紅磡冰室 (已結業)

原本和友人為食常餐而去，點知去到太遲已做晚市，太肚餓的關係決定晚餐照食!哈哈原本以為點個炒麵就算，點知一嚟就大大碟，恐怖到呀，消夜份量。相信男仔食，一定幾分鐘就ko左。睇張相就知幾大份啦~~xo豬頸肉炒公仔麵龍鬚豉油皇炒麵份量大，又多芽菜，夠鑊氣!

同事推介這間茶餐廳的雞翼撈丁很好吃午飯時間需要在門外排隊透過玻璃窗張望食客的盤中物真的每桌都有一份瑞士雞翼撈公仔麵每個人都吃得十分滋味而我則反叛一點 點了另一份常餐蒜蓉多士與炒蛋茄牛螺絲粉 42熱檸水整個套餐非常豐富蒜蓉多士雖然只得一片但非常厚身 而且味道濃郁 蒜油又不會過多炒蛋也炒得剛好 異常滑身 捨配在一起吃很是享受茄牛螺絲粉湯底濃稠 感覺更像蕃茄蓉螺絲粉螺絲粉掛湯力一流 雖份量不多 但搭配的蕃茄和薯仔纖維豐富 也足夠填飽肚子牛肉很新鮮 也不是一般像肥牛般薄切的無良食肆店舖雖然忙碌但幫忙點餐的店員仍然有心情與我開開玩笑 而且我喜歡這個自閉座位即使一個人用餐也不會顯得尷尬以上

炒物越來越差 乾炒牛河炒出黎唔熱囉 好似炒定再丁返熱.....食過2次都係咁 員工無禮貌 見有客人走了 看見有員工還講粗鬧客人......可能你壓力大但都唔好比其他客人聽到。

放假竟然又訓唔到，晨早就醒左，落嚟食個早餐，之後番去又訓過。。今日去到都係好似平時甘多人，等左一陣位都入到，例牌叫個A餐，火腿包片通粉，食炒蛋，轉牛角包。今日個通粉份量就多左，但唔知點解覺得個通粉口感粉左，無平時甘好食。個牛角包又醜樣左，但係就味道如一。希望下次d水準番番嚟。另一個就叫左沙嗲牛肉麵，煎双蛋，保持到水準。

無論何時來到紅磡冰室，也是滿滿的，原因是抵食又大份！今天叫了兩個晚餐，先來好味老火湯，另外叫了上湯魚肚白菜及一字蒜香骨！還有包括飲品。菜好新鲜，蒜香骨不太油，但仍有蒜香味及很脆，環境舒適。正！

之前都係炮台山食嘅，今次就近係屋企樓下食。照舊叫套餐，抵啊。好多肉。一入座就上例湯，上菜都算快，又送飯同埋飲品。我frd都好抵食，所以最尾我打包拎返，第二日早又食一餐。環境都好，好大，感覺比炮台山個間大。

呢排冇工人，成日都要出街食，今次又試新野，途經都見唔少人，就試下。入到去搵咗個最尾個卡位，坐低睇餐牌時伙計已放下3碗湯，你估我實叫小菜咩…佢所有小菜都包湯同飯，另外仲有晚餐，包埋飲品，價錢比小菜貴大約5蚊，如果唔想飲野，就唔駛要晚餐。我地3個人叫咗3個小菜，咕嚕魚、四季豆炒豬頸肉同黑椒牛仔骨，三個餸份量都唔細而味道方面，三個都好味，魚塊炸得好，咕嚕汁ok，四季豆炒得有鑊氣，最好味係牛仔骨，個黑椒汁整得好，牛仔骨就一定會用梳打粉醃過，好彩仲有點牛味，又有好多塊，青椒洋葱又多。

早前到過在紅磡的紅磡冰室，在北角亦有其分店，適逢又到下午茶時間，於是走了入去。單從門面看來，感覺上似乎是舊了一點，內裡卻又保持了紅磡店的風格。既是下午茶，就點來特餐常餐之類，其他就不會點來。在茶餐廳或冰室，甚少會吃到意粉，但今次點來叉燒意粉，是一反常態。叉燒顏色呈橙色，並不很深色，肉質軟腍而沒有鬆化口感；意粉都幾爽口的。炒蛋多士是常餐常見的配搭，炒蛋仍有蛋汁在內亦用上忌廉去炒故有嫰滑口感，多士厚鸒而外脆內軟，食一件都飽肚。熱咖啡是今餐餐飲，香濃而有咖啡澀味。咖啡為即磨，是現今茶記及冰室常見的咖啡。雖然現今冰室沒有從前的那麼懷舊，但是也可讓人懷緬一下。

因為貪方便先會到呢間茶餐廳買三個外賣飯盒，點知一試便出事。我地叫咗三個外賣飯盒: 蕃茄牛肉飯、涼瓜鮮尤飯同粟米雞絲飯，共127蚊。呢個價錢一啲都唔平，仲無熱飲送，不過呢間嘢有少少名氣，算~俾完錢，本來唔想入餐廳等霸住啲地方，點知有個所謂經理叫我地入去等，本來以為佢好心，後來發現成間餐廳啲冷氣口都滴水，佢即時話，你地企喺門口，個自動門成日開，咪會滴水囉！之後等咗15分鐘，一個飯盒都未出，覺得唔係好對路，就同收銀阿姐講，佢叫我地再等。25分鐘後，我地再同其他侍應講，佢地搵咗嗰個經理追單，個經理好負氣話整緊，我地話如果係漏單，我地唔等啦，不如退錢。佢再入廚房，話有兩個整好，叫我地再等。如是者我地等咗35分先買到3盒碟頭飯，個經理仲好委屈同哭喪咁嘅面口對住我地，好似我地唔啱咁，明明係漏單，又唔認。返到屋企，打開飯盒仲嬲。味道已經一般，仲要個粟米雞絲飯啲雞絲唔熟，係生嘅！生雞肉有菌，會食死人！未試過茶餐廳咁差質素！

在北角區來說，紅磡冰室提的算是價錢不太貴，而且豐富飽肚的早餐了 我通常會點醒晨早餐D餐，包括炸菜肉絲米，炒蛋，火腿，牛油方包跟一杯熱飲，$30內容豐富，隔離街的德昌芝士蛋治加熱飲都要$25 紅磡冰室真係算係咁......米粉份量很多，而且軟硬適中，更可在下單時要求硬度，正！炒蛋沒有過火喉，火腿正常。方包是厚身的 ，軟綿綿，新鮮！另外，外賣碗盒都是可再用的微波爐物料，食完清洗又再可番用！

呢間茶記食左好幾次，今天終於的起心肝寫食評。叫左個set lunch 豉汁蒸排骨（配白飯）及奶茶。用左半肥瘦排骨，而且份量頗多，啲豉汁撈白飯簡直一流。奶茶茶味夠濃，亦都夠滑呢餐雖然好邪惡，但係咁好味，我也心甘情願了。

星期日最好就係瞓到自然醒起床就緊係去搵食呢間茶記供應一般茶餐廳食物 仲有炒粉麵飯晚上供應小炒 小菜我order 咗常餐 因為我超鍾意食番茄配炒蛋同蒜容包其實佢有下午茶供應 生滾牛肉鮮茄湯螺絲粉 一上枱 嘩正呀 好多蕃茄呀 湯質感夠結 唔會太水同稀 先試一淡湯 好濃新鮮蕃茄味 飲到有茄容 非一般單一茄膏開水出來 牛肉夠大片同滑 唔韌 夠淋 有許多舊新鮮蕃茄 仲有薯仔 誠意之作 炒蛋夠熱夠滑 唔錯 烤蒜容包 夠脆 外脆內軟 蒜容味唔會太搶 好味 配埋熱央都係Hkd 42 一定會再拜襯 見隔離枱order 咗瑞士雞翼公仔麵加紅豆冰都好似唔錯下次要試試

特餐第一次特餐有得選蒜蓉包！烤過的蒜蓉包，好脆又充滿蒜香，好味！意粉好多而且彈牙，煮得岩岩好。叉燒好淋，不會似某d茶餐廳咁硬。炒蛋炒得不油不過就不太滑！吃完整個餐，已經好飽好滿足了！放蛇提示⭐️如果多士選牛油多士，係會有兩塊，但就俾蒜蓉包薄身！價錢HK43

Finally had a chance to try this place during lunch time; a wonderful surprise.Ordered 蒜香猪排飯 and 粟米雞絲飯. Pork chop is well-chosen, balanced lean/fat, and with bone. The seasoning is just right, tender and juicy.粟米雞絲飯 is made like the old days. Chicken is soft and tender and seasoning is just right. "Glassy" cream corn sauce with good portion of rice. Milk tea is above average but I think Cafe De Coral is better.Will defnitely go back and try more again.

🔹HeyHei🔸瑞士汁煎豬扒撈公仔麵🔹🔺‪#‎爆汁豬排撈‬撈麵最緊要夠爽，唔好淋巴巴一舊舊，呢個撈麵硬得黎又爽又彈牙，配埋甜甜地既瑞士汁真係好惹味。🔹個豬排都唔惹小，非常juicy，唔會煎得太乾太燶，呢個下午茶，正呀！感覺到呢間野好有Heart，連檸茶既茶底都好香。走甜都好好飲！Like🔻紅磡冰室 (北角)📍北角炮台山英皇道165-171號公主大廈地舖💲45‪#‎Hei芝蓮‬:🌟🌟🌟🌟⭐(4.5/5)