紅樓

營業中

休息中

看到一蚊優惠，反正今天下午在新蒲崗，順便在此晚餐。由紅A行過來，平日時段，未有客滿，可馬上入座。古法羊腩煲 細    將有冷空氣到港，所以選擇羊腩煲。羊肉早已煮好，以小火爐在枱上加熱，保證熱辣辣。羊肋條，羊腩肉，支竹，馬蹄，菇，原來煲底墊有多件白蘿蔔。羊肉不太硬，唔羶，柱候醬不太濃郁，不會過鹹，無需配白飯。金銀蛋浸時蔬 沒有莧菜，唯有選菜心。菜心清甜，無苦味。黃金磚脆豆腐本以為是普寧，原來是粒粒炸豆腐。厚實的黃金外皮夠香脆，豆腐當然熱辣辣。   炸皮很乾身，油份不多，即使沾上喼汁，喼汁也沒有遺留過多油花。而碟子底部不算太油膩，沒有＜瓊＞油。來到最尾一口，炸豆腐仍是乾乾爽爽。很喜歡這個少油的脆豆腐。生菜包配惹味炒鴨崧  總覺得羊腩煲不夠飽，再加一份小食。鴨崧，應該是來自片皮鴨，配上萵苣粒，彩椒粒，唐芹粒，整體香甜惹味 。直接舀出一匙在生菜上，放入口，全部材料細細粒，容易咬。原來可以唔要花生！！！！

從街坊口中得知，鑽石山啟鑽商場內有間佔地7500呎的豪華中菜館「紅樓」，最近有個冬日暖心晚市優惠，就係$1片皮鴨及$1羊腩煲！咁抵食，今晚一於去晚餐！～片皮鴨店員會在你面前即席片皮，真的皮脆肉嫩，風味獨特。搭配甜麵醬、蔥絲、青瓜絲等小料，卷在薄餅中食用，層次豐富，色香味俱佳。～羊腩煲羊腩，肉質酥軟，入口即化，羊膻味被香料和調料充分中和。搭配支竹、蘿蔔等，吸收了羊肉的鮮美，暖身又滋補，令人感到舒適滿足。～砂鍋鮑汁海鮮飯鮑汁將米飯和各種海鮮如蝦仁、帶子等完美融合，米飯粒粒分明，吸滿了鮑汁的精華，以砂鍋盛載，熱辣辣香噴噴。

位於鑽石山嘅《紅樓》地點方便，地鐵一出入啟讚商場上 1 樓就到。聽其名意會到係中菜館，佔地有成 7500 尺，咁大地方，除了平日可以嚟飲洒晚飯外，作大排筵席嘅婚宴 或 壽宴 相信都冇乜問題。今次係我第一次嚟呢度，見到有$1羊腩煲咁抵，更係要嗌下。✨️羊腩煲羊腩肉質鮮嫩細緻，不單羊肉不羶，最犀利嘅係連羊皮也整到不羶。配予冬菇、薑片、馬蹄 和 支竹來吃，味道豐富。食完感 驅寒缓胃，啱哂冬天來食。✨️香芒魚子大蝦完全係冇嗌錯佢，色、香、味俱全。色 ~ 主調鮮豔嘅營光黃色，非常吸睛。香 ~ 誘人鲜芒果味香噴噴，令人垂涎三尺。味 ~ 大蝦Q彈，魚子味濃鬱，鮮芒果味醬汁和伴碟生果辭腻醒胃，超級美味。📍鑽石山 啟讚商場一樓

‼️$1‼️真係$1就可以食到羊腩煲或者片皮鴨，真係超級抵呀！😱開頭我哋都以為睇錯😳原來而家有晚市優惠，2至6位可以揀一樣$1 羊腩煲/片皮鴨，7位或以上可以$1 羊腩煲 + $1 片皮鴨食晒兩樣，太過癮啦！😍餐廳環境光猛明亮，座位間隔尚算闊落，保持到一般酒樓嘅熱鬧氣氛，咁岩做冬嘅節日，呢度特別熱鬧✨優惠期由即日起到1月9號，快啲嚟試下啦😆🍲古法羊腩煲 $1 (😸😸😸😸😸)$1就食到羊腩煲，黎到仲要香噴噴，入邊仲有好多材料㖭😍材料包括炸支竹、白蘿蔔同入味冬菇片🩵全部都吸滿湯汁，真係惹味得黎又唔會太油膩😋羊肉肥瘦比例均衡，羊酥味濃郁但唔會過重，肉質唔會過實，好易入口🥰如果鍾意嘅話可以點埋腐乳食😋整體個煲蔓延香氣，近排天氣凍食羊腩煲暖身最好不過🔥🦆 片皮鴨半隻 $1（原價$168） (😸😸😸😸😺)$1半隻片皮鴨，鴨皮燒得焦脆，香口得嚟肉質實淨，完全唔梅！😍用塊餅皮包住青瓜絲同京式甜醬一齊食，口感調味都好好😋姐姐仲會即場切比我哋食，菜式做到傳統味道，性價比之選，真係唔可以錯過！🤩🍚 避風塘海鮮炒飯 $138 (😸😸😸😸😺)呢碗炒飯賣相五顏六色，散發住避風塘嘅炸蒜同辣椒香！🌶️飯炒得好有鑊氣，唔會

見到$1就有片皮鴨或者羊腩煲就覺得好吸引🤩 決定入去試下❤️ 原來入面都幾大，空間都好闊落✨🔸 京式片皮鴨 ($1)可以望住侍應係你面前切片皮鴨😮 而且都比想像中多🩷每片嘅厚度啱啱好😍 皮肉嘅比例都適中，唔會太過油膩🤩塊皮放係蒸籠可以keep住暖👍🏻味道唔錯😙 以$1嚟講簡直係超抵😍🔸 黑魚子香芒貴妃大蝦🍤 ($138)賣相超好睇💛 炸蝦上面有香芒醬再加魚子😎蝦嘅外皮炸得好脆😋香芒醬好特別，又出奇地夾💛🔸 金銀蛋浸時蔬 ($88)因為都想叫返啲菜，就叫咗呢碟😙鹹蛋皮蛋配上白菜仔🥬 帶有適中嘅鹹香❤️可以balance返炸嘢😆整體而言，食物質素、賣相都好唔錯❤️ 加埋有$1嘅優惠係超級抵！值得一試🤤

⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 有日去飲茶 見到呢間有晚市優惠😝 要2至6位，可揀一款優惠菜式😋若人數超過7位，則可揀兩款菜式。優惠菜式包括豉油皇海蝦、$1古法羊腩煲（細）、$1京式金牌片皮鴨（半隻，並附上各1碟配料），還有$58花甲胡椒豬肚湯（例）、$58蠔皇北菇鵝掌煲（例）以及$48豉油皇海蝦（例）😝見今個冬天凍凍地 一於揾日夜晚再去試吓佢個羊腩煲🤭⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚以下為mochicouple推介嘅點心1️⃣ 紅樓蝦餃皇($14.8)下午茶叫一個孖寶😊就可以$14.8有兩粒蝦餃🤓每一粒都幾飽滿😍晶瑩剔透的蝦餃皮🦐薄得可以睇到內餡粉嫩的蝦肉🦐💥蝦肉爽口彈牙😝冇過多既調味☺️食到蝦既鮮美💯 好食指數:🍡🍡🍡🍡2️⃣ 蟹籽燒賣皇($40.8孖寶) 粒粒飽滿嘅燒賣😝上面鋪滿晶瑩剔透嘅蟹籽🤪賣相已經相當吸引😍一啖咬落去🫣豬肉餡鮮甜多汁🤭口感彈牙🤪仲有好多蝦肉係入面！勁鮮味😘好食指數:🍡🍡🍡🍡3️⃣ 竹炭黑金流沙包(特點)黑色嘅包皮😋原來係用竹炭粉做嘅😏非常特別🖤輕輕一咬😉金黃色嘅流沙餡

仲有幾日就到聖誕今次小編就帶大家黎到鑽石山，同大家介紹一間非常適合做節，長輩最鐘意既中式酒家 一 紅樓⚠️佢地宜家仲做緊晚市5選1優惠 $1 古法羊腩煲(細)$1 京式金牌片皮鴨(半隻)$48 豉油皇海蝦(例)$58 花甲胡椒豬肚湯(例)$58 蠔皇北茹鵝掌煲(例)🌟古法羊腩煲(細)趁住天氣凍最岩食羊腩，羊肉燘得入味而吾羶，食完暖笠笠🤤👍🏻👍🏻🌟紅姐招牌咕嚕肉 $128冰鎮咕嚕肉，粒粒都炸得香脆，再淋上醬汁，酸酸甜甜，好開胃🤤👍🏻👍🏻🌟濃湯聖瓜浸花膠 $138食完肉，都要食返d蔬菜湯頭鮮甜，搭配聖瓜同彈牙既花膠🤤👍🏻📍紅樓地址：彩虹道235號啟鑽商場1樓105號舖#鑽石山 #紅樓 #羊腩煲 #咕嚕肉 #留港消費 #支持小店 #中式酒家 #為食關注組 #覓食鑽石山 #食在鑽石山 #古法羊腩煲 #鑽石山食乜好 #香港美食地圖 #紅姐招牌咕嚕肉 #濃湯聖瓜浸花膠 #九十後行到邊食到邊 #HKIG #HKIGER #HONGKONGFOODIE

第一次食哩間嘢，12月16號晚，訂咗6點半5位，取位時佢只係寫張枱號俾我自己搵枱，竟然冇人帶位，唔知以為我成日唻。叫咗6樣嘢，取消咗1樣。孖寶$528(上湯西澳龍蝦伊麵+清蒸海沙巴仔)，伊麵好食過龍蝦，隻龍蝦冇味，條沙巴仔OK。紅姐冰鎮咕嚕肉$128，我希望自己知道冰鎮同拔絲嘅分別。我都食過好幾間冰鎮咕嚕肉，間間都用冰粒，令到咕嚕肉外層糖膠凍同脆，裏面肉都仲係熱。而哩間紅樓出品應該係拔絲。紅樓小炒皇，味道正常1蚊片皮鴨，有位姐姐即場片鴨，味道正常。胡椒豬肚雞煲，出動埋Gas爐，俾多隻碟，又有餐刀叉。打開煲蓋見到有半隻雞，拎佢出唻拆肉，拆好，食得，先食佢啲咸酸菜，咸到阿媽都唔認得，再試豬肚，苦嘅，我第一次食到苦嘅豬肚，再試多舊，都係苦嘅。咁辛苦起晒雞肉，都未食過，就同咗個四眼樓面講，話啲豬肚苦，佢用啲不太好嘅語氣問我，你想換過煲定取消佢，我緊係話取消啦，換過煲想死咩。個樓面拎走煲嘢仲要加句“你地都食唔慣”真係火都唻，不過有小朋友响度，我就吞番啲火。我查過豬肚苦係因為膽汁分泌過多同埋冇洗乾淨。個四眼樓面食得慣就可以帶埋佢阿媽開工慢慢食。

見到紅樓做緊一蚊羊腩煲，就梗係要嚟試吓啦🥳冬天最鍾意食羊腩煲啦，暖笠笠又補身🥰✨古法羊腩煲大推呢個古法羊腩煲❗️羊腩煲熱辣辣，上嚟已經有浸浸香味，喺出邊都食過唔少羊腩煲，呢間真係好出色，羊腩軟腍入味而唔腥，食完啲羊肉之後我哋飲埋啲湯，超正🥹❤️✨京式金牌片皮鴨（半隻）鴨皮燒得好脆，肉質鮮嫩又Juice，麼麼皮有好多件，配料係經典配搭青瓜🥒，京蔥，砂糖，兩個人食半隻啱啱好🤤✨龍蝦汁蝦球伊麵食埋個伊麵就好滿足，伊麵底香，同埋大大粒新鮮蝦仁🍤餐廳嘅座位都好多，晚市幾乎坐無虛席，成晚啲姐姐都好忙，但都好好笑容，係會再嚟幫襯嘅一間中菜館❤️

冬天已經到啦，出到街度凍冰冰❄️，真係好想食暖粒粒嘅嘢，我嘅首選就一定係羊腩煲🍲😋呢間位於鑽石山啟鑽商場1樓嘅「紅樓 」中菜館,一向都出名食皇牌燒味同精緻嘅點心!宜家仲推出咗🔥「$1片皮鴨+$1羊腩煲」呢個限定優惠系列🔥為食嘅我哋，當然一定要去試吓啦!😆我哋今晚食得好豐富:⭐️$1古法羊腩煲(晚市優惠)- 雖然係優惠只收$1，但係份量十足，每舊羊腩都超肥美同厚肉，而且味道仲好好，絕對系性價比極高!👏🏻⭐️沙姜豬手粒$48- 雖然開胃小菜，但係成碟豬手夠晒大碟，沙姜汁仲好好味，鍾意食豬手嘅人一定喜歡!⭐️黃金脆蝦球(咸蛋黃)$148- 黃金蝦賣相好精美，啲狗都炸到熱辣辣，每啖都有鹹蛋黃，蝦肉爽口⭐️紅樓炒飯$128- 我就特別鍾意食呢個紅樓炒飯，因為佢配料豐富，炒得又夠火候，果然係餐館嘅皇牌之一!整體今晚嘅晚餐， 所有餸菜都好高， 質素性價比好高💕雖然之前喺網上見到好多腐皮來自食客有時姐姐忙燥底少少。但我今次親身體驗，不然晚飯飯市人流超旺，個個姐姐都好忙碌，但每個姐姐都好用心，服務非常之好，真係要俾個贊佢地!👍溫馨提示大家:⭐️「$1片皮鴨+$1 羊腩煲」呢個優惠系限定架🗓️優惠期由1️⃣2️⃣月9️⃣號去到1️⃣月

從來冇諗過會去一間咁差劣的酒樓 ‘紅樓‘，呢間垃圾級的酒樓，今日中午12:30 去到，拎咗張8人枱飛等位，由去到至下午1:30 ，整整一個鐘頭，8人枱至12人枱的飛號，從來冇叫過，拎咗飛的我不斷追問，幾時有枱，點解可以一張飛都冇叫過，果啲服務員淨係叫我地等，等到我發火問佢地，佢哋先話比我知，要留枱比預約的客人，所以冇哂大枱，有枱都要留坐，頓時我火都嚟，咁係咪啲拎飛客人唔係客，所以成個鐘都冇叫過大枱飛，的人就係度呆等，結果，我哋鬧完佢哋咁差的安排，反省下啦！我哋冇再等………走人，以後唔再幫襯…….. 服務水平、安排入坐實在太差劣⋯⋯超負評😤😤😤😤

因為屋企人住附近,貪方便，第一次去，今晚同屋企人去食生日飯，入邊位置寬敞，整潔乾淨，食物質素唔算話好好，但OK不過不失，價錢實惠，尤其是嗌咗半隻片皮鴨都係$38，真係超抵，服務態度仲好好，侍應都笑面迎人,呢個真係抵讚👍🏻

好耐無去鑽石山，今日朋友約去飲茶，出地鐵站居屋同商場都未入曬火，朋友話哩間酒樓疫程前已經有。睇裝修都系幾屋村，乾乾淨淨，面積真系好大，系灣角比較多。差不多三點去到，有超過9成檯有人坐，都應該OK。睇餐牌下午茶吾算便宜，炒粉麵除了4個特價，其他都幾貴，部分點心就孖寶優惠。本來有個tea set影得幾吸引，但想下蒸野放系度就凍曬，其他野得一件兩個人好似比較要分得麻煩。等左15分鐘左右有，山竹牛肉— 有牛肉味，有彈力，蝦餃— 蝦都算爽，但皮比較厚同韌粉果— 涵料吾多無乜味—最失敗個皮真系好厚同軔，可能哩間師傅對做個皮要落多d心機。鳯爪排骨飯—個返覺得有小小生米，其他正常。哩個價錢都算OK啦！。

生炒骨脆脆地有口感，本身諗住試麵包蟹粘米餅，可能因為8:30後話冇晒，經理就轉左龍蝦俾我哋，唔使加錢，服務員好好最尾主動送糖水，幾仲意個懷舊裝修，冇乜人靜靜地傾吓偈都幾好。泊車實有位

今次8人一枱，安排嘅位置竟然係一個要拎櫈拎枱嘅房旁邊，有幾次成張櫈幾乎撞左落食客嘅頸部，距離係非常近。我地向酒樓反映，侍應完全無反應，10問9唔應，服務態度好差。而且餐車出入完全唔理食客，幾乎撞到人，非常危險。經覺今次，真係唔會再嚟食，即使係街坊酒樓，都唔係咁嘅態度。唔係熟客就唔係客人？要求已經唔係高，只係講緊安全姐。如果大家屋企有長者，小朋友，真係唔建議嚟食。真係好危險，食個飯都係為填包個肚，唔係想有咩意外囉。