紅橋 (已結業)

今日約咗朋友喺旺角見面，求其見到呢間好似幾抵食，就入咗去食。佢有得揀午市套餐，或者散叫再升級12蚊變套餐。食物種類都幾多元化，有意粉焗飯、咖喱、蛋包飯。本身感覺以為會好似茶餐廳咁，但其實都幾有Cafe嘅感覺。環境都幾好坐，幾有情調。我就冇叫到午市套餐，叫咗個蛋包飯配馬蘇里拉雞扒，另外加咗個蘑菇湯同飲品。蘑菇湯都幾有驚喜，有好香濃嘅蘑菇味，識落亦都有粒粒蘑菇。至於個蛋包飯，蛋皮好薄，入邊啲飯都有驚喜，通常蛋包飯入邊嘅飯都比較濕，呢個反而仍然keep住到乾爽，飯粒粒粒分明。個雞扒其實喺面頭有好大塊芝士，再燒燶佢。一切開就有好勁嘅拉絲效果。雞扒好Juicy，夾埋啲芝士一齊食好好味。朋友就叫咗個卡邦尼意粉，上面有隻生蛋黃，撈埋落啲意粉一齊，真係有好香濃嘅奶味同蛋味，而且意粉煮得啱啱好，係有咬口嘅意粉。60幾蚊真係有驚喜。朋友就另外叫咗個中湯，嗰日係青紅蘿蔔煲豬骨，個湯都有啲湯料一齊飲，佢話都冇乜味精味。另外我哋叫咗一個小食，椒蜜單骨雞翼。其實係黑椒同蜜糖雞翼，食落都幾有驚喜，甜甜地得來有少少辣味。唔錯！飲品朋友手叫咗一杯凍朱古力，我就貪新鮮叫咗一個薑菊蜜。飲落就真係有少少薑味嘅菊花蜜，感覺都幾

喺旺角竟然有咁高質抵食嘅下午茶最貴嘅茶餐都係$55蚊！仲有lunch咁大份點左個鮮蟹肉南極蝦鮮茄牛角包🥐配炸薯角個牛角包焗到超脆，想攞上手食都好似一煉就醉哂咁😆兩大片蕃茄加埋啲蟹肉又幾refresh之後點左個特色紅豆冰，嘩好似成碗糖水咁😂再嚟多個小食拼盤，個蝦多士釀滿左厚厚嘅蝦膠面頭啲黑芝麻都好香再點左佢幾出名嘅雪山西多士，細細舊咁炸更加香口，入面有兩層花生醬好足料！真係好好味啊😋最後整多杯涷檸樂，爽啊！

今日同老公撐枱腳，在旺角揀了這間名字頗浪漫的紅橋餐廳，雖然見它被列在茶餐廳類中，但入內環境雅致及企理，即時加了不少分。餐牌價值合理，晚餐更見高性價比。我們叫了黑松露忌廉汁海蝦帶子燴意粉及蜜汁豬肋骨拌蛋包飯，再追加芝麻蝦多士。晚餐前菜有中湯西湯選，仲有好味三文魚沙律。意粉夠彈牙，都掛到忌廉汁，但略嫌忌廉汁 較少，好彩爽口鮮蝦及彈牙小帶子足夠，令整個碟意粉都很滿足。豬肋骨有兩大件，而且蜜糖味很濃，所以既飽肚又sweet，而蛋白飯有點吾夠熱，但全個餐大件抵食。加$18就可以試到傳聞好味的芝麻蝦多士，香口新鮮脆卜卜，加埋煉奶，簡直想再添食。今餐驚喜在於餐飲的經典紅豆冰，是以大方碗加大大嚿冰球，仲好多紅豆在底，椰香淡奶好夠，好特色呀！今餐原打算簡單快趣所以選<茶餐廳>，但沒想到最後竟然200元就可以大滿足。下次必再來。

餐廳都頗大間， 容納到好多人， 劃分咗做左右兩邊房仔，用QR code點餐，方便快捷。是日西湯係 蘑菇湯， 粒粒細緻蘑菇咬落有口感，冇加味精，食落冇調味或加鹽，但係啖啖都係蘑菇白汁濃湯味，唔洗一陣就食野挪威煙三文魚香草白忌廉意粉 58hkd 連西湯及凍檸水白汁好多， 用眼睛就咁睇，份量唔多，但係實際，食到超飽，因為份量都幾多下 ，最欣賞係，食到最後一啖，啲意粉都仲係熱辣辣，個碟型張溫度封住咗，整體嚟講賣相幾好，醃製三文魚份量都okay，唔會少。馬來咖哩牛腩飯 62hkd 連西湯及凍奶茶普通既少少甜味黃咖哩燴牛腩飯， 白飯非常多，好大食都夠食， 不過要讚一讚啲牛腩薯仔 炆得好冧， 入口即溶， 肥瘦比例恰當。煙三文魚巴馬火腿沙律 63hkd簡單沙律，有番茄仔，火腿，煙三文魚，杏脯連麻醬。。天氣熱，叫咗兩杯凍飲，夠凍震，cool

去旺角行街，當然想揾間好食又抵食嘅餐廳，又想帶點兒港式口味，又最好加點西日式元素，今晚無意間和朋友經過<紅橋>餐廳，試完覺得確係吾錯，乎合抵食又好食嘅要求。晚市套餐都有吾少選擇，意大利飯、意粉、焗飯，就連蛋包飯都有，價格都係七十幾蚊起，已經包埋前菜、餐湯及熱飲，重點係全日免收加一！！！抵食吖！！！前菜係煙三文魚沙律，沙律菜夠爽甜，味道不錯。忌廉湯入面有好多磨菇，入口都幾濃幾香滑。<黑椒汁西冷牛扒伴蛋包飯>西冷牛扒略為薄身，不過都幾大塊，而且煎得幾香口惹味。蛋包飯入面嘅飯量都幾多，飯質好綿，而且包住嘅蛋都非常實在同厚身，值得一試。<香草蜜糖雞下脾伴蛋包飯>雞下脾有兩隻，帶有香草蜜糖嘅味道，雞肉入口都幾滑，配蛋包飯好襯吖！！～感覺有點像西日式餐廳的蛋包飯，值得推薦。食套餐仲可以加$18要埋脆香雞槌，脆香雞槌炸得非常之香脆，咬落去係卜卜脆咁樣，而且雞槌仲醃得非常之惹味，就算唔用佢附上嘅泰式醬汁，個人都覺得非常之好食，絕對係邪惡推介！！而最後來的凍奶茶，就是港式茶餐廳的質素，水準正常。餐廳嘅環境其實都唔錯，因為唔會覺得坐得好迫，亦算乾淨企理。而且

係西洋菜南街好多餐廳，行過見到幾間都想入去食🤣見佢呢間價錢相對便宜就入去試下先！！開頭以為佢好細間，原來入面仲有二十個位左右，入面涼好多，正！可能仲早未係好多人！！有套餐揀同散叫，套餐都幾抵食！！我地4個人就叫咗3個套餐1個散叫黑松露忌廉汁海蝦帶子會意粉 $76我哋仲加咗18蚊要芝心雞翼同加10蚊要紅豆冰！意粉黎講，個汁相當唔錯👍🏼有黑松露味，而且好彈牙！啖啖都有汁加埋落去一齊食！！有3隻大蝦，好多帶子同盧荀，perfect match!!芝心雞翼就好特別！不過有點肥嘅感覺，佢係芝士忌廉加磨菇！紅豆冰亦十分滿意！！我成晚最愛係佢！有椰漿，成個味吊起佢，而紅豆都唔會硬又唔會太過一pat!有咬口！成杯紅豆冰都好出色！仲要勁大碗！留意佢係用碗裝㗎！！！去骨海南雞半隻 $93雞比較肥美，而有2個醬送嘅！青色個個酸酸地又辣辣地好食😋黑椒西冷牛扒蛋包飯 $88正呀！略嫌個汁唔夠重黑椒味，但牛扒好食唔會好un!!蛋包飯樣好似好細，但係勁飽🤣加咗18蚊要脆香雞槌！好似平時KFC個啲雞翼！！佢套餐會跟湯，有得揀中湯西湯！今晚可以試哂喇🤣👍🏼yeahhh!我個人鍾意西餐多啲，係甘荀忌廉湯！好飲！！！

係旺角行行下街突然落好大雨，我地決定入咗間餐廳避雨兼食晚餐🤣 Set dinner好似都幾抵食，有沙律、餐湯、主菜同飲品，都係$70幾蚊起😬沙律係有煙三文魚既，由於朋友唔食所以就俾哂我😎😎食完好開胃，我可以食多啲嘢😝 餐湯係蘑菇湯，都幾creamy，有少量蘑菇粒👌🏻明明食西餐但朋友要咗中湯hahaha okay🥣黑松露忌廉汁海蝦帶子燴意粉我中意佢意粉既口感，而且好多醬汁，好有家庭feel🤓 蝦幾爽口彈牙，帶子係迷你版嘅，我覺得呢個價錢可以接受😌🥣日式照燒汁鰻魚配蛋包飯鰻魚比想像中大條😎😎好吸引！蛋包飯當然沒有好似高級餐廳整得咁靚，但都熱辣辣。 由於我哋都覺得鰻魚比較鹹，所以配搭埋蛋包飯食就啱啱好✌🏻其實我哋仲加咗個小食：脆香雞鎚🤩 佢嘅味道同麥當勞係一模一樣既！！不過有唔同嘅係，佢嘅造型係一隻好可愛嘅雞仔（ 加點想像力就會發現）🐤埋單唔洗$200，我地都覺得抵食既😹

晚餐9點後入座有折扣優惠，晚餐一set有好多嘢，前菜沙律，餐湯同主食，仲有飲品。食物賣相都好吸引。另外叫多咗個沙律，同前菜送嗰個差唔多，唔建議另外嗌。食物質素都唔錯，性價比算高。不過期望唔使咁大，因為睇落比食落好食

同朋友去花墟買花之前，先去到旺角附近嘅紅橋西餐廳醫肚，今日因為週末嘅時間，午市人特別多，等咗一陣好快就入座。午市套餐都係60幾蚊，包中餐或西湯，以及飲品。喺旺角來講算係抵食。全日免加一，就更加吸引。朋友的紅豆冰用碗上，上枱時我地都以為上錯。中湯是合掌瓜湯，不是味精湯，夠哂熱。很有住家的味道。朋友點了西湯，紫薯忌廉湯，佢都覺得中湯比較好飲！黑松露大蝦海鮮燴燴意粉意粉加上黑松露醬好creamy，意粉好好味。馬來西亞咖喱牛肋條配珍珠米馬來西亞咖喱充滿夜香，牛肋條份量雖然唔多，但係每一組都炆得很稔。蜜桃黑椒單骨雞翼烤得有點黑，蜜糖味夠重。單骨夠哂易食。醫好肚才去行花墟，夠哂能量啦！

#kopo旺角#kopo💸再登紅橋😋抵食兼好味⁡蜜糖雞鎚蛋包飯 沙律及例湯 $83 🔖 4/5分- 雞鎚蜜糖味突出🥰 唔會死甜 肉質夠嫩👅 還有肉汁💦- 蛋包飯味道中規中矩👌🏼 但略嫌蛋有點太熟 不夠滑身- 有🥗🥗 健康加分 沙律同湯都不錯（唔記得影🤭）- 整體唔錯 覺得海南雞飯較抵食和好食⁡🐼 呢個餐廳都食過好多次了 午餐價錢十分抵食 品質又高 座位都算寬敞 難怪午餐時間企滿人等位⁡📍 紅橋 (旺角)旺角西洋菜南街190-194A號西洋大廈地舖 #kopofusion#kopo旺角#kopo荃灣線#kopo東鐵線 ⁡#hkfoodie#foodiecouple#hkfoodblogger#hkfood#foodiegram#hkfoodiecouple#kopo132

今晚，跟友人和兩個小朋友開心吃晚餐。點了三款主食連湯和飲品，中湯好味 ! 一個小朋友吃了「意式茄茸豚肉意粉」（不是當日的晚餐set ）後表示味道怪怪、不好吃。大人吃了表示認同。另一大人吃了一口表示酸味不是茄茸嘅酸甜味，是食物壞了！跟職員溝通後，他語氣不友善的表示了兩個重點：1. 你食唔慣呢個味啫 2. 今晚無其他客人表示呢道菜有問題啊！原來這道意式意粉是酸宿味的，那麼的「意式」我們真的食不慣 ！其他食客的同款菜式用上同一塊豚肉或蕃茄或甚麼甚麼嗎 ！？ 以上是我內心話啦，哈，當下我們沒有爭論，就低調地接受了是「我們食不慣」吧。不想小朋友有事，要求換另一款，但職員繼續語氣不太友善，我們快快的換了同價的意粉就算，換來新的那款意粉沒問題。或者敢問各位食過呢道意式意粉嘅朋友，可否告訴我味道是否很特別到會有人「食唔慣」！？ 很不憤所以發表一下 ！

出到旺角食咩好🤔其實旺角根本想食咩都有不過有時又要諗邊度泊車又要諗邊度冇咁多人等位當架車停左系西洋菜南街就自自然望下左⬅️望下右➡️望下前⏪又望下後⏩真系周圍都系餐廳不過哩條街最多都系米線🍜咁我地就揀左《紅橋》🌁個名好似好普通又有啲求其😂就即管試試先🏃🏻‍♀️黑椒汁西冷牛扒伴蛋包飯牛扒好稔..蛋包飯個蛋唔會系老蛋黑松露忌廉汁海蝦帶子燴意粉黑松露好香.夠多汁唔會好乾🦐都好大隻,帶子雖然細粒,但系份量搭夠鍾意黑松露既值得一試香烤雞胸柳雜菜沙律懶健康系列可以揀走藜麥芝麻醬另上,鍾意多醬少醬自己決定雞柳系熱既,系呀真系即烤咖🤣以旺角黎計哩個價錢咁既質素系超值環境舒適職員態度良好下次出旺角食野又多個落腳點喇

『紅橋餐廳』是我在很久很久之前收藏的餐廳，今日返工好忙，忙到冇時間諗放工食d乜，於是眨下眼就放工喇，一路向車站行，一路睇住呢個app，一邊諗，見到『紅橋餐廳』就在車站附近，噉就決定食佢。坐低侍應就畀咗個QR曲我，叫我自己落單。睇得出佢哋真係好忙。所以我就用左網上落單，『紅橋餐廳』佢網上落單嘅功能幾好，清晰容易落。首先叫咗個晚餐 :黑椒汁西冷牛扒伴蛋包飯 + 中湯 + 前菜 + 飲品（+ 10）升級紅豆冰 $98等咗成十分鐘乜都未出畀我，一出就三個一齊出。中湯 + 前菜 + 紅豆冰。中湯飲咗兩啖就放棄，飲到一大陣豬腥味。前菜 = 沙律，順利食完。紅豆冰也不好飲，結果飲咗幾啖都冇飲。跟住來主菜，黑椒汁西冷牛扒伴蛋包飯。明明就係茄汁，點解要註明黑椒汁？全碟嘢最好食就係個粟米。塊牛扒硬到不得了，切都切唔開，食完成碟都係渣。個蛋包飯淡而冇味，而且蛋包飯裏邊嗰啲都唔係炒飯，而係用生蛋同飯撈埋一齊嘅東西，西蘭花都係白烚冇味既。唉！真係好失望。噉嘅貨色我真係食唔飽。我同自己講，可能我唔識叫嗻，可能佢啲意粉會好啲哩。於是我再落單。西班牙汁帶子海蝦焗意粉（$ 68） + 脆香雞槌（+ $ 18）先來個雞槌

香草忌廉汁煙三文魚燴意大利飯 $65紅橋仲有大埔總店同太子既分店 每間都好抵食🤣 呢個價錢包埋餐湯同野飲 食就食咗好多次 但好似冇介紹過😂 意大利飯既賣相都唔錯 而味道就更加 飯既熟度剛好又好creamy加埋有蘑菇同蘆筍等配料 整體味道唔會太單調 值得一試🤩評分: 9/10🌟黑松露忌廉汁煙肉帶子蘑菇燴意粉 $60雖然呢碟賣相就比較普通🥺 但一黎到已經有好香既黑松露味 而且帶子食落都新鮮 煙肉炒得好香 又有蘑菇同蘆筍 配料方面好豐富 加埋意粉熟度剛好 有啲咬口 整體黎講味道唔錯🥰評分: 8.5/10🌟———————————————————————紅橋 (旺角)旺角西洋菜南街190-194A號西洋大廈地舖

呢間係太子同旺角都有分店嘅紅橋，係朋友介紹，但一食就翻唔到轉頭，dinner人均$80嘅西餐，包左沙律，西湯野飲同一個main dish，自己最鍾意佢嘅蛋包飯set配蜜糖豬扒，蛋包飯蛋皮夠厚有口感，同埋淋左番茄醬夠開胃。