紅磡雞蛋仔

營業中

休息中

阿伯用嗰隻手收完錢，啲錢勁污糟，佢用返嗰隻手掂pancake，佢淨係收現金，你都冇得揀，仲要佢隻手係冇帶手套, 就算你有幾好食，我都唔會再食，更何況佢味道係非常之普通，你自己留意吓佢收錢嘅情況，食完你唔肚痛算你執返身彩完全唔明佢有咩賣點，睇返OpenRice個評分，有成二百幾個好評，我自己估計可能佢哋由細食到大，有份人情味喺度囉，講真送俾我都唔會再食，我喺出面是但搵一間雞蛋仔，可能求其一間百佳做嘅雞蛋仔都好食過佢

見咁多人推介過 「沙律淨芒果班戟」，有次夜晚去買，話芒果賣曬。今次順路經過，見有芒果就買嚟一試！平時薄皮pancake嘅芒果班戟食得多，熱香餅版本第一次食🥞見佢正煎緊一塊滿心期待啦，殊不知原來煎完旆係盒入面做備用，將盒入面嗰6-7塊其中一塊拎出嚟整比我。所以誤以為熱辣辣嘅我，有啲失望😞。之後佢會放上沙律醬同勁多芒果，所以好易食到好「呢HEA」，記得搵地方停低食完先走，同準備紙巾🧻！ 咁芒果頗甜嘅，又唔似浸過糖水，不過塊班戟就完全冇蛋香味。試過一次就夠🙈

紅磡雞蛋仔在紅磡已經是著名的老家號，近年因為足料芒果班戟而更加出名，今日就來一試它的招牌小食。———————————————————————芒果班戟一如傳聞中一樣足料，芒果粒滿瀉，加上夏天為芒果當造季節，味道香甜，芒果控一定滿足。但班戟皮較為硬身，未夠鬆軟，亦未有蛋香。沙律醬與一般的不同，不覺得有酸味反而鹹味突出，對我來說味道有點奇怪。另外亦試了三色雞蛋仔。賣相一般，有點甩皮甩骨。質地算外脆內軟，不是空心雞蛋仔。原味正常味道，欠缺蛋香；朱古力口味聞落很香，但入口朱古力味淡，只得甜味；抹茶味情況與朱古力味一樣，聞和入口分別頗大，抹茶味淡，有些少苦味。———————————————————————總結班戟的確足料，但味道很大程度上歸功於芒果本身，而不是班戟。雞蛋仔十分普通，相信質素比這家好的選擇還有很多。

講起紅磡雞蛋仔，點少得佢哋嘅芒果班戟呀！🥭 呢間雞蛋仔舖頭，除咗雞蛋仔出名之外，佢哋嘅芒果班戟都同樣咁正！😋 班戟皮薄餡多，仲要皮脆餡滑，一啖咬落去，芒果嘅香甜同埋忌廉嘅滑溜喺你口中爆發，真係好滿足呀！🤤 最正嘅係，佢哋用嘅芒果又大粒又新鮮，每一啖都食到芒果嘅鮮甜多汁，真係好正！🥭 再加上香滑嘅忌廉，簡直就係完美嘅配搭！😋 呢個芒果班戟，絕對係炎炎夏日嘅消暑聖品！☀️ 食完之後，保證你會精神抖擻，繼續去玩！💪🏻 評分：⭐⭐⭐⭐紅磡雞蛋仔嘅芒果班戟，絕對係芒果控嘅必食之選！🥭 香甜多汁嘅芒果，配上香滑嘅忌廉，再加埋脆卜卜嘅班戟皮，真係好正！😋 下次經過紅磡，一定要再去食多次！

見到呢間紅磡雞蛋仔好出名，所以一直都想去試下趁放假特登揸車去試吓，為左佢仲特登正餐食少啲留返個肚😔叫左一個原味班戟(試清楚最原始嘅味道)同一個大熱嘅芒果班戟抱住期待嘅心情一食個下超失望，班戟完全冇蛋香味，覺得麥當勞嘅熱香餅都好食過佢🥲芒果酸酸甜甜本身係幾開胃，但加左d沙律醬覺得成件事好唔夾，再加上個班戟皮本身唔好食，成個感覺係唔知食緊d咩😅😅可能係本身期望太大，所以覺得好失望，總結就係名大於實，唔會再食🫠

📍紅磡雞蛋仔每次行去紅磡黃埔個邊我都一定會去食呢間紅磡雞蛋仔‼️🥭沙律淨芒果班戟 （$23）芒果班戟係呢到既必食名物‼️‼️‼️班戟係即叫即整每一塊班戟都好香蛋味呢個班戟本來有沙律醬但我走醬🤣因為勁甜既芒果加班戟已經好好食💯一定要試✅🧇原味格仔餅 （$19）呢到既格仔餅真係勁厚🤣🤣🤣格仔餅仲要係好重秤好足料老闆落既花生醬、牛油🧈、砂糖一d都唔輕手厚身既格仔餅加豐富既醬料食完呢個都好飽😚🥚原味雞蛋仔 （$16）雞蛋仔其實有好多唔同味道不過我好中意食佢蛋漿既原味蛋漿有好濃既雞蛋同牛奶味唔會好似一般買既雞蛋仔咁甜係岩岩好既甜味😋如果中意食雞蛋仔班戟類既小食紅磡雞蛋仔有咁多款式‼️一定滿足你既口味👍🏻

去開紅磡都會心絲絲想幫襯紅磡雞蛋仔。食過佢既三色雞蛋仔一次，覺得偏硬又冇咩蛋香，亦食唔出佢三色既味道，所以再食都只係食返佢既班戟。班戟皮keep 住整，保証新鮮熱辣辣。佢既芒果唔似出面食甜品/蛋糕既芒果，粒粒都甜，佢反而係有酸有甜，似自己平時買返屋企食到既芒果味道，酸酸甜甜更開胃。芒果量都係多到滿瀉。（$23)見佢個爐上面至少有7,8 底整好左既原味雞蛋仔，店主伯伯都有問隊中人有冇係買雞蛋仔，可惜冇，似乎大家都係比較欣賞佢班戟多d🤭

說不好吃的人，我不知道是不是他們都住大澳天天有炭燒雞蛋仔吃。今天見人少就和老婆去買了一板雞蛋仔。雞蛋仔是已經做好了的在吹風，本身怕不新鮮想改點班戟，老板說不脆不收錢那我們才買了雞蛋仔。就是這板不是最新鮮的雞蛋仔，也還是脆的，當然不是全部都脆，中心位置可能難吹風會軟一點，大約50%脆吧。16元的價錢，對比附近連鎖的那間和差館里新開的一間20元起跳更脆更便宜。如果可以，當然建議吃新鮮出爐的，相信會更好吃一點。

紅磡老店，必是原味雞蛋仔，粒粒外脆內軟，熱烘烘食非常好味，蛋漿甜度適中扯蛋味香濃。芒果班戟亦是必吃之選！粒粒大芒果鮮甜多汁，加上忌廉入口幼滑，班戟皮蛋香軟熟，好吃！屬香港充滿人情味的小店

紅磡雞蛋仔唔知點解突然間勁多人排隊，唔通係小紅書啲人推薦？？🍴三色雞蛋仔 $24 (6/10)可以一次過試晒三隻味，分別係原味抹茶同埋朱古力，唔知點解雞蛋仔個底部燶咗一大忽😂雞蛋仔即食係最好食，外脆內軟特別好少少，濕潤黏口！原味係最普通冇乜味，得好微嘅蛋味同甜味，朱古力味道好香濃一啲都唔甜，抹茶聞落去好香食落去都幾出嘅不過未算好濃味，呢個價錢食到嘅雞蛋仔係唔錯嘅，不過如果控制火候控制得好啲，唔會燶咗個底會好好多囉！推薦指數: 6.5/10普通，路過冇人可填肚。

又一中伏之選🤡本身對雞蛋仔既容忍度好高，小店連鎖店都會食，鐘意食脆身，就算唔脆，有蛋味都收貨。依家店經常有人介紹，但真係黑人問號？脆就脆，脆到近乎燶！最差係無蛋味，學人叫咩雞蛋仔😂真係唔清楚讚佢既人平時係食開咩雞蛋仔？重要成$16。。。請都唔會食唔緊要可能啲人話班戟好食，排多次隊試埋佢。Sorry個皮都係淡口，普通，無特別，唔值依個價唔好再吹捧依間野啦唔該，嘥人錢同時間，真心求其街邊食一間雞蛋仔都好過佢

呢間小店唔止係區內出名名氣直頭衝出九龍💨最想試佢地既 沙律淨芒果班戟點知當日無芒果！！😫😭😤😔失望兼徬徨之際 選擇左另一款鹹班戟嚕⍥ 蛋白肉鬆鹹班戟 ❙ $16班戟已預先整好 由於唔係即叫即整 我以為係凍點知拎上手係有溫度！！係熱架！！😳未食 已經暗地裡加左分然後哥哥仔塗上牛油及厚厚一層花生醬☺️再毫不客氣地舖滿肉鬆Pancake好軟熟但口感略乾配搭海量肉鬆 鹹鹹甜甜 的確唔錯不過小心食到周身都係🤣我著黑衫食到少少論盡🙂🙃

第一次食到現在， 最少超過十年， 由老闆似叔叔至現在似伯伯， 仍然堅持用合理價錢去招呼街坊。 今日再重遊舊地， 顧客比以前多了很多, 特別是自由行人士。 老闆忙到手都停不了。 等了十五分鐘左右， 終於買到鷄蛋仔。 一如既往， 香及鬆脆， 希望他一直可以做下去， 一定會支持👍🏻

咁，嚟到呢間老舖，話說佢嘅芒果班戟真係一絕！初初一攞到手，香味已經四溢，搞到我垂涎三尺。班戟皮軟滑得嚟有啲韌性，咬落去滋味十足🥞。我食嘅嗰份，瀡芒果咁黃又咁飽滿，咬落去汁液四溢，透心涼嘅爽快感同嗰啲新鮮芒果嘅天然甜，簡直係夏天嚟咗！佢哋仲會淋少少沙律醬係上面，一嚐之下，想像下酸酸甜甜嘅戲碼喺口腔裏面演繹，味道層次非常豐富。加上嗰位師傅嘅手路快靈快活，每一份班戟都做到恰到好處，真係要比個讚👍🏻！另外我仲一試廣受歡迎嘅雞蛋仔，外皮微脆，入口咁滑，真係keep到住經典香港街頭小食嘅魂，每一啖都滋味無窮。食下食下，我真係覺得自己返到細個嗰陣，好滿足呀！下次我仲想返嚟試下其他款呢！🤤🍴🇭🇰

古法朱古力原味雞蛋仔 $21果不其然係出哂名嘅紅磡名物，最近咁啱行經過、一落完order就勁多人排隊。雖然我冇試佢嗰芒果雞蛋仔，但佢嘅朱古力原味雞蛋仔都真係冇得輸。好開心食得返經典、標準嘅雞蛋仔，外層酥脆，內部則是鬆軟綿密，咬下去嘅時候，外層的酥脆與內部的柔軟完美結合，呢種對比帶嚟了一種令人愉悅嘅咀嚼感，絕對係香港味道、古法製造。佢調嘅蛋漿綿密稠密，真係唔係講笑，喺流速上睇，同其他嘅蛋仔就已經唔同，呢間係啖啖有料、零失望。佢另一半係朱古力味，但個人覺得係特濃版，真係未食過有間雞蛋仔係做到個朱古力味濃過朱古力奶，唔太甜，苦度剛剛好，雖則未至於有朱古力粒，但以原味價錢食到雙拼雞蛋仔，超抵食，絕對係要一試再食，食完再食！！！