紅米 (已結業)

自選早餐多組合, 厚多士2片夠份量, 火腿咬口爽有味, 茄汁豆標準, 可惜冷一點, 太陽蛋煎得香滑再灑上香草, 成份早餐排列整齊美觀, 火腿通粉湯底美味夠熱, 相比很多餐廳上碟雜亂, 湯溫只暖和, 厨師有一份用心做的感覺, 食得舒服。

雖然吾係第一次黎呢度食晚餐。但野食都仲保持到水準叫左個雞扒蛋包反 可以選擇個汁冇加錢配餐本身都會有少量沙律伴碟雞扒個皮都好crispy個蛋都好滑味道吾會太咸感覺都幾健康下次會再黎

大角咀成條街都係美食，芸芸之中當然要逐間試啦👋🏻紅米米飯主題餐廳其他地方都有分店，價錢真係好吸引🙈 $50有找就埋到單好似每日嘅是日套餐都唔同㗎☺️同事們當然頭也不回就入咗去了😂六點後晚市只係加多$4😂抵就抵食 味道如何呢？鐵板地獄肥牛炒烏冬 配送荔枝冰紅茶 $48呢個係我覺得最好食，陣陣麻辣味湧上來，唔會過辣，亦唔會無味。估唔到麻辣味同烏冬可以咁夾😍😍😍加埋肥牛邊有得輸先，如果分量多少少就好啦。自家巨人漢堡蛋包飯 $48呢間蛋包飯都好出名，果然係比較好的一碟炒蛋非常之滑☺️ 入面係茄汁飯！不過茄汁味唔重呀，幸好有咖哩汁拌飯吃。吞拿魚蟹棒焗飯 $41 這個沒太大驚喜，都是白汁焗飯，勝在價錢夠平芝士雞扒烏冬 $40芝士冇乜芝士味，雞扒質素還好，湯底不錯。南瓜焗飯 $40呢個南瓜同飯都唔得，個味和口感都有點怪快的，這個真的不推介。蔥燒肥牛鐵板飯 $43呢個好明顯係類似Pepper Lunch😂幸好食落口感味道都不錯👌調味上相差咁啲啲，份量也偏少。

食店環境不錯，坐位寬闊整潔，坐得非常之舒服再加上店內有免費wifi 及隨機播放音樂提供足以令人坐上一段長時間，店員服務態度不錯，至於食物質素方面不過不失以早餐較為出色值得一試煙三文魚蟹棒沙律！。

服務簡直差到貼地！服務其差！員工服務超級冇禮貌，衰到貼地！千祈唔好誤打誤撞！羅宋湯超級唔好飲，煲仔飯一般，雜菜超油超鹹！一句講晒唔好呢間餐廳，員工態度簡直不知所謂！

今日響OpenRice睇大角咀美食，諗住去食飯，見到呢間唔錯就同老公決定去食，睇地址話響奧海城A一出口，火生生響太子行去奧海城一期，兜咗大半個大角咀，先知原來間舖就響屋企附近🍃🍂。（去，行左1個鐘，返，行左10分鐘左右）想食韓國石鍋飯，點知佢話唔做好耐，唯有叫餐牌，叫咗一份黑椒醬汁肥牛鐵板飯同豬軟骨蛋包飯，都幾抵食，等餐需要太耐，上菜都算快手，豬軟骨味道還可以，口感就一般般，蛋包飯係凍嘅，鐵板飯OK可惜醬汁少咗D，如果多D汁就好啦。間鋪都幾多人食，可惜員工得兩個，舉手叫人冇人理，成間鋪係咁樣就聽到“等等等等”，餐牌都要自己行去門口人哋個台度拎（咁好生意都唔請多個人幫手，見到個女服務員黑口黑面，大概係🈚️人手，乜都自己做，男既雖然講野大大聲，但禮貌同笑容都有，食完都Keep住講多謝曬拜拜，唔錯）

因為今日經開奧海城既關係，晚飯就選址左喺大角咀，Openrice左陣就決定試呢間排名第一既主題餐廳（睇漏贊助兩隻字⋯⋯）雖然無影相，但舖頭裝潢係花左心思既，牆身係街頭圖鴉，燈光顏色偏暖和幾舒服。但啲枱櫈掂落好笠痴痴，感覺唔太好話係主題餐廳但比較似港式茶餐廳，坐低左舉手舉左成十分鐘先有人理我地，落完單最先上飲品，但居然同其他枱調轉左我點既係是日套餐之一：白汁板燒雞扒蛋包飯，$44包杯熱飲。塊雞扒就免提，只係煎雞扒，大約2/3隻手掌大小，雞皮煎得唔脆身，仲要又厚又多肥膏，配埋濃稠既白汁口感好嘔心蛋包飯其實係炒蛋pat上啲飯度，不過算啦食得茶記都預左唔方正宗起碼蛋望落都滑既唔會炒得太老，應該無死啦。但結果真係有驚無喜，啲蛋包「飯」完全無味！！莫講話無任何青豆之類配料，無茄汁味之餘仲要顏色唔均勻，好似食白飯咁，難以下咽男友揀既係秘制咖哩海賊王（$53），原先配白飯，+$8轉左印度薄餅。結果塊薄餅細到！！睇圖可見一塊同匙羹差唔多大細，加$8轉完都係得四塊，女仔都唔會夠飽咖喱味道平常，偏辣，面頭擺左塊炸魚柳，有兩隻蝦、蟹柳同蜆，配料係椰菜同兩粒薯仔，份量少得驚人。魚柳差唔多同塊薄餅咁薄，真心大快活

想食鐵板燒飯，除咗某foodcourt外， 現在我找到另一個選擇。價錢都係好平添。地點在大角咀比較入的地方，所以大家要行多幾步啦。地方乾淨同好大，我諗有6-70個位。現在是冬天，仲供應埋平時無的煲仔飯。最後叫咗兩個漢堡及肥牛鐵板飯， 大約四十八蚊一個。個漢堡好惹味， 又唔韌，份量又好多。肥牛我覺得就某foodcourt好味d, 因為呢間粟米，調味都比另一家少d. 間野都算平，所以就唔好預服務好好。 一食完嘢就即刻收曬 啲架餐， 好似要趕你走咁， 問佢攞水都 只係畀咗一杯。佢仲有d小食好似好好味，所以我一定會再來食。

D野食凍家 炸野最難食 芝士焗西蘭花最難食灼完加無味芝士焗⋯好5掋食🤦🏻‍♀️鳥冬自己整仲好😂飯是中中水平 但我覺得呢間得蛋包飯多人叫 其他都5掂 如果佢整D野食熱D先可以考慮吓

韓式蒲燒雙頭鰻魚石鍋飯 $56As an eel lover, given this appealing price I got to try it out! The rice was a little bit too dry, and the eel could be served in larger portion to satisfy a greedy palate like me! 韓式進擊之巨肋·芝士濃湯 手打烏冬(2人份量)$98Portion for 2 with a very attractive price! The cheese udon was quite palatable! The cheese soup base was fairly rich! The only drawback of the set was the unexpectedly dry grilled ribs with very lean meat. Room for improvement! ＄36有無限拉芝仲有勁多粟米一齊同你拉！呢個配搭真係極其邪惡！個風味骨配鐵板醬係得架喎！肉質好嫩

去開大角咀搵朋友，見到呢間新開既red rice餐廳，係門口睇過menu 都有幾多野食，決定同朋友try一try佢餐廳佔地頗廣，裝潢簡潔明亮，見到天花板掛住好多韓國旗仔，原來餐廳做韓國節，menu上面有一堆專為韓國節而做既主題菜，幾有噱頭Menu有多種唔同國家嘅菜，中式西式都有，最搞笑係連台式飲品都有，菜式都幾齊全。韓或進擊之巨肋 配芝士濃湯手打烏冬（$98）呢個餐既份量係二人份量，豬肋骨超大條，果然夠哂進擊！豬肋骨調味得宜，唔會太咸，肉質軟淋，芝士湯芝士味濃郁，烏冬爽口彈牙水牛城雞翼（$17）酸酸辣辣夠哂開胃醬燒豬軟骨（$29）豬軟骨碎左d,不過都幾入味，單食會咸d，配飯應該啱啱好沙拉脆雞球（$29）熱辣辣脆卜卜，雞肉夠juicy,好食綜合水果茶（$20）跟餐加二十蚊就有，仲係二人份量，好抵飲

今日經過大角咀入咗呢間RedRice餐廳，店舖看似一般的餐廳，但裏面的食物種類又非一般。湊巧嗰日做韓國美食節，店舖內裝飾得似置身韓國之餘地方還很乾淨，其中我點左一個韓式牛肉粉絲煲同埋韓式進撃巨肋配濃芝士湯。首先來了一個煙三文魚沙津，都是新鮮鮮甜的。呢兩個不得不提真係好出色，牛肉窩啲牛肉好鮮味好滑令到粉絲吸取了牛肉的精華另粉絲好入味！而且還可以跟飯或者烏冬，我選擇了烏冬因為個湯實在太出色！致於巨肋拎上嚟好香，色澤好金黃㗳㗳肉之餘又junicy,老闆好鬆手芝士 又多又濃郁，居然食完1條仲想再order多1條，my god！仲有嗰啲飲品還可以半價，雖然附近好多食肆但係呢個價錢尚算合理，非常滿足滿意！原來呢間字號餐廳有很多分店呢！

周六帶阿囝學完游水，又係周圍搵食嘅時候。喺大角咀兜左幾個圈，其實條街好多餐廳，見呢間企企理理，埋去睇吓有乜食。係門外揭下餐牌嘅時候，竟然比阿囝見到個兒童餐！又話有車又話有飛機乜乜乜，唔使問梗係入咗去啦！🤣🤣🤣平日好少俾佢呀兒童餐，因為佢實食唔晒，睇多個食！今日冇辦法，係佢自己揀嘅餐廳，自己打開餐牌叫咗個汽車兒童餐！🤣🤣🤣我就最鍾意食咖喱牛腩飯，呢到d牛腩大大件，似係牛條，味道幾香濃，又夠辣，如果淋少少會好d！老公叫咗手打牛肉漢堡，呢個價錢，食到咁質素！阿囝個車車兒童餐到咗！買相都真係幾得，佢開心到不得了！自動自覺食唒，只係意粉最底部冇乜醬汁，可能係佢唔記得撈下佢！見到有Apple cider 冰冰，終是叫了一杯，順便再叫一客大食拼盆送下酒！最後食到5點半，而且飽到連夜晚飯都食唔落！二百元三人分，真係好鬼抵食。

朋友生日，在旺角逛街後便走到這區吃午餐。以往我們都在深水埗吃午餐及晚餐，因其便宜又選擇多。這次我們選同樣是旺角附近的地方—大角咀。大角咀是工業住宅混合區，區內有不少新式餐廳，食物價格較旺角便宜。如非居住於大角咀的大學朋友介紹，我也不會留意到這鬧市的一角。在舊區建築間，映入眼簾的是鮮紅的店舖—Red Rice米飯主題餐廳。店舖騰出部份空間造成戶外區，除了桌子和特別設計的椅子，旁邊有垃圾桶裝滿著煙頭。這對吸煙者很方便，然而不吸煙者需建議坐在餐廳較入旳地方，遠離煙味。我喜歡明碼實價的巨型餐牌，所有餐廳供應的食品皆一目了然。下午茶時段，星期日半工廠區行人不多，這些餐牌吸引了不少路人駐足看看。圖文並荗，而且附有英文，故也吸引了外國人光顧。這裡的套餐很大份，而且選擇多。焗飯、蛋包飯、鐵板、海南雞飯、米線、西餐的沙律，中餐、日式、西式齊全，適合一群人用饍，照顧不同人的食物喜好。在眾多食品款式下，居然還有一個有趣的韓國節。除了餐牌上的韓國食物，著名的石鍋飯和韓國手工啤酒，餐廳內的佈置真的有整套韓服和韓國國旗。我們下午2:00才到，剛好與等待下午茶時段的人一起入內。下午茶的選擇更吸引，飯、麵包、沙律及全

2點幾個時，有啲肚餓，行行下，估吾到大全街開左咁多食店，入到redrice，我點左3重芝士雞扒焗飯加柚子蜜桃薏米水。個飯好重芝士，拉得岀好長既芝士絲，味道偏咸，不過尚可接受。柚子蜜桃薏米水，其實佢淨系得柚子蜜既味道，不過好創新，idea幾好，加上賣相吾差，值得推介👍🏻