紫宸

營業中

休息中

突然好想食台灣野，突登搭車黎試下呢間台式餐廳🤓覺得呢間嘅餐廳名好特別好文青，跟住餐廳環境都幾清雅，有種小溫馨感覺比到我🫶🏻主食嗌左個鹽酥雞滷肉飯，賣相好靚，而且鹽酥雞又有好多粒好香脆，撈埋啲滷肉同汁一啖食落口，真心食得得勁滋味😍小食揀左個甜不辣，以呢個定價黎講，份量絕對多到有突，個醬一定要點埋黎試，好開胃架！！最後仲有一成未飽，所以嗌埋個蚵仔煎，好食到痴線呀😍😍除左蚵仔粒粒都夠肥大脹卜卜，完全冇沙好鮮甜，蛋都煎得剛好夠熟唔會過老。總之呢碟野勁高質同下次都勁想再食！

放lunch喺附近搵食，見到間裝修簡潔嘅台灣菜膽粗粗入去試下又有驚喜喎。叫左炸雞翼燒椒醬拌麵，雞翼新鮮炸起脆卜卜燒椒醬香得嚟帶啲微辣一啲都唔膩，配埋爽滑麵條輕鬆KO一碟😎去親台灣都必食嘅台灣腸，識食一定夾埋蒜片一齊食，台灣風味就是好吃😋之前喺台灣夜市成日都見，一大舊旋轉中嘅沙威瑪每次都好奇，但次次都因為夜市太多野食而放棄佢，今次呢度竟然有，忍唔住叫左嚟食雖然就睇唔到佢一大舊🤣幾好味喎 肉味香濃唔乾身面頭嘅醬汁將佢嘅味道提升左，睇嚟下次去台灣可以俾個機會佢啦，食飽飽又要去努力工作了。今餐大滿足😌—————————————————————⦾ 酥炸雞翅燒椒醬拌麵 $48⦾ 培根沙威瑪 $34⦾ 台灣香腸 $36

有時候去到葵芳shopping，但係唔想係葵廣企係到食野，又要同人逼🥹 今日就介紹一間喺附近嘅台灣餐廳俾大家😬 可以坐得舒舒服服慢慢嘆🤫今日中午時間去到，都仲有位置🤭 叫左一個主食加一個小食 分別係鹽酥雞滷肉飯同埋甜不辣😚 食物好快就送到啦，滷肉勁入味好腍🤩 鹽酥雞炸得非常香脆，好有驚喜🙌🏻 甜不辣賣相好吸引，外皮香脆內裏煙韌🤤我仲叫咗一杯凍珍珠奶茶，味道唔會好甜，珍珠都唔錯架，幾岩我口味，岩哂食完熱氣野飲😆值得驚喜既係，呢度環境好正，舒服簡單，推介

位於葵芳的台灣料理餐廳，柔和的燈光，木系設計。雖然空間不大，但是位置也算寬敞，座椅舒適。炸物：台灣香腸香腸切好一片片，還灑上了芫茜及蒜片。麵類：酥炸雞扒三星蔥拌麵蔥油拌麵，最簡單的調味，就是蔥花和油，整碗麵充滿了蔥油醬汁味道，把麵條拌勻，入口掛滿醬油，蔥味突出。雞扒方面，炸過後的皮脆肉滑。麵類：紅燒牛肉湯麵湯底鮮甜不辣，帶點牛味；麵條是厚身的粗麵，很掛湯。牛肉肥瘦均勻，肉質軟嫩。另外還有小白菜及蘿蔔，白蘿蔔都吸收了湯汁，很入味。

黎葵芳食飯，原來除左地鐵站附近既商場之外，附近仲有恒景商場好多野食呢間紫宸係正宗台式料理餐廳，7點晚市勁多人排隊🍽️ 蚵仔煎 $42 好多蠔仔而且隻隻都好大隻！可以每一口都食到蠔仔，好滿足呀！（我地覺得好食過台灣🤣）🍽️ 招牌藥燉排骨 $108湯底有淡淡既藥材味，味道好天然無添加味精。好多排骨，好足料👍🏻🍽️ 九層塔鹽酥雞 $38炸得表皮香脆可口，雞肉保持到嫩滑多汁。份量都幾大，賣咁平得唔得架🤣🍽️ 雞腿捲湯麵 $48 個雞腿捲有驚喜，煎得好香，好多蔬菜好健康，麵條煙韌🍽️ 白桃烏龍愛玉 & 珍珠奶茶 各$24 兩杯飲品都係微甜，甜度剛剛好唔係死甜，白桃烏龍愛玉清甜解渴，珍珠奶茶有香濃茶味👍🏻食左咁多野，埋單都只係$284，真係又抵又好食！以後黎葵芳行街又多個搵食選擇啦～

今日去到葵芳行完街，嚟咗恒景商場地下呢間紫宸醫肚，一嚐呢間新開無耐嘅台式餐廳😎九層塔玉米芝士蛋餅芝士份量誇張到可以拉絲🤣九層塔作為配料又幾得意喎，入口煙韌嘅口感配合蛋香，成功還原到台式蛋餅嘅體驗🤩木魚花枝丸去親台灣旅行都會食炸花枝丸，呢度嘅花枝丸都做得好酥脆、彈牙，舖上適量木魚更添風味👻酥炸雞排三星蔥拌麵食台灣嘢，真係唔會少咗炸雞排嘅列席🤤大大啖雞排令人難以抗拒👻麵條質感Q彈，三星蔥油掛喺麵條之上，非常惹味😁新竹炒米粉色香味俱全，配料爆得好香口，賣相亦靚仔😍新竹米粉特色係質感幼細，但唔會做到斷開一截截，非常考師傅嘅功架👏百香果綠茶、白桃愛玉烏龍兩杯台式飲品，咁先夠風味呀嘛😄餐牌定價係街坊價，性價比相當之高，個人覺得非常抵食！

從人氣鼎沸，熱鬧貼地的葵涌廣場出來，過一條馬路到對面的恒景商場，有一間內外都帶有文青感覺的台灣料理小店，連名字也文藝過人。商場較殘舊，可是餐廳卻裝修雅致，出品甚有台灣風味。我和先生各點了一個主食和小吃，份量和味道都非常滿意，價錢還相當親民。想避開葵廣擠迫人群的話，推薦來這兒試試。🏅酥炸雞扒三星蔥拌麵（$48）塊雞扒超級好食，皮脆有肉汁，不輸於台灣夜市吃到的大雞扒。拌麵醬是沙茶醬，惹味不油膩，麵條是油麵，能掛醬汁很好吃。🏅招牌藥燉排骨（$108）除了大大碗藥燉排骨外，還有一細碗古早滷肉飯和兩小碟涼菜。排骨份量多，燉得軟腍離骨。湯中除了排骨，還有藥材如黨參、杞子等，雖然藥材味不算濃，但好清甜。🏅蚵仔煎（$42）蚵仔大粒，蔬菜多，粉漿薄。🏅炸杏鮑菇（$32）炸完的杏鮑菇鮮嫩多汁，很好吃。🏅柚子檸檬綠茶（$20）柚子、檸檬和綠茶三者非常夾味，比普通的抽子蜜更好飲。

🍜今晚好想食番碗台灣牛肉麵呀😋小店裝修簡潔✅價錢仲好大衆化😋重點係樣樣野都超好食😍大🈵足呢🥳🐣鹽酥雞滷肉飯 $48🌈呢個鹽酥雞炸粉嗰張薄薄✅唔會好厚👍而且南乳味道濃郁💯炸完外皮卜卜脆🔥雞肉好鮮嫩🐥加埋滷肉喺裏面撈飯就一流啦🍚🍜紅燒牛肉湯麵 $58🌈今日好想食返一碗麵🍜去台灣我都最鍾意食紅燒牛肉湯麵😍呢個紅燒牛肉湯麵啲牛肉好厚身👍亦好大件❤️讚👍湯頭味道清清甜甜✅加埋彈牙嘅麵條💯啖啖食都雪雪聲🥳好惹味呀❤️🥬燙青菜 $28🌈普通一碟燙嘅青菜🥬呢個小店都絕不馬虎✅估唔到佢呢個燙青菜嗰個size咁大份💯啲菜仲好新鮮👍好脆口添🥳🌮肉鬆菜脯蛋餅 $36🌈呢個即叫即整嘅肉鬆菜譜蛋餅真係超正呀 正呀💯仲加左好多肉鬆✅菜脯咬落口仲係脆卜卜索索聲😍呢個一定要叫呀🥳🍢木魚花枝丸（6粒）$38🌈呢個花枝丸好彈牙✅好結實添👍係真材實料😍入口仲咬到好香墨魚肉添🦑🍹熱百香果綠茶 $18🌈呢個百香果綠茶好有誠意✅唔係就咁開出嚟咁簡單👍質地一啲都唔稀😍味道好濃🥳🍵抹茶鮮奶 $24🌈呢杯抹茶鮮奶絕對係驚喜位🌟估唔到一間食台灣嘢嘅小店嘅抹茶都咁有水準💯香濃嘅抹茶味🍵飲入口嘅時候仲有啲回甘添✅呢個價錢絕對係超值👍抹茶控真係唔好

尋晚收工勁肚餓，經過呢間餐廳門口，見到menu啲價錢好抵，兼且環境好乾淨寬落，即衝入去醫肚。酥炸雞扒湯麵（$52)豬扒咬落多汁肉質夠腍身，表面又炸得非常香脆。湯底食得出絕對唔係味精湯黎👍沙茶羊肉配飯（$78)沙茶味好濃好開胃，羊肉煮得腍身我勁鍾意呀！烤年糕（$28)啲年糕好好煙靭但又唔會太痴牙，好食同好平呀中東牛肉蛋餅（$48)呢個蛋餅嘅配搭我第一次食，切開有成5大舊，入面啲牛肉餡料好足架，超好味要推介😍百香果綠茶（$18)最後一定要嗌返杯台式飲品，呢度啲野飲價錢都偏平🤩我嗌嘅呢杯係低糖架，好味又健康其實menu仲有好多野想食，下次要捉埋多啲同事一齊再嗌多啲share食！

去葵涌通常都會去葵涌廣場掃街覓食，不過今次約咗舊朋友傾計、聚舊，想靜靜地坐低落嚟食個飯，一於去葵芳果邊食台灣菜。呢間餐廳無論午市或晚市都全部免加一，好抵食。食物種類多樣，有主食、麵食、小食、炸物同埋台式飲品，全部都係好地道嘅台灣菜式。我哋一人嗌咗個一份主食，一份係麵類，另一款就嗌咗飯類，兩樣都可以試吓嘛～酥炸雞扒三星蔥拌麵：一向都好鍾情於台灣嘅蔥油拌麵，油香惹味。配合埋邪惡嘅炸雞扒，外皮炸到好脆口、乾身，雞扒嘅肉汁都好juicy，perfect match～嘉義雞肉飯：雞肉鋪滿了成碗飯，雞絲撕得均勻，肉質嫩滑，底下墊住一大塊煎蛋，流心狀態雞蛋黃，飯量都好夠，尤其對女仔嚟講。不過呢個蛋黃汁、鹹菜、醬汁撈埋雞絲一齊食，真係特別下飯，不知不覺就食晒成碗飯。

約左朋友去左葵芳行街，發現左間味道偏濃的台式餐廳，岩晒我尼位重口味朋友👭🏻 餐廳位於葵芳恒景商場，餐廳整潔乾淨，牆身用上水泥灰色，搭配上淺木色，兩者合而為一卻有種溫暖柔和的感覺。餐牌上台式美食眾多，就選了特別想試的幾款美食。 ⦁招牌藥燉排骨 配 滷肉飯 $168藥燉排骨湯🍲味道濃郁，藥材味重，每件排骨都大大件，肉質燉到好腍。另外仲配上醃菜同滷肉飯，極有台灣氛圍。 ⦁培根玉米蛋餅 $32蛋餅就系我既最愛❤️，培根🥓的咸香，玉米🌽的清甜，入面仲有好多芝士🧀，每件都拉絲，好邪惡😋😋 ⦁白桃愛玉烏龍 $24⦁紅柚愛玉烏龍 $24每款都有好多愛玉，淡淡的烏龍味。如果白桃同紅柚一定要揀一款，我會推薦白桃多d🍑。

好耐冇食過台灣菜，咁啱今日經過去葵涌果邊，系Openrice 搵到呢間餐廳，成間餐廳設計用木系，感覺好舒服，決定就同屋企人去試吓！😍我叫左三款嘢食加一杯嘢飲！相錢相當合理，而且分量啱啱好，全部野食都好好食🤪🔺嘉義雞肉飯 $42呢一碗飯有好多雞肉，雞肉好淋，醬汁入味！食碗飯食曬😂🔺黑椒牛柳炒麵 $42呢一款唔會太辣，牛柳食落又juicy🥩🔺中東牛肉蛋餅 $48有五件，啱曬同朋友share！🔺百香果綠茶 $18酸甜可口！飲埋呢一杯野飲，呢一餐飯好滿足🥰呢間餐廳我會encore😂👍🏻

#fafafoodblog葵涌 #fafafoodblog台灣菜🍴招牌藥燉排骨 加滷肉飯 兩位 168 蚊🐷滷肉飯有菇同肥豬肉 醬汁甜咸適中 撈飯正 排骨好足料 湯底有藥材香加埋紀子既甜 d湯就甘飲都得🍴九層塔玉米芝士蛋餅 32 蚊 🥚蛋餅外皮厚得黎香脆 入面蛋煎得比較薄身 配埋半溶芝士正🍴雞腿捲蛋麵48 蚊🐥麵係有 d似刀削麵夠彈牙 雞卷個雞皮好香脆 雞肉彈牙夠滑 正#蛋腿 #蛋餅 #芝士 #台灣菜 #豬肉 #排骨 #綠茶 #滷肉飯Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#紫宸葵涌榮芳路9 號恒景商場地下g12 鋪~~~~~~~~~~~~#fafafoodblog #為食花太郎 #fafafoodblog葵芳 ====================

這間紫宸是間台式小店，地方細細，餐牌選擇頗多，價錢親民。蕃茄牛肉麵$58, 新竹貢丸湯米粉只是$46, 份量大碗。蕃茄牛肉麵，湯底清爽鮮甜，牛肉大件而淋身，粗身麵好咬口。新竹米幼細爽口，有四大粒彈牙貢丸。一份九層塔玉米芝士蛋餅只是$32,  味道跟台灣食到的蛋餅一樣，蛋餅包著新鮮九層塔，滿滿芝士同玉米，咬下去是半溶的煙韌口感，九層塔香氣鮮明，混合蛋香，配上醬汁，好味，抵食。九層塔鹽酥雞$38, 炸得乾身不油膩，金黃酥脆，灑上胡椒粉再搭上九層塔，香氣滿滿。

今次去咗葵廣隔條行人天橋的街坊商場，𥚃面原來有很多餐廳美食，也有我喜愛嘅台灣料理。呢間台灣餐廳似乎是最近新開的，靚靚的粉木系配搭粉灰色，簡約設計同而坐得舒適。餐牌上有很多不同種類的食物和飲品，梗係各種叫啲試吓啦😄🍗🍚 嘉義雞肉飯 (HK$42)．好耐無食過咁出色嘅雞肉飯啦，因為佢多醬汁，又有煎蛋的蛋黃汁，撈勻啲飯食，濃郁濕潤，口感超好．雞肉嫩滑唔柴口，醬汁鹹香惹味，下次必點👍🏼🥩🥪 牛肉沙威瑪 (HK$38)．我以為是一小件刈包咁，但其實係一大份台式open toast！．底下係2個打開咗嘅刈倉包，上面放咗生菜絲、牛肉、沙律醬和一隻煎蛋，配搭紫花苜蓿草做裝飾．整個組合切開一口大小食，口感豐富、多汁，味道很好👍🏼🥩🍜 紅燒牛肉湯麵 (HK$58)．生菜和紅蘿蔔令湯麵顏色鮮艷，令湯頭多一些鮮蔬甜味．多件牛腩肉，肉質鮮嫩，又軟又腍，入味可口．個麵很好食，是飽滿、Q彈口感，很掛湯令我一咬有爆汁嘅感覺🍳 九層塔蛋餅 (HK$32)．九層塔的香味十足，入口滿口芝士和嫩滑蛋餅，好出色👏🏼🍹 白桃愛玉烏龍 (HK$24)．我叫咗少甜，可以突出白桃的果甜味，烏龍茶的清醇味道．愛玉，在杯裏看不見，但飲得到