綠怡咖啡廳

營業中

休息中

以呢個價錢來食個自助餐係有少少被騙的感覺，食物質素一個字形容差，甜品比較好少少，龍蝦肉汁又乾身，肉類有一陣異味，食物種類又少，我相信沒有下一次，以上係我個人的感覺

由於我係book package包晚餐自助餐 唔知平時係咩價錢 但食完之後 我諗人頭$150都比多佢自助餐野食係勁少 一共可以分成四個角落第一個角落係熱食 沙律bar 同海鮮熱食唔好諗住分到泰式 中式 越南咁 基本上只係職員飯堂多餸飯咁 蒸比目魚 蒸扇貝 咖哩牛腩 避風塘炒蟹 最神奇既係全部都無味 海鮮有蟹鉗 翡翠螺 青口同蝦 翡翠螺可以完全冇味 蟹肉就「鞋」口 第二個角落係壽司 刺身 意粉 芝士龍蝦 燒西冷同燒腩仔個龍蝦係「鞋」到好似香口膠 唔知係唔新鮮定蒸耐得滯 燒腩仔你都唔好期望係脆皮 呢個角落嘅服務人員都好有個性 個客想炒配料（蝦 蘑菇）唔要意粉 佢話唔得 叫人去沙律bar拎唔使佢開爐 全晚圍埋吹水 有客排隊先斯斯然行去做野第三個角落係生蠔 細隻 無味 成晚都無咩人去拎第四個角落係甜品 生果 飲品 雪糕cheese cake好似m記水準芒果布甸似嘔吐物檸檬茶無味雪糕係Häagen-Dazs 可稱全晚亮點第一次食自助餐係食唔飽仲有佢係分時段5pm to 7pm同7pm to 9pm一開始都諗第二輪點會準時開始到食過就知擔心都多餘種類少 無服務 野難食 坐到一個鐘都比多佢

冇冷氣,選擇少,除左生蠔同蟹腳好啲。龍蝦焗到硬身汁又沒味。熱食大部分只可以算合格。刺身就算。服務員少,收碟同加水都做唔切。雪糕得兩款又沒碗裝要去湯個到拿。食嘢補充得慢。兩款野飲都好難飲。

今晚同老婆撐枱腳，食下好嘢，揾到間性價比ok的酒店Buffet,有新鮮生蠔&芝士焗龍蝦任食，冷盤海鮮仲幾新鮮，熱盤都幾多選擇，個沙嗲串幾惹味下，甜品款式豐富，歌劇院蛋糕幾特別，就是唔知是否人多，冷氣差少少，整個來講，今晚尼餐幾滿意，可以返兜

好耐冇食自助晚餐啦！真係期待咗好耐，上佢個網站訂仲有七折優惠添。呢度有廚師即開生蠔同長腳蟹，仲有四至五款刺身， 汽水任飲，廚師refill食物又快，自助餐最重要食物refill快🥰有啲餐廳refill食物好慢, 食得一啲都唔過癮😣好彩呢度唔係~掛住食嘢，減肥都唔諗啦，影咗好少相，分享吓張海鮮吧相啦！買單仲有$50 coupon送俾我哋下次用，本身已經7折仲有coupon送，感覺又食又拎真係好開心~~

𝟙𝟟.𝟘𝟟.𝟚𝟘𝟚𝟚📌 綠怡咖啡廳 (北角)北角英皇道665號北角海逸酒店2樓🔎#hkfoodieat_鰂魚涌㊙️依家喺online book呢個tea set會有77折優惠✨依家折實$211包加一(原價$272.8包加一)🌿優惠做到31/7/2022咋👻想食就快啲book啦😋下面介紹喺我心目中top 3嘅鹹點✰ 蒜香合桃布爾桑芝士 (前) 本身好鍾意食蒜味重嘅嘢食🧄呢嚿芝士蒜味好濃郁超好食😻加上仲有啲核桃令到好口感層次更加豐富😋✰煙三文魚伴布里芝士 (後) 煙三文魚煙燻味幾重🐟應該輕輕用鹽醃過😗淡淡的芝士味中和返佢嘅鹹味👍🏻同埋三文魚份量都幾足🍣✰ 脆炸海膽醬帶子義大利飯帶子幾香牛油煎過嘅香味🧈義大利飯亦都好creamy😚雖然炸得好脆但啲飯唔會乾曬😻甜點方面我覺得淨係得下面呢樣驚艷到我✰ 蝶豆花芒果芝士蛋糕 (圖七右)個芒果慕斯整得相當滑🥭同下面嗰層海綿蛋糕截然不同✨但層次分明👍🏻同時唔會散開變咗兩半🍰配料都好多🍓🫐個蝶豆花啫喱都令個蛋糕昇華咗🥰📎呢度仲有無限量供應嘅飲品

前一日晚上係Openrice 買星期六中午都仲有位置食物有長腳蟹 生蠔 燒羊髀 凍蝦 凍螺 等等生蠔每次會有三至四隻魚生會有三款選擇 有三文魚 希靈魚同魚腩長腳腳都大隻 refill 速度都算快雪糕有Häagen-Dazs既杯裝雪糕三款 有曲奇 朱古力士多啤梨味熱食就不過不失沒有燒牛扒🥲甜品推廣木糠布丁 奶味很重👍🏻飲品又凍檸茶 橙汁 同埋有咖啡機仲有兩款湯選擇價錢就$363.8一位價價比不錯👍🏻👍🏻熱款食物不過不失

2022年夏天staycation第一擊，揀左較爲經濟既北角海逸酒店。Package包高級半海景客房/尊貴山景客房/尊貴海景客房 + 早餐 + 自助午餐，星期六入住價錢為$1485，早兩日先係Klook度book。入住後第二天免費於綠怡咖啡廳享用早餐 (早上七時半至十時) (供兩位用)。早餐並非自助餐，而係套餐。套餐非常失望，包好少野食，而且質素好差。羽衣甘藍田園沙律主要係生菜加粟米粒，連胡麻醬都得少少。羽衣甘藍要留意先見到一小片。鮮果乳酪奇亞籽燕麥杯係西瓜，蜜瓜，哈密瓜同菠蘿粒，得丁屎嘅乳酪。實在係太小家。水煮蛋兩隻配一塊火腿。多士同咖啡茶自助。多士開頭得一款白麵包，之後refill先有麥包同另一款白麵包。配有橙味同士多啤梨味果醬，同牛油。咖啡係咖啡機出品。首先Klook預訂時都無講早餐係套餐，就算係套餐都應該可以好d，肉都係得一塊火腿。如果早餐係咁，呢個staycation價錢就唔抵啦。真心無下次。

2022年夏天staycation第一擊，揀左較爲經濟既北角海逸酒店。Package包高級半海景客房/尊貴山景客房/尊貴海景客房 + 早餐 + 自助午餐，星期六入住價錢為$1485，早兩日先係網上平台度book。入住當天可以免費於綠怡咖啡廳享用自助午餐 (中午十二時至下午二時半) (供兩位用)。早一日打電話預訂都有位。第一次食綠怡咖啡廳既自助午餐。凍海鮮有：生蠔：生蠔係另一邊，基本上唔洗排隊，每次比3隻你，有中型有細隻。質感實在而海水味重，唔錯。蜆：雖然唔大隻，不過非常鮮嫩，又唔會太鹹，好少係自助餐食到質素算高既蜆 。翡翠螺：又大隻又有咬口蝦：都唔錯，好鮮甜長腳蟹：有海水味青口：相對麻麻刺身因為即切，所以長期排隊，質素勉強可以。有：三文魚吞拿魚𩶘魚希靈魚：有少少鹹壽司8款，有鰻魚，熟蝦，北寄貝，玉子，魚翅軍艦，螺肉軍艦，八爪魚軍艦等。沙律有酸辣無骨鳳爪沙律，三色螺絲粉沙律，吞拿魚雜椒沙律，蘋果沙律，車厘茄，德國薯仔沙律，粟米，紅菜頭，羅馬菜，沙律雜菜。伴有5款醬汁。紅菜頭好甜。酸辣無骨鳳爪沙律既鳳爪比人清左無refill。沙律隔離有芝士拼盤。湯有意大利菜湯同蓮藕章魚綠豆唐排湯，後者偏鹹

當日是父親節 6月19號 ，這個時刻已經預早book 枱，官方網頁book位 平均$670 還有$100 coupon 下一次食自助晚餐扣減，當然餐券寫明$300以上先可以用 還要只可自助晚餐用，晚上自助餐一定過$300所以冇問題😃講一講嘢食，全場包紅酒白酒任飲，有罐裝汽水，咖啡茶任飲。焗芝士龍蝦 龍蝦第一輪就淡咗少少，反而第二輪就不過不失，鵝肝就麻麻，我最喜歡食魚生，我只係攞咗一次，魚生其實都好味，因為太多人排隊，所以沒有再去，一個魚生檔，如果不斷有人排隊，就知道魚生好不好味，估唔到生蠔 好味過其他地方，焗芝士蠔 不過不失 ，煎羊架 羊冇乜味，佛跳牆湯 幾好飲，還有燕窩燉蛋白 不太甜好味，炸鳳尾蝦 已經好耐冇出現過其他餐廳或酒店，又唔錯喎幾好味，當然都有炸蠔，還有不斷出新嘢，中間時段有燒乳豬，當然燒乳豬不是中國式製法，另一種風味，有少少咖喱風味，都唔錯，薑蔥炒龍蝦鉗 可以，長腳蟹唔好睇佢咁幼 簡直好味 ，甜品不太甜最後 這些食物 不過不失 不妨可以試吓 食之前 ，想一想 當這間酒店餐廳自助餐是一個家庭式，就會有另外一種風味，個人意見 😅每人口味不同 😀最後這間餐廳自助餐，本人去過

趁住端午節🛶有個長週末🤭，我地一家人約埋去食個自助午餐。🤤食物款式同質素正常😊。最有驚喜嘅係🥳呢間酒店嘅lunch buffet都有大大隻生蠔🦪同長腳蟹🦀食。不過就冇鵝肝，同唔見有牛扒。😌可能呢d要dinner buffet先有。🧐三文魚、吞拿魚刺身🍣尚算新鮮😉但𩶘魚刺身就一般啦。🙂仲有叻沙同湯麵🍜區，不過已經太飽食唔落啦⋯⋯😙飲品有凍/熱檸檬茶、橙汁梳打☕️🥤🍹等等任飲。甜品方面🍮，芒果布甸同奶凍唔算好甜。😋相比之下，蛋糕類就甜咗小小。😗仲有3款Haagen Dazs雪糕任食。😝想食水果嘅🍉，仲可以打開個直身雪櫃門，入面有火龍果、菠蘿🍍、西瓜🍉、蜜瓜、哈密瓜🍈任君選擇。

一坐低第一時間試咗龍蝦，蝦同扇貝，味道好鹹感覺唔太新鮮，食物選擇唔多，之後排隊攞鵝肝，排隊嘅人好多但每人只限攞一份，個賣相真係認真麻麻，總括嚟講, 食物質素好一般，應該唔會再嚟😔

💖𝓐𝓯𝓽𝓮𝓻𝓷𝓸𝓸𝓷 𝓣𝓮𝓪 ☕️🥰High返個靚Tea ✨✨✨「芳香黑松露·香檳」下午茶有齊晒我最愛嘅嘢食 ❤️仲可以打卡影相 📸️渡過一個愉快週末 😋

如果你要我畀一個期限, 再隔幾耐先至再去呢間餐廳食自助餐， 我會係一萬年，甚至係一百萬年～ 正常策略， 先行一轉自助餐食物擺位成個佈局，研究下有乜嘢可以食。 其實已經發覺有少少中伏， 幾個字形容當時嘅感覺～ 乜冇㗎喇？ 咁少？ 心諗唔好以貌取人， 試過先，可能每樣嘢食都精挑細選，貴精不貴多呢 先食冷盤, 三文魚腩都可以入口， 但有少少腥，凍蝦青口蜆仔， 冇一樣有鮮甜嘅感覺 生蠔 細隻冇味道 ， 唔怪得冇人排隊攞， 係一個人都冇！ 沙律吧唯一較為好食嘅係墨魚仔， 其他一般！ 芝士bar～個人口味唔鍾意! 熱盤冇乜邊樣嘢好食, 咖哩牛腩唔錯, 白飯正常! 最恐怖係叉燒, 乾柴烈火肉紅紅, 扮叉燒扮得好似 ，但十分難食， 魚柳係難食嘅表表者， 我完全唔知道自己食乜， 難食到要吐出嚟！ 感覺廚師唔尊重食客， 質素咁差，居然都可以擺上酒店嘅餐枱， 市面上任何一間快餐連鎖店嘅魚柳都好食過佢好多， 甜品唯一好食嘅係煎堆仔及蛋散， 芝士蛋糕 同朱古力蛋糕 都可以， 其他唔好有任何期望。雪糕係呃細路嘅雀巢雪花杯！ 食完呢餐自助餐， 另我有一種想反枱嘅感覺， 我問自己，我究竟做錯咗啲乜？ 點解淪落到要食啲

屋企人提議去呢度食自助晚餐,因為之前食過幾好食,同埋最緊要夠平😂成人每位$474, 長者$355, 講緊係自助晚餐, 真係抵到爛, 所以我完全冇任何期望😅正所謂希望越大失望越大, 就係因為我冇期望, 今次嘅體驗直情係令到我喜出望外🤣我見啲嘢食其實都唔係好多選擇, 但係質素比我想像中好好多, 尤其係以下食物:黑松露芝士焗龍蝦蒸比目魚避風塘炒蟹鉗避風塘羊架上湯竹笙浸菜心我全部都有encore但係個牛扒質素真係好參差佢第一輪係咁樣嘅: 係咪好奇怪點解我攞咁多, 係因為staff話唔攞晒呢一舊🐮, 佢唔會開個舊新, 所以我表哥嗰日就捱義氣攞晒(最後有冇食晒我唔知😂)大家欣賞下10成熟嘅燒牛扒🐵我記得嗰日好多叔叔嬸嬸都喺度投訴話俾幾百蚊嚟食自助餐連一舊牛扒都食唔到好失望🙈大家千叮萬囑叫佢新嗰舊一定要整生啲最後都冇令大家失望其實味道還可以啦(唔好同啲五星級酒店比)但係比起10成熟真係好食一百倍🐒呢度仲有生滾粥(應該係生滾?)我屋企人全部都好欣賞但係其實我覺得普通啦🙈重點黎啦: 我最愛嘅雪糕!好痴線, 咁啱全部都係我最鍾意食嘅味道😚我輕鬆食咗11球😂其實佢仲有兩款ice cream bar: 分別係