綠林甜品

營業中

休息中

抹茶雪糕也很有抹茶香味 不是那些隨便拿來湊數的雪糕 讚讚讚 很喜歡環境的話 到了晚上十點多的時候就大排長龍大概是大家都喜歡逛到商場關門然後來吃碗糖水吧總之物有所值，特地在離開之前又來吃了一次。

食完烤魚已經非常飽, 朋友話附近有間好出名嘅甜品店, 我話....吓！好鬼飽喎, 佢話…..我請, 不能抗拒的誘惑, 唯有開啟女人第二個胃好了。唎間甜品店真系多人排隊到好鬼誇張, 我都系第一次食甜品要像銀行服務一般系machine 攞飛等位, 幸好食甜品流量較快, 等了約15分鐘便有位了。甜品店座位好擠迫, 食甜品快出發入, 可以接受。紅棗圓肉蓮子雪耳伴桃膠 ($43)凍凍地, 叫了一個熱桃膠甜品補下身, 糖水好清甜, 有紅棗香, 甜度也適中, 內有紅棗、圓肉、蓮子、雪耳及桃膠, 第一次食桃膠, 口感有點像爽口版的雪蛤膏, 冇乜獨特味道, 桃膠營養豐富, 有美顏養蔭作用, 女人食 VERY GOOD 咁話。栗子粒露 ($33)季節限定食品, 朋友叫的, 我食咗幾匙, 有粒粒栗子咬吓, 幾粉香, 我就嫌佢個栗子糊底下得唔夠粟子, 粟香唔夠。

進食當日尚未進入呢排很凍的狀態, 當日大概仍有 二十度左右吧,其實深水埔區都算係多"甜品店"聚集之區域, 有傳統的, 也有新派的, 知名甜品店老店亦不少,今日同朋友來左呢間"綠林甜品", 因為有其他選擇所以都好耐無幫襯過呢間,人總是貪新鮮的嘛, 但到某一日, 又會突然很掛念而"綠林甜品"係屬於舊派傳統類別, 對於一眾傳統甜品類, 我是沒有懷疑的,今日叫左 : 楊枝甘露(+小丸子), 生磨栗子粒露生磨栗子粒露, 果然不出所料, 綠林呢方面處理得非常出眾的,而且呢款係冬季限定, 唔係成日可以食到, 熱辣辣, 濃厚栗子味, 贏足幾條街至於, 楊枝甘露(+小丸子), 始終唔係佢強項, 很明顯, 芒果仍然酸酸的, 芒果汁濃度不足, 亦食唔到太多柚絲而小丸子亦煮得唔夠透澈, 有很多粒內裡仍然是硬硬的兩款甜品, 一勝一負, 我會咁講, 如果食傳統甜品, 佢係羸的, 甚至有機會贏幾條街但新派甜品, 我就認為有更多更佳的其他選擇了

近這幾晚天氣開始凍，突然心血來潮想去食個熱辣辣的糖水，於是就擇日不如撞日，今晚平日星期二就去，閒日應該糖水店無咁多客人，容易啲搵位，屋企食完晚飯，叫埋屋企人然後我揸車去深水埗食番個傳統糖水。泊好車係隔條街，然後行過去，雖然平日但店內都差不多坐滿，坐低後連餐牌都唔駛睇，大家都叫左這店冬天限定的栗子糊，等左一陣，一碗熱辣辣的栗子糊就來到，第一眼睇落去顏色似綠豆沙，聞落已經有少少栗子香，第一口食落去，除左糊之外，仲有好多栗子碎粒，令到個糊變得好豐富，證明真材實料。最特別係其他糖水店沒有栗子的糖水，冬天食番碗，使到每一餐更完美

天氣驟降，吃一碗熱騰騰的糖水最好不過。麥米粥已經很少地方搵到，而最好吃的始終是綠林。新派甜品到處都是，傳統的卻買少見少。隨著潮流減甜，今次發現麥米粥不是很甜但仍然一樣好吃。

去到深水埗一帶，除了去看電腦和電子零件外，由於這裡是舊區，也是混合工業和住宅的民生間，當中藏有不少價廉物美的食肆。走在元州街之上，食市眾多，這次聽一名區內人士的建議，在晚飯之後，來到這家在區內甚有口碑的緣林甜品。翻看餐牌，此店於1984年創立，至今己有33年歷史了，這點或許可以從室內的裝潢感受得到這種八十年代的丰采。正所謂食飯一個胃，甜品又另一個胃，所以這次共點了3個甜品，分別是老薑番薯湯丸及海底椰無花果炖雪梨，兩者都是適合秋冬飲用的時令甜品。老薑番薯湯丸帶點微辣，有助驅寒；後者清潤，可以順氣。香港人有個特色，無論吃飯或吃甜品也好，都不一定會跟時令。因此，這次也點了一個紅豆涼粉配雪糕，這一道顯然是夏天吃的品，但在秋冬季節進食，也無不可﹗值得一提的是，雪糕可以有4-5款味道選擇，這次選了在其他地方不易吃到的榴槤味雪糕，真係老土一點也要講句：「榴槤雪糕有榴槤味」，如果你是榴槤控，建議一試﹗這一頓甜品由冬天吃到夏天，甚是滿足，為完美的一餐劃上句號﹗

作為一個不折不扣既甜品控 每餐飯食完一定要食埋甜品先覺得complete 比起西式甜品 dor比較鐘意食中式傳統糖水 除左源記桑寄生蓮子蛋茶, 佳佳薑汁湯圓, 福元湯圓紅豆沙 一直有人話綠林甜品 既芝麻糊係香港之冠 今次就黎深水埗總店試下芝麻糊豆腐布甸 $32 係我衰 見到隔離食#豆腐布甸 衰貪心兩溝 店員話芝麻糊只可以凍 唔係個布甸會融 豆腐布甸都幾好食 好似手作之店隻豆腐味雪糕既布甸版 但我最想試既芝麻糊就好失望 太稀又冇芝麻香 不過都係我錯 芝麻糊真係冇理由食凍 食到其他人既熱芝麻糊好香好濃好稠 我決定會再俾多次機會佢 #記住芝麻糊唔可以凍食蛋白燉鮮奶加蓮子 $28 蓮子份量都幾大方 正正常常同源記一定冇得比架喇 燉奶都幾滑既 比起義順/澳牛較水既質地呢個係實淨好多 比較似布甸狀 味道唔錯唔算有驚喜 但有咁多蓮子都係$28算抵食

今日去深水埗買電話殻，熱熱哋想食碗冰凍糖水，記得上次行銅鑼灣，有個亞姐派傳單，話綠林開咗間新店，嗰日已經想試，點知掛住行街最後唔記得咗，難得今日到深水埗，緊係要幫襯啦，入到店，發覺除咗食開嗰啲傳統糖水外，都多咗好多新款式但望來望去，都係揀番舊式糖水，要咗一碗凍木瓜雪耳，同一碗熱紅豆沙溝芝麻糊兩碗糖水都好好味，凍嘅夠凍，熱嘅夠熱，木瓜糖水啲木瓜好甜，好新鮮，糖水唔會太甜，啱啱好，有種清甜嘅感覺，紅豆沙啲紅豆咬落唔硬，加芝麻糊後更加香口，而且價錢更加貼地！

食完晚飯， 便來食甜品， 來到10點幾， 都等左10分鐘， 入面都幾多人食， 入面座位都好多，我叫了熱芝麻湯圓， 有水準概， 很滑， 難怪甘多人食， 離開時又有一堆人等緊了。。。

咁食完飯就梗係去食甜品，咁深水埗都好多選擇，不過都係想揀啲平靚正嘅，所以呢就揀咗一間，佢啲座位都幾多架。紅豆粒椰西雪糕小丸子$38這一個我見佢推介，咁咪試吓囉，而且都幾鍾意食紅豆，咁食落去好似食緊宇治金時咁。Oreo豆腐布甸$28好香好正，親埋Oreo一齊食。蛋花馬蹄露$19一個又平又正。爽滑糖不甩$17好好食，不過都係多啲人一齊分享好食啲。榴槤班cake加雪糕$43個班cake好好食呀，配埋個雪糕係一流。

雖然今晚係有d美中不足，因為頭一餐真係完全唔掂！但經過我哋不停努力去搵食，最終以呢個甜品嚟結尾！哈哈哈！好滿足!西瓜涼粉冰配雪糕貌似芒果雪糕嘅榴槤雪糕，因為朋友中得一個人愛榴槤，雖然佢聲稱個雪糕無乜榴槤味，但我哋都係唔准佢隻匙羮放入我哋嘅甜品度，所以佢無得試我哋果兩款甜品，哈哈！楊枝金露豆腐布甸楊枝金露柚子唔苦好香芒果味，豆腐布甸好滑仲好飽肚！西米芒果汁配朱古力雪糕西米配芒果簡直係絕配！無諗過加埋朱古力雪糕，但因為底下既芒果汁墊唔起球雪糕，所以好快就溶，朋友講笑話好似嘔吐物！哈哈哈！

食完辣野..真係要食返的甜野平衡下...朋友就話不如食綠林喇...我當時仲話..乜唔係松記咩?朋友就話..呢間都好多人食嫁...好...第一次就咁俾左佢!入到去見到店鋪格局同餐牌以至價錢都似松記的!當日揀左食芒果布丁楊枝金露....係好好食...因為楊枝金露係真係有芒果汁底的...唔係就咁用芒果雪糕整的汁底...入面的柚肉都算多!呢個係真係好食的!而芒果布丁入面都有芒果肉...所以以呢個價錢黎講..真係好抵...所以一句..可以再食!

綠林呢間糖水店係深水埗都算係好出名一來佢嘅價錢都好經濟，屬於街坊價水平，二來佢嘅甜品都有不斷咁推出新款，所以我得閑嘅時候都好鍾意嚟呢度食甜品。今日就叫左一個我從來未試過嘅甜品，雪糕小丸子，單球＄22。雪糕我就揀咗芋頭味，食得出呢個係雀巢出品嘅芋頭雪糕，芋頭味香濃；丸子嘅份量係爆多，而且好煮得好QQ；可惜最敗筆嘅係個椰汁底，實在係太甜人造嘅甜味過多唔知道可唔可以轉做忌廉奶呢？如果可以嘅話，咁就會香滑好多，整體分數絕對可以提升

次次黎親深水埗,我總會對呢間糖水店念念不忘,次次叫親每樣甜品,都覺得好好味架~~個menu又design得好靚,圖片又夠晒寫實,次次都有選擇困難症今次試左椰汁渣渣,真係有好多唔同o既豆,仲有好多西米tim,口感滑溜溜,食到唔停口呀~!當日4:30左右去到,都超旺場呀,如果平日非繁忙時間去到呢道食道正呀,有9折優惠tim,當地居民有口福

最近天氣熱的嚇人, 根本不想外出, 就算是外出了, 也必須盡量降溫, 慎防中暑.因事往深水埗, 舊區的溫度更是高得異樣, 人滿臉也是汗, 情緒挺暴躁.想起綠林"本店"就在附近, 一定要過去吃個冰凍甜品才回家吧.點了一個紅豆粒涼粉雪糕小丸子, 可以一次過滿足4個願意, 很化算!店員告之雪糕是榴槤味的, 我對這生果是敬而遠之, 所以還是改回最原始的雲呢拿好了.碗裝的滿滿的, 份量不少, 只是重點是"不夠凍"!!!!!或許是客人太多, 除了雪糕以外, 其餘紅豆粒,涼粉,小丸子都是室溫的, 實在讓我很無言.如果真喜歡"凍食"的, 就要注意你的選擇了.