紅蔥頭 (已結業)

今日又黎到紅蔥頭下午茶紅蔥頭下午茶選擇都幾多，係同朋友輕鬆傾吓計嘅好地方我哋坐嘅係卡位，地方闊落而舒適看看menu，被鐵板一口牛的照片吸引毫不猶豫地點了一客上枱時，鐵板發出渣渣的聲音，顯示出鐵板的熱力一碟有六件牛，兩人分享剛剛好可以用旁邊的燒汁諗淋上鐵板，令一口牛味道更加突出雖然說是一口牛，但其實體積不少每人吃三舊，作為下午茶是一個不錯的選擇另外點了爆漿蛋多士，一片薄薄的多士烘成金黃色，中間有一隻半熟蛋，用叉一吉中間的蛋漿便流出這個屬於輕食兩個女孩的下午茶唔會少得甜品。心太軟的流心度非常高朱古力味不算太濃， 但價錢不貴，可接受跟餐的餐飲點了橙汁，推介對於呢個下午茶，我們都幾滿意

又黎紅蔥頭Lu .. 不過次次都唔記得寫食評 我其實係呢到既常客！最鐘意呢到既野大件夾抵食！種類又多 今次同朋友仔食左牛扒晚餐，我鐘意牛味重既，所以我要左set A ! 西冷牛扒 先上餐湯，一紅一白，最鐘意呢到既紅湯，係'茶餐廳'羅宋湯湯！小小spicy I'm loving it 朋友仔既白湯係南瓜忌廉湯，朋友仔話未見過餐湯咁大碗架！仲要係濃湯，唔係湯+水 個小包, 係我最愛既蒜蓉包, 外面脆脆地, 點湯一流 ! perfect match 到main dish la !! 我的牛扒~~ 一如以往, 超大塊 ! 雖然呢到唔係扒房, 但絕對有排房既standard ! 牛味勁重 ! 唔會好un..都唔係"鞋" ! 鐘意呢到既原汁原味口感, 唔會好似食緊梳打粉牛扒咁 ! 仲有我最愛的chips ~~ 新鮮炸出黎既, 勁熱 ! yummy yummy 不知不覺間比我KO唒成碟牛扒last but not least ! 最重要的甜品 !! i choose 豆腐ice-cream this time ! love it so much !! 感覺好清新~ 可以減左食完成塊扒既肉

這日下午與朋友在花園街行街買衫，連戰了數小時後大家都累翻了，趕忙在附近找個地方休息順便食飯。我們最後揀左在紅蔥頭食晚餐，其位於始創商場的三樓，交通十分便利易達。有段時間沒有去過紅蔥頭，感覺變得更高檔。餐牌有多個熊熊的圖案，可愛賣萌度十足。餐牌有前菜、意粉飯麵、大廚推介的組合和升級優惠等，視乎需要而任君選擇，感覺上套餐更抵食。凱薩沙律 $64大大盤沙律十分養眼，撒上芝士碎和芝士粉使整個沙律更好味，還有麵包脆脆和豬肉乾脆粒伴碟使整個沙律好豐富又滋味。黑漆漆墨魚麵 $78這道意大利魷魚墨汁不會太少，可完美地覆蓋每一條的麵條；意粉彈牙，配上平日少吃的墨汁，感覺更特別。+$28 套餐法式濃湯有紅白兩湯可揀，選了濃濃的忌廉湯，一端上來夠熱騰騰，配上烤到脆卜卜的蒜香味的法包是一個不錯的頭盤～飲品可選橙汁/ 好立克等飲料一直想試試紅蔥頭的甜點，一次過可以為晚餐畫上完美句號，可考慮雪糕和心太軟的組合。自家製心太軟配雪糕球 $58雪糕口味有豆腐、朱古力或芒果微溫的朱古力溶岩漿爆發了，一冷一熱的在互相交融，芒果味道與雪糕的冰凍質感真的十分棒！

BeautySearch 家中有兩隻小毛孩，閒來時，喜歡與蝦子餅逛逛金魚街，因為那條街除了金魚舖，還有好幾間寵物店。基本上，這兩隻小鬼早被蝦子餅寵壞了，無論零食，還是主糧，都需要定期換換口味，所以，早前我們又要來到這裡入貨。逛完街，一袋二袋的，只求找一間舒適的餐廳小休片刻，天氣這麼酷熱，還是先躲進商場中再來選擇，最後，我們選了始創中心的《Cafe MED》。餐廳坐位約有六、七十個，地方闊敞，來這裡閒息最好不過。餐廳裝潢簡約中，帶有點點工業風，灰色的天花，看透了冷氣及喉管，還有特色的吊燈。搭配以木為主的餐桌、椅子，感覺又添加了幾分家的感覺。BeautySearch 最愛牆內的掛飾擺設，以小熊為主，還有不少孩童的小玩意，添加了不少溫暖感覺，來到這個家享用下午茶，還多了幾分賓至如歸。正值下午茶時間，少不了點選下午茶餐，不用多說，蝦子餅這食肉獸，還是喜歡點選肉食。「鐵板一口牛」 $50 成了他的目標！上桌時，鐵板發出吱吱聲，還散出輕煙，可見其熱騰騰！切成小粒，方便進食，肉質方面，一口小牛非常鮮嫩，還富有肉汁，搭配上惹味的醬汁，還有香軟的薯蓉同吃，令味覺得以平衡，絕對是美味推介。而我最愛雞翼，因

早前去過朗豪坊的紅蔥頭，感覺非常不錯。今天踫巧在太子一帶活動，決定晚餐時段拜訪位於始創中心的姊妹店。始創中心分店的裝潢風格比朗豪坊的有所區別，朗豪坊的店帶著Loft 工業風，始創中心的帶點復古文藝感，環境是文青喜愛的。始創中心店的面積比朗豪坊的小，抵讚的是店舖懂利用牆壁的鏡面增加店面的空間感。始創中心店的菜單跟朗豪坊的非常相近，始創中心店提供更多款的二人套餐組合，為客人提供更靈活的選擇。二人餐看來性格比較高，食物份量亦豐富。可是友人力推的卡邦尼意粉並未包含在二人餐可選的菜式中，經一輪掙扎，還是決定投奔散點的。另外，散點享有額外的優惠，於星期日至四晚市惠顧，在7:30pm 前點餐，可獲九折優惠。友人推介的卡邦尼意粉原來同是餐廳的得意之作，在餐牌上帶有得獎美食的標誌。卡邦尼意粉看似平凡，然而醬汁味道調配得宜的，我可不曾嚐過太多。這碟卡邦尼蛋香和忌廉味很香濃，醬汁帶點點白酒香穿梭其中，味道很有層次。意粉上的巴馬臣芝士伴進意粉中同吃，芝士的濃香加強醬汁的味感。煙肉跟雜菌的份量豐富，充分吸收醬汁的雜菌美味。餐廳曾成為飲食天王嘉許的食店，或許跟卡邦尼有關聯呢。芝士忌廉汁黑松露煙三文魚焗飯味道雖及不

逢星期一至四晚市唔洗加一, 真係超抵啊!!唔怪得坐滿哂啦!------------------------------【海鹽瘋薯條(檸檬忌廉)】HK$38本身睇到menu既食物圖中係粗直薯條, 但送到黎, 薯條係波浪形呢種...雖然一樣係薯條, 但食落口感係唔同的!醬汁係檸檬忌廉, 酸酸地...但薯條炸得唔太脆~ 【芝士忌廉汁焗牛粒飯】HK$80芝士配上忌廉, 唔會太溜, 醬汁焗完唔係出面好乾果種, 而係令成個飯都好濕...牛粒好有咬口~【特濃芝士鐵板雞扒】HK$75呢款值得推介, 好有驚喜!鐵板熱辣辣上檯,待應係面前淋上洋蔥汁, 沙沙聲之餘仲香噴噴。有好多好多薯菜伴碟, 雞扒大大件,上面有好多芝士😋當我用刀切開雞扒放入口,原來雞皮係預先煎香, 雞肉好嫩好林, 配上洋蔥汁,味道更加濃,更加突出...【心太軟】轉套餐另加HK$28之前係另一間分店食過呢款心太軟, 但呢間既心太軟特別好食!! 心太軟焗得好乾身, 而且入面既朱古力整得好流心...正啊!!

行開太子，係始創中心搵食，食呢間西餐，見佢餐牌有焗飯，扒類，價錢親民！有懷舊鐵板餐，選了什扒餐，有雞扒，煙肉，腸仔，牛扒加薯條，份量幾足, 味道可以！而友人點了呢款芝士桃汁去骨雞腿焗飯，份量適中，味道酸甜，幾開胃，雞肉幾嫩滑，飯粒唔會一pat野咁！

真係估佢唔到！咁嘅價錢有咁好嘅質素！睇下個湯！勁滿勁大碗，好少餐廳個湯會比咁大碗你！個南瓜湯嘅南瓜味係要好濃...好唔好意思咁講，大碗到我飲唔曬😆😆😆餐廳都係浪漫氣氛，所以燈光唔太強...影得唔係咁好！個baby ribs...好誇張！個底仲有一半！超勁大份，簡直係2人份量！最正呀，佢真係多肉，唔會得好小肉包住d骨！啖啖肉！真心覺得好食過 「Ruby 星期✌🏻️」餐廳！睇唔睇到d chips 多到個點！下次我都一家要再叫lee個！好味又底食嘅baby ribs! 寫緊食評都已經忍唔住吞一下口水，好掛住陣味hahahahaha士多啤梨橙汁！有驚過會唔會有藥水味....又真係完全冇wor! 甜味適當！再加埋我必叫嘅甜品！心太軟味道香濃！我選擇左豆腐雪糕！絕配！香濃嘅朱古力味，清清嘅豆腐味....我覺得好過vanilla 味好多！

與女朋友於太子行街，中午便到始創中心吃個午餐。 見三樓的紅蔥頭人氣十足便排隊嚐嚐吧! 我們二人各取不同。我選了"法式焦糖布甸咖啡","芝士焗忌廉菠菜龍利飯" 及 "羅宋湯" "法式焦糖布甸咖啡"法式焦糖布甸咖啡，焦糖布甸味道濃厚，配合咖啡味道非常匹配，口感細滑香濃。 "芝士焗忌廉菠菜龍利飯"芝士焗忌廉菠菜龍利飯，龍利柳豐厚，口感充足，芝士份量均匀，加上炒飯底鬆軟，使人吃下仍不覺得油膩。 整體份量充足，即使食量大點仍不覺不滿足。 "羅宋湯"羅宋湯湯底濃，材料十足，更重要油份亦不算多，湯料有菜有肉，充足配搭，認真制作，值得一讚。

人生中食過最鞋既豬仔骨，蒜頭煙肉意粉亦唔好食，雪糕仲送埋膠紙係入面。唯一好係個女侍應好有禮貌，但其他男侍應主要負責傾計咁.經過今次唔會再幫襯 或者我真係唔好采遇到個廚師失手啦

之前都有食過紅蔥頭既分店，對佢都有咁上下認知，前幾日同fd行完旺角金魚街，又想食野醫下肚，行下行下走左去始創，見到有間熟悉既餐廳就坐低左喇。「食生不如食熟」，當然生同熟既意思唔係指食物XD依然係一如以往既懷舊複古感覺，7點左右已經幾爆人，好彩都尚有一兩張卡位。環境仍算寬敞，燈光明亮，坐係到都幾舒適，最緊要係價錢夠平好抵食！最抵食既係套餐選擇，包括有餐湯、主菜、雪糕、餐飲等等，都係二百左右既價位，而我地一齊嗌左個套餐同小食～蒜蓉包，同餐湯一齊上，咬落去非常脆身，有陣陣既蒜香味，仲可以浸落餐湯到令感覺冇咁乾～餐湯，以前特別中意白湯，而以家口味有少少改變，中意左飲羅宋湯，酸酸咪咪既味道好開胃，飲落帶微微既辣，但不改我既食慾。法式香草牛油焗田螺，賣相唔算太討好，但味道唔差，田螺煙韌帶鮮，好有咬口，而且有牛油既香味，而薯蓉口感creamy，牛油香更重～芝士牛油蒜蓉焗青口，焗出黎既味道好香，但係每隻青口既芝士都唔算多，食落去尚有芝士味但唔多，而青口既口感有啲韌，如果更多芝士既話會更加好呢！意大利魷魚墨魚汁意粉，今日簡直係海鮮餐xd叫左幾樣都係海鮮為主，份量好足夠，魷魚數量都好多，口感煙韌帶鮮香，意

在太子閒逛後想找處坐得舒服的地方吃晚餐，就想起了紅蔥頭；餐廳坐位約有六、七十個，地方闊敞，西餐食物種類算是多選擇，要是一組朋友聚會，也可以容納得到。餐廳燈光是柔柔的，很有情調主菜只要加錢就可以轉為套餐，有餐湯、沙律和飲料因為不算太肚餓，所以主攻了幾款小食羅宋湯、蒜蓉多士紅湯是一般茶餐廳的味道，不過配蒜蓉多士比起餐包更有心意黑松露煙花三文魚卷黑松露在哪? 似乎欠了點東西啊~ 不過三文魚有檸檬墊底，味道清新，加上有沙律菜拌碟，很有田園風三文魚是厚切的，啖啖肉，很豐富四色青口青口煮得有點老，醬汁也不夠惹味，不過賣相還是不錯，而且有四款口味意式炸烏賊 $48-HKD看似厚實實的賣相，魷魚卻入口軟腍，炸漿會太厚硬，AW把整盤小食都吞了凱撒先生沙律 $64-HKD沙律醬很重手，完全符合AW吃凱撒沙律的要求!! 沙律菜很新鮮，加入芝士、煙肉、多士粒粒配料。鐵板上的蝸牛(法式香草牛油) $48-HKD薯蓉份量可以減少，薯蓉亦可以加入煙肉或者其他配料，令賣相和味道更加吸引草子莓莓 $38-HKD充滿士多啤梨果香，甜甜的。要是可以增加飲品種類，例如離雜果汁。黑松露深海帶子黃金意大利飯 $88-HKD意大利

終於約倒個舊朋友食飯  如果你想搵個靜靜地可以傾下計又唔會趕你走既餐廳始創間紅蔥頭就岩哂兩個人一共叫左兩個小食   兩個MAIN  兩杯野飲黑松露煙花三文魚卷 - 一大啖放落口個下真係好滿足海鹽薯條 - 記得上一次黎簡左食肉醬 今次簡左檸檬忌廉味 只可以話都係咁好食都幾肯定係即叫即炸   好正!  怕熱氣既朋友就等一等先食喇忌廉汁黑松露三文魚天使麵  -  忌廉味好夠 永遠撈埋天使麵度都好MATCH 露荀野菌意大利飯 - 基本上有意大利飯既餐廳我都一定會叫我太中意食意大利飯 呢個都係一樣咁CREAMY絕對係我expect個種味!飲品方面  都係隔離飯香朋友叫左杯草子莓莓   好似比 起我杯 熱情舞曲更好樣埋單每人都係100中   計落性價比其實幾抵

平時經過開都有留意呢間餐廳，但係就從來都冇 入去食過，今日同屋企人一齊行過見到，佢既二人套餐都幾吸引，就決定入去食啦，鋪頭入面空間都好大 唔會坐到好迫，都幾舒服，員工服務態度都好好，好有耐性，而佢個餐牌上面有好多選擇，除左揀套餐之外，都可以自由配搭前菜主菜，我們要了一個二人套餐和一個飯。套餐可選餐湯或沙律加餐包餐包係蒜蓉包，好香蒜蓉同牛油味，微溫帶軟，忌廉湯有好大陣奶香味，湯入面有些碎菇粒，好好飲，沙律有幾種菜，全部都好新鮮，沙律醋酸酸地幾開胃，之後d主菜開始送上嚟啦。 芝士忌廉汁焗黑松露三文魚飯 岩岩送上泥未食已經聞到好大陣黑松露味，個焗飯嘅外表好吸引，好多芝士溶左係上面，而黑松露好似好隨意咁樣灑左上去，一開始以為淨係得表面個層先會有黑松露味，但係食落之後先發現，每一啖飯都有好濃烈既黑松露味，絕對唔係敷衍，感覺呢個價錢食到咁多黑松露好抵，而煙三文魚就半熟咁係焗飯上面，焗飯食到一半，蜂蜜味 bbq燒豬仔排骨就送咗上嚟 見到豬仔骨外表燒到好靚，已經聞到好香肉味，d肉燒到外面脆脆地入面d肉好林，平時唔鍾意食豬肉因為覺得好硬好難咬，但呢隻啲肉好林，一d都唔難咬，唔洗點用力都可以撕到啲肉出泥，

周末在旺角做過 facial 、看過中醫，便會合男友吃午飯。天時暑熱，躲進商場中，到>>>紅蔥頭<<<享用 late lunch。午市套餐由中午12:00供應至晚上6:15，令食客從容享受彈性午餐時間。食物選擇勝在夠多，穿制服的話，更可享免加一再九折優惠。各項午市套餐均可另加HKD6選配餐包及餐湯，分別為羅宋湯和忌廉湯。一試其羅宋湯，味道很濃，十分足料，值得一讚。蒜蓉包香氣吸引，只是略為細小，只能淺嚐。冰選的主菜是芝士忌廉汁焗煙三文魚長通粉，看似很小的一碟，其實極為飽肚，芝士與忌廉汁均甚豐盈，但又不會過膩，配料份量控制得宜。煙三文魚咸香誘人，除了中間的一朵三文魚花，表面亦鋪有三文魚塊，用料十足，絕不吝嗇。長通粉內混有雜菌，不單增加口感，也是均衡飲食法則。餐飲分了幾類，部分不需額外付費，凍飲另加三元，特飲則需再付十六元。點了一客熱的榛子奶茶，榛子味不太濃，茶香相對突出。餐廳最舒服之處是冷氣溫度不會過低，無需穿著外套保暖，相當不錯。