影片
開飯介紹
第一家綠茶餐廳於2008年開設於杭州西子湖畔一片美麗的龍井茶園中，故而得名。如今，綠茶集團已經在全球擁有約500家直營門店，並於2025年5月在香港交易所成功上市。在香港地區，我們邀請到米芝蓮名廚俞斌先生擔任首席顧問，為食客展現其獨有的「⼀⼿煙⽕，⼀⼿藝術」的浙菜美學。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
來到位於銅鑼灣希慎廣場的綠茶餐廳晚飯，星期六的晚飯時段有不少人候位。如果超過2人walk in，建議還是先預訂座位。2人枱的入座速度很快，而我們一行3人，等位至少30分鐘。餐廳內以竹林設計為主題，燈光柔和，座位寬闊，感覺舒適。餐牌內容選擇豐富，還有香港限定的菜式。餐牌圖文並茂的介紹每一道菜，只是用的紙張是薄薄的宣傳小冊子用紙，不是堅實的一本餐牌。茗茶 ($12/位) 不是一般酒樓的普洱、香片，而是九曲紅梅，味道醇厚，微微甘甜。宋嫂魚羹是浙江杭州的一道傳統名菜，來到浙菜餐廳，少不了一碗宋嫂魚羹。材料包含魚肉、金菇、香菇及木耳，湯羹呈琉璃獎，芡的比例恰好，湯羹不會厚如粉漿，亦不會太過稀薄水漾。魚肉鮮嫩爽滑，配上口感爽脆的木耳及柔軟的菇，口感豐富。粉絲裹蝦，放在Gas爐上即時烹煮，約5分鐘後可享用。蝦仁份量充足，口感彈牙，粉絲吸滿蒜香十足的醬油，整體夠鑊氣又惹味。麵餅醬香五花肉的擺盤賣相不錯，以麵餅捲著炸五花肉、炸腐皮、青瓜絲及蔥絲，香濃的五花肉夾雜青瓜的清爽，麵餅外皮脆身不會稔。但整體口感偏乾身，如能搭配醬汁，更為對味。龍井烤雞選用三黃雞，一送上桌就茶香撲鼻。以浙江龍井茶嫩芽來烤燻，雞隻外皮金黃焦脆，肉質保持嫩滑多汁，又滲出淡淡甘香的龍井茶香。西湖藕韻，甜糯米釀入蓮藕孔之中，炸蓮藕片與釀蓮藕梅花間竹擺放，口感豐富。澆上桂花蜜，這道蓮藕冷盤香甜清爽。蛤蜊絲瓜，白玉絲瓜和蜆肉煮成的一道菜，絲瓜清甜軟嫩，蜆肉飽滿鮮味，加上少量蝦乾略略調味，湯汁鮮甜無味精，清爽解膩。東坡仔排，東坡肉的濃厚醬汁，以排骨代替五花腩，惟排骨稍稍偏肥，吃到中段稍為覺得有點膩。細節位是這道菜以燭火一直溫著，避免菜式冷卻後的油脂凝固。西湖雷峰塔，雷峰塔是浙江杭州的一座塔，以鮮山藥及純牛奶製成雷峰塔造型的奶凍，甜度適中，充滿奶香，口感細滑。醬汁以青豆泥製成，味道微甜又沒豆青味。茶香奶凍，香脆的焦糖面配以香滑奶凍，奶凍入口帶淡淡茶香，好吃的一款甜品。江南綠茶餅以打碎的綠茶葉製成麵餅，包裹芋泥內餡，外層煎至微微金黃並沾上白芝麻。綠茶與芋泥都是我愛吃的口味，惜這道綠茶餅既嚐不出綠茶香，芋泥的香甜軟糯亦不夠突出。綠茶餐廳的幾杯飲品都配上小熊冰，適合打卡用。選了龍井檸檬茶，綠茶底味道不澀，加入青檸片，味道酸爽清新。食物有特色之餘又有質素，難怪有不少人候位，只是要預訂座位會比較好。
繼續閱讀
。O小姐。午後綠茶。日常。成日睇小說，都會講話綠茶👩🏻 點知朋友竟然話放假甘得閒，不如一齊去「綠茶」食飯，我心諗唔係嘛，但係朋友叫到冇理由唔去㗎嘛，點知呢間綠茶又比咗唔少驚喜我。我哋呢啲早食飯嘅人，五點幾就已經到咗，餐廳唔係最繁忙嘅時間，所以可以揀喺窗邊🤭龍井烤雞係必試之選，雞皮香脆，肉質嫩滑，仲有淡淡茶香，好有層次，必食推介！齋菜碎肉千張包就算唔食齋都會鍾意，千張包皮薄，入面嘅素碎肉鹹香有口感，食落清新無負擔。土豆芝士塔外層脆卜卜，內裡軟滑芝士唔會太膩，好啱開胃。鍾意食芝士嘅話，我覺得可以試一試。最意外係蝦湯泡飯，湯底夠濃夠鮮，飯吸晒湯，啖啖都好滿足。仲有面面脆脆，食落好有口感。最後嘅暴打鳳梨茶唔單止個名有趣，飲落仲好清甜，啱晒食完正餐後飲返杯。重點係打卡嗰隻熊仔啊😆整體嚟講，綠茶係一間我覺得幾有江南風嘅餐廳，啲菜式有創意又唔失水準，如果想過一個悠閒嘅食飯時間，我覺得可以過嚟，值得推介。
繼續閱讀
需要改善服務態度，特別係其中一個男經理，我們的用餐時間是6點到7點半，7點15分已經催人埋單，而且未到7點半，已經催了三次，用餐感覺10分之不好。所有服務員的面色都好黑，完全見唔到一絲笑容
繼續閱讀
約咗朋友8:30pm，我們準時入座。叫咗東波肉幾香，肉質鬆軟，未發現原來有白飯墊底，所以唔小心叫多一碗白飯，不過都ok，呢味餸用多啲飯去送係好味啲。還叫咗幾味，朋友都覺得幾好味，可能因為係外國生活多，食返中菜係有一種温暖感，這是我特意訂呢間餐廳原因。不過唔夠一鐘後，大約7:25pm，食物還未食完下，待應主動提議我們叫甜品，大約來回提了我們2,3次，但我們自以為覺得時間尚早，所以諗住慢慢食，加上太耐無見朋友，真係好想傾計聚下。然後突然待應就叫我哋埋單，話用餐時間已過，雖然外面無人等位，唔覺座位好緊張，發覺餐廳好流水式，欠缺靈活性和人情味，如果係茶餐廳，當然個個人一心係以食野醫肚為大前題，但係希慎高層的一間餐廳黎講，我對佢要求點都高過茶餐廳嘅。3個人又90分鐘，10個人又90分鐘？我諗一入座個個就食食食，講多句野都浪費時間呀，咁同飯堂有乜分別？餐廳定位係乜？結果我們走下場，去食雪糕，唔食留係度食甜品啦。唔會再俾呢度影響心情。
繼續閱讀
呢間內地嘅人氣餐廳嚟咗香港 都開咗幾間分店 所以一於去試吓 唔知好唔好食呢😚👅龍井烤雞 $138呢個幾高質😋佢嘅雞肉質真係好嫩滑 皮烤到脆脆地 帶少少龍井茶味😛👅蔥薑蓉砂鍋焗牛肉 $128呢個唔錯 都幾大份 牛肉都幾軟腍😆薑蔥炒得幾香👅南乳醉鮑魚 $98呢個係冷盤 鮑魚片以南乳同埋少少酒作為調味😝👅黑松露牛肉炒飯 $88炒飯幾乾爽 帶少少黑松露味 幾好味😌👅龍井檸檬茶 $28總括嚟講 呢間中菜果然係唔錯嘅 大家不妨喺呢度一試😙😋 好味：8.45/10🤑 價錢：7.85/10🤗 服務：7.76/10😝 環境：7.85/10😚 衞生：7.87/10🤩 整體：8.31/10
繼續閱讀