細蓉記 (已結業)

新裝修好有格調。食物質素強差人意。叫左個$38 鳳爪排骨飯。唔合格。未吃過如此難吃。排骨被鬆肉粉淹到入口即溶。完全唔覺得呢舊係排骨。味精超重。每口飯都是味精。鳳爪有點臭。只可以說是。不是我所好。下午茶牌寫送凍豆漿。事實上凍豆漿需加三蚊。

叫點心食等了45分鈡都未有，你話走! 佢又即刻有，但来到都是凍的。服務態度又差! ㄧ味說“ 要蒸嫁嘛! 等下啦!” 既然係咁，専心買雲呑麺咪便算囉，買乜嘢點心! 做生意要講専心，產品多元化的話要能兼顧才好

看招牌以為只是食雲吞麵的專門店，坐下看餐牌才知不止雲吞麵，還有多款中式點心，更有像茶餐廳的茶餐，有咖啡奶茶供應。試過粥腸粉套餐和多款點心，令人失望的是所有食物都不夠熱，包括說要等15分鐘蒸的點心，生煎飽也要等15分鐘，上枱時照樣不是熱騰騰，只是暖的。意外的是連套餐上的奶茶很有水準，香濃幼滑。

個日去太和食lunch，見到呢間舖頭新開，好似幾好甘就入左去，入座後就叫左個$35既學生餐（包凍豆漿）。去到第一次出單，見到張單系寫住$43（個餐非學生系$43），甘就叫佢更正翻（一開始都幾好態度）。食完野去埋單喇，比完錢準備走發現找少錢，同佢講翻，我同佢講話我地三個餐都係包飲品，佢就不斷repeat話學生餐咪就係$35 lor （下刪1000字），佢之後叫左兩個員工一齊“討論”，講下講下其中一個員工話甘你比翻$10人地啦，個啊嬸話“比翻$10你lor”（個樣系眇嘴眇洩），當時既態度系勁差。先唔講找少錢既問題。①服務態度好差，你打錯單已經系你錯，仲要話系我地學生既問題？②作為餐廳既員工，唔係應該比顧客更加熟悉餐牌既價錢ga咩，仲要問翻個顧客！③找唔找翻個$10唔係最重要，顧客去食飯仲要受氣，呢啖起氣都啃唔落啦！總結：永遠都唔會再去呢間餐廳食野！

呢間新開既細蓉記態度所有服務員既態度真係"好到不得了"，要個個都一致咁hea真係難得！呼救式搵人落單叫左10分鐘先成功(但個場其實唔夠4台客)，問你食咩好似你逼佢返工咁，响個客對腳隔離打爛碗碟唔好意思都無聲，仲要勁耐先去清理，服務員若無其事繼續hea，俾錢企响cashier等左成5分鐘都無人黎，終於有個阿姐經過加眼神接觸，但阿姐繼續散住步行入廚房吹水，完全當睇你唔到，終於行返出黎我請佢幫我收錢佢話佢唔收錢既，要等個經理執完枱先再收到錢。唔該晒！😑新開都咁，開耐d應該貴客自便，不設招待！其實，食物既質素都係麻麻地，咁樣招呼客人，點做落去呀⋯⋯唔怪之得每次黃金時間行過都無咩人，中晒伏！

星期日七點幾peak hour 完全唔夠staff 無service 連杯水都唔比你 叫兩個粥等左三十分鐘以上。 個經理就坐係到等睇。 有人入門口就叫你自己搵位坐。👍👍👍👍👍

除左環境裝修唔錯之外，其他都不令人滿意，粥麵舖冇鹽，醬油好似水咁冇味，食物冇水準。人坐低到野吃都上麥都未有水俾客人飲。服務人員好似魷魚咁，唔會再有下次光襯。差評。

幾日前去試下這間新開張的細蓉記,環境裝潢都尚算舒適，但是服務員的服務態度，真是令我感到不可思議，當日只是向服務員查詢是否漏單，但是該位服務員的態度十分惡劣，即時表明自己沒有錯，只是食物出菜較遲，我也就不再理會，心想再等一等， 其間鄰座食客也有相同問題，而且飲品又送錯，真是錯漏百出。 而最令人失望的是連食物都只屬一般，我點了沙爹牛肉公仔麵和熱奶茶，麵過硬都算了，但連沙爹牛肉都不夠味就真是不能接受，因為麵本身是靠沙爹牛肉的味道帶出的，而我相信大部分香港人去茶餐廳都食過沙爹牛肉公仔麵，我覺得這款食物對茶餐廳是很有代表性的，所以非常失望。

今日去左太和呢間細蓉記食下午茶，叫左碗細蓉配炸両，碗細蓉就ok好食，但碟炸両就真係不知所謂。炸両攞出黎果陣就已經唔高興，件9牛都切到好大件，但果碟甜辣醬就超細碟，叫人點樣點呢？大件都算喇，我最多用口咬開兩件黎點醬，但炸両入面件油炸鬼就真係硬過石頭，我估計件油炸鬼已經放左0係度好耐。咁既野都可以攞俾人食就真係完全無質檢。

好好粥麵原址，而家新開左間"細蓉記"。  新野梗係要去試下，一入門口見到D銅錢椅，係咪風水擺設黎?! 可唔可以坐架? 感覺好特別。座位夠濶落，新裝修始終感覺好舒服。早餐廿幾三十蚊，取價合理。叫左個粥加腸粉餐，包野飲。碟上都印有"細蓉記"。 粥夠綿，奶茶都香濃。 問題係個腸粉，皮好厚，又冇彈性，唔似係即製，好似做好好耐咁。說真心，是我食過難食既堂食腸粉。質素有如叮叮點心的腸粉。  希望店方可以改善下，唔做好D，好難做到街坊生意。 下次會試下西式既早餐，希望有驚喜!