紅橋餐廳

營業中

休息中

前幾晚，見女朋友溫書溫得咁辛苦，就諗住同佢食餐好味嘅晚飯獎勵一下佢，但結果令我女朋友更唔開心🤭平時女朋都食開海南雞飯或者三文魚焗飯，但佢果日唔知做乜無啦啦話想食蛋包飯，就叫左個蛋包飯配蜜汁金莎一字骨，唔貴，連野飲都係～$60，我就叫左忌廉芥末牛焗飯，加幾蚊加餐，～$70左右。個蛋包飯入面通常都應該係西炒飯，但呢個只係普通炒飯底，而且只配蕃茄醬，味道一般⋯⋯不過最差嘅係金莎骨⋯⋯勁乾😅味道就ok但真係好乾！餐湯不嬲都唔錯只於我個焗飯，就好好味😅好香濃，診熱食超正！不嬲d焗飯都有保證😂下次再黎一定叫女朋友叫焗飯好啦，其他真係麻麻，但焗飯就好抵食又好味🤣

同同事得閒都會過黎食，不過通常午市都會爆哂棚，要等15-20分鐘先有位，所以都要先約定哂同事再預早過黎食。佢地常餐最抵食，有半煎半炸既雞排，外脆肉嫩，配蕃茄通，仲有黑松露炒蛋，雖然略嫌少少油膩，但非常好食，食哂包保飽足半日。有同事比較大食啲，佢就通常會食蛋包飯，我食過一次都先得唔錯，蛋好滑，而入面既飯有用牛油炒，非常香。而餐廳每隔一陣都會出唔同既配搭，今次食既係配紅酒煮牛肋條，有去高級餐廳食既感覺。不過我自己就比較少食，因為認真食唔哂。

紅橋開業係大埔開業幾年，不嬲都係平靚正晚市之選。周日夜晚真係好多人一家大細黎食，所以都要等左一陣先入得。基本上晚市$50-70就有一個set，我比較推介既係呢度既焗飯，係炒飯底，粒粒分明。今次就叫左個海南雞飯，同車打芝士忌廉煙三文魚焗飯。芝士忌廉焗飯味道簡直係一流，好香濃，好邪惡，每一啖都拉到絲😋至於海南雞飯，平時食開都覺得雞肉嫩滑但份量少，但今次食雞肉就多雞胸肉，無咁滑，比較「鞋」😫 有點失望😞不過叫既時候已經係最後一份，所以可能因為咁得番無咁靚既肉🤔

成日係大埔食野都有啲悶了😌😌...今日係OpenRice 睇下有無未試過既餐廳🍴見到呢間有蛋包飯咁吸引..一於試試～平日12:30黎到，大半滿座～～見到menu，好多都好吸引喎！最後都係揀左蛋包飯先😆😆先上餐湯，揀西湯-南瓜忌廉湯👌🏻主菜-西冷牛扒蛋包飯西冷👌🏻蛋包飯是正常水準😌但驚喜既係入面係炒底飯（食過幾間過百蚊都未必有炒底）所以呢樣值得👍🏻另外朋友叫左芝士雞扒亦相當吸引～下次試試！（走既時間出面已經有7，8人等位了🙈）

好多人話呢間好味，係伙記收枱超快，好似趕住要你走咁，於是有日行過，我又入去試下。坐低後，員工就企係旁邊等你落單，可能得我一個剛入去，所以企係度。坐位唔多，又冇人等緊位，所以都唔係好忙掛。呢間有解牛肉，有沙爹牛腩，但冇沙爹牛肉，但我沙爹人一定沙爹牛腩啦，點知⋯牛腩又硬又冇咩味，個沙爹汁唔知點形容好，總知唔好食。奶茶有茶味但奶味欠奉，似用奶精多過用奶。我一下子都睇漏眼，比咗個牛角包，我比較怕街食牛角包，因為食到成身都係。員工都友善，但佢地比較喜歡高談闊論，面對面都超級大聲。而家香港搵間寧靜用餐既地方越黎越少。😰若果有其他地方選擇，多數唔會再黎。

椰香紅咖哩海蝦燴意大利飯 $60 *免加一🌕🌕🌕🌑🌑好辣！食開譚仔3小既我食左2啖就頂唔順，似冬陰公湯，好有泰色風味。有3隻蝦，幾大隻幾爽口。意大利飯軟硬度都唔錯，但覺得risotto 都係夾黑松露蘑菇或番茄醬多啲。辣到飛起，下次唔會再嗌。-蛋包飯配香橙豬扒 $52 *免加一🌕🌕🌕🌑🌑香橙汁同豬扒唔夾，豬扒鬆軟同大塊，但香橙汁累事...另外，蛋包飯蛋太薄，飯無乜味，唔似出面有用茄汁炒過既蛋包飯，香但唔重口味。-南瓜忌廉湯🌕🌕🌕🌕🌑好濃郁好滑，有淡淡南瓜味，好飲過中湯好多！熱上好正！-友人話佢黑松露飯係好好食，好正宗，下次試完再話比大家知有幾好味啦～-

行過大埔見到呢間餐廳既menu都幾吸引，選擇都幾多就入去試下入到去 眼見餐廳都唔算大 啲位都幾迫下 感覺不太良好 野食方面叫左3個下午茶一個白酒忌廉蟹肉意粉 好creamy 蟹肉份量比較少 但都可接受另一個卡邦尼意粉 味道一般不過不失仲有一個煙三文魚牛角包配薯角 貌相幾好 中間夾住生菜同蕃茄 食落幾新鮮冇咁肥膩而薯角面頭就有啲蜜糖 甜甜地 略嫌唔夠脆口服務方面態度差 有人入黎自己間餐廳冇位 唔叫人地係出面等位夾硬收走我枱上既野 重點係正當我諗住飲埋我杯野飲 佢竟然將啲垃圾放落去 搞到冇得飲 唯有走人 就算野食再好味都好 態度咁趕客都唔會再想黎 black list

上星期食完紅橋嘅下午餐，今次就試下佢嘅午餐先，因為上次睇到人地點常餐好似好正咁，所以今次就決定試呢樣啦!!常餐($44) 有黑松露炒蛋同牛角包，另外仲有碗雞扒米線。雖然餐牌上面寫係雞扒長通粉，但可以轉其麵的。黑松露抄蛋好好味呀，好香，蛋炒得一啲都唔老!! 不過今次嘅牛角包無之前咁脆。另外，雞扒塊皮煎得好脆都好夠味，但碗米線就好淡。本身諗住加鹽調下味，點知係倒唔到啲鹽出黎，之後仲發現個鹽瓶係生銹，搞到隻手好大陣鐵銹味！雖然啲野食係幾好味，但都要注意一下衛生同埋員工嘅服務態度。

大埔真係有好多美食嫁，最近發現左一間又平又好味嘅西餐廳 ，就係“紅橋”啦!! 之前係旺角試過，估唔到大埔都有，就緊係要去食啦！今次食下午茶，點左個“煙三文魚牛角包配薯角”同埋 “卡邦尼意粉”。卡邦尼意粉啲汁比較水，但撈埋啲蛋汁都唔錯嘅，不過比起其他茶廳呢樣就一般!! 但煙三文魚牛角包配薯角呢樣就有驚喜，薯角上面落左啲蜜糖，而且係岩岩炸起，入面又有好多薯蓉，外脆內軟，好味呀!! 牛角包都好脆，牛角包同煙三文魚不嬲都好夾，所以整體黎講都唔錯!!!

今天來到大埔覓食，整條街都是街坊味道，不像新商場充滿華而不實的餐廳，茶餐廳故然偏多，由於我不好茶記，所以要花時間選擇，許多餐廳雖不華但也未必有實力就試試大馬路隨意一間午餐價位合理，款式也吸引餐湯是南瓜忌廉湯，非常有水準，有別於茶記貨色，滿滿南瓜清新味 這蛋包飯真令人眼前一亮要包好飯必須落足雞蛋，而且吃落有陣牛油香真是有水準的蛋包飯如果飯用上醬油飯或炒飯會更上一層樓蛋包飯太好味也不忘雞扒，調味甜甜的還適中，肉質鮮嫩，算是中規中矩的，不錯總結，大埔人的美食選擇也不比元朗人遜色呢，以後覓食又多個好地方

紅橋餐廳係我既星期六飯堂,茶餐廳食個午餐都接近50蚊,比多十蚊八蚊食西野仲好大概12:45pm去到,通常佢都坐爆,不過大家食完就走所以都好快就有位,餐廳外有當日既是日精選,就算夜晚黎都係呢個價錢,係咪好抵食呢我幾鍾意食佢既意大利飯,每次都好creamy好香, 配料好多啖啖飯都可以食到菇,牛仔骨有2大塊,可惜一件係肥膏黎男朋友飯鰻魚蛋包飯,佢寫原條但都好細條下...味道ok的呢度飲品唔會為左慳錢沖到淡一淡,每次都好好飲

呢間紅橋對正廣福道嘅巴士站，要搭巴士出城喺度入油最就腳。佢哋啲裝修同衛生以茶記嚟講幾企理的。雖然唔少營養師成日話茶餐廳嘅早餐唔健康，作為香港人，又真係唔想呢種平靚正嘅文化消失喎。尤其而家租金貴成本高，午市晚市都係用急凍肉嘅年代，早餐起碼都有隻新鮮蛋食下。當連鎖集團嘅腸蛋包+湯麵嘅組合已經邁向四十大元，又未必有得配公仔麵，更反映茶記早餐係幾咁不可取代。$34 有牛角包+炒蛋+香腸組合，同埋一碗麵。牛角包應該係其他地方交嚟，比起一般茶記嘅牛油多有誠意，算係鬆化但可惜唔係熱嘅。香腸都係行貨，好在煎得夠香。個炒蛋就真係幾好，唔會炒到全熟，依然嫩滑有蛋香，份量亦足（差唔多係連鎖集團嘅double），好滿足。麵有鮮牛肉米線揀，牛肉雖然係新鮮貨但冇乜牛味。咁嘅價錢都唔會期望有靚牛肉。

大埔美食處處, 但要數到又平, 又好味既西式餐廳, 非紅橋莫屬。這位於廣福道的一間餐廳, 一到食飯時間一定人頭湧湧!喜愛這餐廳除了食物質素外, 還有份量足夠, 無多無少,吾會做大哂鬼! 最有心思的地方是大廚經常轉菜式, 每兩至三日會轉一次, 吾會單調, 反而有驚喜! 西湯是我喜愛之一。 濃濃的忌廉蘑菇湯真無得輸! 日式明太子忌廉海蝦燴意粉 。 韌韌的意粉口感十足! 車打芝士南瓜忌廉帶子蟹肉會意大利粉。長長的菜式名字已經可以話我地知有幾真材實料! 好好味呀! 是日餐單。只是限定15,16/10 值得推介的焗飯!

之前親戚介紹過這家餐廳，趁順路，便來試試。星期日晚人挺多的，等了差不多十五分鐘才有位。有幾款精選晚餐，均送餐湯及熱飲一杯。點了南瓜忌廉汁海蝦燴闊條麵、白湯及熱檸水。以為白湯是忌廉湯，怎料是我最愛的南瓜湯，很驚喜！南瓜攪成蓉，令湯更有質感。海蝦很大隻、爽口、彈牙，且數量不少，很抵食。而闊條麵被creamy的南瓜忌廉汁重重包圍，口感很豐富。味道挺清新的，不過吃到後段有點膩。我覺得份量剛剛好，一般人的食量應該夠飽。重點是很抵食，$5X就有餐湯跟飲品，哪裡找？！

今日又要入大埔補習，大埔可以話係新界區美食天堂，懷舊小店多不勝數唔洗講，特色餐廳亦有好多，今次揀左附近一間叫紅橋嘅餐廳試下，因為佢個午餐居然有蛋包飯，幾特別。今日叫左個蛋包飯配泰式炭燒豬頸肉，個蛋包飯黎到都做得幾標緻，賣相就認真唔錯，漲卜卜咁。蛋包飯味道有d咸，加返個茄汁中和下，岩岩好，可惜個蛋煮得熟過頭，無晒蛋汁。至於個豬頸肉呢，味就無乜，肉質都有d差，比較難咬，比較有牙力嘅朋友可以試下，本人就對佢有少少失望。之後叫左個紅豆刨冰，味道不過不失，紅豆都算多，不過奶略嫌少左d，飲兩啖就得返舊冰。性價比就差少少。總括來說，有待改善嘅餐廳，創意十足，但用料未跟得上，希望往後會有進步。