影片
港鐵鑽石山站 A2 出口, 步行約2分鐘
繼續閱讀
電話號碼
21726188
營業時間
今日營業
08:00 - 23:00
星期一至日
08:00 - 23:00
以上資料只供參考, 請與餐廳確認詳情
看到一蚊優惠，反正今天下午在新蒲崗，順便在此晚餐。由紅A行過來，平日時段，未有客滿，可馬上入座。古法羊腩煲 細 將有冷空氣到港，所以選擇羊腩煲。羊肉早已煮好，以小火爐在枱上加熱，保證熱辣辣。羊肋條，羊腩肉，支竹，馬蹄，菇，原來煲底墊有多件白蘿蔔。羊肉不太硬，唔羶，柱候醬不太濃郁，不會過鹹，無需配白飯。金銀蛋浸時蔬 沒有莧菜，唯有選菜心。菜心清甜，無苦味。黃金磚脆豆腐本以為是普寧，原來是粒粒炸豆腐。厚實的黃金外皮夠香脆，豆腐當然熱辣辣。 炸皮很乾身，油份不多，即使沾上喼汁，喼汁也沒有遺留過多油花。而碟子底部不算太油膩，沒有＜瓊＞油。來到最尾一口，炸豆腐仍是乾乾爽爽。很喜歡這個少油的脆豆腐。生菜包配惹味炒鴨崧 總覺得羊腩煲不夠飽，再加一份小食。鴨崧，應該是來自片皮鴨，配上萵苣粒，彩椒粒，唐芹粒，整體香甜惹味 。直接舀出一匙在生菜上，放入口，全部材料細細粒，容易咬。原來可以唔要花生！！！！
繼續閱讀
見到呢度出左$1蚊晚市優惠，有半隻片皮鴨，仲有另一款$1 係燒汁洋蔥澳洲牛肩胛😲 即刻去左食！一入去就見到環境好大好闊，有成7500呎😲 以高質燒味同精緻點心為主.是晚我地一坐低就叫左$1片皮鴨先，驚無哂，雖然只係$1，但唔係俾好少份量或好cheap既料，佢地直接成隻鴨推去我地面前，然後有專人係我地面前慢慢切開隻鴨逐塊片開，排好一片片鴨肉係碟上，連埋鴨皮都一齊片，然後會分開上埋兩籠麵皮、醬汁、青瓜條同蔥絲🥢$1有哂咁多野真係好驚喜，鴨皮又香又脆👍🏻 將件鴨肉放上麵皮，加青瓜條同蔥絲包埋一齊點醬食，惹味！麵皮本身皮薄，加埋內餡，肉汁四溢.我地仲叫左紅樓炒飯，睇賣相幾夠鑊氣，飯粒炒得乾爽粒粒分明唔會淋，而且仲有蝦同帶子，比想像中好，最後仲送左兩碗紅豆沙👍🏻
繼續閱讀
$1 就食到京式金牌片皮鴨🐣🦆原隻鴨咁樣呈上然後慢慢同你切 呢度嘅刀功好厲害😦真係切得好完整 可以排番出黎傳統既食法就係一籠蒸皮、青瓜、蔥絲、醬汁包住咁食實在好滋味😳👍👍鴨片香酥夠色，食落口肉汁四溢，火候掌握得幾好👍💛酒醉香乳鴿又係盡顯功夫既菜🦆切完之後完美既分開左兩邊 仲要好多肉肉質細膩，滑嫩多汁🤲🏼🤲🏼同特製既花雕醬汁酒香與肉香交織，餘韻無窮👐🏼🧡黃金脆蝦球好大隻又新鮮老少咸宜
繼續閱讀
新年前想給父親億點點驚喜，於是與父親一起食他喜歡的中菜去。首先點了魚香蝦球脆帶子，上菜一刻呈現煙霧瀰漫的迷幻感，視覺感爆棚，再以爽脆彈牙的大蝦與鮮嫩厚彈的帶子肉以咕嚕甜酸的炸法炮整出惹味的一道海鮮菜，配以菠蘿、士多啤梨、沙律菜和秘製時蔬醬的活現感令海鮮在口中爆發出新滋味美。然後再點一個一蚊羊腩煲，大件羊腩，羊皮彈牙充滿膠質，有蘿蔔、冬菇、馬蹄、西芹大蔥等蔬菜做配料，令羊腩更添鮮味。另外，蔬菜類食材經過父親推薦配搭出一個古法食法，沾腐乳，令其吸入羊腩味的蔬菜更具特色。而羊腩湯底送飯簡直一流！兩個人足夠飽肚又便宜！
繼續閱讀
呢排天氣轉凍，收工同屋企人食飯，佢哋建議食羊腩煲，食完個身暖盤笠。紅樓位於新蒲崗，最近推出左💰1食羊腩煲。前排公司團年飯食過紅樓圍餐我覺得經濟實惠，所以帶屋企人黎食晚飯。紅樓位於啟鑽商場1樓，餐廳佔有7500呎。💰1蚊羊腩煲，羊腩數量都多，除咗羊肉仲有蘿蔔，枝竹，食完成個人暖晒。我哋仲點左個龍蝦🦞汁蝦球伊麵💰168蝦🍤球爽口彈牙，龍蝦汁滲透每一條伊麵，成碟比我哋清晒。茶位🍵一個💰14總結：紅樓價錢經濟實惠，所以一直咁多客人支持，位置舒服，乾淨。#羊腩煲 #1蚊羊腩煲 #片皮鴨
繼續閱讀