紅橋 (已結業)

吃肉肉的時間又到了🍽收工成日黎呢間餐廳食飯佢既dinner set大同小異，但成日都會轉🤪好有心思餐廳好大，坐得較鬆動 ，唔洗逼住逼住咁無肉不歡既我，見到蜜椒單骨雞翼當然唔會放過啦🐥真係無叫錯！ 炸得好酥脆啲蜜汁多到漏出黎呀😚熱辣辣咁上枱 話咁快就食曬嚕仲有呢個豬肋骨！都要推薦一下之前都成日走去outback食但佢都好驚喜😍😍😍燒到好香、好脆！又夠大份講真 真係有豬既味道😂😂😂個薯菜都好香脆可口食完呢到都飽曬嚕🥰🥰🥰

自六月以黎都無乜機會出黎旺角呢邊 今日終於有時間出黎搵食兩點半準時到達餐廳門口  完全唔使等位 可以直入環境黎講都算唔錯  簡簡單單幾舒服 枱與枱之間尚算好闊落  坐低就睇下食咩  Tea time黎講呢間都算多選擇  少至西多、雞翼、牛角包、熱狗、 多至粉麵飯都有得揀。兩個人分別叫左一個  芝士焗肉醬意粉同一個黑松露忌廉汁野菌帶子意粉  餐飲好快就送到 而食物就大約要等十分鐘先上到   野飲就不過不失啦芝士焗肉醬意粉 (7/10)肉醬意粉個份量好大 係完整一個午餐既份量面頭既芝士焗到可以拉絲  芝士味好濃郁  而成個意粉蕃茄酸味好突出 我自己就覺得略嫌過酸  男友既comment就係 “一個男人食哂都會好滯”而我叫既黑松露忌廉汁野菌帶子意粉  (10/10!!!)好食到傻左 勁香既truffle味 d source既份量剛好 唔會太creamy好似醬住個口咁而且帶子仔雖然好細粒 但數量都幾多  補番數  40幾蚊食到呢個水準真係超值!呢個意粉絕對係必食!最後埋單 兩個人剩惠97蚊 抵呀!

與朋友食Dinner晚餐來說CP值很不錯環境來說餐廳算乾淨舒服不過空間感略少食物雞扒配奄列雞扒煎得不錯奄列都不過不失總體來說 算係不過不失啦叫了一個小食拼盤炸物為主雞翼不過不失蝦春卷比較少見芝麻蝦多士跟我相像不同一個多士布滿芝麻食落去都幾重芝麻味這個All Day Breakfast雖然份量不算很多最驚喜係黑松露炒蛋黑松露味真係好重 好好食😋不過忌廉濃湯意粉就比較一般同埋好水但總計來說咁嘅食物質素但係價錢只係$70有找CP值算很不錯值得推介👍🏽👍🏽

見好耐冇嚟過紅橋食野，難得星期六既早上唔洗等位啵☺️☺️懶得諗食咩既我地就一於入黎食啦，之前都係食開花園街嗰間既紅橋，第一次黎哩間食，哩度地方夠大，座得好舒服呀，木系既枱俾到人心曠神怡既感覺呀，望下午餐餐牌有咩食先，好似唔係咁啱食，最後決定散叫既😙😙最後嗌左西班牙🇪🇸焗豬扒飯同埋全日早餐呀只有全日早餐有得跟野飲，嗌左杯凍檸茶。西班牙🇪🇸焗豬扒飯熱辣辣焗起，配埋勁多既紅椒，綠椒，洋蔥同埋芝士，配埋一塊優質既豬扒，哩塊豬扒豬味好重，又厚切，真心好好食，重點熱辣辣，好出色呀！哩度既全日早餐唔同平時既all day ，哩度材料好吸引，首先有塊厚厚烘到好脆既蒜蓉包，黑松露炒蛋，蜜糖煎雞扒同埋一碗蘑菇忌廉意粉🍝配撘岩岩好，黑松露炒蛋表示勁好食呀，忌廉意粉湯底好濃郁，意粉質地岩岩好呀，顛覆左我對我對all day嘅睇法❤️

今日係旺角諗緊食咩之際，突然湧出 "紅橋"，好決定再encore先散叫左個海南🐔飯，賣相唔錯，🐔尚算滑，但油飯味道遜色左少少！晚餐，餐湯: 紫薯忌廉湯，顏色好靚，味道有少少似稀咗嘅紫糯米，幾得意燒肋骨蛋包飯，肋骨香口，份量大，蛋包飯爽口，正

午餐時間黎等位，好彩都算快服務唔錯，人手都足夠，環境都坐得舒服叫左個all day breakfast,可惜等左好耐先上到，至少等半個鐘。好彩無失望，蛋夠滑同有少少黑松露味，雞扒幾大塊，但沙律菜有啲苦，無食到。個湯意粉係敗筆🙈個湯稀得濟，同啲意粉太硬。

附近睇完醫生食下午茶，見到價錢可以接受，入去之前都冇仔細睇下個餐牌，坐低再發現個選擇都十分多，基本上中式、日式、西式及港式都有，所以我哋每一種都試下。蜜糖排骨蛋包飯賣相好靚，好有心機做個蛋包飯，可惜排骨比較肉質比較實，但味道都唔錯，如果唔係就真係差唔多滿分啦！芝麻蝦多士跟沙律有兩款芝麻，蝦肉彈牙，多士炸得剛剛好，另外，好多茶餐廳嘅沙律都係罐頭沙律，好少用蔬菜或沙律菜做沙律，健康好多！芝士焗豬扒飯份量夠，在$40嘅下午茶來講真係超值，焗豬的水準亦高！我覺得佢個師傅真係好犀利，呢個餐牌種類選擇多多幾次都唔會悶，性價比高，可以再來！

係旺角行完街唔知食咩好，咁啱經過見到（虹橋）又唔使等位,就衝入去試吓啦！佢有Dinner set menu，有餐湯,沙律,主菜及飲品！但佢個主菜唔係好啱我食,所以冇叫到Dinner set！佢除咗有Dinner set之外,當然有散叫嘅menu 啦！咁我就叫咗個白酒蜆肉意粉，侍應話加$12就可以有餐湯+飲品，當然加埋啦！餐湯有西湯同埋中湯揀，我揀咗西湯,係蘑菇粟米忌廉湯！另外叫咗個去骨海南雞配香雞油飯跟中式餐湯，凍檸樂要加$3！仲叫咗個小食拼盤，拼盤有紫蘇葉蝦春卷x2 蜜椒單骨雞翼x4 法式芝麻蝦多士x2 咁平民價錢嘅餐廳期望唔可以太高！不過不失！

成日話旺角多野食但又唔知食咩好，出得黎又唔想食d連鎖野咁，食好少少又荷包硬，今次黎既就係係旺角鬧市中一間平民價但不平民料理既餐廳🤪🤪晚餐黎講佢就有幾款，包埋湯沙律野飲，價位以一間formal dinner黎講都唔算好貴，仲要唔收加一，絕對抵過出面百幾蚊一個意粉👍🏻唔岩食既都有散叫，價錢都係相若絕對有得比你揀🤤我自己就叫左個D餐，湯有幾款揀，印象中仲有個中湯，我就叫左個港女紫薯忌廉湯🥳睇落都幾靚，入面都有d紫薯粒，但個湯就冇乜紫薯味，得個色靚，飲落其實同平時既忌廉湯冇分別，以一個忌廉湯黎講就都算幾好飲既🤫跟餐一個好簡單既蟹籽沙律，（圖中食左一啖）民個就冇乜特別，正常發揮，不過個人唔鐘意食呢個沙律醬🤢到左主菜啦，一上碟就有d唔開心因爲個擺碟亂左影唔到靚相，作為港女真係有d失望😟不過都叫幾好食，蝦同帶子都彈牙唔智太老，汁底望落唔似不過其實幾香幾夠松露味，呢個價錢絕對值得黎食多次👍🏻👍🏻平時好少講餐飲不過今次特別少少，叫左杯檸蜜但飲落原來係菜蜜黎既😂😂真係要提提大家，不過好少餐廳有得飲所以想飲既都不容錯過啦😂😂

出旺角行到攰攰地，睇下邊度有好野食，行行下見到紅橋，價錢又唔貴，又有唔同款既下午茶揀🥗🍔🍝決定去試下😃😛同朋友就一人叫左一個set試下🤤西班牙汁焗豬扒飯🍛賣相幾靚😎同埋飯都大份，啲芝士勁多🧀，焗完啲芝士好好食😍以40~50蚊價錢黎講，真係抵食，豬扒又大塊🤤黑松露忌廉汁野菌帶子意粉🍝份量就冇豬扒飯咁多，帶子本身以為係大粒個啲，黎度原來係迷你版🤣有少少唔夠食，不過下午茶份量都正常既，黑松露味都重，唔會話冇黑松露味，都幾中意個汁，但可能對啲唔中意黑松露既人黎講，可能會唔中意陣味😣 其實依個set,我覺得係抵食，同埋比埋其他普通餐廳黎講依個價錢食物質素都算水平之上，意粉既韌度適中🤩😍同埋有啲野菌🤗所有餸都係自己本身中意既，所以有機會會再黎食😋😋下午茶餐仲包埋野飲，野飲就正正常常🍹☕不過不失😊 唯一比較吸引我係難得一見依間餐廳係用方糖俾客人自己落去奶茶，我真係比較少見仲有餐廳係俾人用方糖落奶茶🤤總括而言，以40~50蚊依個價錢黎講，真係算抵食，同埋質素唔差，值得一試😊👍!

其實呢間餐廳唔止食過一次，不過今次真係覺得好唔錯，所以要寫下嗰日都成5:00先至食晏，所以決定叫得豐富啲當埋晚餐，我同老公每人叫咗一個意粉，已下午茶餐來講都算抵食，$40至$50有一杯野飲我哋叫咗一個卡邦尼意粉同埋黑松露帶子意粉，一嚟到一試味，就發現有驚喜， 特別係個卡邦尼意粉，真係好入味，而且意粉既硬到啱啱好，我自己就好鍾意食至於黑松露意粉，都好濃味，而且夠晒大碟，我覺得以佢嘅價錢同埋質素同埋份量係高CP值，大家可以去試吓

呢間唔怕寫食評，因為耐咗無黎或人多咗都仲咁好食~成日邊食邊聽到啲食客慕名而來~今晚食大蝦蟹肉意大利飯，仍然喜歡佢嘅意大利飯，喜歡佢嘅調味~以前有一間喺旺角好鍾意嘅，主打意大利飯，可惜已經無咗，食唔返，呢間雖然唔係好同，但算好食。今次沙律係煙鴨胸麻醬沙律菜~我鍾意呢度嘅煙鴨胸，好juicy，好多餐廳都係整到又乾又咸。雖然都鍾意呢間嘅忌廉湯，但今晚想清啲(唔係一般茶餐廳嗰啲洗菜水淡而無味)飲菜乾湯~好努力咁幫兩隻大蝦剝殼，終於食到😂香~啲殼又薄又有點軟，用口咬開都唔怕整親~蟹肉唔少，有蟹味~(好似好廢話，但真係食過無味嘅蟹，信唔信?)意大利飯係有啲口感，老公講過咁先正宗，不過我無咁叻，食唔出係咪真係意大利米，感覺係幾似嘅~都想買黎整下，自己整過特別易分，但好似幾難架🤔驚整唔好會嘥米飯🙈講完食物，就講下故仔~話說我好耐無黎，因為幾次放工一個人都照入嘅餐廳真係少，好怕坐得唔自在，唔鍾意搭枱，同陌生人你眼望我眼，或者兩個低頭係咁食，無咗食嘢嘅樂趣，唔享受。不過真係好耐無黎，好掛住呢間餐廳啲嘢食，久不久就心存僥倖，期望安排座位上有改變。點知今次原本係畀我單丁一張枱仔，隔離走咗，又係拍埋黎。之後好在

服務員態度惡劣 追問為什麼上餐時間會等耐時間什長？服務員口出惡言 話之前一早講左每個餐要25分鐘！但一開始這個服務員什麼也沒說 ！只是不停發脾氣 而且還大聲呼喝我們 我們同行中還有孕婦 也被她嚇壞了 整個用餐過程非常不愉快 下次不會再來

之前行過成日都見到好多人排隊，明門口普普通通有咩特別呀。去到今日係旺角唔知食咩，又剛好係呢到附近，見到唔太多人決定試下！.蜜汁豬肋骨配蛋包飯$88👍🏻👍🏻👍🏻豬肋骨勁滋味，蜜汁咪重，有少少似BBQ 個d@口味！成碟野份量超大，個蛋滑，最鍾意個炒飯入面有蛋汁🤤食到唔想停！.忌廉海蝦帶子燴意粉$73網絡都係普普通通，不過食落唔差同樣材料足夠，有幾粒細帶子糕，算Ok.另外加錢轉set包湯、嘢飲、沙律，個湯唔好睇佢紫色好似好伏，紫薯湯，飲落唔差，癡忌廉湯，湯都有紫薯粒，少少驚喜！.整體會再嚟，都好滿意，有驚喜，而且價錢唔貴，幾抵食下！

對於D娛樂圈人士開嘅餐廳食店，或者門口貼哂名人幫襯嘅餐廳，我總係無咩興趣幫襯，硬係有中伏感! 所以….前身係左麟右李無幫襯，轉咗手就走去試試.係門口望兩望個 Menu，價錢唔太貴而且環境唔差，就走入去試試.點咗個去骨海南雞飯套餐，前菜蟹子沙津，西湯，蒜茸包，蝦多少，芝士忌廉汁碎牛肉帶子長通粉.海南雞飯套餐:首先碗中湯內有幾舊無肉嘅骨頭，但舊骨頭又唔係淆到脆哂,，俾咁大舊骨以為我係汪星人咩! 海南雞肉嫩份量足夠，雞飯略為凍咗少少，不過哩個係通病.西湯+蒜茸包:西湯同件蒜蓉包唔係太熱，但唔緊要，因為自己都好興，無熱湯落肚重衰，蒜蓉包蒜蓉味不足，西湯係一個飲完都唔知係咩嘅湯.蝦多少:用料充足無偷工減料，多士脆口，蝦肉入面疑似加入少少芝士，令口感更豐富，推介！芝士忌廉汁碎牛肉帶子長通粉:芝士忌廉汁芝士味唔重但味道香濃，長通粉煮得啱啱好有彈牙口感唔會煮過火，帶子新鮮彈牙，唔錯.最最最重要，餐廳冷氣夠呀！坐咗無耐格離對情侶話冷氣太勁，咪玩啦！好彩侍應調咗佢地去守邊疆咋！