紅磡冰室 (已結業)

服務態度極差，餐廳自己出錯order，仲要聲大夾惡，屈客人講錯，迫客人接受，毫無意欲處理問題！！！尤其客人着校服，就搞針對，對成年人態度同學生態度有明顯分歧！！

其實每次來到紅磡都會想到紅磡冰室食嘢(晚餐又好，下午茶亦好)。今日又到紅磡了，又去多次，今日食下午茶。食過好多茶記，這間永遠有保證。叫左豬扒撈公仔麵同瑞士雞翼撈公仔麵。味道很好呀。個餐係有個煎蛋加蒜茸包，蒜茸包好味道。我覺得茶餐廳飲品係好重要，這間既奶茶或者檸茶都沖得好好飲。整體來說餐廳很好。

星期日想喺紅磡搵間茶餐廳，見到食評係咁讚呢間嘅煎豬扒撈公仔麵，話件豬扒又大又正！所以就特登行過嚟試下！常餐B係瑞士雞翼／煎豬扒撈公仔麵加+ 炒蛋／煎蛋 + 多士／蒜蓉包+嘢飲。於是揀咗豬扒撈公仔麵。係呀，塊豬扒係好大，但我覺得佢好油膩！肉質咪係腍腍哋囉。食差唔多一半，已經唔想再食。 可能男仔食會覺得咁油係ok，女仔食嘅話不如都係揀返瑞士雞翼（雖然我未試過）。啲麵唔會好淋，但唔算好彈牙，啲汁都好普通，一啲都唔覺得好味。（我果日係非常肚餓！但都唔覺得好味）以「唔好浪費食物」咁嘅心態去食多幾啖。。。。都係放棄啦！多士同炒蛋就正常。 杏霜都ok！

住過紅磡或者喺附近讀書嘅，都一定會食過呢間紅磡冰室，佢個早餐同特餐真係俘虜咗唔少人嘅心🤤🤤已經食過好多次，次次都係《瑞士雞翼汁撈丁》瑞士雞翼入味，肉滑，易拆骨🤤🤤 撈丁又煮得好唔會一餅野咁～跟餐仲有炒蛋同多士，但太心急唔記得影🤪🤪炒蛋蛋味濃，滑！多士佢有得揀牛油多士、蒜蓉多士或者可以加錢叫奶油酥～其實我個人就推薦叫奶油酥，奶油酥真係超級好味！香脆牛角包🥐夾住大量奶油😍聽到都覺得邪惡！不過本身個餐已經好飽，加埋佢會仲飽，所以好餓果日先好加喇😛

發覺而家有好多地方小店都發揚光大除咗佢哋原本開係個個地區既舖頭之外好多地區都有佢哋嘅分店其中一個例子就係紅磡冰室而家紅磡冰室開到成行成市除咗紅磡之外銅鑼灣都仲有但係食返最原始嘅風味都係去返紅磡好似好啲今次黎食早餐 都係食返香港人最普遍嘅火腿通另外就配左炒蛋同埋菠蘿油依度加菠蘿油只係需要加＄9所以我覺得好值得可以試吓熱熱地既菠蘿包再加凍冰冰嘅牛油簡直就係五星級享受另外朋友就叫咗番茄牛肉脆脆通粉試左佢一啖湯個味真係好番茄真材實料嘅感覺上面啲脆脆有啲似食蛇羹會跟埋嗰啲脆脆佢都加錢加左牛角酥 入邊仲有啲肉鬆加練奶 ！飲品方面我哋就嗌左 熱奶茶同埋凍檸茶😌

今天外出工作。下午時份，在紅磡區，肚子開始餓了。打算找家茶餐廳坐下，見那𥚃有間茶記叫「紅磡冰室」以前未在這𥚃吃過飯，希望今次體驗也是美好的。餐廳內部環境及設置開始殘舊。侍應忙於整理東西等了三分鐘左右才有人落單。我點了吉列魚柳華都夫沙律及熱奶茶。魚柳是新鮮炸起沾滿金黃色的麵包糠。熱辣辣的。賣相幾好。咬開時會有一絲絲的白煙冒起，先看到魚柳的肉質紋理幼細，再仔細看有新鮮的魚肉汁流出來。食起來外面脆脆的，細咀嚼時感覺到魚柳質感組織及魚肉纖維好細緻，味道鮮甜。沙律有用生菜包載起沾滿沙律醬提子乾，西芹，蕃茄仔及沙津菜。沙律用了當灶時令水果；各款蔬果食起來水份感重，各有各新鮮的味道，鮮甜多汁。一囗吃沙津蔬果接著一口吃炸魚柳，有中和肥膩感覺和開胃作用。熱奶茶，夠熱。紅茶及淡奶茶比例偏重奶味濃，有少少奶的確甜味。總體而言，以這個價錢享受魚柳沙津和熱奶茶有少少不值，份量過少。沒有飽肚感。

今日到紅磡剪頭髮，想揾間茶餐廳醫下肚，就選擇「紅磡冰室」坐底後沒有執好上一手的食品還算了，等了五分鐘後仍服務員亦十分忙，心諗食個茶餐唔緊要啦幾經辛苦order左份菠蘿油配茶走，服務員送上茶走時，只是放在枱邊的位置，茶味還可，可惜唔夠熱菠蘿油還熱的餐員亦有損壞跡象坐位有四十幾個，三個店員希望他們的服務質素有改善

去開紅磡，食左間好耐無食過既餐廳！就係紅磡冰室啦以前學生時期同而家一樣，都係情有獨鐘冰室個瑞士雞翼公仔麵，隻瑞士汁好好食，甜得黎唔溜，岩岩好！再加杯凍檸茶做下午茶，真係好爽

紅磡冰室是一家位於紅磡的茶餐廳到訪當日我們點的是常餐裏面，包括瑞士雞翼撈公仔、烘方包加火腿奄列。瑞士雞翼十分好吃，而撈公仔麵吸收了瑞士汁，十分。入味火腿奄列裏火腿的比例剛剛好，炒蛋也不會炒得，太老夾在麵包裏吃也是絕佳的配搭。整間餐廳的食物質素不錯，可是職員的態度還有進步的空間，我認為他們可以對客人的態度好一點，會提升餐廳的質素餐廳。下午吃飯時段人流比較多，經常性要排隊，所以想來吃的話便要可能要預留排隊的時間

今天下午出外工作，路經紅磡，又係三點三的時侯，最適合係歎番個下午茶。去咗間茶叫紅磡冰室的茶餐廳。叫咗個常餐B，瑞士雞翼撈公仔麵加炒蛋及多士。由於太餓，第一時間食多士和炒蛋。炒蛋好香好新鮮，好有水準，多士也少許脆，很好味。至於瑞士雞翼，好入味，又軟，不用用牙咬，雞翼的肉好易分出來。至於價錢方面，連凍飲都係40多元，我個人認為係超值，好抵食。食物送來又快，最適合食個快捷下午茶的人，我下次再有機會，必定再去食。

久仰紅磡冰室大名，既然附近有一間，無理由唔去。最港式地道，一定係茶記式ABC常餐。今次揀左常餐B，即係瑞士雞翼撈公仔麵，跟蒜蓉烘包加炒滑蛋。初初見到對面個碟同樣係瑞士雞翼撈麵，心生疑惑。因為睇落d麵撈汁撈到黑鼆鼆，感覺好咸。不過我果碟又無咁黑喎，一食就知人間美味。瑞士汁香甜，雞翼入味又滑嫩，D麵撈埋個汁勁香口 🤤🤤🤤 蒜蓉包厚切，蒜香口水流，滑蛋只成大配角。如果有外國朋友黎香港旅行，一定要帶佢地黎食呢道咁有香港代表性既美食，等級應該要高過好多鮑參翅肚，山珍海味。😂😂😂

難得星期六早上要番PolyU聽Seminar, 一點鍾聽完個talk肥妹仔我個肚已經餓到打晒鼓, 番到黎polyu就最好啦, 食咩都唔駛諗, 一於去食紅冰!!!!紅磡同黃埔都有紅冰, 不過肥妹仔我分別食過呢兩間, 都係覺得舊店好食D(雖然舊店真係好迫好窄, 不過肥妹仔我相信舊店一定有佢既出色既地方先令到大家幾舊幾窄都照排隊去食既!)今次肥妹仔我叫咗常餐B $46蒜蓉多士, 妙滑蛋肥妹仔我已經講過好多次, 烘多士呢家野一定一定要趁熱食!!!!!!個蒜蓉多士一上枱肥妹仔我已經聞到一陣煎香味~~正!!!!個多士烘得雖然只係小小微脆(如果再脆再熱D就最好),但佢既蒜蓉牛油係一D都俾得唔手軟, 果半塊多士面真係塗滿了蒜蓉牛油, 多士軟諗充滿蒜蓉香, 好好食!!!!煎豬扒撈公仔麵肥妹仔我通常去親紅冰都係叫豉油雞翼撈公仔麵, 但係聽過母親大人對紅冰既煎豬扒讚不絕口, 今次肥妹仔我一於就試下佢先!!!!首先就講下塊豬扒既size, 真係好大塊, 但係一D都唔薄, 係有一定既厚度, 非常有誠意!!!塊豬扒應該唔係煎而係包咗薄薄既一層粉然後攞去炸, 外皮脆卜卜, 豬扒肉質一D都唔柴, 幾滑幾札實, 調味調

到紅磡冰室一定要食的是常餐，因為呢個賣相好搞笑，塊豬扒確實係不惜工本，大塊到可以冚住成個公仔麵， 豬扒煎得又香又好味，個麵亦整到少油又乾身。跟住又有厚厚多士同炒滑旦配上， 呢度嘅厚多士係我記憶中既茶記印象最深刻的其中一間，因為佢外脆內鬆軟，小小牛油，蒜蓉味濃，有著回味無窮既感覺。滑蛋亦炒得好厚滑，真係食極都唔厭!我慣常叫熱杏霜，因為濃度十足。好覺得呢間茶餐廳明白抓住食客個胃嘅重要。只係這簡簡單單的食物都足以令我路過必訪!

紅冰，絕對係下午茶嘅頭三名之選個雞翼撈公真係無得輸其實又唔可以話係個味道好特別係啲雞翼味道幾夠唔會得層顏色又唔會太咸蒜蓉包配炒蛋 真係好好食個炒蛋應該落重咗牛油同埋奶油所以先可以做到咁香咁滑但係細紅冰嘅炒蛋試過有幾次食返到去都肚屙

突然間好想食常餐 就諗到去呢度食 去到見到常餐都有3款簡 由於想食d大份填飽個肚 於是就嗌左茄通同雞翼公仔麵餐 先講多士 係脆卜卜 而且認真有牛油香 好正茄通味道一般 湯底係薯仔蕃茄 蕃茄味唔突出 通粉份量多但偏淡 酸d會更好雞扒係呢度出囇名 不過肉則鞋身居多 肥d就好啦講返個服務 侍應不停催我地食野 不斷行黎行去 之後應佢未食完就拿拿聲收埋左d野食