰菜，見到呢間餐廳，岩哂大家口味。😹餐廳食物種類多，一般茶記既食物都有，仲有其他菜式。我要左一個司華力腸配肉眼牛扒，配薯菜黑椒汁。包餐湯，友人個set無湯跟，但職員都好好，話送多一個湯比我地，中湯西湯，中湯好足料！牛扒有兩大塊，正常呢類型餐廳都十成熟，但上碟大約八成熟，肉質唔靭👍薯菜有驚喜，粗薯條，薯塊表面有啲蜜糖，好味😋！友人食泰式豬髀飯，豬髀炆到好淋，好入味，份量都幾多！龍眼冰同奶茶紅豆冰

今日去黃埔入貨，回程時沿途時在必嘉街看看有什麼好吃，看到一間「pepper power 💪🏻」價格親民，而且是中西泰的餐廳，任君選擇🤪午餐有太多選擇，而且只是$51 🙊 又有湯和一杯飲品🫣德國鹹豬手，豬手很大隻，又多肉。跟黑椒汁，但豬手本身調味已經很足夠，所以可以不用也可以👍🏻配菜方面有厚切翠玉瓜同甘筍，口感夠爽口👍🏻海南雞飯，雞件肉質鮮嫩，油飯香而不油👍🏻 $51 超抵！特飲加$10 ..奶茶紅豆冰 ..奶茶夠滑，紅豆夠沙！夾埋一齊又幾好飲🙊還有椰汁紅豆冰

平民價泰菜餐廳🍴今日同屋企人經過黃埔呢頭店內裝修簡約，環境寬敞又有西餐又有泰菜！一於全部都試！鐵板孖頭牛柳 黑椒汁✨正常發揮！超耐有食呢啲鐵板餐啦熱辣辣！牛柳好腍，好食！仲要完全冇筋，配埋薯菜真係一流！海鮮喇沙🦞🍜超濃喇沙湯底，揀左金邊粉！食落好掛湯，仲有好多唔同海鮮！有蝦、魷魚、豆卜、八爪魚🐙馬拉盞炒通菜🥗好有蝦醬味，偏濃味偏鹹紅豆奶茶茶底好濃！奶茶夠滑好似紅豆冰咁，好正！青檸梳打夠哂清新！！

放工去左紅椒力量食晚飯，叫到成枱野食🤣每碟都大大碟，份量十足！每個餐都有餐湯同餐包，仲有野飲！抵啊！😎 分享下食左咩先..🥘鐵板美式什扒配薯菜懷舊港式經典😍乜都有！牛扒豬扒雞扒，仲有火腿煙肉同腸！薯菜有粗薯條同菜等，堆到一座山咁🤩 雞扒最好食！啖啖肉又滑又juicy！豬扒都好食，好香！..🍛青咖哩豬扒飯好少見青咖哩！通常係專食泰菜既餐廳先有，咁特別就叫返個試下先！青咖哩小辣，最鍾意佢落左少少椰汁甜甜地咁，好開胃！撈飯食一流！豬扒都幾多，好好食..餐湯叫左一中一西，羅宋湯好惹味，仲好多料，有唔同蔬菜同洋蔥，好正！中湯有紅蘿蔔同瓜，好清甜！配埋牛油餐包一齊食，正！..叫左兩杯特飲🤩一杯係椰汁紅豆冰，一杯係龍眼冰！椰汁紅豆冰好好飲，好香，紅豆勁多！龍眼冰超清甜，勁多龍眼肉，飲落去好舒服好滋潤..呢度坐得好舒服，卡位大又闊，環境好乾淨！呢餐好滿足，工作一整天既疲勞都消失，叉足電啦！

Pepper Power紅椒力量今日同屋企人喺黃埔果邊食飯， 必嘉街食肆林立，媽媽又想食泰國嘢，揀左呢間Pepper Power 試下。招牌海南雞飯同泰式豬髀飯必食👍🏼海南雞肉嫩汁多，雞皮唔肥， 食埋都唔罪惡，配埋雞油香飯，絕配！豬髀飯而家都仲回味緊， 豬皮脂肪入口溶化， 豬髀肉好入味， 有配酸菜可以中和油膩感，超好送飯。另外再叫馬拉盞炒芥蘭同豬頸肉喇沙面， 店員非常貼心， 見我話媽媽牙痛，幫我安排炒淋d。芥蘭熱辣辣， 新鮮又夠馬拉盞味。豬頸肉喇沙面椰汁味濃，豆卜索哂椰香湯味，豬頸肉油脂均勻。order左幾款特飲都唔普通，好少泰式餐廳有嘅奶茶紅豆冰、涼粉冰，同椰汁三色冰， 三款都好有誠意。仲要價錢好經濟實惠，性價比高👍🏼

位於紅磡必嘉街的「紅椒力量」，係一間港式泰菜餐廳🍴店內裝修簡約舒適，收工或放假嚟嘆番餐就最好不過皇牌咖喱牛腩飯餐廳招牌黃咖喱，入口微辣，帶陣陣椰汁香～牛腩份量勁多，啖啖肉，吸收晒咖喱汁嘅精華，佐飯一流馬來海鮮喇沙湯金邊粉喇沙湯底好濃厚，味道濃郁且帶椰汁及辣香！幼滑金邊粉好掛湯呢😋海鮮配料有魷魚🦑鮮蝦、青口、魚片及雞蛋等等，鮮味十足，好好食呀馬拉盞炒雜菜店員推介的馬拉盞炒雜菜，有生菜、椰菜花、白菜仔、蘿蔔、辣椒🌶️翠玉瓜等等，七彩繽紛，營養豐富又健康奶茶紅豆冰香滑港式奶茶配上粒粒紅豆冰，口感豐富，甜而不膩龍眼蜜呈深啡色的龍眼蜜，裏面有唔少龍眼肉～加咗黑糖，清甜滋潤，正呀