紅蔥頭 (已結業)

為慶祝新同事入職,訂咗太子始創中心3樓紅蔥頭午饍貪佢地點方便,食物多選擇,同佢地做個welcoming lunch點知遇著冇禮貌又兇惡侍應!!我地一行8人,上餐時有個女侍應,身高約5尺2-4吋,捧住兩碟意粉.由於紅蔥頭lunch 有多過10款以上,朋友只係問侍應兩碟意粉number 係幾多號,點知佢粒聲唔出走咗去.隔咗1分鐘扔低兩碟意粉及晦氣咁講"15,16呀!!!"。30秒後該侍應又送餐嚟又係發晦氣扔低幾碟飯之後仲要大大聲俾說話我地聽話"背書咩,記number??!!"之後我地已經立即向有關職員投訴,"啱啱你地有個紮馬尾留海嘅女侍應,態度好差好冇禮貌....." 職員回應:"佢可能今日心情唔好.."(我心諗我嚟俾錢食嘢,又唔係無理要求,做咩要受你氣??!!) 我唯有回應"你地係咪需要了解下..?" 其實如果有問題或者唔識控制自己情緒可以尋求專業人士意見,同埋都要諗下自己適合工作。我地又唔唔係要求5星級大酒店服務質素,但係連基本禮貌、尊重人都唔識!!唔該睇多兩次劉華n年前個廣告喇"今時今日,咁嘅服務態度係唔得架喇.."本來想同同事慶祝新入職,嚇到同事都唔知發生咩事,侍應咁冇禮貌真係失禮

完咗自已教會主日崇拜，多數落太子花園街一帶搵食，但今次啲團友仔話行遠少少，去始創中心嘅紅蔥頭，有人之前試過話唔錯，咁我依啲無所謂謂嘅人都係跟大隊。紅蔥頭晌始創中心3樓角落位，人流比較少啲，雖然都已經12:30pm，但餐廳入座率都係一半一半，格局就係好一般西餐廳，唔係太覺有咩賣點，招呼亦都麻麻哋，點菜時佢哋只係識：啊！嗯！……，侍應們都木無表情，好似做到無晒士氣咁。雖然服務唔好，但都要加一架喇！翻翻餐牌睇睇有咩好食啦，廚師推介午餐，有4款選擇，包餐湯、牛油蒜蓉多士同餐飲，由$37-$41；另外有由No.1- 18款嘅特餐，選擇較多，由最平嘅$31到最貴嘅$44，飯麵意粉、鐵板樣樣有啲，只送餐飲，想升級可加$6多一客餐湯同牛油蒜蓉多士；此外，仲有一個經濟套餐餐牌，其實只係個特餐餐牌嘅延續，No.19-34，價錢相約$32-$40，亦係只附送餐飲，升級加$6，完全睇唔出「經濟」何來。黑椒汁雞扒伴薯菜 $37朋友A嘅選擇，屬於「廚師推介午餐」嘅一款，是日餐湯只係普普通通嘅忌廉湯，而牛油蒜蓉多士亦只係一片蒜蓉法包。反而份主菜就幾有睇頭，大大件雞扒，伴幼身炸薯條、四季豆、甘筍、白蘿蔔。朋友嘅意見：

出席舊同事既婚禮前同朋友仔先到太子食個午餐原本打算食米芝蓮點心，點知好多人去名寶石，又要狂等位最後走到始創去。。。Menu 好多午餐選擇加$6 就可以升級變set - 有埋湯同多士緊接著主菜上檯脆脆多士，一咬即碎好輕身既cheese ，絕不creamy意粉亦都好硬茄汁好豐富，夠晒食成個飯罐頭既蜜桃，蠻甜的雞扒細細的幾舊而已細細杯只夠滿足幾啖不太濃味，普普通通

約佐朋友到太子金魚街睇倉鼠仔，順便買D倉鼠糧，行經始創中心，朋友建議到紅蔥頭食飯。到了餐廳門口，Waiter哥哥叫我地坐近門口位, 我死都唔肯, 之後坐左入面D高座位, 好過比人望住晒。看下餐牌，最後我點了麵料理：香草忌廉海鮮天使麵，朋友點了肉料理：牛油檸檬焗帶子拼醬燒牛柳！香草忌廉海鮮天使麵 $65元天使麵食得出是先炒香了洋蔥粒，再落白酒，天使麵炒很香味道不錯。海鮮裡面有墨魚仔、鮑魚片、鮮蝦仔，還有帶子和青口，用牛油蓉蒜焗好味啊。香草忌廉汁配上海鮮，真係好(甲)。牛油檸檬焗帶子拼醬燒牛柳$85元牛柳叫五成熟，成數0岩0岩好，煎得好香，而且牛肉味勁重，贊。牛柳加上好像是日式醬汁，估唔到甘好味喔。帶子食得出是煎香後再用牛油蒜蓉去焗，還有少許香草汁，好食。今餐朋友果然冇介紹錯，甘樣的食物質數同價錢算是合理！

The dishes are all cold with reallllly small portion. I had the lamb chop , it was alll FAT! no lamb meat at all.. plus everything we had was cold.. even the sour cream french fries... sooo disgusting.. there were maybe 10 COLD and SOGGY french fries in a bowl. I was like.. r u serious?! it's an embarrassing looking appetizer.. I"m no fan of McDonalds.. but the McDonalds french fries are prolly 100X better. THE ONLY good thing about this restaurant is short waiting time... but i guess that is b

服務差、態度有問題，飲物有味精！1) order後服務員工沒有任何回應便走開(現場坐不滿一半坐位)2) 上菜時報務員工既然可以背主客人，上了菜後即走(沒說半句話)3) 當客人要求要一杯"清水" 的時侯，可以先放上枱，再用手推向客人身邊.....?!?!?!4) 埋單時，不會說多謝說話及金額 (當本人正在離開時，忽然聽到另一位男人說多謝) 以上4點，分別是三個服務員的行為！

當日同2位美少女朋友仔聚餐,點知原來夜晚係無1人set~只有2人set $148...而我地決定單叫好了,我order左 香草忌廉龍利柳飯 $52視覺效果很不錯的,好像很高級!!龍利柳於白飯上的擺放很美!!更用香草作為點綴,幾有心思的!!但係白飯略為硬....龍利柳(共4-5塊)幾好味,有香草的味道~係真材實料的龍利柳!主菜的碟真係幾大隻~哈哈!!香草忌廉汁沾上白飯很match的味道!還有黑橄欖呢朋友order的香草忌廉帆立貝蟹子燴墨汁鴛鴦粉 $62番茄醬雞胸墨汁意粉 $52大家也挺滿意的主菜+$6 配飲品柑桔檸檬但係飲品比左飲品匙羹x2.. 味道一般....略為甜...只有1片lemon...呢間餐廳總算唔會趕客,因為我地食完都坐左幾耐先閃人!!而且我地坐近餐廳的角落4人桌,環境還不錯的!

平時經過樓下, 係餐牌見到焗龍利飯好吸引，今晚一試失望呢。凱撒沙律 ($48)：菜爽甜，沙律醬油左d。香味脆雞翼 ($34)：雞翼外脆肉滑又入味。芝士焗白汁菠菜龍行利飯 ($49)：醬汁多而飯少，不合比例。白汁加左好多薯蓉，白汁加薯蓉加飯食落好 “流”。巴馬火腿野菌日式芥末忌廉濶麵 (62)：日式芥末忌廉味道特別幾好；可惜巴馬火腿炸到又乾又咸，濶麵又太重麵粉味太乾硬。兩個主菜都麻麻地，而且張枱和座既空間好細，食得唔舒服唔自在。

今日打完羽毛球 夜晚八點幾費事等位 就嚟lee度食 但我知道食評說這裏一般 都有D驚架 不過試吓都冇壞遮 其實Lee度位置幾偏僻 下到三樓仲要喺死角位 可能因為咁所以D價錢不太貴 我最鍾意佢可以將散叫加入20變成餐 仲可以變成唔同o既餐 有四歀 沙律,餐湯,餐飲同甜品 我記得每加一樣就五蚊 可以適合唔同o既客 好似唔鍾意食沙律o既我當然唔揀沙律啦 我就叫咗燒汁雞扒跟飯 先前有蒜茸包跟白湯 個白湯無味o既 又無料 個蒜茸包都係無乜味 我女朋友就叫羅未湯 好酸 佢仲點咗個沙律 不過不失啦 我塊雞扒大塊 連個飯都幾多 男生可以飽 個燒汁好味 不過落咗塊芝士喺塊雞扒上面有D畫蛇添足 因為太溜了 另外一個係白汁煙肉磨菇意粉 都ok好食 總括來說都不差 可以一試的 埋單270

好難食！點解可以咁難食？一開始羅宋湯已經好難飲，個蒜蓉包，似食紙皮。塊雞扒汁多過肉，肉同皮一樣薄。薯菜先西利，有薯片味。好似翻炸左幾次咁既口感- -我個friend食意粉全餐廳，啲薯條都一樣咁難食品。完全唔明點解仲會有咁多上班人士黎食。我個朋友話呢間野以前無咁差，而家難食左好多。我以後都唔會再黎呢間野食飯。從來未食過咁難食

嘩,,呢間野真係食唔過呀今日出到MK未食野,,行到始創本身打算食小魚滋味,,點知搬左見到呢間餐廳好似唔錯先入去試,,點知中左伏我同呀媽一齊去,,又唔洗等位呀媽嗌左一個豬扒喇沙米線,,佢話一D喇沙味都冇,,仲要豬扒好「UN」,,食左幾啖都唔想食我就嗌左一個咖喱雞扒飯,,諗住唔會太差又中伏啦,,D飯勁硬,,都唔知係擺得耐定係生咖喱味好怪,,好似有陣中藥味咁,,雖一可取係雞扒肉較軟,,易咬開仲有杯奶茶都OK,,唔太差但係我以後都唔會再去呢間野食囉

上堂前見落雨去左始創食晚飯, 見個樣好似唔錯就入左去 我order了"牛紅飯"(this is what the waiter call),我既朋友就叫左個魚柳墨汁意粉, 我見隨離有"招牌鐵板雞翼青口墨魚仔"就加$38叫左, + 凍檸茶另外一木台有個沙律 90%都係粟米 個"牛紅飯"個飯係茄汁撈飯, 牛柳粒很少, 再加少少生菜C+蛋黃汁, 都叫食得入口呀魚柳墨汁意粉, 魚柳煎過, 墨汁意粉個樣好淋同碎"招牌鐵板雞翼青口墨魚仔"真係勁, 呢D都好難整得難食架啦, 而佢真係好難食,雞翼同墨魚仔都係滾水烚熟再加D無味既汁, 唔燒比我都煎下佢呀, 個汁係無味的墨魚仔真係好好好好好難食 呢度所有野既賣相都OK, 唔好比佢地呃到service on average都ok既但係呢個價已經有好多好食過佢既野食唔會再去lor

兩個人星期日晚上八點竟然唔多人門口攞位服務員好好笑容好親切等左兩分鐘就可以埋位 巧合有窗口卡位 十分舒適Order左 $188 二人餐- 餐湯 x 2- 蒜蓉包 x 2- 是日沙律 x 2* 個沙律得粟米同椰果, Dry左少少- 蜜味BBQ燒豬仔骨 x 1* 豬仔骨配薯王, 個薯王汁酸酸甜甜好開胃- 煙鴨胸天使麵- 芝士蛋糕 x 1 雲石蛋糕 x 1- 餐飲 x 2埋單加埋一 $206總括黎講好豐富價錢合理 環境舒適 服務員態度良好 十分滿意~ 十分抱歉 食飯好少會影食物 ~

年近歲晚，親友相約了前往花墟一行，在太子港鐵站出來後就先往始創中心吃下午茶。由於始創中心內的餐店不太多，最後選擇去了紅蔥頭。大約在下午二時多到達，不知是否因為下午茶時間剛開始不久，餐廳內差不多坐滿客人。下午茶餐牌的選擇不少，除了像是星洲炒米等的炒粉麵飯外，尚有湯麵和多士等等。如不想吃下午茶餐，也可選擇午餐或特餐(多數是意粉和飯類)。因為未有吃午飯，所以我選擇了特餐的法式牛粒紅飯，另加了6元附加麵飽和餐湯。羅宋湯和蒜蓉法包羅宋湯的味道還可以，內裡有少量的蔬菜。法包上枱時是暖暖地，相信是有翻熱過，不過內裡很乾硬像是放了很久。雖然見到有搽上了東西，不過沒有蒜蓉味。法式牛粒紅飯牛柳粒數量其實不太多，入口非常之淋全無肉的質感，似是用了大量梳打粉去醃。所謂紅飯其實是茄汁撈飯，相信是飯煲好後再加入茄汁混合而成，茄汁令米飯黏身和濕淋淋。熱檸檬茶內有兩片檸檬，普通茶記貨色。收費不便宜之餘，食物比想像中的質素還要差，只好給予喊臉一個。

比快餐貴D, 但比快餐差D. 特色是甜! 甜! 甜!白汁意粉又甜!咖哩炒飯都是甜的!橙汁重要加甜!唯一是咖啡唔甜, 但唔掂!最正常是菜沙津.推薦只食沙津及飲清水...