紅米 (已結業)

平民化嘅台灣feel午餐,路經慈雲山，見到出邊嘅門面幾新穎所以入去試吓，叫米飯主題餐廳，午餐餐牌價錢都係40至＄50到，份量比較大，我叫左個香雞黑椒汁蛋包飯，配菜仲有麻醬沙律，沙律好新鮮，配合麻醬好開胃，蛋包飯蛋醬非常滑溜，食到香濃嘅雞蛋味，裏面係茄汁炒飯，一啲都唔馬虎，但係個黑椒汁鹹咗少少，有啲失望，個炸雞粒炸得非常香脆，完全食唔到油膉味道，好味，好有台灣炸雞既感覺午餐都係＄42包熱飲，ps重新提一點份量非常大

舊年試過聖誕大餐家人覺得抵食大讚,所以唸住今年(再來一個)😂跟相熟伙記打探都有唔少熟客想訂位,但公司政策唔容許。為求小朋友可以過一個開心聖誕節食吓大餐,只有提早在6:00pm前早少少去搵位其實都算係經常幫襯嘅街坊熟客,當然會先行唸定食邊款餐㗎喇當準時到6:00pm可以order晚餐就點咗比較實胃嘅三人餐,因為四大一小而又比較細食。手頭上有三張優惠券便用咗一張(食三款免費嘅優惠)。同檯嘅大人見到晚餐按先後情序上菜時,不奇然想到童年回憶。小時候被父母帶去"美而廉"食聖誕大餐果種親切感😂👍👍就係擺到滿都係,都唔知食得邊樣好🤔🤔😊😂因為三人餐選擇比較多,包括有餐湯,沙律菜,烤雞翼(可自選醬汁),main course 各選烤雞及牛扒。配菜唔多講,主菜嘅烤雞好正皮脆肉滑多汁,好入味。牛扒份量嚇親人,大到有乒乓球板咁大塊。不過有點韌,好難切得斷,有點敗筆。輪到甜品又唔錯喎,兩樣都食清光因為早到可以靠窗口坐,不時見到有客人問攞位,按輪候機器,差不多有二三十人圍住門口等。如果keep住有咁嘅水準,來年一定會再encore

今晚一家四人去附近餐廳食便飯我地由頭盤冷盤小食主食甜品都有order煙三文魚蟹捧沙律,Ｄ煙三文魚比一般食肆大塊及豐富欖油鐵板煙肉蒜蓉炒雜菜,煙肉+蒜蓉好惹味,本人最愛,值得一試仲有和風照燒鐵板捧捧餃,煎餃子熱辣辣大大隻水牛炸雞翼同香草雞翼,正正常常韓式蒲燒雙頭鰻魚石窩飯,汁香飯熱鰻魚大大條燒原條BBQ豬肋排骨,一家四人份量岩岩好,如果得兩個人份量會太大鐵板虎頭蝦,Ｄ蝦大大隻好有肉而且又熱又香溶岩芝士肉醬鐵板薯條,喜愛芝士人士必叫！韓國手工生啤MAX,味道不錯

慈雲山附近已經食到好厭呀，奶奶提議去呢間西式餐廳吃飯。餐廳裝修很有聖誕氣氛，幫襯嘅街坊也很多。看見餐牌做了一個韓國節嘅推介，我們叫了一個鰻魚飯，用石鍋裝熱辣辣，鰻魚嘅份量也很多。加＄8 還可升級手工啤酒，味道也不錯。我們家愛吃菜，老公愛煙三文魚沙律、配千島醬，老爺奶奶較愛炒雜菜，不是那種很油的。鐵板大虎蝦做得不錯，外皮香脆，底下有香噴噴嘅洋蔥，以防止燒焦。原條BBQ立骨可媲美出面較有名氣嘅西餐廳，醬汁都好香濃，又唔會燒到乾晒變肉乾。總括來說，性價比高，適合一家人 食飯又不想消費太多嘅你。

剛剛搬左去慈雲山的好朋友，請我到她家一聚，參觀一下，晚上到她家附近的餐廳用餐，她带我到一家叫Red Rice 米飯主題餐廳，餐廳光猛整潔，我記得這餐廳有2間分店，現在開到來慈雲山，當然要試下啦！餐廳都好平民化，有西餐和韓國餐食，價錢大衆化，沒有加一服務費。是日餐湯：粟米忌廉湯！湯濃味甜！椰汁紅豆冰：椰汁味香，紅豆夠林，不會太甜，跟餐只需加9蚊，好底！海南雞飯：有海帶湯、油飯和海南雞，油飯夠味，軟硬適中，海南雞嫩滑，點些醬汁更惹味！招牌雜扒鐵板：配黑椒汁和白飯，雜扒有雞扒、豬扒、煙肉、腸仔。熱騰騰的鐵板盛有雜扒，將黑椒汁倒下，沙沙沙聲音加埋有煙霧，香氣四溢，一殺那個個都望過來，雞扒有口感，豬扒夠林不硬，與黑椒汁好夾，黑椒味濃帶微辣，吾錯！RED RlCE 大食拼盤：有水牛城雞翼、紫菜薯條、日式棒棒餃子、吉列大蝦、胡麻沙律菜、芝心烤巨人菇。香口食物之首選，香脆的有雞翼、薯條、棒棒餃子、吉列大蝦，清新的有沙律菜，最特別是芝心烤巨人菇，菇味香濃，上面改有芝士，惹味可口！兒童雪糕丼：9點多已賣晒所有甜品，只有兒童雪糕丼，雪糕加脆脆，試試小朋友專有的味道！

今早如常落街食早餐,好唔容易先搵到兩個大門入口旁邊靠牆嘅坐位。坐落唔夠廿分鐘,見先後五六批人客入嚟話:4位,6位,8位,4位....嘩,咁樣嘅環境做老闆重唔笑晒好彩佢嘅食物水準都keep得住。平心而論,成條食街佢嘅性價比算係高㗎喇繼續努力喇

賣相雖然不錯,但味道絕對不會給予高分評價。芝士鳥冬年糕鍋, 完全沒有芝士味道🤷🏻‍♀️特色蛋包飯, 比外面的蛋包飯更為普通⋯😔有點失望*忌廉湯味道尚可, 可惜一上台時已是冷冷的。反而雞翼卻意想不到, 用西柚檸檬蜜糖作配搭酸酸甜甜⋯可能是我們一家對餐廳抱持期望,所以才會感覺失望吧?服務員或者可能都是以年輕為主, 所以都不太夠主動,並沒有考慮到顧客需求。例如道菜已沒有該配料, 可以先問顧客意見介意與否*而不是放上桌後, 需要客人反問道菜是否缺少什麼🙄才告訴客人由於該菜配料只剩少量, 所以減少配料分量, 影響了味道介不介意轉過第2道菜給我們⋯⋯⋯⋯環境及衛生方面, 於此區比較, 是比周遭食店舒適。🤷🏻‍♀️

有朋友咁岩係依頭返工，就揀左係附近食依間餐廳成日都好多人食...不過平日7點左右仲係少人的..因為始終係山上面，行去都需時呀麻😆😆每日都會有d平d既套餐👍🏻👍🏻👍🏻價錢真係好平民👍🏻👍🏻👍🏻已經好少餐廳40幾蚊可以食dinner食到飽...叫左個蛋包飯，蛋好滑👍🏻👍🏻魚又外脆內軟👍🏻👍🏻👍🏻鐵板份量真係好蛋...依個係雜扒雜扒餐可揀飯/意粉/薯菜..我地叫左意粉..估喊到份量有咁蛋，都幾好食！大食拼盤，好岩口痕又想多選擇既我食😆😆四款特色飲品都係加6蚊，我地叫左A同D埋單200蚊都品洗，食到勁飽👍🏻👍🏻👍🏻

今日收工之後去慈雲山探朋友既貓貓 順便係慈雲山食埋晚飯先走探完貓貓都已經9點鐘 第二日仲要番早 所以求其搵下有咩好食 點知俾我地見到呢間新餐廳叫Red Rice 米飯主題餐廳 個名好特別 一於就試下落單到上菜非常快 好有效率 值得一讚！呢個肥牛鐵板燒賣相同Pepper lunch好似 但係食落 味道好特別 距既辣椒好惹味 鍾意食小小辣既朋友 非常推薦！呢個大食拼盤 真係好抵食 而且色香味俱全 另外我地仲叫左大虎蝦 圖片與現實好似有d不符 但係食落都幾好味 而且份量足夠 大概有4-5隻蝦 值得下次再幫襯！

朋友的新生BB終於歸家了，特意上去探訪，BB真是很可愛，不過睇唔出似邊個，探訪完BB後去附近吃了個午飯。這個位於慈雲山巴士總站附近的Red Rice，中午時份外面大排長龍，要除票等位，不過流量很快，大既等了十分鐘就有位。兩點後就有下午茶，可惜太肚餓，決定食飽一點。點了兩份主菜，另加$20配湯、多士及沙律。忌廉湯：質感很杰身，有粟米粒及蘑菇粒，似是金寶忌廉湯，不過稀少少會好一點。雜菜湯：這個又比較稀，有點雜菜及薯仔粒，而且太酸，味道不及忌廉湯。沙律：沙律菜、番茄及粟米等配以胡麻醬，爽脆開胃。多士：焗得香脆，還是厚多士，食完都有點滯啦。珍寶海鮮焗飯：焗飯用料十足，有蟹棒、炸魚、炸蝦、青口及蝦肉，表面有大量的芝士焗製而成，每啖都有芝士，不過飯比較腍，如果爽口一點會更好味。豬肋排鐵板配薯菜燒汁：豬肋排真係大條到難以至信，是原條整份約十條骨，份量十足，用bbq醬醃過，非常入味，味質嫩腍。配上炸粗薯，簡直飽到上心口。綜合水果茶：足夠二人份量，水果茶不會太甜，果味濃郁，還有點桃肉，茶香消滯，味道不錯。總結：食物跟價錢成正比，味道中規中矩，但份量確實十足，價錢便宜，性價比高。

重陽將至，又是各位孝子賢孫出動的時間，拜山掃墓後例牌去食餐飯，這間位於慈雲山的毓華里的Red Rice，隔離左右全部都是食肆，要突圍而出，都離不開抵食夾大件。下午二時，門口都大排長龍，等了大既十分鐘就有位。單點全部都可以轉餐，不會限制款式。而且價錢化算，全部都是$40-$50起。煙三文魚蟹棒沙律沙律份量頗多，有沙律菜、蕃茄仔、粟米粒等，配上胡麻汁，非常清新爽脆，而煙三文魚有4-5塊，味道不錯。和風蒲燒原條鰻魚鐵板飯原條鰻魚有成隻手前擘長，肉感爽口，有別於外面的腍身，整份鐵板上枱，連飯及木魚，很有日式風味。大食拼盤因為雞翼沽清，所以炸蝦及餃子各多一件，炸蝦香脆但不算大隻，肉質都幾爽口，餃子外皮有點硬，但餡料都頗多，芝士焗大菇有大量的芝士，大菇肉汁豐富，有外面高檔西餐的水準。柚子蜜桃薏米水本來以為是煲的薏米水，原來只是沖出來的柚子蜜桃再放幾粒薏米在面，味道不太甜，帶少許酸。總括而言，食物味道不錯，大件夾抵食，選擇頗多，大胃王必選的餐廳。

係對上一個貼講過廚房班底麻麻,連方包烘都烘就上檯當多士。係食評出街後第二日再來幫襯叫番多士,即刻唔同晒依啲咪係年輕人老板嘅專業待客態度囉。老實講,如果食店對客人批評置之不理,咁最多咪寫都唔寫囉。

記得一年前剛開業時佢確確實實帶俾慈雲山街坊好大嘅驚喜全新嘅經營方式在同一條食肆街可謂(天降奇兵)。裝修新穎食物款式選擇多變;提供wifi上網。細心唸唸最近三兩個月食物出品非常差勁,原因何在呢??????可能開張時廚房嘅班底同依家唔同,當時嘅食物上檯唔單止啱時間,連碟子都帶有微溫;非常窩心依家晚餐嘅蛋包飯(鰻魚+蛋凍冰冰)早餐嘅多士(永餐都係白雪雪,完全無烘過嘅跡象)。聽聞集團舊年因經營艱難引入新股東,睇落好似新不如舊。都係懷念番舊有嘅經營方式

神奇在我冇乍型,其實我都好明白比幾十蚊食一餐都冇乜野好要求,但係呢檔野真係好差, 加錢要杯荔枝紅茶,本身都知呢味野係一般地飲方都係糖漿加茶, 但誓估唔到都可都咁難飲,杯野八成九係糖漿,開頭唔知一野飲落去即封喉仲有種講唔出既苦味同洗潔精好雷同,唔敢再飲,即刻都覺個飯都唔方會好得去邊,果真,個飯一到真係心裡面嘩咗聲,個豬軟骨蛋包飯真係寒酸得好交關,得嗰兩條細到好似擦紙膠咁上下大既豬軟骨,仲要一睇就知一定係柴皮咁硬,嗰飯有小小沙律菜伴碟,嗰D沙律菜見到都冇晒胃口,唔落好過落,D飯保持係冷與暖之間既神奇温度,唔知佢地究竟點先做得到,我諗小野二郎都會好有興趣想知,咬咗一啖飯之後個人即刻冇晒煩腦,腦海一片空白,再咬多啖真係好硬,吞咗之後係腦海出現既第一個影像就拍枱,再望下嗰姐個樣,嗰個應該只會係周星馳既電影先會出現既嗰種表情竟然會係度出現,係嗰一刻我立即將我既情緒穩住禁止佢爆發,因為咁特別既野我要揾多d人一齊等個再好d既時間先再黎食多次。

淨係影左張單，d野食見到都5想影，平時都少寫食評，但太難食，已經好肚餓食都覺得難食，所以一定要寫食評，其他人5好再去。肥牛飯得好少牛套餐H係海南雞飯，d雞少，數埋可能有4舊既，d雞冇雞味，可能冰鮮掛，d肉又實又少，咁都可以比人食，想點？有個所謂既雞湯，我覺得係雞油+雞粉湯lor餐有個小棠菜，勁生，係咪未熟？最好係個雞翼，熱同脆，第一樣e個黎到時都覺得ok，同埋30蚊6隻，係街黎講都5貴。咖啡薄餅，$16，有4塊，即係$4塊，以$4黎講，佢都幾細塊，食完好似陣風咁。珍珠奶茶，d珍珠係咪未煮好？硬到不得了熱檸蜜少甜，但少到好似熱0水咁真後少見。總括而言，間野勁小家，5捨得比人食咁，所有餸都慳住比，味道亦5好。原本d野5貴，但而家覺得係浪費我d錢。但店員值得一讚，落單時態度好好。