細蓉記 (已結業)

嗌個常餐嚟到沙嗲牛肉餿嘅咁叫佢換過五香肉丁啦點知，個廚房話我食咗兩啖個意思話我呃佢個公仔麵兩啖😭😭😭唔想換俾我講真啦，食客嚟食嘢有問題出聲都係希望你換過啫唔係想嚟鬧交最後冇換到，我亦都冇食到比足錢埋單走嗰個廚房大佬直程倒米可能佢本身個人都鍾意攞人着數囉先會諗，人哋都係攞人着數唔通真係呃嗰兩啖公仔麵咩？完全唔建議食客去食快啲執笠，換過間好過冇服務，冇質素今時今日邊度可以咁？希望老闆睇到，教育下啲員工

嚟到太和叉電，真係諗唔到有咩好食，於是乎蕩下蕩下去到呢間細蓉記，佢係食雲吞麵、點心嘅，不過見到隔籬枱有人叫咗個下午茶，40幾蚊雲吞麵，得嗰三粒細細粒雲吞，啲面又唔多精神，梗係唔叫啦。睇完個下午茶餐牌，都唔覺得有啲咩好食，冚嘭唥都40幾蚊，有時都唔係錢嘅問題嘅，要睇吓啲嘢食，值定唔值囉！最後都係叫咗焗嘢，焗芝士肉醬意粉，諗住一定穩陣啦，點知都唔使5分鐘就上咗嚟啦，有冇焗到㗎？一啖食落去，點解會有渣嘅？仲有啲筋嘅物質，於是乎睇真啲，原來係牛腩啲筋，咬唔爛嗰部份，我妖呀！竟然用賣唔晒嘅牛腩剁碎做肉醬，再嚟啲意粉一食落去，冇咬口不特止即刻溶嘅，煮到過晒火喉，杯奶茶就更加唔使講啦，剩係得奶味冇茶味，零分😅⚠️咁都唔執笠，因為開係屋村位，難為晒啲太和邨民了😵‍💫

每次來吃早餐，經常冇人執枱，叫了侍應執枱扮聽不到看不見，他們好像很抗拒執枱，衞生差，服務更差。熱奶茶他們用不銹鋼保溫杯，我看到水吧直接用100度滾水水機去冲，奶茶到了枱二十分鐘不不能喝，大熱。

昨天去行山，路經此地，未來過，吾知邊度有好東西吃，行了一會兒，看見有卡位。就入去座，剛過11時，便叫午餐，叫一個蒸肉餅飯，一個茄汁豬扒飯，兩柸熱奶茶，結果來了隔夜豬扒微暖飯，少少茄汁又稀又水汪汪，兩柸難飲奶水茶，心諗蒸肉餅飯是要時間，看張單11点05分入單，結果等到11：28分還未到，問他有未，原來肉餅飯是一早蒸好放出面的蒸箱裡，是沒有人取給我，白等23分鐘，味道一般，D飯又乾，服務差，食物和飲品都差，個老闆真的可憐！

約左朋友係附近等，提早過黎搵野食，無咩特別原因之下，外面望落唔錯，就入左黎食啦！打開openrice見到好多都係負評，其實實際上都唔錯呀！正常茶餐廳水平，唔會話好差呀。。。今日兩個人食，一人一個細蓉，不過不失，正常！跟住見到有得食點心喎，見落價錢又唔算太離地，兩個人點多左兩個點心食下，一份雞扎＋一份腸粉，以點心黎講都唔錯，正常！咁岩呢排有下午茶加點，可以揀＋3蚊多件多士或者＋6蚊加件菠蘿油，就試下個多士啦，無咩特別，正常！所以其實相對於大家嘅眾多負評，我覺得又未至於負評嘅！😂正常！環境同野食，普通茶餐廳水平囉！完😛

今日喺佢度買咗兩碗粥 ，一碗及第粥，一碗艇仔粥 ，及第粥還算正常，味道一般 艇仔粥就有啲欺詐成分 ，碗粥入面只有花生兩條豬皮 兩粒碎碎嘅牛肉， 用了四十元買了一碗好似白粥咁嘅食物， 唔知今日嘅廚師心情差，還是佢公司要慳番啲資源提供啲質素咁差嘅食物畀顧客， 問心呀佢碗粥一啲都唔平， 味道又差 ，最後我見到咁樣已經唔想食唯有放棄， 仲有員工嘅態度質素真係麻麻地， 今時今日咁嘅服務態度 ，真係一次就已經嚇到我怕怕，冇下次 永不錄用，嬲到爆😡😡😡

D侍應姐姐叫極都吾聽，聽到都扮聽吾到，前後叫左四，五次先有個着西裝既姐姐過來幫我，令到我比隔離左右既客人笑，我真心地希望佢地態度改善下。野食來到，我吾明白點解及第粥入面會有豬潤？？？？連google都無既成份我覺得黑人問號。咁我問個黑色西裝姐姐：點解呢個粥入面會有豬潤？？？佢話：及第粥係有豬潤架啦！D態度好差，連換既機會都吾問下我！咁我只好再點多杯凍檸水同奶醬多先可以食飽。仲有，點解吾係汁好左枱面先叫客人入去？同埋點解空氣中瀰漫一陣魚腥味，好臭。

第一次買外賣點心，店員喺度將點心籠搭嚟搭去又個個揭嚟睇吓，完全唔知為乜，一路同其他店員傾偈，等咗好耐終於等到男侍應將點心放落膠碗，但基本上全部high到手指，買咗八個點心分七個碗，原來全部收$1一個，但比錢前無講清楚，嘢又唔好食，總之無下次。

入到去收銀位 見兩個阿姐喺到講緊工作上嘅拗撬我企正喺佢地前面講咗第一次我買外賣佢哋都唔理我 繼續雞啄唔斷繼續鬧架我見佢哋冇意思停口 再大聲講多次買外賣佢兩個先至慢慢停口理我好啦跟住見外賣粥整好出咗嚟兩個阿姐見到 望過係咩嚟 拎咗去一邊兩個都冇其他嘢做緊 朝早又唔多客佢兩個都行開 都唔入袋包裝俾個客拎走 當時得我一個客叫咗外賣 我企埋入鋪示意等緊外賣兩個阿姐喺度卸膊唔做嘢一碗白粥$21已經唔係平㗎啦 如果唔係因為病 就腳 都唔會喺度買啲職員咁嘅服務態度 建議公司管理層開源節流 節省人手 改以自助形式 客人自己pack袋都無咁激氣無 下 次!入到去收銀位 見兩個阿姐喺到講緊工作上嘅拗撬我企正喺佢地前面講咗第一次我買外賣佢哋都唔理我 繼續雞啄唔斷繼續鬧架我見佢哋冇意思停口 再大聲講多次買外賣佢兩個先至慢慢停口理我好啦跟住見外賣粥整好出咗嚟兩個阿姐見到 望過係咩嚟 拎咗去一邊兩個都冇其他嘢做緊 朝早又唔多客佢兩個都行開 都唔入袋包裝俾個客拎走 當時得我一個客叫咗外賣 我企埋入鋪示意等緊外賣兩個阿姐喺度卸膊唔做嘢一碗白粥$21已經唔係平㗎啦 如果唔係因為病 就腳 都唔會喺度買啲職員咁嘅服務態

門口餐牌滿是小菜，差點忘記了細蓉記是以雲吞麵起家。我們叫了兩份餐，配菜心、生菜各一份，還叫了一碗細蓉。細蓉是最先到的。雲吞一啖一粒，麵爽口而不會硬，更不會有碱水味，是現在難得價錢合宜、口味又合心的一碗雲吞麵。不過肚已經餓的時候千萬不要叫小菜，因為上菜很慢。麵吃得差不多了，菜心才到。全部吃完了，客家紅燒肉煲才姍姍來遲。而白飯、生菜，要我們追才上。紅燒肉下有梅菜和豆卜，碟頭比太興慷慨大方得多。不記得是紅燒肉煲上桌之前還是之後，我們看到廚房的師傅還在煎蛋。客家釀蛋角煲來到時，我們已經吃飽了。蛋角需要逐件製作，現時食肆少見。師傅不只有心機，還手勢豪爽，其實豬肉餡可攤薄一點，蛋角亦可小一點。這個時候人客不多，大概只有半滿。廚房逐份即製，這樣的效率尚能說是慢功出細貨；但是侍應阿姐並非忙得不可開交，卻不會自動上白飯，又是逐「件」端來，只能說是待慢了。

今晚點了一碗雙併粥，盛惠$43，實在比較貴，味道一般，也不是很足料。結賬時店員態度很差，找錢像丟出去一樣，可以選擇的話不會再來！個人覺得基本有禮的服務態度也做不到，實在很差劣！

今日經過見佢餐牌都幾吸引，而且點心全日供應，所以就入去試了！入到去，待應安排我坐低之後，就有個阿姐好悔氣咁放低兩個杯個兩個杯係有食物黐住係度，我就叫悔氣阿姐幫我換，點知，佢搵手指挖咗啲食物出黎再比返呢兩個杯我，勁嘔心！最多我唔飲野，我就叫咗幾多點心加一碗粥！食物黎到，上菜個待應超級好禮貌點心同碗粥唔難食，但呢個質素我寧願去樓上酒樓飲茶！希望呢間食店可以做好啲清潔🧹同埋待應啲態度都有待改進！！

今日外賣大雲吞麵2 碗，侍應態度差，回到家，食雲吞麵，2 碗都有一陣類似火水的怪味! 之前堂食北菇雞飯，試過飯內有頭髮!更說是雞的毛，好奇怪! 一直不肯承應自己問題!兩次經驗一定不會再幫襯👎👎👎👎👎

今次食評記錄係由於要跟大隊去食嘢所以就入咗一間叫睇佢個名我以為係食上海雲吞麵或者係水餃面。但估唔到入到去又有茶餐廳嘅嘢食。竟然又會有點心一籠一籠蒸出嚟嗰啲。 而家食店有一個特色就係佢哋嘅本底係唔平嘅所以你擺個碗喺度係可以轉同可以搖下搖下。我終於感受到乜嘢叫做崩口人忌崩口碗雖然用家全部係分厚嘅人，但係都真係見到燈口嘅碗。噉咁啱係夜晚時間。大家都會比較肚餓，去到想要嘅嘢食好多都已經賣曬。環境方面見仁見智清潔度噉樣見仁見智。食物質素方面見仁見智。價錢方面都係一樣見仁見智。

同媽咪去太和買嘢，行到肚餓搵地方食下午茶。太和商場食肆選擇唔多，最後揀咗呢間。鋪頭名叫細蓉記，咁我當然叫碗細蓉，試試招牌菜。嘩！上枱見到真係好細碗喎！雲吞3粒。媽咪叫咗碗炸醬麵。食完碗麵唔夠飽，再叫咗個流沙奶皇包同埋四寶雞扎。四寶雞扎可以接受，水準okay啦！流沙奶皇包唔錯，有驚喜！