紅豆烘焙 (寶靈街)

營業中

休息中

HKD 20 流心布甸好低食，滿滿軟滑嘅流心布甸餡，加上有開心果碎喺面頭做點綴。都幾有咬口！但整體開心果味唔算太濃，唔使排隊都可以一試。下次可以試吓其他味道，仲有朱古力同原味

紅豆烘焙📍灣仔開心果布甸麻糬 $20 本身係開心果同埋麻糬嘅fans，所以一見到呢個組合就即刻要買嚟食！聽足姐姐嘅指示，返屋企用焗爐整熱返再食，真係會好食啲😂食落去係好淡嘅開心果味，感覺上完全係靠上面嘅開心果碎調味😂 外皮嘅麻糬有啲煙靭，而入面布丁嘅口感係偏軟身同埋少少流心，呢個組合其實都幾好食，不過如果開心果味可以再濃啲會更好。除咗開心果，今次仲試咗朱古力同埋原味，個人覺得朱古力味好食啲🙌🏻😆

估唔到喺呢度睇嚟好似舊式嘅麵包店，原來收費也和新式麵包店的價錢差不多一入去，就見到啲麵包郁啲都要雙位數字。果然喺市區真係大晒呢間紅豆烘焙，我點了一個綠茶紅豆麻糬，雖然內裏的確有麻糬，紅豆份量亦都不算太少，但其實差唔多咬到接近一半，才有紅豆餡料，因此餡料其實都偏少而且麵包表面比較乾，吃到嘴巴也偏乾。雖然市區吃這些特色麵包。 $13唔算太貴，不過餡料偏火竹即是體積還算夠大個，但也確實不太抵食。另外的餐蛋包，雖然$10唔算貴，但也比起一般麵包舖貴得多，味道不怎麼特別， $10就偏貴。

與眾樂樂後，折返途中經過這家烘焙店，小人未有被它出名的布甸麵包吸引到，反而對於各式各樣的奶凍產生了興趣，遂即買了楊枝甘露及咖啡味各一款回家享用。奶凍以一個小小的透明盒子承載著，小巧精緻，可愛得來竟帶點高質的級數。小人先試楊枝甘露味，第一啖入口，便覺得很重芒果香，奶凍幼滑柔軟，完全不會過實，一滑入喉！跟著的咖啡味更加精彩：當滑溜的奶凍踫上濃郁醇厚的咖啡，簡直就是天生一對！難怪買的時候只賣剩一盒！下次定必試其馳名的布甸包！

今日去佐敦上堂，咁啱行過路邊見到間好多人排隊嘅烘焙店，已經好耐冇見到呢啲舊式嘅麵包店啊咁啱望到櫥窗有埋芒果糯米糍，雖然要成$17一粒，有啲貴，但係口痕冇辦法都行咗去買佢嘅芒果係甜嘅，不過感覺就唔太新鮮，好似好爛糯米皮唔會太厚都OK

今日路過紅豆烘培，有啲想食甜嘢，所以買咗個蛋撻試下，一個16蚊，都頗貴。之前試過冰心麻糬覺得幾好食，於是都對呢個睇落有盤撻咁厚嘅蛋撻有啲期待。結果！！！一試個撻芯就開始皺眉頭，唔可以話冇咩蛋味，係連味冇咩！通常話唔甜係對甜品最大嘅稱讚，但呢個唔係甜品，係蒸水蛋。可能因為放得耐凍咗，蛋撻芯有粒粒氣泡，再加埋底部嘅細塊麻糬，係一種頗特別嘅口感……至於撻皮，我嘅要求一向唔高，只要焗熟就得。而佢竟然可以做到焗熟都有粉味，加上水蒸氣令底部浸濕，就好似我個人咁頹。最後只好咬牙浪費食物……總括而言，唔好試蛋撻。

今日去開佐敦，呢間地鐵站附近嘅麵包舖，會聞到好香嘅麵包味，門口擺咗布丁包/撻、曲奇等，即刻就被吸引買咗個麻薯布丁撻！佢哋嘅布丁撻都係4:00出爐，如果想食新鮮出爐嘅布丁包就要睇啱時間啦！-唔好睇佢成個蛋撻嘅樣🤣其實佢係布丁撻嚟，入面麻薯同布丁嘅配搭好好，撻皮係牛油皮。我買嘅時候仲係暖暖哋，返到屋企就凍左😂所以想食真係要即刻食啦！

紅豆烘焙🫘🫘最愛麵包店之一🍞🍞😋😋😋肉鬆鹹蛋麻糬波🥚評分：🌟🌟🌟🌟麻糬波波有肉鬆味同鹹蛋味加埋真係好好食好鍾意呢款😋😋芝士奶酪包🧀🥯評分：🌟🌟🌟🌟🌟回購咗好多次嘅呢款😋鍾意芝士同埋包包有餡嘅一定鍾意呢款反正本人就係好愛😂😂奧利奧提拉米蘇🍪評分：🌟🌟🌟呢款冇特別推介😅比較普通同埋啲cream食多幾啖會有啲膩不過啲Oreo 好好食🤤開心車輪🥨🥨評分：🌟🌟🌟🌟🌟就係好鍾意呢款😂滿滿嘅開心果醬（cream)超滿足搭配埋車輪酥酥脆脆嘅感覺就係超級夾超級好食😋楊枝甘露雪米糍🍦🍰評分：🌟🌟🌟🌟不嬲好鍾意食紅豆嘅雪米糍😋楊枝甘露味入邊真係有柚子芒果嗰啲嘢😂😂最欣賞雪米糍系列入邊都有蛋糕同埋皮薄真係好好食😋😋係紅豆嘅必買😋😋

常常都會到紅豆烘焙吃布甸法包這裏的布甸法包價錢相宜、性價比高又有不同口味普普通通的味布甸法包就已經很吸引這天來到時發現四點才開始出售布甸法包於是找了其他的產品嘗試看到這個扮冰鎮奶茶的甜品造型也很吸引有真飲管也有扮冰塊的涼粉啫喱可是 最後選擇的是奧利奧甜品以及一個很大塊的糯米糍，有很多味道、我選擇了藍莓味。說到這兩個甜品首先雪櫃不夠凍，出嚟的甜品已經是感覺暖口感不好，而且味道甜度也是麻麻 不甜不好吃的：（

🥯：很厚😢和Size較嘉多娜嘅小一點🍮：但味道通通非常特別！個人感覺是麵包太厚沒有很脆，但是布甸味道新鮮特別，中意嘗新嘅可以一試.♥️我的推薦：朱古力、紫薯紫薯夠獨特😂 ，布甸偏厚實很飽開心果算正常發揮😋-口味期間限定：開心果、伯爵茶、紫薯、朱古力、咖啡、焦糖、楊枝甘露，一律$15超抵😳每次去都有新口味，說真的很特別，但總覺得佢試咁多款口味唔夠專攻.我仲試咗佢嘅曲奇木糠布甸，真係好伏😢😅，忌廉好厚，仲完全似係超市買嗰啲吱吱忌廉🥵🥵🥵，咁不如自己整？.布甸包出爐時間西洋菜南街：下午2:00華美大廈：下午3:00佐敦店：下午 4:00夜貓可以留意佐敦店20:30麵包特價

今日下午3點左右買 番到屋企3點20分左右 已經變壞ed!!兩粒都壞左！！又酸又苦🤮🤮 已經驚緊腸胃炎買嗰陣擺門口餅櫃 而唔係冰櫃 第一次幫襯 見佢擺餅櫃 諗住唔係凍食啦 點知就中伏無下次呀😾

尼間都買左好幾年嫁啦（次次都買過百蚊）～因為比較平同順路係近期尼頭返早朝朝去買。我買一個麵包正常拎個夾唔拎托盤個朝比個痴既員工。好大聲講：先生。個夾要放係旁邊尼到嫁（好似殺左佢全家咁）真係第一次發生。以後都唔再去黑仔到買個包都遇到個癲既職員個個客人都無放（收銀位旁個放夾位）加上門口放夾全部都無清潔過咁。各位留意下

@redbeanbakery 出咗冰心麻薯🎈🎈有忌廉🤍抹茶💚朱古力🖤三隻味$18一個 每日3:30pm出爐咁都比我經過見到出爐🤭即刻買返粒忌廉食下～我以為佢係凍食 ～原來只係中間既忌廉凍凍地不過都係爆醬同忌廉都夠滑既😌小心食到鼻同嘴都係cream 整體都👌唔使排隊買我覺得都可以一食咁岩唔洗帶罩 可以掃下街即場係門口食😂😂好耐冇試過啦.📍紅豆烘焙 (寶靈街)📌佐敦寶靈街12號地舖另有旺角分店

難得經過麵包舖見到依款布甸麵包仲有貨即刻買一個咗嚟試吓，佢有原味伯爵茶，朱古力味，今次就先試下個朱古力味朱古力流心布甸麵包 $15麵包嘅外皮都幾脆 但有少少硬 麵包都幾煙韌 而入面嘅布甸質地偏向液體 所以食得有少少狼狽😂布甸嘅朱古力味幾重 味道啱啱好💕📍紅豆烘焙推薦：💛💛💛💛🤍#hkfoodie #hkfood #hkblog #likeforlikes

早排布丁包嘅熱潮席捲全港🔥我自己就唔算試咗好多，呢日食完飯經過呢間都幾有人氣嘅紅豆烘焙，見到有唔少布丁包好似向我揮揮手咁🤪🤪就買嚟試下。呢度係街坊麵包店格局，都有唔少大路嘅麵包曲奇，但更吸引嘅有其他蛋糕、甜品、布丁包、麻糬等，款式花多眼亂🤩原味布丁包外層麵包凍食帶小麥香，食落軟得嚟帶少許韌度，焗熱嚟食更好😙😙因為皮夠薄，所以焗得特別香脆。內裡填咗滿滿嘅布丁🍮蛋香可以再重一點，勝在質感好滑溜，甜度唔算高。紫薯布丁包紫薯相對原味甜度高啲啲，紫薯味唔算突出，當食緊原味咁，冇乜特別。抹茶冰心麻糬真係超級爆餡😻😻冰心效果非常澎湃！外層嘅麻糬皮帶點chewy感覺，唔算好煙韌軟糯個種，因為要包住咁多餡所以相對勁道會比一般麻糬波波高少許，但皮薄所以都ok。抹茶味道非常甘香濃郁，有種高級抹茶嘅感覺🍵有啲驚喜😋人均消費：$40推介指數（10分為滿分）：7.5分