紅橋 (已結業)

成日經過紅橋以為係普通茶記, 今日同FD去食飯先知原來又唔係, 又有西餐又有SET DINNER, 仲幾好食添。 SET DINNER有湯, 前菜係煙鴨胸沙律, 沙律睇賣相都知都唔馬虎。意式茄茸大蝦蟹肉帆立貝燴意大利飯 $118調味不錯, 醬汁夠濃, 面頭既大蝦同帆立貝都夠睇頭, 帆立貝真係好大粒好厚, 旁邊仲有已拆既蟹肉, 依個價錢絕無欺場。白酒蜆肉意粉 $58蜆份量足, 雖然細隻冇乜肉, 但望下個價錢$58真係滿足矣! 意粉都煮得唔錯唔會過淋。芝麻蝦多士 (+$18)跟餐加既小食, 新鮮炸起好香脆, 加埋滿滿芝麻入口好香口, 依個好食!經典紅豆冰 (+$10)紅豆冰係用碗裝住中間雪成冰, 一口路溶都唔會令味道變淡。

行定彌敦道嘅新天橋，落咗天橋旁邊就見到這間紅橋餐廳， 餐牌一個晚餐七十幾，最貴都係百鬆啲，就入去試一試兩個人叫咗一個A餐豬肋骨同埋B餐意大利飯首先黎湯同埋沙律，上面有塊火腿， 很有鹹香，好食，食完仲想食埋人哋嗰塊意大利飯有隻蝦企咗喺上面 打卡一流睇落好細都食落不少，不會太膩煩，有一點點咬口， 蟹肉都算多，同埋蟹肉冇碎骨軟骨，可安心食用， 另外企喺度嗰隻蝦唔係裝飾咁簡單，好蝦肉又夠爽，面仲有蝦膏之後再食嗰個豬肋骨，都真係估唔到咁大份數過一共有十條好食啲肉好嫩滑整體嚟講成個full set dinner，仲平過去top食food court， 應該會再翻食下次再試下佢個木瓜中湯

是日又係正值炎夏 30幾度 , 同朋友係mk買完野後百無聊賴又肚餓 , 附近見到間西式餐廳價錢相當親民當時又唔駛等位 , 二話不說即刻入去涼冷氣啦餐廳位於旺角鬧市 , 環境行西式路線餐廳店面面積大約1000多呎左右 , 20餘張餐枱 , 容下70,80人應沒問題空間較躺闊 , 不會坐得很迫挾 , 有掛畫等點綴一下店員後生女 , 態度好 , 有禮 , 枱凳都好乾淨內裡裝修 環境佈置雖然是悠閒西式 , 但亦不乏少量 中式 , 日式餐點 , 午餐下午茶價錢實是相宜 40-60多不等menu印刷也頗為精美總共叫了三個餐上餐速度也快 , 5分鐘左右茶餐  芝士忌廉汁雞扒焗飯 ($40)    分數:8/10有別不同於一般坊間的焗飯通常細細碟 , 份量充足 , 飯量不少 , 芝士忌廉汁出色 , 咸度適中 , 送飯一流雞扒不會熟過龍而變得太鞋.....剛剛好...入味又嫩滑茶餐  黑松露蟹肉蘑菇意大利粉 ($45)   分數:7.5 / 10黑松露少量 , 蟹肉如相中舖晒在面 , 頗為新鮮無腥味沒有偷工減料 , 意粉入味 , 軟硬度適中 , 入口細膩茶餐  蜜椒豬扒配蛋包飯 ($48)  分數: 8

放假就一定要嘆返個靚靚下午茶，所以又黎食紅橋。假期等位既人都唔少，等左20分鐘左右就可以入座。入到黎个可以叫午市套餐，叫左個我中意食既香煎雞胸柳燴意大利粉，雞柳會保持到肉汁，意大利粉入味，呢個價錢，算高質素。套餐仲有餐湯同埋跟野飲。另外，套餐可以加一款小食，加咗芝心雞翼，講明係芝心成隻雞翼入面都係爆芝士😍精選茶餐叫左黑松露蟹肉蘑菇意大利粉，呢一個黑松露味好重，蟹肉都俾得唔少，成個意大利粉就係好足料同夠味，當然價錢都係相當便宜，抵食。仲加左叫左芝麻蝦多士，蝦多士真係要讚，咬落去真係啖啖蝦肉，而且好彈牙，佢仲配埋煉奶，我就中意加埋煉奶一齊食，一定要試。下午茶餐就叫左個雪山西多士，入面係花生醬黎既，加左6蚊轉左紅豆冰，呢度個紅豆冰係用碗上嘅，幾特別😂

前菜沙律🥗雖然少少地，但都有加一小塊smoke salmon ，都幾有誠意。原條蜜莎豬肋骨 配炸薯條🍟薯條應該係即叫即炸，上菜嘅時候仲係熱辣辣，入口小心。不過豬肋骨唧醃料就差少少🤏 雖然表面嗰一層有蜜糖，但似乎醃料無法深入肉質深入。所以，裏面嘅肉唧味道就差少少。西湯　紫薯忌廉湯可能係我孤陋寡聞，第一次見咁樣嘅組合。紫薯係比較甜嘅東西，放入忌廉高湯中煮就有種微妙嘅矛盾。飲得耐之後覺得幾好味。意式茄茸大蝦燴意大利飯呢個算係幾好食😋 茄茸都幾juicy ~ 酸酸甜甜都幾胃。蝦肉仲要係煎過先至放上去。服務Waitress 都幾nice, 見我地叫嘅野食比較多，就主動開埋隔籬另一張枱比我地擺野食。

紅橋 (旺角)旺角西洋菜南街190-194A號西洋大廈地舖是日中湯： 合掌瓜眉豆花生湯是日西湯： 粟米湯餐茶(凍+$3) ： 凍檸茶 (茶味幾濃！)去骨海南雞 (半隻) $93(加$20配油飯+ 包是日中/西湯，餐茶轉凍飲+$3)海南雞全無骨，方便易食，肉質滑溜，面層撒上炸蒜碎及炸蒜皮，附上2款醬汁，紅醬🔴是泰式酸辣醬，綠醬🟢近似是青檸汁加薑蒜碎混合而成的醬汁口味～兩款醬都好適合蘸海南雞～油飯大碗，有雞油香，又唔會過分濕潤～Set Dinner (包是日中/西湯，餐茶轉凍飲+$3)黑椒汁西冷牛扒 蛋包飯 $88入座時見到差不多有7成枱的客人都點呢個牛扒餐，睇嚟係招牌菜😆牛扒同蛋包飯份量都幾大份～蛋皮留有蛋汁，蛋汁沒有令內裏包住嘅煙韌白飯過分濕潤，$88有咁大碟嘅牛扒蛋包飯晚市套餐，仲包埋中/西餐湯、熱餐茶、沙律，比快餐店抵食好多！！

今日又同個同事出咗旺角做嘢，就隨意搵咗一間餐廳食個quick lunch，選址紅橋。睇完餐牌之後就可以利用QR code喺手機自助落單，非常方便。揀咗一個set lunch，餐湯顏色好特別，紫色嘅忌廉湯真係好少有，原來係香芋忌廉湯。香芋忌廉湯入面仲有香芋同粟米，口感豐富。意式茄茸煙鴨胸燴闊條麵有好多煙鴨胸同其他配料，配合闊條麵食出唔同層次。龍蝦汁海鮮意大利飯有好多唔同海鮮，包括有大蝦、珍珠帶子、蟹肉、蜆肉，配合龍蝦汁同洋蔥，好味到唔使10分鐘就食晒。另外仲叫咗一客芝心雞翼，原來呢個係已經去咗骨嘅釀雞翼，啖啖肉啱晒我。最後飲番杯跟餐嘅熱檸茶，茶味夠濃，仲有多片檸檬。

今晚比我同朋友係旺角搵到哩間西餐廳，大份兼抵食，最平套餐都只係$76，鋪面細細，但內裡都幾大，容納到大概50人左右，睇下餐牌，除左散叫食物外，仲有精選套餐選擇，我同朋友都選左精選套餐，套餐包括左前菜、中/西湯、主菜、飲品及(+$18)小食。哩度採用掃二維碼落單系統，落完仲即時計埋埋單價錢比你睇，仲要唔收加一服務費。食物黎得好快，我點左個經典紅豆冰，用個兜盛載住，一粒大大粒球狀既冰坐落中間，紅豆唔算大粒，但食落都夠棉同起沙，加埋椰汁同花奶，味道夠經典。前菜煙三文魚沙律，裡面有兩片煙三文魚及各式沙律菜，份量雖然唔多，適合女仕享用。中/西湯，餐廳雖然係食西餐，奇怪地會有中湯配搭，我同朋友每款點了一個，中湯係合掌瓜，西湯就係香草粟米忌廉湯。黑松露忌廉汁海蝦帶子燴意粉：帶子同蝦雖然唔係好大粒，但勝在無殼，加上煮到7成熟狀態，食落鮮嫩，而意粉被大量黑松露及忌廉汁包裹住，香濃Juicy。白酒忌廉汁西蘭花煙三文魚焗飯：等既時間比較耐，因為係即時焗製，一上枱個盤好熱，店員都特別提醒小心唔好掂到條邊避免燙傷，望落紅紅綠綠，面層放入水牛芝士焗，好吸引，食起來芝士仲有拉絲效果，唔錯。脆香雞槌小食：外皮超脆，咬

同朋友睇完早場行完街諗住食個下午茶記起之前有人介紹過我去呢間抵食西餐於是決定同朋友一齊去會一會佢😎🌟煙肉芝士漢堡配薯角（$62）煙肉唔會煎到乾硬🥓漢堡扒嘅調味亦啱啱好🍔醬汁係honey mustard，甜甜哋好開胃又易入口薯角份量好多，男士唔洗擔心唔夠飽🌟雪山西多士（$41）依度嘅西多士係3塊薄麵包夾住雙層花生醬所以粒粒都好濃花生醬味🥜🥜🥜而且炸得金黃飽滿🤩🌟意式茄茸蟹肉帶子燴意大利飯（$65）意大利飯煮得啱啱好，仲有一粒粒嘅口感而且吸收曬番茄嘅酸甜味，唔會覺得膩🍅帶子嘅分量一啲都唔孤寒，鮮甜彈牙加埋面頭放上拆好哂既蟹肉，增加鮮味🦀由於呢個意大利飯係lunch set嘅菜式，所以仲附上餐湯，非常抵食🥣🌟芝麻蝦多士（跟餐+$18）一見到有得加蝦多士，就毫不猶豫咁叫埋🦐多士絕對係即叫即整，上菜時仍熱辣辣入口酥脆，蝦膠彈牙鮮甜上面再加一層薄薄嘅芝麻碎，令多士更香口惹味🤤-以上三個主菜都包埋一杯飲品，性價比好高👍下次去旺角又多一個選擇啦🤓

紅橋一向出名抵食，學生時期已經不時會嚟到西餐。每日晚餐選擇都唔同，全部都幾吸引~父母叫咗蛋包飯，分別配牛扒同鰻魚。個人覺得鰻魚比較抵食，魚身長得嚟唔會多幼刺。不過分量真係太多，兩老都話食唔晒。龍蝦汁海鮮意大利飯不過不失，唔會太膩。同海鮮飯差唔多，但轉成黑松露醬意粉，帶子同蝦數量都多~今次加咗小小零食，韓式炸雞嘅味唔會太辣，加埋甜酸醬一齊食幾新鮮。芝麻蝦多士幾得意，多士夾住蝦膠，面層舖滿黑芝麻，加埋煉奶，咸咸甜甜咁幾過癮。是日餐湯係紫藉湯，雖然賣相唔多討好，但飲落又ok喎！食咗咁多野都係每人100蚊，果然係平民西餐廳XD

今晚放工和同事去太子買龜糧，經過紅橋餐廳, 望見門外餐牌價錢不貴, 有抵食晚市套餐。而且全日免收加一, 決定入座用餐。叫咗兩份套餐，送前菜、是日餐湯、熱飲。前菜巴拿馬火腿雜菜沙律，薄切的巴拿馬火腿肉質柔軟，脂肪分佈均勻，含濃郁的栗樹林香。配新鮮爽口的沙律菜，清新美味！餐湯牛肝菌忌廉湯，牛肝菌營養豐富，濃郁可口，加入蘑菇，更帶出濃湯的芳香美味。蜜糖豬肋骨伴蛋包飯，香噴噴的燒豬肋骨肉質有口感，蜜糖和燒烤醬的味道很配，滋味無窮。香滑蛋加上粒粒飯的配搭，加埋茄汁，實在是令人回味的食感。黑松露忌廉汁海蝦帶子燴意粉，鮮蝦仁大隻爽口，帶子有甜味，黑松露忌廉汁香濃惹味，用來伴意粉十分美味！凍咖啡香濃。飲品另加10$轉了經典紅豆冰，呢度既紅豆冰係比較特別，碗上加上一球碎冰，將碎冰整散, 飲既時候飲到紅豆、奶和碎冰混合一體，真的解渴又滿足到口感, 甜味適中！加$18芝麻蝦多士兩件，蝦多士炸至金黃香脆, 內裡蝦滑彈牙, 表面芝麻香口，點上練奶味道甜甜地, 唔錯嘅小食！

今日去左旺角shopping, 見肚餓就同朋友去左紅橋食啲野先。黑松露忌廉汁海蝦闊條麵：力推依個意粉，份量同樣大大碟，闊條麵完全吾硬口，反而夠晒滑。加入左黑松露忌廉汁，味道帶濃厚黑松露。雖然加了忌廉汁，感覺吾會太漏，但依然creamy啊！當中有三隻爽口蝦，同埋少許菇。送餐湯、加$10轉紅豆冰：餐湯是蘑菇忌廉湯，味道岩岩好，紅豆冰既奶味道不算太甜，而紅豆甜甜的。加$18換購芝麻蝦多士：外層幾脆口，佈滿左白芝麻，入面帶蝦肉，帶點鮮味，整體感覺有啲油。芝士焗肉醬意粉：份量黎講好大碟，整個焗粉吾算焗得太耐，夾有適量既芝士同肉粒，意粉口感幾滑又吾易斷，味道甜甜地酸酸地。鮮蟹肉南極蝦鮮茄牛角包配薯角：牛角包size幾大，當中夾有吾少蟹肉碎、兩隻蝦、生菜、蕃茄、沙律醬。蟹肉味道幾鮮，完全無腥臭味，而牛角包口感幾鬆化。整體食起黎又吾會太油膩。可惜，對薯角有點失望，外觀好似翻炸過好多次，食落好多油滲出，愈食愈油，感覺不太討好。配熱飲：跟有熱飲，揀了熱檸檬水。

旺角咁多嘢食真係好難揀 天氣太熱 係附近就入左黎食 落單係用QR code…夠曬方便 款式比較多 意粉🍝 焗飯 🍛常餐 必不可少叫左香草蕃茄茸海鮮燴意大利飯食到粒粒番茄🍅 海鮮種類算多有蝦 帶子 蟹肉😋😋😋🍤西班牙汁芝士焗豬扒飯🧀🍅🐖🍚芝士好重手啱晒芝士人士啊配埋西班牙汁好好味 其實係偏向蕃茄汁嗰個系列嘅😎兩個餐都加咗$12升級套餐西湯加嘢飲鍾意飲中湯嘅朋友都可以揀㗎西湯梗係配埋蒜蓉包啦 🥰🥰🥰另外加左脆香雞鎚🍗個味道簡直就好似麥當勞咁樣 🤪飲品叫左奶茶同埋凍檸茶飽曬😛😛😛

上星期到花園街圖書館借書後,行去西洋菜南街嘅紅橋開餐!點咗✨精選套餐D~黑松露忌廉海蝦帶子燴意粉(奉送前菜、餐湯及熱飲)✨鮮茄大蝦香草意粉加$18優惠價配埋餐湯及紅豆冰前菜🥗:巴拿馬火腿雜菜沙律新鮮,引起食慾!餐湯🥣:中西湯各一,中湯感覺冇乜味精,西湯幾creamy,有粟米蓉口感。芝麻蝦多士(2件)🍞🍤:惠顧任何一主食或套餐,加$18可換購2件芝麻蝦多士或吉列炸蝦。呢個芝麻蝦多士香口吾油膩,加入勁多黑芝麻,點上煉奶,好特別。意粉🍝:兩種味道嘅意粉彈牙掛汁。蝦肉同帶子都爽口,蝦去殼加分。仲加入洋蔥同露筍等增加口感!餐飲🥤:熱好立克正常,紅豆冰用個方形兜裝住上,中間放著一舊大冰,保持冰凍。紅豆够腍,有椰香。不過我個人覺得甜咗少少,但可接受的。雖然呢度冇華麗嘅裝修,但都坐得舒服,食物抵食又好味,份量足,選擇多,冇加一服務。值得再來光顧。

餐廳主打親民西餐，提供多款dinner set俾客人揀。環境大而且座位闊落，坐得舒服自在。晚市7點半左右，已經爆場。客人可以利用QR code落單，慢慢揀。叫左香煎鵝肝·蟹肉伴黑啤酒忌廉汁燴意大利飯($118)，黑松露忌廉汁海蝦帶子燴意粉($76)，芝麻蝦多士。套餐包括中湯或西湯，忌廉湯幼滑，蘑菇片香甜，味道濃郁。而中湯合掌瓜消暑祛濕，適合夏天時候飲，好貼心。主菜前食個小沙律，青瓜爽脆，加入蟹子後增加口感。鵝肝煎到閃令令好香，厚身而且大塊，一d都唔吝嗇。"畢"起一羹個陣，熱煮令酒精揮發，留下好大陣麥味，混合意大利飯食，味道更突出。蟹肉已經拆左出黎，肉甜充滿海水鮮味，而且份量亦多。燴飯加入露荀，爽嫩。另一款主菜亦非常出色，好值得讚既係，用料多而且味道一流，就咁睇，珍珠帶子及海蝦數量不少。海蝦大隻鮮美，而帶子煎到表面脆身內嫩。意粉軟硬適中，黑松露味道超濃烈，食到底，有好多松露汁，所以要拌勻食。而且溫度keep得好，食到底，都仍然有熱氣冒出，暖烘烘。跟餐可以加配小食，芝麻炒香後脆口，蝦滑鋪係多士面，配搭煉奶，估唔到又幾夾，甜甜地完全唔會覺得奇怪。跟餐又可以加錢轉紅豆冰，餐廳特登用個碗裝，變到