經典古早味蛋糕

營業中

休息中

最近見d朋友成日食古早味蛋糕，攪到我都心思思好想試下。上網揾下屋企附近有冇好推介，俾我見到呢間係深水埗福榮街的經典古早味蛋糕，一行近店舖已經聞到陣陣香味，咁啱有新鮮出爐的原味古早味蛋糕，咁當然要即刻買黎試吓啦！原味古早味蛋糕新鮮出爐漲卜卜，香滑柔軟，都真係幾好味！我另外再買左流心朱古力古早味蛋糕，蛋糕上仲有粒粒朱古力，啱哂屋企的小朋友食。我仲見到有海苔肉鬆和經典芝士，都好似好吸引，下次要再試下。而家買滿2件古早味蛋糕，仲會送環保購物袋，好抵！

睇見咁多好評， 零負評都係唔多信， 食過先知 ，買左半件原味半件芝士蛋糕 ，果然好食 件流心芝士 ，我冇加熱 都仲識流心 唔知係乜芝士 件原味就蛋糕 係食鬆軟口感 唔係有咩特別 外觀漲卜卜咁 50蚊一件又幾吸引嘅 但我得2個人 都係每樣半件試多d口味， 而家仲有現金券送 睇怕最近d早餐同宵夜都係佢

呢一個年頭大家都注重衛生，唔會再好像以往般 一出街就買杯珍珠奶茶 隨街飲 ， 取而代之的是 ，古早蛋糕鋪就好似 便利店般轉角梗有一間 。 預正蛋糕出爐時間， 在街口索一索聞一聞，蛋糕芳香飄進鼻， 買番一件兩件，做早餐，做下午茶，做生日蛋糕 ， 悉隨專便。經典古早蛋糕在 黃金電腦商場後面， 人流多流量大，蛋糕出爐很快便賣去， 肯定新鮮。原味簡單的雞蛋和麵粉香， 蛋香味濃， 而蛋糕體質地軟綿， 挺實有彈性， 拿上手還好重手，唔會剩係食空氣，感覺好抵食。肉鬆味食咸蛋糕 有時比食甜蛋糕還要好吃， 因為吃得出蛋糕的貨真價實, 透過咸肉鬆，吊出蛋糕的味道，不會淨係得個甜字。經典芝士味把芝士融入 麵糊之中一起焗， 不會太膩，不會過鹹有淡淡的芝士香氣，好食。

最近好流行嘅古早味蛋糕，雖然自己都識得整，不過都想試吓出面鋪頭整嘅，到底有幾咁吸引。今日行過深水埗，見出爐好多款、忍唔住去望下，望下望下就買咗兩款味道，返屋企慢慢嘆😋抽住返屋企時，隔住包裝都聞到香味，而且仲暖暖的。返到屋企第一時間試食，朱古力味，用刀切開四份，超鬆軟嘅感覺，表面鋪滿朱古力粒粒，中間是超濃朱古力醬內餡，入口超軟熟，綿密濕潤唔乾身，食過之後完全會上癮❤️

係深水埗棋子燒鵝 🦆食完晚飯，行去飲食街福榮街逛逛。好多店鋪已關門，福榮街旺段仍熱鬧！9：38pm去到，第一間好吸睛的又係古早味蛋糕🍞🤣😋呢間叫經典古早味蛋糕 ，有多款味道選擇真好！選雙拼滿足多心的我據說流心朱古力 🍫好好味，非朱古力控的我都忍唔住今次買了流心朱古力及我至愛流心芝士 🧀回家食🤭古早味蛋糕三食：1. 回家後室溫即食2. 放在雪櫃凍食3. 整熱食，流心更爆漿好味👍😋推介流心朱古力味🍫，濃濃爆漿朱古力又唔會好甜，食落竟有心太軟嘅味道🥰另外，流心芝士味🧀是中間有一層芝士，咸咸地，我地覺得較遜色，覺得麥蛋糕嘅流心芝士蛋糕較好味👍#飲食情侶👫#EatTravelCouple#MagicCherry攻美食🍽️#MagicRaymond食好野😋#Cherry攻商鋪 🍒

自從買左唔同嘅古早味蛋糕番屋企食，屋企人都大愛，好快秒殺🤪今次食嘅呢間古早味蛋糕同之前食過嘅有少少唔同，佢地係用左北海道3.6牛奶製作，口感非常濕潤綿密！今次試左3款蛋糕甜度都啱啱好，所以食多舊都唔覺膩！次次經過呢啲新鮮出爐嘅古早味蛋糕店都被香噴噴嘅蛋糕香味吸引🤭◾️流心芝士 $75蛋糕超厚實，蛋糕🍰冇過多嘅空氣，十分濕潤，中間有一層流心芝士，蛋糕面亦有芝士碎，芝士味鹹香濃郁，就算雪凍左黎食都唔乾，口感有啲似食口式芝士蛋糕，我都上過叮番熱黎食，就好似啱啱出爐嘅蛋糕咁🤤🤤真係會食上癮！◾️流心朱古力 $65嘩，呢款真係不得了！啲流心朱古力就好似蛋糕嘅中間加左層濃厚嘅朱古力醬咁，再加上大量朱古力粒，邪惡得黎又忍唔住係咁食🙈🙈🙈◾️綠茶味 $60綠茶味道非常清新零負擔，甜度適中，啱晒冇咁重口味嘅早餐食😆真係大愛呢種濕潤嘅口感！😊

再次被古早味蛋糕既氣味誘惑到🤣，外帶左幾件番屋企同屋企人分享😊。蛋糕體軟綿綿得來又冇油膩感覺，濕潤度適中，拎上手同食落都感覺輕盈，食多幾件都唔怕滯🤤。.流心朱古力古早味蛋糕💲65未食過咁流心得咁勁既古早味蛋糕🤩，雖然買唔到新鮮出爐的，但佢流心既程度足以驚艷到我，加熱後朱古力有如瀑布湧出嚟💯。.肉鬆古早味蛋糕💲65不是甜點，是咸味既蛋糕😊，有少少咸香既肉鬆配埋紫菜真係好perfect💯，肉鬆舖滿了頂部，非常足料。.綠茶古早味蛋糕💲60未食已經聞到茶味好香濃，入囗甘香😋。————————————————味道：😋😋😋😋😋環境：✨✨✨✨服務：💁🏻‍♂️💁🏻‍♂️💁🏻‍♂️💁🏻‍♂️💁🏻‍♂️賣相：📸📸📸📸等待：0 mins (6:20pm)回頭率：75％📌 可以半件購買👍🏼

古早蛋糕🍰店越開越多，但係小編自己食過幾間出名的小店都唔對心水🙈見到foodie介紹，今次就同大家一齊來再試這間新開的小店（可半份半份買）💁🏻‍♀️👉 流心芝士新鮮出爐的蛋糕🍰微暖，蛋糕質地鬆軟濕潤帶有香濃的芝士🧀味， 有些像兒時常見的伊x家芝士蛋糕😋表面的乾芝士碎與中間的流心芝士配合得相得益彰👍🏻 值得一提的是，小店並非用一般的車打芝士， 而係類似brie cheese的香濃奶香十足的芝士🤤，令成個蛋糕提升到另一層次， 非常推薦😍👉 流心朱古力朱古力🍫味道亦非常濃厚唔算甜，有少少似Nutella 醬的少甜版🤣 表面亦鋪滿朱古力粒粒，非常足料， 鐘意食冇咁甜朱古力的您一定要試下🙆🏻‍♀️

呢間新開古早蛋糕店食落口感係小編食過早輕盈！最厚身！仲要放左幾日都唔會回縮！價錢比方間其他略低！如果更加濕潤 真心perfect池🤪-1️⃣「流心朱古力蛋糕🍫($65) 」-呢款超級厚身！中間爆漿 加熱食有心太軟嘅感覺 可可味香醇🤤Lava chocolate cake is very fluffy and thick! I love the melted chocolate in between two layers of cakes.-2️⃣「綠茶味蛋糕🍵($60)」-茶味清香有輕微回甘 唔會死甜 雖然滿足唔到濃茶控 但呢個價錢收貨🙈Green tea cake is refreshing with mild tea aroma.-3️⃣「肉鬆味蛋糕🐷($65)」-味道似小貝 肉鬆輔到滿滿的 食落仲有海苔香味 想食到蛋香味又唔想太悶嘅可以試下呢款🤣Pork floss with seaweed cake tastes good! It tastes like floss mini cakes. It is rich in fragrance of egg!

周街都古早味，真係唔知點揀好？見呢間門面幾簡潔順眼，一於買幾件同朋友試下。買左三種味，全部都好挺身，鬆軟有彈性，比港式雪芳蛋糕較濕潤，而牛奶亦選用北海道特選3.6牛乳，不過用咩蛋就唔知喇。原味（HK$50）蛋香算突出，微甜。流心朱古力（HK$65）濃度尚可，可以再澎湃d，面頭仲有朱古力碎，唔太甜，岩我口味。流心芝士（HK$75）表面有烤香芝士碎，內層流心芝士似係片裝芝士，帶微微鹹香，唔會太濃。三款入面我最鍾意朱古力，班朋友就鍾意原味。整體調味恰到好處，唔會食一件就膩。每一件都大大件，幾個人都食唔晒，包裝話放雪櫃放到兩日，同埋叮一分鐘再食流心效果更佳，不過我地只係試左室溫食，比較唔到。📍經典古早味蛋糕深水埗福榮街126號地舖

最近迷上古早味蛋糕，朋友介紹下黎咗呢間，由地鐵站步行去3分鐘左右，蛋糕質素都唔錯呀😋👍🏻凍食熱食都好食！（店員建議熱食微波爐加熱1分鐘）📍流心芝士（$75）免頭灑上大量芝士粉，中間夾著一層芝士，味道濃郁，鹹香十足，加熱後芝士會流晒出來，好味😋📍流心朱古力（$65）蛋糕非常柔潤鬆軟😋，綿密濕潤 👍🏻，特濃朱古力，蛋味香濃😋加熱後朱古力十分流心📍肉鬆（$65）好足料，裏裏外外都好多肉鬆，鹹鹹香香，濕潤Q彈 ，口感多層次 ，仲有紫菜香

又一間新古早味蛋糕🥰現身人來人往的深水埗 香噴噴出爐💨💨💨好多人排隊 我都唔執輸試吓先.《經典芝士味》蛋糕體基調是原味 新鮮出爐 充滿蛋香夾心橙黃色的 是芝士🧀和鹹蛋黃🥚兩個層次的咸香 融為一體.《流心朱古力味》蛋糕體面頭滿滿的朱古力豆🍫企係到排隊都聞到流口水🤤💦更何況返到屋企切開見到流心的朱古力🤩💕朱古力非常濃厚香醇.《抹茶味》抹茶控🍵實會好揀蛋糕鬆軟 充滿空氣感唔太甜 滲出陣陣回甘的茶香

深水埗多特色嘢食就好多人都知，但原來而家有間叫經典古早蛋糕坐落喺深水埗。超多人慕名黎買，我都當然唔例外啦！今次一次過買咗三款，分別係流心朱古力、經典芝士，同埋期間限定嘅芝麻味三款古早蛋糕。一睇就知好足料！朱古力流心入面層流心朱古力好多，根本一切落去就已經流曬出嚟，而面層嘅朱古力粒亦都鋪到密麻麻，最緊要食落去有超濃嘅朱古力味。而經典芝士味入面有兩層流心芝士，一咬落去啲芝士就流出嚟超多超好味。期間限定嘅芝麻味我覺得超香濃，如果鍾意食芝麻糊嘅朋友，一定鍾意呢款古早蛋糕。

同屋企人行完街，見有間古早味蛋糕店就行咗過去， 咁岩新鮮出爐！原來有好多隻味，屋企人就話好想買個流心朱古力！咁一於試吓，隔住玻璃見到啲蛋糕全部都好吸引老闆話全部都係用北海道3.6牛乳製作而成㗎， 所以蛋糕嘅味道都會好香滑真係越揀越想全部都買件返屋企食不過最後我哋都揀咗留心朱古力蛋糕！老闆仲揀咗件最靚嘅俾我哋！睇吓啲朱古力醬爆曬出嚟拎到返屋企忍唔住已經切咗一舊嚟食！入口真係好香濃朱古力味而且蛋香味都幾重！蛋糕有朱古力爆漿，朱古力流晒出嚟好治療🤩而且蛋糕仲好濕潤綿密！忍唔住食多咗件🤤

驚喜流心朱古力值得一試古早蛋糕食得多，流心朱古力我係第一次食！真係食過番尋味，凍咗都繼續流心，香濃朱古力味邪惡大滿足！買來做第二天的早餐，沒想到從雪櫃拿出來的時候，巧克力還仍然保持著流行，怕令我感到驚喜了，濃濃的朱古力醬加上有口感的朱古力粒，雙重驚喜非常濃厚滿足。另外還試流心芝士，同樣是從雪櫃中拿出來仍然保持著流心，中間有一層芝士片做的芝士夾心，上面還鋪滿了芝士粉。店家做的古早蛋糕實在是太足料，太豐富！我也是我第一次吃到特別好吃的古早蛋糕，難怪他能夠在這麼多家店之中脫穎而出，收工去買嘅時候都好多人幫襯排隊。