細蓉記 (已結業)

晚上九點半離開上環，打算食宵夜。經過這間細蓉記便進來。想不到這麼夜還沒關舖。之前在淘大試過不錯，但可惜己經搬了。今次再試也沒有失望。今次點了雲吞水餃麵，麵身幼細爽口，從清湯拿上來便充滿了蝦子的香味，比一般麵店好吃。光吃麵也很有鮮味。吃完麵後再吃餘下的兩隻雲吞和兩隻水餃，一口吞下一隻，也頗鮮甜。另外點了一碗白果瘦肉粥，沒甚麼特別，只是有足料和有點糊。

食咗鲜虾云吞面，牛筋腩面，西多士，冻奶茶，其实系误打误撞实在饿见到入去食架。鲜虾云吞面真系几难食，牛筋面有惊喜，牛腩味道很好，西多士差评，怪味，冻奶茶不错，总体来讲，系比较一般的一间店。

細蓉ｰ即係雲吞面相傳做法：匙羹攞底，再放上雲吞，再放上麵，咁麵就會無咁易淋哂。雲吞麵嘅靈魂當然係雲吞同麵，呢間位於上環嘅舖頭，打住"細蓉"嘅名號，賣嘅係粉麵同點心。就等日食最少一碗麵嘅馬騮仔(因為唔鐘意食飯、日日唔係麵就係米粉)同人稱吃貨中嘅吃貨ｰ我 深入去一試究竟！是日揀左三樣嘢：(1)當然係細蓉ｰ麵質彈牙，值得一讚。可惜湯底沒鮮味，只有咸味，雲吞太細隻，有種將貨就價嘅感覺。($30)(2)叉燒腸ｰ普通，非常普通。並不是難吃，只是皮太厚，厚到像普通×佳惠×買的叮叮腸粉。(3)港式奶茶ｰ茶底原本是不錯，可惜落奶嗰位重手左。**但值得一讚是他們的辣椒油！**油香而不會過辣不能入口！

今日早上來到上環嘆返個高質素港式早餐，來到這餐廳人不算多。此餐廳以雲吞麵比較出名。但早餐來講，都係食返個港式早餐較為滿足。點了早餐B,沙爹牛肉麵，腿蛋和凍奶茶。腿蛋都係一般茶餐廳咁，蛋一早煎定，所以凍冰冰，蛋黃已熟透。火腿微熱，亦是普普通通。不過沙爹牛肉麵有驚喜， 牛肉份量多而且夠入味，沙爹汁亦夠多，所以撈勻後整碗湯都有很濃的沙爹味，麵質亦夠彈牙，食完仲想再食。另外，這裡的奶茶亦很有水準，夠滑而且茶味適中。

在上環要吃雲吞麵又好吃，不多，要吃點心，也是不多；難得細蓉記可以同時吃雲吞點及中式點心，彈性很大，而且水準甚高。我經常都會來，有時候一個人，來碗雲吞麵，加個蝦餃，再加腸粉，就吃得很飽；有時候和朋友一起來，也可以叫多一點。腸粉即叫即蒸，甚為新鮮，而且燙口。點心我最喜歡是可以只叫兩粒，這樣我一個人來可以，朋友多也可以叫多幾樣。除了雲吞麵之外，牛肉麵也是一流，湯底香，麵質爽，牛肉也是靚貨。炸醬麵也是皇牌，炸醬不會太硬，麵是撈麵，較硬身，吃得很起勁。來上環又不知道想吃甚麼，來到這裏，包你會想到有甚麼東西想吃，而且味道一流。唯一美中不足的是，豬腰我也叫過，但有很大的尿味；我不知道是否要有尿味才算好味，但我接受不到。我曾經有就這件事情問過服務員，服務員說沒有問題，她們每天也賣很多，很多人都說好好味。但是否有很膿的尿味就為之好吃？就留給大家自行判斷，我就接受不到了。除了豬腰之外，其它東西是沒有問題的。

落雨濕濕搵野食醫肚，抬頭就見到呢間，於是入去避雨兼開餐😋.👄招牌炸醬麵 $47👉份量多，蛋麵幾爽~ 炸醬都夠多，味道夠濃，而且小妹我覺得好辣。。 岩晒重口味又鍾意食辣既你你你同你😆至於點心，不過不失啦~ 唔好期望太高，入夜想食點心的話適合過下口癮既👌.

去完上環文娛中心睇舞台劇<走婚>, 睇完都差唔多10點了, 行返去永樂街個邊, 個肚餓到不得之了. 見到街角有間細蓉記, 二話不說和男朋友衝入去. 呀姐見有客, 就問我地幾位, 同埋同我地講得返雲吞麵, 冇問題丫, 都係醫肚. 於是我地就叫了2碗細蓉, 唔知係咪因為呢間店鋪個名叫細蓉記, 所以我覺得細蓉應該係佢地招牌菜, 一食, 鹼水味好濃, 好似好大陣味咁, 麵質亦唔爽口, 雲吞算係比較合格的, 普普通通, 最後, 只食了2啖, 放下$60就走了. 下次應該也不會再來了. 

原先在上環有飯局，但時間尚早，在附近逛逛，而細蓉記打正名號主打雲吞麵，也好試一試。下午茶時段客人不多，小貓三四隻的氣氛。細蓉只得三粒雲吞，貫徹小巧的賣相。呷一口湯，有大地魚及蝦籽的香氣，但未至於頂級水平，至少佐敦的麥文記及灣仔永華比較出色。麵條夠爽彈，只是仍有鹼水味，脫鹼處理得尚差一線。雲吞包得緊密，蝦肉亦爽口，不錯。嚴格而言，是有心去做一碗麵，無奈水準仍有不足，還有改善空間。

在上環西港城附近，有這間供應點心及粥麵的餐廰，裝修OK，頗為中高级的，叫了個牛腩水餃撈麵:牛腩夠淋，花椒八角味濃可惜腩汁少了點，水餃麻麻，料不夠，麵質還可以，但鹼水味还在！湯充滿大地魚和蝦子味，OK！金沙米網腸:高級版炸兩腸粉, 皮OK，夠煙靭, 滑度還可以，米網香脆，須然蝦肉不多，但还算新鮮！

是日到上環送貨，提着5kg的易碎品，差點把自己壓垮。連日來的大雨過後，終於露出炙膚的陽光，汗流不斷的情況下，只想盡快躲進任何一間冷氣開放而且有座位的餐廳。從港鐵站一路向文咸東街走，在街尾看見一間叫細蓉記的，雲吞麵嗎？也好吧。甫入店內，全店黑白地磚、仿木牆身、高腳檯櫈、有歷史味道的黑白舊照片，令人有走進上環某cafe的錯覺。時値14:00，店內客人仍是坐得滿滿的。找了一張長檯撘檯，然後打算點餐。店員也沒給餐牌，只說什麼也沒有了，只剩1號餐。抬頭望望白板上的午餐選擇，看見四款之中，只餘吉列魚柳，其餘的鳳爪排骨、咸魚肉餠、煎蛋牛肉飯等均已售罄。很難想像在一家叫細蓉記的麵家吃吉列魚柳忌亷火腿飯，總覺得很突兀。不作多想，那就1號餐吧。店員以快餐的速度端來，那巨碗內的白飯份量目測也有普通飯碗的兩碗有多，男士最啱。米色的忌廉汁混有蘑菇片， 味道有着濃厚金寶罐頭湯的影子。白汁之上放了火腿墊底，有效隔絕了魚柳被忌廉汁浸腍的問題，雖然吉列魚柳夠大塊也很脆囗，但整個飯最美味的似乎是那片帶鹹香味的火腿。快餐盛惠$45，凍飲還要再加$3，不知道當中有多少錢是付給租金的呢？巨碗邊多處沾滿了瀉出來的白汁，四月沒注意

因為晚上要去上環文娛中心觀賞朋友第1次擔當主角既drama, 但怕完左太夜, 所以特意提早約左兩個朋友一齊去上環搵食先~~第1次山長水遠黎到上環, 人生路不熟, 咁啱係上環文娛中心附近俾我地搵到呢間細蓉記, 我地見d食物賣相唔錯, 價錢唔太貴, 於是入左去~ 呢度既招牌菜係細蓉, 當然要叫返碗試下~ 由於本人胃口較少, 所以呢碗細蓉對我來說份量啱啱好~ d麵好似瑤柱麵, 唔似平時食開雲吞麵既生麵咁韌, 韌度適中~ d雲吞細細粒, 味道唔錯, 食落唔會有一陣梘水味, taste good~(p.s. 當晚食緊麵果陣突然發現Mag 就坐係隔離檯食緊麵~ 我仲同佢對望左好幾次~)

中午有麵有飯，但飯好大學的頹飯feel,佢本身個名叫細蓉，即雲吞麵，第一次來還是穩中求勝，叫個麵餐 ，連熱飲一杯40元。有5粒雲吞，不大粒一口剛好一粒， 入面是蝦肉，用上了中蝦還滿完整彈牙，但雲吞皮就包得唔美觀，皮也不夠薄透。 至於麵就沒什麼皂水味，但湯底就一般啦！其實好似單叫麵會更抵，因杯奶茶只是正常

行過肚餓, 入左黎食店舖環境大, 光猛而乾淨叫左以下下午茶餐:1) 南乳豬手麵2) 細蓉麵3) 占醬多食後感: 鋪頭主打細蓉, 所以我對南乳豬手麵同占醬多唔會特別批評-----總括而言正常味道而招牌細蓉麵...湯底閒起來帶小小鯹, 飲落去帶小小胡椒辣......想點細蓉味道一般, 但係最少有味麵爽但無味道總結:不要試

由於月底要交房脾業主，今日忙住拾野準備搬屋。搞左成日，已經沒力氣去再煮晚飯，就到附近嘅細蓉記食晚餐。我要左一碗柱候牛根腩麵，大概等5分鐘碗麵好快送到我面前。落足料之余，牛腩係入口即化，好味！畢竟係牛腩部位，有少少肥膩，但整體係唔錯。下次會再來食。

打風天, 附近又冇咩食市開.... 見依間鋪頭新新淨淨, 就畀次機會佢啦其實, 有名你叫, 間鋪叫"細蓉記".. 係咪有食個細蓉呢?但我地就叫左..... 腿旦飯同艇仔粥, 為左唔好miss 左試細蓉上面D雲吞.... 我地都叫左碟淨鮮蝦雲吞艇仔粥 同 鮮蝦雲吞 都好食.. 艇仔粥好足料, 又有蠔士又有魚片. 粥都好綿鮮蝦雲吞, 細細粒, 蝦大大隻, 都算新鮮但係... 腿旦飯, 好普通囉... 旦又冇煎到脆卜卜, 同D飯有D硬....... 好明顯叫錯左