紅橋餐廳

營業中

休息中

是晚去完沙螺洞睇螢火蟲後來到呢到都9點過外, 朋友點名到呢間餐廳食晚飯, 門面跟一般茶餐廳無咩大分別, 初時只以為是價錢和夠,碟頭關係, 但見到餐牌後都有些特色, 我點了個吉列豬扒蛋包飯, 有湯, 有餐飲都係50蚊, 真係唔貴, 餐湯係薯忌簾入口滑流, 而蛋包飯上咖喱很香很惹味吉列豬排又配沙律菜賣相都加分, 食落又唔會覺得好肥膩, 唔怪得朋友推薦, 值得再來。朋友話呢到經常要等位, 所以要尼呢到要預早少少, 唔係會餓親。

工作中午餐，兩個同事自己食，揀咗呢間餐廳，睇落以為茶餐廳，入內食物款式係西餐廳！光猛乾淨！午餐時間都幾多人！要搭枱！落單之後食物好快到！忌廉湯：夠熱，忌廉奶味重，我自己唔喜歡奶味！所以一般！蜜汁豬扒配蛋包飯（$50）同事食，賣相靚但份量少！茄蓉蘿勒忌廉汁煙肉意粉（$50）賣相靚，但份量好少，個碟邊好大，意粉有咬口，茄醬酸酸地開胃，蘿勒葉落得唔多，所以味道唔出，火腿鹹香，菇片煙韌，味道好味！只係太少！凍奶茶：同事飲熱檸茶：茶底濃，檸檬唔澀，白瓷杯存熱！好味紅豆雪米糍流心吐司（$40）賣相靚！用朱古力漿畫花，似西多士，外面乾身，切開有煙韌雪米糍，加勁大粒紅豆，紅豆炆得淋，勁甜勁邪惡！熱檸水（轉外賣$1）因為吐司只有餐唔可以散賣！店員姐姐提議餐飲可以外賣！同事飲！店員姐姐幾nice我哋嘅問題有幫手唸下方法！👍🏼雖然食物幾好味！有啲特色，但午餐$50，份量小到女仔都食唔飽！份量要增加啲先得！

同朋友去開大埔，都中午肚餓，就求其搵間餐廳食lunch ,睇到呢間餐廳嘅Menu好似幾吸引就入咗去啦。Lunch set價錢都係四十幾-五十蚊，包餐湯同飲品。我就叫咗個黑松露雞扒焗飯，個飯真係幾香黑松露味，但食落唔會話好重黑松露未，反而忌廉味多啲。雞扒出面嘅外皮趣卜卜上面仲有啲芝士，肉質都算滑。 個焗飯係炒飯底，係蛋炒飯，飯炒得夠乾身，攞嚟做焗飯就知啱啦。而且成個焗飯嘅份量都幾大，食完都幾飽下。整體來講價錢OK ,食物質素都唔錯，下次會再嚟試吓。

紅橋餐廳原來不止一間~~大埔這間我吃過數次，食物方面不錯，所以這次介紹一下！平時LUNCH要排隊哦~~~等都要時間！如果有朋友不用返工或返學，叫他先等位就好。 不過就算進去都要迫，每人只可以一個位，MUST有人搭枱！ 這次叫了一個午餐，鮮蝦黑松露飯；加一個海南雞飯！海南雞飯我是推介的，雞滑而爽，易入口，骨全去，所以食得很滿足！！海南雞飯是跟一個中湯，我最喜歡是醬汁，可加可唔加！ 海南雞飯不能少的就是雞油飯！這個質素平均！ 午餐跟的是西湯，但個白湯好好味！！很滑，又有料！ 鮮蝦黑松露飯...其實小編對黑松露一向都唔太好，我係無睇清楚餐牌所以叫...=.=但好意外，這次的黑松露味很好很易入口，沒有其他的石油氣味>"<！！我好欣賞！蝦的做法是普通，不過不失！但黑松露我有驚喜！ 最後驚喜在紅豆冰~~~WOW~~ 推介！大家不彷試一下這間！

煙三文魚牛角包配薯角$48大愛麵包的我，當然要吃朋友激推的牛角包。麵包新鮮焗起，穌脆無比，啖啖鬆脆囗感令人停不了囗，內裡有千島醬，配搭不錯。說真的，個人認為價錢不太貴。

以前住喺只有商場嘅山旮旯，要認路好easy，但自從碌左過黎大埔，相比以前，呢度小店林立，街頭蹤橫交錯，每次行到黎廣福道，總係會迷失大埔。呢日經過紅橋，見無骨海南雞好似幾吸引，就推門而入。六點幾已經坐滿八成，二話不說即點個「去骨海南雞套餐」。「例湯」：湯碗size比酒樓碗大少少，湯料有幾件合掌瓜，煲得幾溶，有眉豆澱粉沉澱，湯係咸底，味道可接受，最重要係夠熱，抵讚。「去骨海南雞」：俾左接近髀的位置，皮爽脆，肉唔算好滑，不過幾爽口，亦有雞味，唔點醬食都可以，係份量比較細。而點雞醬料係紅同綠辣椒醬，無黑醬油同薑蔥蓉，感覺有d欠缺，不過主角始終係雞，而佢個雞的確不差。「雞油飯」：夠熱，米帶油香，水份剛好收乾，粒粒米脹卜卜，口感綿糯。$52套餐，包例湯、油飯、雞，餐飲，都算合理。

多次晚餐路過見太多人等位，未能一試呢。有幸相約朋友仔食早餐順便借營幕，決定去紅橋試多一次啦。難得唔洗等位，但朋友仔遲左廿分鐘呢。發現價錢有輕微提升，menu 就無變。幾十年既紅馬車酒廊終於支持唔住結業，由紅橋餐廳頂上。眼見叔叔嬏嬏侍應們已經好努力，有待改善。四眼老闆話扒餐唔比加出前一丁，加錢都唔得！無麵得塊扒根本唔夠我飽，有無咁笨拙有錢都唔賺呀？唯有食麵餐唔食扒餐，一向食開扒麵！嬸嬸們都臉帶笑容，係老闆木啲囉。都費事叫您攞筷子比我食麵喇，降低要求！食湯麵當然用筷子，幾時見過食雲吞麵、魚蛋粉比刀叉您呀！腸仔炒蛋牛角包，牛油炒滑蛋，炒滑蛋嫩滑熱辣辣，並不是一早炒定凍冰冰的死屍。即叫即做非常香甜，蛋香跟牛油混和，蛋汁微滲滑滑嫩口又不老，牛油清香不過火，清爽咸香好好味。簡單地奏出可口味道。炸過既靚腸仔油光立立令，幸好不油不咸不是怪味腸。而且內外皆熱，最怕腸仔個心冷冰冰，腸仔炸到乾爽脆皮會更好。牛角包酥皮鬆化，外脆內棉，牛油味出眾，好食。不過凍包來的，翻熱會更好食，用焗爐翻熱就更香口。我要太陽蛋腸仔走包，變左腸仔炒蛋牛角包，即係無改到？誰知食晒先再黎多左碟雙太陽蛋走包，真係好亂。我唔食喇，退返比

食過呢間野幾次，蛋包飯係OK，下午茶既牛角包都唔錯 (雖然偏貴)，但係今晚真係好難收貨！晚餐C 係一碟叫「菠菜忌廉汁意粉伴一口魚柳」，睇睇佢咩樣先！意粉咸到要浸水食都已經算，問題係一口魚柳。你望見果三條好似M記新年果D扭扭薯條咁既野就係一口魚柳喇，量少皮厚肉缺叫做「一口」JE，都唔係咁呃秤啦化…… 賣相冇味道冇環境又死攝難攝冇下次了

之前夜晚黎食都係大排長龍，今日經過竟然唔駛等位!精選套餐有六種，包括湯、主食同熱飲。次次都係要白湯，夠濃又好味。今日個湯一上枱就聞到濃濃的燶味，試一啖就飲到呢陣燶味，相信係黐左底。要求換個中湯，都即係換俾我。A餐鮮茄茸濃湯稻庭烏冬配西冷牛扒$58，西冷牛扒分開上，賣相一流，味道都唔錯，雖然肉質醃得太耐，但整得有啲脆皮 烏冬亦夠彈牙E餐黑松露燒汁焗牛肉飯$48，多料多汁又夠熱，牛肉夠"淋"又冇渣

和友人一行二人到此晚餐因友人曾光顧,,覺得這裡的食物不錯~約7pm左右來到,,不用等位點了南瓜雜菌意大利飯加錢要set忌廉湯加入鮮忌廉,,又香又滑~還隱隱帶點松露香味!這餐湯很好飲啊!意大利飯不會太濕飯都吸了南瓜的香甜味配料亦算豐富,,除雜菌外,,還有吞拿魚碎醬汁足,,但吃到底也不覺得膩

放工同老公，少爺行行下，本來想去食通粉，突然行到依到，見他都好多人食，咪入去試下囉。一坐下，員工就同我哋講，仲有幾個海南雞咋，咁我立刻叫咗先，然後再諗其它。後來員工同我講收十點丫，我一望錶原來已經系21:30，咁我就立刻叫多個炒飯，一個蝦多士，同雞亦。個雞亦一來，咁特別，下面好多芝士丫，再來多個蝦多士，仲配有朱古力丈同煉奶，太好味丫！個海南雞飯仲要系無骨㗎，少爺話太好丫！連個炒飯都會用大蝦、三文魚炒，俾五十幾蚊都覺得平丫，加多十蚊仲有紅豆冰同忌廉湯，成餐飯都唔洗二百蚊，真抵丫，下次都會再來食

經過條街見呢間野,邊行過邊開呢個APPS一SEARCH竟然係全笑,就唔諗咁多試一試LA..叫左個午餐 南瓜燴飯配煎帶子,跟湯可揀中/西,,試左個忌廉湯..唔錯的..好似係黑松露味咁..唔係好知D配料..總之就偏向SPECIAL..再黎餐飲叫左凍朱古力都好足料..無話溝水嚴重個款.遺憾的是都發現有D烏蠅小動物係側邊飛下..主角出場..估唔到有成6-7隻帶子..原本以為得2-3隻左右..又或者1隻大大隻咁就算..叫喜出望外LA仲有D姑類,盧筍,提子乾,真係唔怕寡得制..仲要D飯燴得唔錯同D汁..又夠熱..真係開係MK都實有得做,唯一奇怪係員工好似相對多得制..坐位10-15台左右,但就下午茶時段都企左成4-5個係度,總結會有下次的..如果再經過的話

有大埔友報料，大埔有一間新開左半年多既餐廳，係好抵食仲味道及賣相不錯！呢間餐廳叫「紅橋餐廳」，晚餐時段去到都要等5分鐘材入座，環境都頗新，但座位都比較狹窄。餐廳的餐牌都好多選擇，但留意到食客都好多人點「海南雞飯」，結果都跟風試試！「海南雞飯」連中式湯水+油飯 $52，凍奶茶+2，總共：$54。海南雞配雞比都唔洗加錢，肉質鮮味滑溜，雞肉上鋪滿炸蒜，美中不足即係油飯比較硬及乾身。湯水都不過不失，但凍奶茶的茶味不足，比較淡味！

夜晚同屋企人 去呢間紅橋餐廳就試下先， 我叫咗個薑蓉燒烤醬一字骨配蛋包飯， 羅宋湯同埋叫左杯凍檸茶羅宋湯非常知足料，飲我去仲有微微嘅辣 非常開胃啲沙律菜非常之新鮮爽口，加埋啲醋一齊食非常好食， 薑茸燒烤醬一字骨煮得非常之入味同好淋， 骨係斜切嘅令到你非常之容易食到，蛋包飯個蛋皮都好厚，出面好多地方都係好薄既，最好食係個飯，飯撈蛋汁非常好食杯凍0茶都ok，最好係用這款杯可以保持冰凍，不過茶味就普通媽媽叫左個紅豆冰，一見到我非常好其同平時見那些好大分別，紅豆煮到剛剛好唔太淋有少少咬口，個椰汁有好香，最特別係D冰，將砰冰雪到一個球型，你將佢整散撈勻椰汁同紅豆，之後一齊食口感一流，感覺係真正紅豆冰，因為咬落有冰、紅豆同椰汁好好食

搭車成日中午都見佢好多人等位...終於黎試一試佢有好多野揀...不過樣樣都好似差不多咁意粉離唔開帶子, 蝦, 青口, 露筍咁.....但就有20幾個選擇-.-我自問唔識揀...都係揀番d望落有分別ge野易d所以就揀左蛋包飯, 配塊雞扒...個餐有杯野飲同餐湯, $4X蚊黎講算好抵食!!!蛋包飯好吸引, 入面有炒飯黎, 好香口, 蛋皮夠薄,冇一舊舊~ 塊雞扒煎到塊雞片脆卜卜...arm哂我!!!佢個面有d調過味ge檸檬汁, 好開胃好好味....原本睇落好細碟...仲以為會唔夠飽...食完飽到喊 (自問算大食)媽咪點左呢個, 佢話味道唔錯...係油左D姐...佢食完個碟底真係好多油><