綠林甜品

營業中

休息中

最近天氣熱的嚇人, 根本不想外出, 就算是外出了, 也必須盡量降溫, 慎防中暑.因事往深水埗, 舊區的溫度更是高得異樣, 人滿臉也是汗, 情緒挺暴躁.想起綠林"本店"就在附近, 一定要過去吃個冰凍甜品才回家吧.點了一個紅豆粒涼粉雪糕小丸子, 可以一次過滿足4個願意, 很化算!店員告之雪糕是榴槤味的, 我對這生果是敬而遠之, 所以還是改回最原始的雲呢拿好了.碗裝的滿滿的, 份量不少, 只是重點是"不夠凍"!!!!!或許是客人太多, 除了雪糕以外, 其餘紅豆粒,涼粉,小丸子都是室溫的, 實在讓我很無言.如果真喜歡"凍食"的, 就要注意你的選擇了.

那天在深水埗吃過麻辣車仔麵後，想吃點甜品解解辣，便到附近嘅綠林吃甜品。楊枝甘露加小丸子（$39)見到圖片好似好吸引，便叫一個試試，但送到上枱後，真是不似預期的樣子，芒果只得三片，楊枝甘露內的柚子也很少，只有大量嘅西米，小丸子口感亦不夠煙靭，最重要是甜品唔夠涷。Oreo 燉鮮奶（$28）這個燉鮮奶我們叫了熱嘅，但還是不夠滑，質感比較硬，還有燉奶上的 Oreo 碎，不知是否放了很久，淋哂！結論是，都是叫傳統的中式糖水比較穩陣！

每次食完愛文生之後，無論幾飽都好都會啟動第二個胃去食糖水。其實係糖水鋪諗食咩，真心難😂😂😂因爲真係太多、太多選擇啦。去到又唔想叫大路野：西米露、楊枝甘露果d wo。所以爭扎左一陣先揀到食咩😆😆😆我朋友叫左個凍既紅豆燉鮮奶我就係揀左紅豆、香芋雪糕加豆腐布甸。食完我地兩個都唔係甘滿意，唔係d野唔好食。而係我地因為岩岩食完大排檔，一食呢兩樣野覺得好dry，勁後悔無叫到西米露同楊枝甘露🤦🏻‍♀️🤦🏻‍♀️🤦🏻‍♀️望住隔離杯西瓜汁同芋頭西米露真係流晒口水。下次都係叫大路野算🤔

咁岩黎開呢頭，梗係搵間甜品試下，見到有豆腐布甸我呢個豆腐怪梗係唔放過啦第一啖，真係似食緊磚豆腐既味道但質地又係布甸黎喎，唔錯唔錯，個芋頭雪糕好夠味，但一食佐就搶哂豆腐既味

凍芋小丸子 $25.上枱唔洗5分鐘 而且份量唔少 睇落似普通野 無錯 佢真係普通野 但味道唔錯 好重芋頭芋香味 湯水唔係得水 仲有芋頭粒定芋頭溶 好香 無得彈 天氣咁焗 差唔多成碗飲落去咁制糖不甩 $17.唔知點解係度食既湯圓好食d 仲要大大粒 加上外面既花生粒 好新鮮 好脆 嗯～世界級正😲 本身佢既湯圓已經好好食 煙煙un un 簡直prefect match 唔食真係走寶

同朋友食完飯，其實已經好飽，但唔知點解又好想搵個地方坐下食個糖水。九點幾去到，已經要拎電子飛等位。不過好彩等左15分鐘左右就有位啦！個餐牌多到呢真係有選擇困難。最後揀左三樣野share食糖不甩一定係必點既，因為我好鐘意煙煙韌韌既野：草餅、麻薯、和菓子，全部我都好鐘意呢個糖不甩粉糰好好食，係個花生粉差甘d，係白糖溝花生碎甘。食親糖水都有人會點楊枝甘露，大路野，唔會難食得去邊。香芋西米小丸子：呢個都好味道，繼糖不甩之後我覺得呢個排第二名，鐘意食芋頭既人應該會好滿意

食完大排檔...即刻想食返個糖水甜品燒燒暑！ 行到過黎都辛水辛汗！ 但都值得！首先值得一讚就係冷氣好涼呀！ 夏天食糖水，必須要涼！ 座位與座位之間有啲逼..所以都係快食快走！ 呢個好有驚喜！芋頭好粉...小丸子好qq 值得一食...一個人食完晚飯...再食就有啲飽喇！share就岩岩好我諗間間都差唔多...芒果甜唔甜係重點...今次食呢個...芒果好甜呀！仲叫左糖不甩..唔會丸甜..加埋啲花生碎..除左好煙韌..仲好有口感

今日係深水埗食完晚飯就黎食糖水..呢間鋪頭有得禁飛仔..幾in..等一陣就好快有位..鋪頭細細都坐滿人..我地叫左個凍香芋西米小丸子..香芋味好濃..有粒粒芋頭係入面..又唔係好甜..好味道👍🏽小丸子好煙韌..好Q..紅豆雪糕涼粉小丸子..個呍呢嗱雪糕好好味..紅豆都好淋..配埋涼粉小丸子..簡直係一流..楊枝甘露小丸子..芒果好甜..楊枝甘露都整得好唔錯..最後有6粒糖不甩..花生夠香..甜不甩都好煙韌..又好大粒..抵食..呢間可以再黎👍🏽有質素🤗

講真，呢一個真係令人畢生難忘嘅食甜品嘅經驗呢度嘅職員(包括員工和太子爺)態度惡劣、沒有禮貌就不在話下啦，因為作為甜品店最緊要都係味道。 點知，我飲左杯鮮搾果汁一啖，嗰D令人生厭嘅味道由我喉嚨傳返上我條脷，我推開咗杯嘢，跟住試一啖楊枝甘露，我不禁由心底裏嘩！了一聲，：「乜嘢黎架，淨係得個甜字一啲楊枝甘露味都冇！」 之後我望住我個仔對住佢碗芝麻糊露出嫌棄嘅表情，跟住我試咗一啖，我個心充滿咗疑惑，究竟呢碗芝麻糊同我頭先個碗楊枝甘露有咩分別，佢哋同樣都係得個甜字，唯一嘅分別只係佢哋嘅顏色。 我俾完錢怒氣沖沖，留返淨係食得嗰少少嘅甜品，就走咗去。 呢間鋪頭果然名副其實係一間糖水舖，佢哋出產嘅食物的味道的確係含糖嘅水份。

深水埗一向是美食小天堂，各式美食應有盡有。是日同爸爸在深水埗食完父親節晚餐意猶未盡，決定去綠林食糖水。深水埗有大大小小幾家甜品店，綠林可以說是中式糖水的老字號，但是日我們決定決戰綠林的新派糖水。是日八點人不太多，我們五個大人一個小朋友都獲分八人長檯，食得闊落。我點了芒果汁涼粉，涼粉是綠林自家製，和平時出面食的口感相若，食落爽口但味道偏苦，要靠芒果汁的甜度補償。一碗三十一蚊大大碗，芒果甜而且多，消暑好選擇。男朋友話飽吾想食大大碗糖水，叫左杯芒果汁椰奶配雪糕，雪糕選了香芋味道。椰汁都幾多，整體味道中規中矩，雪糕質素就一般，不香又不滑而且偏甜，味道一般。同行家人叫了雜果涼粉，水果有木瓜芒果西瓜蜜瓜，份量大但椰奶吾夠。另外點左紅豆白玉涼粉配巧克力雪糕，雪糕依然一般，紅豆甜而且冰涼，白玉普普通通。比起中式甜品，綠林的西式甜品明顯失色一點，但大大份尚算抵食。

綠林甜品唔講唔覺原來喺深水埗立足咗超過30年, 單睇裝修同甜品款式真係唔知咁有歷史!! 睇睇餐牌除咗有經典中式甜品, 仲有啱哂年青人口味嘅OREO系列甜品, 呢間老字號真係潮~OREO炖鮮奶 ($28), 有凍有熱可以揀, 我今次就試咗熱嘅!! 一大堆Oreo舖喺面, Oreo唔係太碎, 食落有Crunch口感~ 即使炖鮮奶溫度暖熱, 但Oreo都唔會變得冧身~而甜甜嘅Oreo與淡淡嘅炖鮮奶配合埋一齊好match, 鍾意食OREO嘅朋友仔一定會想嚟試呢道甜品!!綠林甜品喺傳統中式甜品方面都係一個大驚喜😋 皆因試咗個芝麻糊,  芝麻口感超滑溜又濃稠, 唔係得個甜字, 呢間芝麻糊絕對係我心目中嘅No. 1👍🏻

好多年冇嚟過，但依然對豆腐布甸念念不忘。所以今日終於嚟咗！結果好令人失望！已經不是以前又滑又香豆腐味嘅布甸。睇圖已經清楚見到質感唔滑！其次，叫咗兩杯蜜瓜汁，令我畢生難忘！咁大個人未飲過咁水汪汪嘅果汁，成杯都係糖水，但竟然menu上面寫住「鮮榨果汁」。我忍唔住同個姐姐講鮮榨果汁點解成杯都係糖水，姐姐話你可以叫少糖，我呆咗。第一次聽鮮榨果汁可以叫少甜，然後佢幫我哋換過兩杯，換完一飲依然淡如水-----無味！打開蓋一睇，裡面有渣浮面就明白了。用攪拌機攪嘅果汁可以咁多水，即係一啖蜜瓜份量加一大杯水攪拌，盛惠$20！再見了，綠林！Black list！Black list！Black list！重要事情講三次！！！

公司有人請吃糖水，常吃寧波街的寧波湯丸，真係超正，我一個人也可以吃兩碗，公司請吃糖水，外賣紙有寧波湯圓，一於試下有冇好食過佢？於是叫咗寜湯圓, 送到黎，放我枱面我以為係小籠包，咁大個女第一食牛眼咁大粒的寧波湯圓，皮又厚又已經發脹哂⋯加上不是用䕬糖水煮⋯⋯⋯吃了一粒之後，其他分哂比同事⋯⋯

係深水埗買完兩大碗車仔麵，之後順便買埋糖水返屋企食，於是去左呢間家傳戶曉嘅糖水店，買左兩碗糖水，揸車返屋企慢慢享用。買左一碗「西瓜大明珠」同一碗「哈蜜瓜大明珠」。返到屋企食完正餐，之後就到飯後甜品喇！先打開碗西瓜大明珠，見到佢每粒西瓜都大大粒，四四方方，而且佢唔係用花奶，而係用忌廉奶，忌廉奶比椰汁/花奶更香更滑！（而家好似無乜糖水舖會用忌廉奶）另外佢啲大明珠唔會整到好"林"，個口感好煙韌，而西瓜都好甜，無乜核。至於啲哈蜜瓜相對地失色左少少，雖然佢哈蜜瓜既份量都算多，但唔夠甜，同埋有啲硬，而唔係爽脆嘅口感。

星期日下午竟然滿座，我有超過5年冇食過，一於試下個薑汁寧波湯圓（$20），同埋栗子露（$30）。一上檯見到個賣相已經有點O嘴，首先我叫的湯圓睇唔出有薑汁，好似清水湯底咁，湯圓又發到好大粒，咬左一口，嘩，好厚粉呀，至於個餡就偏甜，咬到有加左砂糖。老公的栗子露，佢話除左見到有一粒粒碎栗子之外，就好似加左獻同糖水的產品，勉強至食到半碗。估唔到事隔多年再來綠林，感覺好一般，如果要食湯圓，我寧願去佐敦佳佳食好過。