紅磡雞蛋仔

營業中

休息中

去到紅磡🚶🏻🚶🏻‍♀️經常行過一間人龍小店排隊既時候👨🏻‍🦳老闆會好熱情咁介紹舖頭出名既食物～芒果pancake🥞格仔餅🧇三色雞蛋仔等等今次就叫左個三色雞蛋仔朱古力抹茶原味雞蛋仔（$22）呢個岩哂選擇困難既人試❓❔一次就選到幾種味🤩食落去蛋味香濃，外脆內軟，而且真係分別食到3隻味道🍫味係最出；🍵味就輕輕有苦甘感覺；價錢相比出面既雞蛋仔相對平，除左性價比高，傳统小食既店舖真係越黎越少，經過既話真係要試試👍🏻🤤紅磡雞蛋仔 (紅磡)📍紅磡大沽街寶利閣2號舖

╹ 紅磡雞蛋仔 - 紅磡 Hung Hom ╹#tori紅磡ʅ🥞芒果班戟 ($21) (10/10分)係第一個滿分！😍一定一定要試！見到滿滿嘅芒果粒已經哇一聲🥭😨好甜好香㗎🥹🤍配上暖笠笠嘅Pancake係超正!!💓Pancake非常厚身 口感幾煙韌甜度適中 間中會食到一點鹹味 （做曲奇或者蛋糕 好多時候都會落一啲鹽 令甜品味道更有層次😍）Pancake嘅內面搽咗一層薄薄嘅忌廉 雖然同芒果一啖個食就唔多覺忌廉嘅存在 但都有少少奶香味呀☺️ʅvewdie回頭率：🐽🐽🐽🐽🐽(5/5)ʅ📍紅磡雞蛋仔紅磡大沽街寶利閣2號舖ʅ#hkig #hkiger #hkigshop #hkigfood #hkfoodie #hkfood #hkfoodblogger #hkgirl #hkcafe #hkiger #hkcafe #foodie #打卡 #假日好去處 #香港美食 #香港美食地圖 #咖啡 #cafehk #紅磡美食 #紅磡雞蛋仔 #九龍美食

呢間紅磡雞蛋仔幾乎咩時間都會大排長龍，除左地道街頭小食雞蛋仔同格仔餅之外，我每次黎到都會買芒果班戟，佢地既班戟都係即叫即整，而且咁多人排隊流量好快，班戟可以揀雜果或者淨芒果， 格仔餅同雞蛋仔都好吸引，下次要再encore沙律淨芒果班戟 ($21)我就當然揀左淨芒果啦，可以叫佢少啲沙律醬，咁就唔怕蓋過芒果既甜味啦，班戟好香蛋味，拎上手熱辣辣，芒果有啲酸有啲甜，但整體都好好食，飯前食個咁好味既芒果班戟好開心呀，就算幾多人排隊都好，老闆同店員既態度都好友善，值得加分

紅磡雞蛋仔一向都好受歡迎🤩$11就有一份奶油甜班戟又好食 仲可以要求多醬😂😂（但我有咁做） （正常份量便好）真係好抵食又好食個班戟仲煎到好香蛋味 又好鬆軟唔似我喺屋企煎果啲咁難食😂😂😂.仲有就係老細同員工都好鬼好人態度又好 又有禮貌有時焗多左底雞蛋仔仲會分開三四份分比啲客一人食啲share 唔想浪費左啲野食又唔想擺太耐擺到唔好食先比人真心幾欣賞佢地呢啲態度同埋對野食質素嘅堅持😍推薦指數： 5 /5👍🏻👍🏻

紅磡知名老店, 聽過好多次終於有機會試, 之前都有報導講過伯伯搵接班人做, 呢家接班人負責製造, 伯伯就落單同收錢朱古力雞蛋仔 - 用上吉X利嘅朱古力粉, 新鮮即造自然會外脆內軟, 夠熱朱古力味更香濃 原味格仔餅 - 超大方係咁加花生醬、煉奶、砂糖, 夾埋果個爆哂餡, 加埋蛋香無得彈原味抺茶雞蛋仔 - 呢個唔係即整, 伯伯見我地一行幾人平賣畀我地, 雖說少咗香脆, 但原味蛋味香濃,  抺茶足料唔係得顏色, 有抺茶嘅回甘

Combo Egg WaffleRooted in Hung Hom for 30+ years - you can always smell the egg fragrance from far away and spot a line outside the shop. On top of egg waffles, it also offers other street foods and be sure to try out its famous mango pancake!For egg waffle, you can do mix and match! There are three flavours (classic original #原味, chocolate #朱古力and matcha #抹茶) and two toppings to add if you like (sesame, pork floss #肉鬆). You can either order one or mixed all three flavours if you don’t want to c

🏠紅磡雞蛋仔 呢間紅磡雞蛋仔，紅磡嘅老字號真係由我讀書食到而家，九龍區暫時未食過比佢性價比更高，蛋味更重嘅舖頭，又平又好味，佢點會唔成為我嘅All Time Favourite呢~其實我食過唔止我以下介紹嘅item，純粹之前食果啲都無幫佢地影到相，所以淨係介紹下面呢2隻啦😜😜 原味雞蛋仔 $15蛋香味好濃，有時係其他舖頭食，價錢貴過佢，但蛋味都無呢間咁濃！！我已經無限次回購呢間嘅原味雞蛋仔，蛋味濃，外脆內軟，甜度適中，價錢抵，真係無得彈！！ 朱古力原味抺茶雞蛋仔 $22 食得多原味都會心郁郁試佢其他味😜呢個item真係好適合貪心嘅人叫，因為一次過滿足到3種口味嘅慾望😍😍老闆話佢堅持用吉百利牌子嘅朱古力粉，朱古力味會比其他牌子更香濃，成本都會貴啲。真係好欣賞老闆對自己食材嘅堅持同原則👍🏻食落朱古力味的確係好香，唔係好甜好假果隻朱古力粉味，而係有可可味果隻朱古力味😍抺茶味都一樣係好足料，因為佢唔係得個色無味果隻，係有抺茶果種苦苦甘甘嘅味，呢個真係值得一試！！ 其實我都仲食過佢嘅肉鬆雞蛋仔同埋奶油班戟， 只係冇影到相🥹 特別推薦佢嘅肉鬆雞蛋仔，因為你一拎上手已經會feel到佢係超足料，係好重

📍「紅磡雞蛋仔」- 紅磡今次食食食之旅黎到紅磡😌相信大家對呢間都唔陌生😆因為佢係紅磡老店之一，出名大份夾抵食🤤以前已經試過食佢既雞蛋仔，記得個時仲係伯伯做，依家已經交咗俾下一手接班人做，但係仍然有好多人食，味道份量依然不變，希望能夠繼續傳承😇🍴蛋白肉鬆鹹班戟💰HK$14✨推薦指數：9/10今次我地試左蛋白肉鬆班戟，即叫即整，大大塊熱辣辣既蛋白班戟，搽左花生醬同煉奶，再鋪滿勁多肉鬆，多到滿瀉‼️（見到肉鬆跌落地👧🏻有少少🤏🏻心痛🥹🥹🥹）岩岩整起係好熱勁辣手，所以唔好即刻放落口呀🤭班戟咬落係好煙韌，每一啖咬落去都有肉鬆嘅咸香味，再夾埋濃濃幼滑嘅花生醬同甜甜嘅煉奶，又真係估唔到可以咁夾🤩呢個價錢食到呢個質素既班戟，真係值得一試！🤤

今天去了黃埔和紅磡行街，特登上網搵吓人氣小食店！就係呢間雞蛋仔、格仔餅和pancake店。小小的鋪面外已經排緊隊。我當然要試吓最多人食嘅沙律芒果班戟。其實我平時唔係太鍾意食沙律醬，不過我估另外一個用途係等啲芒果唔好咁易跌出嚟(純粹個人觀點)，但係食落口又意外地夾喎！而且pancake係新鮮即做！又香又軟，就咁食已經好好味，再加埋多汁嘅芒果，係好正。另外，我發現雞蛋仔都幾抵，所以叫咗一個肉鬆雞蛋仔。佢嗰種甜甜鹹鹹嘅感覺好得意，依個雞蛋仔亦都做得非常好，外面脆卜卜！總括嚟講，嚟到紅磡真係值得去食下！

奶油甜班戟 👅10/10 $11班戟好香 蛋漿味都好出🥚重點係非常鬆軟🥹🥹好食到不得了🧡🧡自己整我就真係絕對整唔到咁鬆軟啦🥲$11又好食又抵食我都廢事自己整😂而且上面嘅牛油同花生醬都好香❤️花生醬命有少少咬口😌真係極力推薦❤️（小編之前仲食過好多次但嗰時未開始做foodie🥹😂跟住就冇咩都影一餐 老闆整好個雞蛋仔我就狼吞虎嚥左…🥹 不過我以後會食多啲分享比大家睇🥰）.味道👅： 9.5/10賣相👀：9/10扺食💰：10/10

已經黎食過幾次架啦，今次第一次出食評！之前上網見人地影到啲相超吸引就拉埋男朋友一齊黎試😌我地次次都係嗌同一樣嘢🤣呢個芒果pancake本身係配沙津醬，但我地兩個都覺得就咁要煉奶會好食啲，所以就同老細講淨係要煉奶🤣食落真係啖啖芒果肉，好滿足，好足料👍🏻價錢方面好似加咗價，貴咗啲啲，$21/ 1個老細都好熱情招待！之前黎食要排隊，今次閒日晏就黎就唔使～下次會試埋雞蛋仔，因為見都好多人食👍🏻

呢間老字號嘅鋪頭，紅磡街坊必食雞蛋仔同班戟，假期嘅下午見到好多人排隊就唔會去食，難得平日放假就去試下同回味下個味道啦！平日下午三點去叫左一份沙律芒果班戟，完全唔使排隊， 一分鐘就攞到，今次嘅班戟係即刻整，所以係熱辣辣，跟著就會加沙律同芒果係入面，估唔到芒果份量都好多，每食一啖都有果肉，本身好dry嘅班戟加芒果沙律係好夾，建議要立刻食，如果唔係班戟就會變淋同出水。係香港嘅老店要多啲幫襯先可以保留到，有機會再食埋佢嘅雞蛋仔同格仔餅！

今日買嘅係蛋白肉鬆鹹班㦸成個㦸好紮實，唔係求其俾少少肉鬆你！真係由頭到尾啖啖有肉鬆，而我揀咗有紫菜個隻肉鬆係貴$1，即係$16件！今時今日嚟講，我覺得係算抵成個班㦸嘅肉鬆、花生醬同個皮好夾，各自發揮但係味道平衡！鋪頭喺街頭，整體係乾淨整齊嘅，我去嘅係晚飯早少少時段，唔使排隊，大概等1-2分鐘左右就拎得！老闆見你即時食，都會問「唔使膠袋啦？」，成功走塑😆而家老店話無就無，老闆今日都講「再唔食就執笠㗎喇」，話哂開咗40+年，聽到講呢啲真係好唏噓！

去黃埔等壽司郎同鮮選壽司， 男朋友帶我去食格仔餅頂住肚先，佢話呢間係佢以前返學食到大，搞到我都好期待佢回憶中的味道係點的🤭呢間店淨係得一個伯伯，都要等一陣先輪得到我地，我地叫左一份原味格仔餅($17)同奶油甜班戟($11)格仔餅入面同其他一樣，包左煉奶、花生醬同砂糖，一入口咬到餅底脆脆的，餅底都足料同厚實，同埋食到砂糖喺入面嘅顆粒感，高興！不過可以落多少少醬就好了，食食下，會覺得唔夠濕潤嘅感覺。相比另一間我都好鍾意嘅ice buff，呢度行平實傳統路線，無特別但都好食😋班戟都係即刻喺你面前，食落口仲係暖暖地，我嗌班戟係因為見前面有人叫左個芒果嘅有cream，我以為奶油甜班戟就係得cream喺入面，點知裏面都係包花生醬同煉奶🤣 班戟好食，夠鬆軟，下次會想試埋有cream嘅凍冰冰感😆我自己好鍾意呢啲老鋪，永遠可以帶到啲最傳統嘅味道，而家好多鋪都好有創意，好多新口味，但間唔中食返呢啲最傳統反而有種反璞歸真嘅美好☺️

呢間小食檔經營接近半世紀👨‍🦳老闆由以前街邊車仔檔做到而家有個鋪位都已經好多年，除咗係附近街坊既成長回憶，仲有唔少街外人幕名而來👀全部小食都係即叫即整🔥所以周不時都有人龍係門口出現，餐牌一目了然就係賣3樣野，雞蛋仔、格仔餅同班戟📜透過唔同口味既祕製粉漿同配料去填滿每個顧客的飢腸🥞蛋白肉鬆鹹班戟 | $14 | 9/10落單後見到老闆係車仔位拎咗幾塊整定既pancake出黎，心頭一涼唔通係擺凍咗既餅底🤨好失望喎，不過見到佢先塗牛油同花生醬，再大手筆咁𢳂肉鬆落去都唔錯，一拎上手先feel到勁熱😍可能係啱啱先整好幾塊放好保温，完全仲係夠熱同軟熟狀態，爆餡班戟啖啖都有滿嘴肉鬆，鹹香味十足😋要小心跌到周圍都係，如果花生醬味道再出d做好個對比就滿分了👍