紅煙窗餐廳

營業中

休息中

佐敦鬧市中的恆豐酒店自助餐，用信用卡有優惠呢，折實大約$450一個，價錢實惠，我只想在寧靜中慢慢食一餐飯，食物種類多而且精美。海鮮：長腳蟹、生蠔、青口、翡翠螺、海蝦熱葷：芝士焗蠔、蒸魚、咖啡、自助麵吧、雜菇等等刺身：三文魚、吞拿魚沙律：沙律菜、西瓜、蜜瓜、菠蘿、粟米等等甜品：雪糕、pancake、cake、果撻、o者o厘杯總括而言，地理位置唔錯，食材新鮮，款式精致，價錢合理，會再次幫襯。

前幾日去依間餐廳食一個自助餐，依間餐廳最出名就係啲生蠔同埋同埋刺身，依間餐廳個位置呢就非常之方便鄰近地鐵站，先講嘅自助餐佢裏面呢有生蠔啊，長腳蟹啊，壽司同魚生，各樣呢都好新鮮尤其是生蠔，生蠔好有啲鮮味啊同埋好有蠔味，最重要係夠晒凍，證明佢係好新鮮，我一個人都食了20隻。

佐敦道恆豐酒店“紅煙窗餐廳”自助餐已經經常去， 但每一次都保持水準，基本上同一般嘅自助餐分別不大，都係有長腳蟹，生蠔，海蝦，同埋刺身，海鮮同刺身都好新鮮，我每一次都會有少許不同嘅特色，對上一次更有我喜歡食的梳乎厘，今次就有鮮果班戟，每人仲有半邊波士頓龍蝦仔，雪糕同埋甜品有好多選擇，唔同其他嘅酒店自助餐得一種雪糕選擇，或者得兩三樣甜品，佢甜品嘅品種大約都過十款，雪糕有兩隻唔同牌子 movenpick同Dryers，Dryers提供幾種新味道選擇，總括嚟講， 紅煙窗嘅自助餐保持水準，值得一去再去

冷盤種類唔多，只有生蠔(偏細隻)、小龍蝦、青口同蝦。(之前聖誕食過一次lunch buffet有蟹腳，價錢當然貴d)。前菜有中華沙律同螺肉。壽司有三文魚、火灸三文魚、墨魚等。刺身有三文魚、蟹柳、玉子等。熟食如牛扒、炒蛋、炒菜、三文魚卷物、燒物(剛剛燒好既更加好食)等屬正常水準。中式糕點：豆沙煎堆，硬到食唔到，似擺左隔夜既感覺(以前食過好軟熟好好味架)；芝士沙翁，沙翁唔夠軟熟，芝士好膩。甜品有Dryers雪糕(朱古力同綠茶味)、Dryers雪條(朱古力同芒果味)、豆腐花、自製熱香餅、蛋糕、自家製甜品。飲品有橙汁，柑橘檸檬，仲有熱朱古力。體而言，環境都幾舒適，又乾淨，唔會好嘈雜，收碟速度都算快。惟熟食款式比薈景少好多，不過尼個價錢同食物質素都算合理。如果想過下食自助餐既口癮,，紅煙窗既lunch buffet都算係唔錯既選擇。(個人口味:3/5)(價錢: $268 八折再加一)

环境很舒適，雖然地方不大，感覺也不錯。食物一般，種類也多，味道一般。待應服務很nice,可惜厨房部的員工，服務態度就麻麻了，希望可以改善。光顧一次已足夠。。。

每次到佐敦出job，個客都一定會請我哋食一餐自助餐，今次就食恒豐酒店的紅煙窗餐廳。呢間餐廳的午餐都算幾多嘢食！有各式各樣的芝士，有中湯和西湯，海鮮類有生蠔、刺身、小龍蝦，熟食/燒類亦都有魚同埋牛扒、羊肉等等，而甜品都有好多選擇，有蛋糕、豆腐花、雪糕，仲有水果。這裡的蠔都係細細隻的，但好鮮甜！另外我比較喜歡的就是小龍蝦跟希靈魚，希靈魚我覺得吃落有淡淡的魚香味之餘還甜甜的，很好吃！而燒嘢我就覺得雞翼跟燒波羅係最正嘅！呢度啲蛋糕甜品做得很不錯，賣相也是很好的！女孩子一定要試哦

星期日去左呢間自助餐，係經朋友介紹話環境唔錯，地方闊，坐得舒服，野食幾好，所以就揀左呢間自助餐廳食野。位置黎講呢都幾好，係幾舒服嘅。但食物種類唔太多，我地去嗰日竟然蟹腳，有啲失望。反而甜品非常多，變左好似係甜品放題咁。而且啲切肉切三文魚嘅姨姨態度唔係幾好咁，搞到排左一兩次拎三文魚刺身就無排了。地方算乾淨，飲品都係橙汁嗰類無咩特別。整體黎講就一般般，唔會再去。

自從各好友結婚生小朋友之後，見面機會越來越小，要就齊人一起出來嘅機會更加微符其微，所以如果約到的話大家都希望選擇一個舒服寧靜嘅環境，可以慢慢坐下交流下，食物反而係其㳄！而呢間紅煙窗就非常符合我地嘅要求，因為佢有張可以容納十幾人嘅圓枱，而且係角落位置，價錢以酒店黎講算好合理，好多時都會做七折，4xx元左右，小朋友四歲以下係免費，所以我地通常會選擇尼度聚會圓枱傾計係最好，不過大圓枱只此一張，記得預早訂位要求食物方面，要讚一讚佢d熱葷種類好多選擇，啱曬我，我唔得生冷野另外，佢個朱古力噴泉好正，個朱古力係會凝固喺食物上面，好正

好耐無黎呢間食，超過十年，環境都OK嘅，但係啲4人方枱坐兩個人，果兩張吉櫈突晒出黎，變相位同位可行嘅地方好少，行出行入差啲kick到，有老人家就要小心睇路。食物味道同賣相都唔錯，特別嘅有牛肉他他幾有牛味但係啲凍龍蝦唔知點解好鬼死咸，真係好咸，咸到苦嘅唔知係海水定鹽水呢，整體分數都俾呢味拉低晒。

有朋友介绍呢間酒店自助餐話食物種類雖選擇唔多但幾好味食得過,所以就試下前一日先訂枱,居然咁都book 到喎！一坐低就覺得呢度冷氣頗凍,我建議各位下次嚟最好帶件外套啦！第一輪先食餐廰主題：冷盤海鲜！攞咗開邊龍虾,肉質比較靭好彩唔柴口,未必啱老人家食,但都有龍虾味,海蝦就冇我想像中咁弹口,但都可接受,生蠔就如果你係食開淡口味既就未必鐘意嘞,因為我個人覺得略為比較咸咗少少(因為我冇落任何酱料想食海鲜原味)。不過我推介大家食龍虾鉗炸雲吞、炒飯及蒸魚,至於咖喱鷄個汁又係偏咸。總括嚟講呢度食材唔差,係有某d食物偏咸(我個人口味)都值得一試。可惜環境影响心情,冷氣比较凍,及可能係暑假關係,禽晚比較多小朋友在埸奔跑或尖叫,所以本人食飽就要離埸嘞。

是日，本人與家人一起預早慶祝父親節。因Budget有限，但家父又想食有生蠔的自助午餐，故經多番挑選下，終於找到這間三百元有找的餐廳。 海鮮冷盤：於現場所見，海鮮冷盤有凍蝦、螺、長腳蟹、青口及生蠔。而本人只主品嚐了生蠔及長腳蟹。長腳蟹腳味道尚算不差，但即使用膠剪，肉與穀也較難分離，感覺不太新鮮；而生蠔不算大隻，但頗有海水味，口感不俗，值得一提的是，本人以往享用的自助餐，只會選擇一些由餐廳職員每次限量地分發生蠔給食客之餐廳，因本人十分不喜歡與人「鬥搶」生蠔，唯是次於這間餐廳的體會中，見到餐廳職員不停添加生蠔，而從未見到放置生蠔的地方是全清，讓眾食客（包括本人）可悠揚地因應自己能力而取多少隻生蠔，這確值一讚。 熱食：本人品嚐了蟹蓋、魚蛋河粉、中式點心、粥、牛肉及魚柳等，味道皆不俗。 刺身：本人只食了三文魚刺身，餐廳職員不吝嗇地厚切，感覺肥味且新鮮。 甜品：甜品種類不少，而本人則最喜愛吃豆腐花及D字頭雪糕。 服務及環境：衛生情況不錯，服務員態度有禮，他們每次執拾餐桌時，皆會說「不好意思」或「唔該」，唯收拾的效率則一般。此外，最值得一讚的是，該用餐時段為1200-1430，但到1410，仍見服務

大年初一，和家人一起在紅煙窗吃個午餐buffet,12:00便開始，人流十分多充滿節日氣氛，今日假日主題好正，好像越南印尼主題午餐，而且還有至愛的生蠔，長腳蟹，甜品也有驚喜超正，新年時段又不貴，讚、超讚！生蠔肥美海鮮超正炸物還有至愛檸檬撻，班籣蛋糕沙冰，珍多冰食物真的不錯，選擇多，之前吃晚市較多，甜品多了好多選擇，最開心是飲品無限飲，冷熱都有，而且還有沙冰，DIY珍多冰，值得一試。

今日遲咗食早餐，索性唔食午餐，搵下午茶自助餐食飽啲，當食埋晚餐，都好著數吖。就咁電話去去訂枱兼問價錢，回覆話用餐時間15：15～17：15，每位$268再加一，再追問有冇信用卡優惠，職員就話喺FB 讚好有六折，即係$268 x 60% + 26.8 = $187.60，就去啦。雖然話係下午茶自助餐，我覺得同中午自助餐嘅食身差唔多，都有兩款沙律，凍熟海鮮，刺身壽司，多款熱葷，海南雞飯，喇沙湯麵，多款甜品同沙冰，仲有任食 Dreyers 雪糕，呢個價錢都合理。結論：喺附近諗唔到食乜，都可以一試。

我同老公都好中意食生蠔同長脚蟹，這間自助餐我地這幾年都差唔多最少3個月食一次，生蠔愈來愈美味有水準，長腳蟹都很鮮味，其他熱盤雖然不算多但水準都不錯，飲品有兩種果汁，咖啡，奶茶重點是這個價錢真的是超值! 服務都不錯!希望甜品可加多點款式，這就最完美了!

有生蠔的自助午餐 好像很難找偏偏紅煙窗正是有生蠔價錢240連加一， 性價比很高回本食物方面， 切牛肉， 生蠔 是不二之選不知是不是聖誕自助餐後的 剩餘貨， 午餐竟然有龍蝦鉗及翡翠螺， 有驚喜熟食方面， 炸雲吞非常好吃， 早前有卡邦尼意粉， 不過最近數次來也沒有碰到， 記得很好吃的說甜品方面 亦有多款dreyers ， 算是不失禮