紅螞蟻 (已結業)

紅螞蟻的焗飯一向頗有水準﹐搞到我這個"焗飯精"經常幫襯。都試過十多款焗飯喇﹐趁機會出番個焗飯王系列。今次想介紹1) 蜜汁銀鱈魚焗飯(2) 豆豉汁鮮冬菰焗銀鱈魚飯每次食個銀鱈魚都好滑好鮮甜﹐又大塊。先講個蜜汁﹐的確比以前進步了不少。以前比較少汁而且飯比較硬。現在比較多汁﹐飯本身沒有以前那麼乾身。蜜汁少少甜﹐但係並無奪去銀鱈魚的鮮味。整個飯的味道配合得剛剛好﹐好香。另外一個係豆豉汁﹐這個汁都好有水準﹐好香濃豆豉味但絕對唔會太鹹﹐非常惹味。而且銀鱈魚亦算是比較健康的選擇。這兩個飯我食過N次﹐但係始終百吃不厭!

三個人去食飯聚舊叫左一個二人餐(煙三文魚寬條麵+茄汁焗豬扒飯)再另叫一個白汁焗雞飯煙三文魚寬條麵略嫌淡口茄汁焗豬扒飯幾好食,合格白汁焗雞飯都ok,都係淡左少少整體黎講算唔錯,坐得幾舒服

上個星期六晚上去太子金魚街, 想先找個地方醫肚, 記起很久前曾吃過這裡的焗飯, 感覺還不錯, 所以就拖男友進來。很習慣地講了句"不抽煙", 侍應帶我們入位, 坐下後發現整個環境根本沒有"吸煙區""非吸煙區"之分, 只有希望進食過程中少些人士吞雲吐霧了。座位很窄, 很快有一對情侶坐在我們身邊, 侍應忘了給我們茶水, 叫了兩次才拿來。看餐牌倒是挺豐富的, 由於不想浪費時間, 就點了個套餐。很快就來了個"紅酒燴鴨胸肉天使面", 份量應該夠減肥的小姐, 但對於我與男友的食量就...... 天使面少不在話下, 整體味道很鹹, 想必是超市買的鴨胸肉壞了事, 嚼了半天沒覺得半點紅酒味, 感覺有點失望。又過了會, "芝士焗煙三文魚飯"上桌, 賣相很漂亮, 份量仍是少了些；芝士味鹹卻不夠香濃, 飯炒得乾硬, 煙三文魚倒不錯, 數量也挺多的。"醬燒牛脷"最好吃, 香甜有質感, 又不會太鞋口！咖啡和奶茶一般般啦, 因為趕時間關係沒有吃甜品, 觀察下來應該挺好吃的吧。上次來時要等位, 這次7點多反而不需要, 可能新鮮感已過了；裝修普通, 有些地方看上去開始殘舊；侍應們服務及態度等都不錯, 可惜地方局促, 吃飯

(26/4)有事要太子食個快午餐，當然就腳為上，故入這間始創對面的這店。叫了個辣湯雞扒麵，麵質幼軟，但忘記了麵種，似天使麵那些，湯底辣與不辣其次，湯味濃郁，雞扒不（鞋）口，算是快午餐的落腳地方。好不好味，見仁見智。

本人在旺角返工,所以成日食在旺角,有次收工同成班同事去紅螞蟻食,我order煱薯皮,望清楚有隻小甲甴在薯皮上,我立即叫嗰Manager睇,但佢當無事發生!一句sorry都無講就收咗!所以我同班同事以後不再去紅螞蟻吃!我之前order一個煱飯又乾又無味,真的吃不下!

哩間幾年前食過一次，今次再去唔見好特別0既炸通菜lu...三個人叫四樣︰蜜汁銀雪魚焗飯- 甜甜地幾好味什菌茄汁意大利雲吞- 都唔係意大利雲吞，只係一般菜肉餃，茄汁個味麻麻地烤鴨薄餅- 芝士配烤肉，中間汁甜甜地，好味芝士焗西蘭花- 個芝士汁ok食淨幾舊西蘭花&一堆什菌，好明顯未食完，只係停低傾計慢慢食，十分鐘就俾個侍應問兩次︰「仲要唔要，幫你收」，坐多陣都唔得，惟有即刻食埋走人，搵間甜品鋪再傾過...

對上一次在旺角吃紅螞蟻, 大概是三年前. 原來menu已經轉了, 炸通菜等奇怪菜式已被淘汰. 試了兩款以前沒有的菜式. 火腿蛋炒腸粉, 零驚喜, 零value added, 都算, 還炒得七顛八倒似的, 完全搵笨. 至於焗薯皮, 只是肉醬強加在瘦小的薯仔上. 諸如薯仔迷如我, 看見也倒了胃口. 看來, 紅螞蟻轉格走貴價大家樂路線. 樂趣和味道downgrade了不少.

今日lunch食0左個海鮮飯﹐真係好正!如圖所見﹐個飯夠份量又足料。味道也不錯﹐0係呢度品嘗飯真係一種享受!雖然唔算太便宜﹐但係都係值得的!

由於唔係咁肚餓, 所以我地三個人叫左兩個set lunch share:-沙爹牛肉抄意粉- 無沙爹味, 牛肉un, 意粉好硬, 好差!咖喱雞飯- 咖喱普通, 雞都算淋, 但係飯好硬, 好un胃!

由於0係附近返工﹐一個星期都會0黎呢間食一兩次lunch。我最欣賞呢度的飯套餐﹐雖然要成$42(凍飲還要加$2)﹐0係呢區唔算太便宜﹐不過都幾好味。我最喜歡的飯有:葡汁雞脾飯芝士豆是汁銀雪魚飯海鮮飯龍利魚柳飯不過呢度的豬扒飯就唔係好好啦﹐D豬肉一陣"up"味﹐係其他地方食都唔會。同埋有時有D款式係用蜜汁的﹐呢個蜜汁太好乾身﹐搞到D飯好硬。雖然呢度D檯擺得好密﹐但係整體0黎講都算坐得舒服。員工態度都好友善﹐服務唔錯。返工返0左成朝﹐加上工作壓力﹐0黎呢度舒舒服服食個lunch都係我其中一個減壓方法。

本來想叫紅汁既意大利雲吞,上桌竟然係白汁,原來唔小心指錯左…既來之,則安之咁咪試下囉!白汁原來都唔錯,係忌廉汁,有好多菇菇同椒椒,仲有少少細蝦仔添!一客有好多隻雲吞,食到食唔落(因為仲叫左其他野嘛!),味道唔錯,不過食食下就會覺得頗膩!如果同紅汁比較,紅汁會好味一點點!反而個蜜汁焗雪魚飯好香好好味,勁正!抵讚!

一個早餐都係$2x但d款式都幾特別推介:雞肉奄列

因為有coupon所以尋晚來左呢度食飯,8點幾黎到, 都等左成20分鐘先有位,唔知係呢間舖特別細定係乜,d位好迫, 二人枱係幾乎貼住隔離張二人枱的,感覺無私隱, 又被迫聽到晒隔離講乜,最憎咁樣!講番食野, 只左二人set,一個醬汁牛脷, 好腍好入味, 正!!!男友唔食得辛辣熱氣野, 叫左個豬扒銀雪魚焗飯俾佢, 我要左個xo醬海鮮炒扁意粉。男友個飯冇乜汁, 但有d香茅伴住塊豬扒,我唔鍾意食香茅, 所以覺得麻麻,不過件銀雪魚幾好味!!~但其實我得塊香茅豬扒同塊銀雪魚味道係唔夾的,好似夾硬擺埋一齊咁, 好奇怪!至於我個炒扁意粉, 佢炒得恰到好處,唔太乾身又唔會好油,吸左xo醬之後仲好入味,加上蝦, 青口, 蟹柳同魚塊之後, 哇! 真係好好味!輕易食晒成碟!我地加左$15要甜品, 本來想食香芒糯米池,但賣晒....唯有叫雪花糕黑糯米, 都幾好味呀!!唔錯唔錯!!埋單$130 因為有coupon, 仲有原來唔駛加一架, 好抵呀!P.S. 服務一般, 坐低唔記得俾茶我地,我見到隔離有個人坐0係度好耐又唔係食野(可能己食完但唔肯走), 個waiter在佢走左之後講粗口話佢, 我覺得咁樣唔係咁好囉..

紅螞蟻o既食物一向有水準,未嘗失手,不過今次係去食早餐.有多款早餐供應,但大多"的色",例如喱個煙肉德國腸蒜蓉多士早餐,對於我尼講係分量較小,唔多夠喉.味道方面,最欣賞係個蒜蓉多士,好香口,連多士皮都係脆o既,應該係即叫即做,唔錯.德國肉腸切成兩小舊已經失去風味,不能完全咀嚼肉腸味道,但$20一個早餐就冇得講喇.比個笑面你!

牛魔王焗飯:好香好掂!牛仔肉好淋,唔使用刀切都食到,又入味,而且份量好足,細食女仔可以share!推介之作!蒜香炒什菌:唔得!所謂什菌只係得兩款!激死!份量又唔多,仲有點兒油膩,唔算太好…一定要讚—待應服務奇佳,有禮程度一流!抵讚!