紅磡冰室 (已結業)

一早黎食早餐, 見到長長既人龍..(大約15 人在等食早餐)仲以為要等好耐, 估唔到, 不消5分鐘..就有位置俾豬仔同友人其實講坐位..裝修完後,, 好依坐迫左先叫返友人最期待既沙嗲牛肉麵. 沙嗲牛肉水準依然Keep 到. 讚而個麵底煮得略冧, 公仔麵友人都是喜歡硬身一點的.而炒滑蛋仲係咁滑的, 而多士是厚多士,, 都呢到既優勝之處而豬仔叫既蕃茄碎肉通粉無拍到照,, (抱歉啦)蕃茄底是"傑"身的. 湯跟通粉是7 份通份, 3 份是湯,所以每口通粉都是掛汁的. 豬仔是欣賞的無奈肉碎並沒有切得很碎, 吃到一整粒的肥豬肉整個口感很不一致. 紅磡冰室既食物真係差左唔知係咪易左手呢.......

已有一段時間沒有到訪紅磡冰室，突然好想食下茶記簡單的常餐/茶餐，便走路到位於北角英皇道的紅磡冰室點了一份外賣常餐A, 茄牛通，炒蛋，蒜蓉包，熱檸茶，承惠$48。 可能還有很多人在放新年假，不是太多人，所以不用等很久便可以取。👍🏻茄牛通，料挺多的，番茄有大約3舊，牛肉都算多和幾大塊，不靭，但有少少根筋，最欣賞有跟薯仔。但通粉太淋，番茄湯不夠味，一般。炒蛋，夠滑夠香✅。蒜蓉包，外脆內軟，但略嫌不夠熱！

北角好多餐廳年三十都已經收左爐，最後簡左好耐無食既紅磡冰室。因為平時太多人排隊啦，次次想食都食唔到❗️今日誤打誤撞🥰食到個好滿足既收爐Lunch🥳今日簡左食瑞士雞翼撈丁配蒜蓉包炒滑蛋，飲熱檸水。蒜蓉包好香同夠脆，炒滑蛋都好滑又多蛋汁❗️重點係個撈丁好開胃，公仔面面底煮得岩岩好，唔會淋。熱檸水就比足3片厚檸檬🍋唔會切到薄EE👍🏻成個既份量對於我呢講岩岩好❗️但男仔就應該唔夠飽，對於佢地黎講應該似下午茶多d😛

昨天到下午茶,餐牌好多選擇,價錢大眾化,叫咗一份排骨炒麵及一份常餐,炒麵鬆脆,排骨一般,奶茶濃滑。常餐鮮茄牛肉通,雙蛋,厚多士,凍檸檬茶,味道好吃。我問員工姐姐要杯水,佢即刻比咗杯熱水我,之後佢見到我攞藥,就再即時話加些凍水比我食藥,覺得佢對人客細心,其他員工都有禮貌,雖然我食嘅價錢小,但付錢時會講聲多謝,很好。

果日2點幾去到又未到tea time仍然叫番平時叫開既茶餐北角分店既位子會比較闊落坐得比較舒適~上菜速度都快既呢到既份量一如既往既大通常食完都可以捱到好耐都唔餓我覺得最好食既就係炒蛋同多士!!通粉都濃味既杯紅豆冰佢寫到皇牌咁我以為會好好味咁但其實都只係好普通 唔濃味有d失望下次都係叫番奶茶檸茶果d算唔試都ok朋友就食左雞翼撈一丁果個常餐d撈麵每條都係索晒汁好惹味!!!!!

港島區lunch 必食之選！$42蚊一個常餐，滑嫩炒蛋配香口蒜蓉包再加個沙嗲牛麵（不過我轉左米粉）包熱飲。其實女仔黎講，淨係食佢個炒蛋同埋蒜蓉包已經飽咗大半，我諗佢個炒蛋真係超足料，好滑，好濟次次個麵都要搵人分一半先唔洗曬野，不過男仔又真係食到。驚太heavy可以轉煎雙蛋，但係我覺得佢煎雙蛋對蛋太生，蛋白重有3成係全生既。同埋真係超足料，雖然我個沙嗲牛米啲沙嗲唔係好似翠華咁樣整做沙嗲湯，要自己撈返暈d沙嗲醬，但係都好濃味，牛肉好入味。豬扒撈丁快豬扒真係超大塊！蕃茄湯好濃郁！

2018年6月8日。雨。北角。晚飯時間來到北角，只有半個鐘食飯，所以只好喺附近搵間茶餐廳搞掂記憶中好似一兩年前開始，突然出現咗好多間XX冰室呢間紅磡冰室都係呢兩年冒起，喺港九新界都見過茶餐廳通常都快（靚正），所以落咗地鐵就嗱嗱臨走入去啦餐廳入面都算闊落，多卡位，去廁所會經過廚房門口，好濕，廁所亦唔多乾淨。。。坐咗喺卡位，餐牌各樣都擺得企企理理唔算太餓，咁就叫常餐啦～叫咗侍應過來落單，侍應手指一指，常餐供應時間至6點。。。咁唯有硬食晚餐啦，睇完就決定要個鹹魚雞粒炒飯未落單侍應就已經攞咗個例湯過來啦應該就係粟米合掌瓜排骨湯，例湯清甜足料（碗入面有粟米、合掌瓜、南北杏同肉），唔會油，亦唔會太鹹，例湯來計算係唔錯等咗5分鐘左右個鹹魚雞粒炒飯就到啦份量非常之多，以普通飯碗來計我諗都有三四碗評語只有三個字：鹹，好鹹！雖然係鹹魚雞粒炒飯，但係淨係食到死鹹嘅味，一啲鹹魚嘅鹹香味都無食咗一陣先搵到一粒大粒啲嘅鹹魚唯一值得一讚嘅就係個飯好多雞粒，但都真係食唔落。。。太鹹啦努力扒咗幾啖就走啦好後悔無食麥當勞。

每次去北角都一定會幫襯的茶餐廳，而每次幫襯都一定會order佢地的常餐B，因為真係好抵食！瑞士雞翼撈丁必配炒蛋蒜蓉包，雞翼夠入味，祕製瑞士汁撈一丁係我的至愛 今日午市時段同女朋友去食，而佢又係食肉獸，所以特別叫左個午餐B-豬扒炒烏冬。侍應姐姐拎到上台，心諗：嘩！原來咁大碟！炒烏冬唔會好淋，有色有香，味道唔會太濃，啱晒我地呢啲唔太重口味的人。如果面頭多啲芝麻咁就更加好。好足料！有成四大件炸豬扒係底！脆漿夠脆，豬扒夠入味

老實講，已經嚟過北角呢間紅磡冰室起碼有十次啦，每次一嚟必叫嘅就係常餐C: 瑞士汁雞翼撈丁。雞翼好入味又好淋，出前一丁撈埋瑞士汁一齊煮，甜甜地好好食，每次食都覺得佢麵底太少啦，好想加麵！但最近呢次嘅經歷就好失望啦，事源我12:30到嚟食，人多都要排隊近15分鐘，同樣叫咗瑞士雞翼撈丁，好可惜，雞翼無味不但只，出前一丁寫過頭，超級淋，第一次食兩啖已經覺得唔想食。所以提提大家，繁忙時間唔好食撈丁啦，或者等到兩點後先食可能會好啲～

係北角食LUNCH都一段時間啦實在都食到冇野好食啦都唔知食啲咩好啦已經咁平時紅磡冰室門口都多人排而我只係食過一次咁大把咋門口有個午餐餐牌望望跟住入到去坐底喇咁就可以點野食啦我係揀咗個午餐食既最後乾炒牛河叫咗個乾炒牛河十秒之後上枱啦十秒就上枱 我估似係人地唔要咁睇個賣相又唔好食 色水又唔好 咁就食啦 食落冇乜味 冇獲氣 完全唔掂一啲都唔好食 對呢個牛河好失望仲有杯餐飲既叫咗個熱檸茶不過不失咁但唔知點解間野門口咁多人等位可能未必係食午餐可能食常餐 見有唔少人食常餐但個乾炒牛河好唔掂

話說成日午飯時間經過紅磡冰室都要排長龍所以約左好友星期六下午來試試平時見外面個午餐牌都比其他茶記貴十幾蚊左右但都咁多人排隊🤨星期六時段神奇吾洗排隊有位坐舒服好多睇一睇餐牌原來佢個常餐係最多人嗌咁我同朋友都叫左常餐B $48煎豬扒瑞士汁撈公仔麵配厚牛油厚多士炒滑蛋厚多士有少少烘底牛油味夠重 多士算厚身滑蛋重牛奶味超滑 超愛吃煎豬扒大過我手仲大過我面望一望對比下係咪大過我塊面呢 所以超抵食不過煎得吾夠入味就好普通一塊大豬扒勝在抵食反而瑞士汁撈面夠多同入味熱奶茶☕️夠滑夠茶味吾洗加糖都正了埋單吾洗加一其實之後我仲有黎食佢既常餐B 番茄牛肉通粉$46一樣夠大碟牛肉大塊湯夠濃味反而對比煎豬扒我更愛這個了另外想推介佢店裡的熱檸蜜雖然要另外$8但係夠大杯同多檸檬🍋同蜜糖味夠重係足料的加幾蚊都抵飲

今日太夜食飯求其搵咗個地方食野，見到燈光火著門口都好大招牌有好大， 原來係叫紅磡冰室， 二不話說即刻衝咗入去食~ 我第一次過叫咗個鹹魚雞粒炒飯同埋個， 味菜牛肉炒麵，呢度啲嘢真係好抵食咁大碟都算好味😋😋😋, 最後仲加咗$6叫杯奶茶 都係103蚊超抵 值得推介👍👍👍 唔怪之得成十點都咁多人嚟食😄， 下次真係要試下呢度嘅早餐因為有我最喜歡嘅牛角包，過咗十點後仲有宵夜餐😃不過唯一唔係咁鍾意就係洗手間都幾污糟

今日好凍 得返八度咁lunch落街食嘢已經騰騰震即刻走入呢間紅磡冰室食第一次入黎食 坐住咗對住門口嘅位佢個門口好大 用自動門門口一打開 佢就不停扯啲寒風入黎 好凍 但之後啲人冇再開開閂閂咁就好返好多喇中午餐牌如圖 但我最後冇揀到午餐食揀咗個常餐食佢有多士或者蒜蓉包煎蛋或者炒蛋我就揀咗蒜蓉包個包幾香口 幾好食煎蛋都唔錯撈湯麵食都幾好之後有個豬扒湯公仔麵豬扒煎得香口 入口幾好 唔鞋唔靭公仔麵略嫌太生唔夠熟就 浸住啲湯一陣都仲太生但常餐價錢比較貴46個配熱飲黎

無可厚非 食物品質會令人再次幫襯 可惜...外賣包裝 難以容忍 每次買外賣 仲有半碗湯 流到膠袋(倒瀉)若買蕃茄通粉 有半碗蕃茄湯流到膠袋 當中挫敗感大到...由始至終 是膠袋與器皿不配合 導致手抽袋提起時膠蓋亦被提起 或膠碗太柔軟容易與蓋分離

路過比是日晚餐吸引左係回窩肉呀！！但係入到去侍應哥哥竟然話賣晒賣晒？ 真係晴天霹靂唯有叫牛仔骨 加多份蛋牛治牛仔骨好快上菜 5分鐘左右白飯好大碗 牛仔骨有10件左右 每件都大件 好多肉 得兩舊仔件冇咩肉 牛仔骨好腍 都幾入味不過洋蔥同青椒有d生 放唔入口同埋冇咩汁送飯 略嫌太乾身個蛋牛治都好大份蛋好多 咸牛肉比較少同碎包好腍 咬落口好軟熟幾香牛油味跟飯個中湯好老火 不過無咩料得一件蘿蔔同一少舊瓜 但以味道黎講係唔錯既埋單108蚊 如果以淨係食小菜黎講少少貴但份量多到夠兩人食 都好抵食