紅蔥頭 (已結業)

其實幾年前係太子讀書時都成日幫襯呢間餐廳，又好鍾意叫呢個飯（芝士蕃茄焗蜜桃去骨雞腿飯。不過當時價錢平一半前晚再同屋企人去食，味道依然好食，不過芝士少咗，炒飯底有少少硬。夜晚7點半前落單有9折，不過不失啦。

人愈同朋友相聚時間愈黎愈少各有各忙，各有各生活不過好朋友總要抽時間出黎見既依日就同中學識的好朋友行街行完聯合，黎左就近依度食野行完成日街，都真係幾餓所以點啲扒餐黎食下先先黎餐湯同蒜蓉包羅宋湯少少辣唔會好酸，味道岩岩好忌廉湯味道濃郁但又唔會好膩而蒜蓉包好欣賞因為佢唔會焗到好硬有時食到有啲好硬，會有啲𠝹口依個焗到好鬆脆，軟度適中連湯一齊食唔錯小妹個朋友點左「鐵板西冷薄扒拼雞扒拼司華力腸」$99份量對女仔黎講都真係幾多塊西冷扒唔韌好味，配合埋有洋蔥配料既燒汁好惹味雞扒都幾大塊，食完個餐係超滿足而小妹就點左「鐵板牛柳拼吉列魚柳」$128最初小妹點果時仲傻更更以為係牛柳粒搞笑，跟住上菜果時原來咁大舊哈哈哈食開果啲牛柳粒都唔會超稔不過依個咁大既牛柳真係超稔又入味因為小妹無乜牙力，太韌真係食唔到依個稔度就岩啦而吉列魚柳切開唔會鬆散平時食開果啲一切就散，但依個唔會，所以好好野飲呢，我地叫左「草子莓莓」同「青森果園」（跟餐每杯加$16）「草子莓莓」即係士多啤梨加橙汁兩者溝出味道唔會好怪，幾好味「青森果園」即係青蘋果加檸檬茶青蘋果味唔算好濃，可能比檸檬茶嗆左個味最後我地加左$28試佢個「心太軟」「心太軟」

以前喺太子返工嗰陣成日黎呢間紅蔥頭食晏，但係一直都未試過食夜晚，今日同屋企人過到嚟，又唔想諗食乜嘢，見到紅蔥頭難得冇人等，就沖左入去食。望一望個餐牌，嘩，原來夜晚比晏晝多好多嘢食。今次我哋叫咗一個二人餐，都係＄248姐，我知你覺得係西餐廳來講係平嘅價錢，有兩個湯，兩杯野飲，兩個main course，再送兩球雪糕添。湯我哋叫咗一紅一白，我自己本身就比較鍾意飲紅湯，因為覺得呢度嘅紅湯足料，配佢個蒜蓉包相當唔錯。個白湯飲落好重奶味，反而無或者忌廉味我就唔係好飲得出，但係妹妹本身鍾意飲呢款白湯，滿足到中意奶味重既朋友仔。蜜糖汁BBQ豬仔骨估唔到咁大份，一上嘅時候真係嚇親我，雖然好但係整得一啲都唔老，我切得好輕鬆，豬仔骨咬落夠juicy，陪埋蜜糖汁甜甜地咁，三個人可以食到3，4舊左右，唔會到喉唔到肺，好滿足！配菜係薯條，外脆內軟，食食下會不自覺食晒，我又係咁樣食食下就比我阿妹鬧話，話我好食晒佢啲薯條。芝士焗茄子肉醬螺絲粉食完豬仔骨之後，個螺絲粉就有少少失色啦，(可能因為係個豬仔骨太好食)，其實如果返想食一個肉醬螺絲粉，其實係唔錯嘅，略嫌芝士少咗啲，但係個茄子焗完之後都冇變到乾爭爭喎，我覺得呢個

今日剛巧和朋友來到太子附近閒逛，突然下起暴雨，走過幾個街口來到始創中心避一避。大雨令我和朋友都全身濕透，非常需要一個舒適的地方安頓一下。上了一層又一層電梯，都是地方淺窄的cafe，直到了三樓，看到這間裝潢較好而有空間感的紅蔥頭，我們便二話不說選擇了這間。剛踏進店內，醒目的經理已經主動上前迎接我們，當他見到我們濕透的樣子，很快地安排我們到舒適的卡位就座，並立即送上多張紙巾和暖水，頓時感到有種雪中送炭的感覺。剛好是下午餐的時間，看到餐牌中多款下午茶餐只需三十至四十多元，種類繁多，由最基本的腸仔煎蛋公仔麵，到較有特色的芝士煙三文魚多士、心太軟和窩夫等都價錢相宜，所以我們選了有特色的食物一試。《芝士煙三文魚多士 $44》多士以竹簽串連在一起，旁邊伴有生菜絲和新鮮蕃茄，色彩繽紛。多士外層烘得金黃香脆，中間夾著兩層香濃的芝士，大量爽脆的生菜和香甜蕃茄，最重要的煙三文魚當然在中央的位置。煙三文魚份量十足，充滿咸香，而生菜沾滿大量沙律醬，味道清新開胃，十分適合夏天食用。《鐵板一口牛燒 $49》從沒想到這家餐廳的一口牛可以這麼美味！一客6件的牛肉整齊地排列在圓型的鐵板上，中間放有香滑薯蓉，還未倒入燒汁時

是日3號風球，沒有風沒有雨，一個人的午餐多麼自在每逢一個人我最愛去cafe可以邊食邊上網，重點是慢食加咖啡才是我的人生樂趣紅蔥頭午餐～幾十蚊有交易，我已經唔系第一次介紹餐湯+蒜蓉法包+$6～羅宋湯非常好味蕃茄味濃郁，大量什菜和牛肉很鮮味，而且餐湯好夠熱蒜蓉包鬆脆牛油味香芝士忌廉焗煙三文魚長通粉$49～只睇賣相已經加分芝士味真的好濃，長通粉每條也沾上濃濃的芝士有爆芝士口感😍，香口美味煙三文魚也美味，配合磨菇凍法式焦糖布甸咖啡+$16～正價$38現在跟餐只須+$16半價優惠，其實早在其他分店已經非常大愛這杯咖啡，每次去也是必選，味道有三層有濃香焦糖味，布甸味在頂層似full cream口感，咖啡味也突出，一杯咖啡有三種味道真的值得推介在午市時間非常多人，但等候時間只需幾分鐘，座位舒適，環境也不嘈吵，食物和價錢真的吸引，幾十蚊可以舒舒服服享受一下真是有充滿電的感覺，誠意推介比大家

今日同朋友去左郎豪坊買小小野,郎豪坊依家真係小左好多特別店舖,行到好悶不過最後都買到衫跟住去左食紅蔥頭,都排左成9個字隊呀,好多人我地食左個扒餐個湯就麻麻地，所以唔特別多提不過主菜真係唔錯，牛扒５成熟，好香，Ｄ肉好滑，無乜根個汁都唔錯，唔會好大陣味Ｄ薯條好熱好脆，估唔到做出黎咁有誠意嫁成個餐都係＄９８，旺角算係佢最平

難得一個星期六放假, 食飯都排晒大隊既, 所以搵間無乜人唔洗等的西餐安安落落咁食餐飯 點了份意粉全餐, 真係好有驚喜呀 有少少感覺似小朋友的開心樂園餐咁 雖然份量少, 不過感覺係開心的 肉醬意粉好入味, 肉醬唔會太少, 另外仲有兩隻雞翼同腸仔, 簡單輕便 另外點了一杯chocolate mocha 睇我出好有心思的奶泡, 配上咖啡都好滑, 而且朱古力同咖啡比例亦非常適度 其實以今時今日的經濟來說, 能夠咁有心思同埋性比價高, 真心難得

係太子呢d咁多人既地方，想搵間大大地坐得舒舒服服真係難，竟然搵到呢間，舒適得黎，食物質素又幾好下，仲要價錢唔算貴，我lunch 叫左黑椒豬扒炒烏冬，豬扒唔硬，入口鬆香夠淋，剛剛好，而且亦好夠黑椒味，而炒烏冬亦不算用好多油，食到碟底都唔會有一堆油係到，呢點好重要，特飲係朱古力咖啡，好有心思，分左一層層，好夠香滑，美觀加好飲

豬排公仔麵豬排煎得乾咗些小，肉質亦不是太鞋,公仔麵冇特別凍檸檬茶茶味好夠,亦不是甜早前和阿媽去了太子行街,我而家周不時帶她出去不同地方食好西,作為兒女真的要好好陪伴她,老公/老婆可以換第二個,阿媽不可以換第二個,趁母親節買下野哄她開心，我同阿媽在始創中心行完之後，決定在呢個商場搵下餐廳，我見到med cafe,之前在mk吃過覺得幾好,今次試下太子店 ,我和阿媽搵位坐下後,有店員送上餐牌,看了餐牌,我叫咗豬排煎蛋公仔麵，我好耐冇吃公仔麵，豬排煎得有些小乾身,煎蛋都OK,凍檸檬茶亦夠茶味,甜味不是好甜,味道整體一般,環境亦都OK,，客人不是太多，我like寕靜環境，阿媽就話好味環境地方都好夠大,座位坐得舒適服務我覺得都OK價錢十分夠平民化,平均60元都Ok

阿女在母親節前一天同我去了太子行街,順便去下有咩禮物買給我,我和阿女在太子行街，阿女話有一間cafe幾好,就去了始創中心吃下午茶，阿女揀了med cafe,環境十分之好,座位亦好舒適，我叫了海鮮通粉,長通粉又勁好味,個汁不是太咸,咖啡都好好飲，咖啡味道不是太苦澀。奶味亦都好重兼不會太甜，我十分喜歡飲。服務亦幾好,我和阿女吃得好開心

同媽咪係始創大眾搵完澳洲旅遊書, 順便係商場食埋飯, 身為旺角居民, 一直覺得始創好似好多餐廳, 但好食既真係無乜, 所以好少係度搵食。經過紅蔥頭見佢有set dinner就入左去喇。真係好多年無黎過了, 見佢個餐牌啲相都影得幾靚, 好多扒可以選擇但我同媽咪都唔多好肉, 所以叫左2人套餐。我地叫左2個湯, 一個沙律, 一飯一意粉仲有2杯飲品, 價錢算係非常合理。先上左一紅一白湯加2片蒜蓉牛油多士。紅湯裡有好多雜菜! 不會酸到嗆喉。但忌廉湯則比較失望, 太傑了。然後係雜菜沙律。兩人share都好夠, 菜好新鮮， 無見到變黃, 亦唔會太多沙律醬, 夠哂健康!媽咪要個黑松露煙三文魚天使麵, 三文魚卷到花咁好有心思, 忌廉汁好香好rich, 當中配料有菇, 西蘭花同小蕃茄, 一啲都唔寡, 而且個麵分量多, 好夠飽。我叫左個露荀野菌risotto, 飯軟中帶硬, 有口感唔會一pat pat, 最估唔到佢入面真係好多露荀同埋菇菇! 仲有幾片芝士調下味。佢既risotto同意粉真係另我對紅蔥頭改觀, 價錢合理, 份量大, 味道好, 性價比高, 有回頭! 連媽咪都覺得唔錯 原來佢熱飲個杯都有熊熊頭像

事隔一年冇黎。晚飯既時候黎門外都有好幾枱客等緊入座。場內都爆滿。2人枱比較少只有靠窗邊一排卡位係2人枱。其餘都係4人枱拆分成好多張2人枱。雖然店內所有職員都好忙。但應有既服務都冇少到。一坐低就有侍應幫你倒水。我同男朋友叫左個二人套餐。吾洗煩咩都包哂忌廉湯比較稠。味道尚可吾太特別。但我地都覺得個餐包好好味。蒜茸包熱得黎外脆內軟🍞👍🏻一飲完個湯主菜就到。賣相都吾差我地叫左5成熟。中間同右邊果舊都ok但左邊果塊就太生啦而且切吾開。要叫佢再煎一煎。見到周圍既客人都食緊鐵板餐。如果依個用鐵板上的話就會岩岩好5成熟🤔我諗鐵板會比依個好食。食完個主菜頭盤先上。我諗因為依個要焗既關係😶薯蓉既牛油味好香田螺都好大粒👍🏻另一個主菜risotto個cream sauce味道岩岩好。鐘意食忌廉汁既人一定鐘意。入面有洋蔥同好多野菌。飯粒都偏硬正宗意大利飯既質感。好味道👍🏻到最後甜品精選雪糕。原本係兩球雪糕一球芒果味一球豆腐味。我地加$18轉左一個做心太軟。依個雪糕黎到既時候太硬。好似依緊一塊冰咁。要等一陣先食到。不過兩款雪糕既味道都吾吸引我😶自家製心太軟流心效果👍🏻個人非常喜歡食朱古力但食左一口已經覺得裡面既朱

今日系太子等男朋友放工，自己一條友就求其食姐，同男朋友當然要食好的。諗左好奈都吾知食的咩，見到附近有商場就入去睇下有咩食。入左始創商場，大家吾知食咩嘅情況下就簡左一間西餐黎食，原來都有驚喜。系店員嘅推薦下，我地就叫左個二人套餐，有湯、有肉、有意粉、有甜品、有特飲，真系一次過滿足曬你五個願望。叫左野食無奈，店員就黎左餐湯同餐包，原本以為系平時西餐廳果的軟包，點知系蒜蓉包，配好濃嘅忌廉湯，一流！然後主角西泠扒就黎左，講真都幾大塊，七成熟啱啱好，好JUICY，值得一提嘅系伴碟薯菜有好多，啱曬我呢個大食嘅人。牛扒食到差吾多，就黎左燻鴨胸意粉，意粉份量合適，的鴨胸好大塊，大滿足！我同男朋友各自叫左一杯特飲（清涼仲夏、橙色派對），飲落真系幾清新同解渴，份量又大杯，非常好。食完正餐之後，當然要食個甜品，我地叫左朱咕力味嘅雪糕。原本以為淨系得一個普通嘅雪糕球，原來雪糕上面有加朱咕力醬同綿花糖，賣相都幾吸引。順帶一提，店員嘅服務真系幾好，坐底會主動介紹餐廳嘅特式食物。因為我同男朋友系坐二人枱，位置所限，店員都會建議分開上菜，真系好貼心。誠意推介！

黎開始創攞野，見到呢到個餐牌好似好吸引，所以就入咗去食，係我地三心兩意唔知食乜諗咗好耐時，後生個個經理/主任好好人好熱心咁同我地介紹個餐牌，香港d餐廳晚飯時間咁忙，見佢一腳踢不停每張枱走黎走去又點菜又送餐又賣單，無期望後生個個經理/主任咁熱心會自己主動走埋黎招呼我地呢一小枱介紹餐牌，真好服務！！因為肚餓嘅關係，兩個人叫兩個餐$218再加一個散叫嘅飯～ 餐前菜都包括蒜蓉包同湯，仲包埋個沙律，我哋叫咗忌廉湯，忌廉湯好creamy，羅宋湯都好濃郁～ 個餐包都好新鮮熱辣～ 沙律好新鮮～呢度有個賣點係鐵板牛扒晚餐-西冷牛扒，二人餐價錢好抵，無諗過咁嘅價錢食物咁多，個扒仲好大大塊，用鐵板上菜，令到d食物可以keep住個溫度，同埋會加倍美味，好香～ 個扒好軟熟，好美味～二人餐另外個主菜叫香草忌廉龍利柳飯，魚好滑，呢個適合比較鍾意好清淡d嘅口味～散叫叫咗個紅酒鷄胸飯都ok～服務好，有誠意嘅餐廳～

放工和女友往太子始創紅蔥頭食dinner, 我們點了鐵板牛柳拼雞扒: 牛柳七成熟, 肉質鮮嫩、入口鮮甜、煎雞扒煎得香脆、雞肉爽口、鐵板配上白飯, 南瓜和西蘭花配菜爽口, 令鐵板餐食落不太油膩羅宋湯:好足料、有洋蔥, 菜和牛肉,味道剛剛好, 飲落不會太辣, 酸度剛剛好, 很開胃蕃茄奶油吞拿魚螺絲粉:份量大, 好香蕃茄味, 酸酸甜甜很開胃, 奶油好香滑、食落不膩、吞拿魚螺絲食落味道適中, 好夠味沙律:有車厘茄,生菜, 火箭菜和胡麻醬, 沙律蔬菜新鮮清新, 配上胡麻醬食落口感清新蒜蓉飽:好香脆,蒜蓉味香濃, 飽夠熱又脆, 配羅宋湯一流凍奶茶: 濃香茶味, 味道香濃, 冰粒適中整體食物美味, 不錯的餐廳。