維記咖啡粉麵

營業中

休息中

以前係街坊，每次經過都會返嚟食今次嗌左潤牛米($39)睇相都知道佢湯底淆左好耐，好有味，但無味精。豬潤唔係淋到爛 好大陣內臟味果種，佢既豬潤薄切得黎好爽最緊要係份量多，肉同米嘅比例係一比一。咖央多士($15) 佢個咖央醬真係唔同出邊食到既。有淡淡既咖央味，仲有濃厚既蛋黃香味。外脆內軟凍檸茶($15)食左咁多年都keep到水準，真係好難得味道：10/10環境：7/10服務：8/10價錢：$69推薦：9/10

📍維記咖啡粉麵, 深水埗🇭🇰#愈經常食愈少影相系列維記係我冇食一排會好掛住嘅茶記🤎因為我唔鍾意薑嘅關係，每次都係order一碗「嘔麵 (牛麵)」，個牛肉湯底真係正都不得了…🐮🐮🐮每次上枱都係熱哄哄咁標晒煙，牛肉亦係俾得超級多，多到我經常性都係食唔晒D牛肉🤭另外咖央西多都係好好食! 蛋香十足呀🍳我的回憶✨入院準備開生第一胎之前我係揀左嚟維記食我嘅「生仔前最後晚餐」🥰飲左我第一胎懷孕期間唯一一杯奶茶😆諗返果時第一胎真係戒口戒得好乖… 奶茶同公仔麵我都當係臨生前”放肆”嘅野食，再加上坐月時都唔可以食呢D，咁就生之前一次過喺維記食晒落肚😌

週末同老公出去深水埗買嘢🙃出親深水埗，我都指定一定要去幫襯維記，食返碗潤牛通/豬潤麵先開始行程😀今次就叫咗碗潤牛通✅湯底好濃✅豬潤入味✅牛肉唔韌✅通粉夠多老公就叫咗碗潤牛麵 - 一流🆒豬潤夠大🆙麵底一般🆗湯底好正🔝食完碗麵/通粉，我哋覺得未夠喉，決定叫埋個咖央西多士邪惡一番🎶賣相好好💓咖央餡好香🉐西多外皮好脆💯大🈵足除咗食物，我亦推介飲返杯凍桔蜜✔️清熱下火又解渴💋最後兩個人食咗$129，性價比一流🤞🏻

深水埗非常出名的豬潤麵 招牌豬膶公仔麵$35👍👍👍👍👍豬潤夠爽身，剛剛熟，火候掌握得好好，最精彩是湯底，湯底經過很多年烹煮, 超級香豬潤味 , 豬潤份量頗多, 質素高 ,豬潤夾著薑絲的香味. 很軟稔，吃落也沒有腥味。 湯的濃度也剛剛好。豬潤麵好味, 味道調校得剛剛好 .如果去深水埗的話,值得去試!!價錢相宜 , 性價比高 是很傳統的茶餐廳 , 來香港旅遊的遊客非常值得去感受一下香港地道風味的美食 !!咖咉多都很多人推薦,今次沒有試,因為不是太肚餓,下次都會試,看起上來非常不錯,很多人都有叫 . 環境 7/10味道 8.5/10服務 7/10衛生 7/10性價比 9/10人均消費$35-50店名維記咖啡粉麵地址深水埗福榮街62及66號

有少少失望好日唔去深水埗好耐無去食過維記難得食下比之前薄了少少不過個味道都叫keep到比之前貴了我去個日唔算多人喎如果啲豬潤厚返啲就好啦不過湯底都算係唔錯❤️❤️

有次經過見到好多人食，另一半問：呢間好似好出名，點解你冇帶過我去食？我話：因為呢度出名食豬膶。。。佢話：咁都可以試其他丫今日諗唔到食咩，而佢起身只想飲有凍奶茶飲嘅茶記…於是我揀左去深水埗食維記😂不過我哋兩個都唔食豬膶😂😂😂我食蛋牛通$39，佢食餐蛋麵$39+咖央西多士$21+凍奶茶$15牛肉係真材實料，你睇個湯同上水廣城一樣就知！牛肉份量都多，有啲比較韌，但整體上都係ok嘅鮮牛，仲要好大碗！個湯好濃，可惜通粉唔係我喜歡嘅坑通。而另一碗叫餐蛋麵個湯係清好多，所以佢果碗係少左牛肉味？明顯佢係冇果啲牛肉泡泡係面，其他人叫豬膶/牛肉都一定好多泡沫係湯面嘅，所以唔食豬膶嘅朋友都唔洗驚有豬膶味，因為佢似係分開放湯咖央西多似係煎嘅？塊包好濕，你問我就鍾意西多士係炸嘅，不係就法式多士果種焗過嘅，呢種真係古法煎西多😂另外杯奶茶夠滑，還好。不過全場除左我2個都基乎係食豬膶😂😂😂

深水埗區特別多平民美食，友人話維記出名豬潤、牛肉麵等，所以一於黎試下😎我地今次叫左1️⃣豬🐷潤麵💰35上檯賣相唔係幾好，上面係一層浮沫，但係食落口有驚喜，豬🐷潤份量好多，湯底有濃濃薑味，豬🐷潤食落一啲都唔腥，好爽口，食得出豬🐷潤新鮮👍👍2️⃣牛肉米💰33牛🐮肉份量好多，質感偏軟，有牛🐮肉味，米粉煮得好，唔會過淋，食落依然爽口，而且掛湯，食落都係唔腥👍👍3️⃣咖央西多士💰20第一次食咖央西多士，西多士外層用蛋液煎香左，顏色好金黃，食落好香蛋味，多士裡面搽左咖央醬，有淡淡椰香甜味，我覺得蛋香味濃過咖央醬味😋消費價錢：2人💰88，人均💰44結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️⭐️回頭指數：⭐️⭐️⭐️⭐️餐廳名稱：維記咖啡粉麵餐廳地址：深水埗福榮街62號及66號地下/ 北河街165-167號地下D號

有邊個唔識維記豬膶麵？🤷‍♂️ 每一日嘅午市及晚市，一定排晒長隊！星期六日及公眾假期，更加唔使講 😅 開咗咁多年都可以保持到最佳的味道 👍🏼 特別係湯底，真係好香好濃味。每一次去深水埗，有時間都一定要去幫襯 今次都唔例外。其實除咗食物味道之外，我好鍾意傳統落單方式🤣 啲姐姐會大嗌 🗯️ 潤麵 潤通加底 凍啡 … 沒有feel！因為而家餐廳大部份都係手機落單同員工冇乜接觸 冇晒人情味 👫👩🏼‍🤝‍👩🏻👨🏻‍🤝‍👨🏼

今日就去咗深水埗區行街，順便去試吓呢一區嘅懷舊餐廳，維記絕對係我嘅童年回憶，細個屋企人成日都會帶我去食，咁耐冇食決定去試吓！一如以往，大家都知道呢度最出名係豬潤，所以決定叫豬潤公仔麵加餐肉試一試！睇吓同以前嘅味道有冇唔同！由於係假日嘅關係，餐廳嘅人數都比較多，有少少迫嘅感覺，不過都唔緊要姐姐好快就拎咗我碗麵俾我，大概只係等咗3分鐘！好期待究竟係咩味？！豬潤嘅味道同以前差唔多，都係比較爽口，由於佢嘅貨源係比較新鮮，豬潤唔會有好苦嘅味道，份量亦都好多，唔會只係得一兩件 公仔麵嘅硬度就適中，配埋佢嘅凍奶茶，實在非常滿足

深水埗最有名氣既一間茶餐廳，維記咖啡粉麵一定佔一席位！1. 牛蛋米 $36 深水埗平民既食堂，每次經過依間都係其中一個選擇之選，太耐冇食就決定回味一下😉，香港既味道！ 兩個人食識食一定每人叫雙併啦，大家可以交換黎食😬😬😬2. 豬潤餐米 $ 36 食物質素依舊，保持到水準，份量都非常足夠生滾牛肉，牛肉嫰口，靚牛肉！湯底依然鋪滿好多泡，正😋😋😋豬潤份量超多，豬肉爽口，唔腥，質素高，抵食，餐肉超厚仲要有2塊，真係世一既馳名豬潤米👍🏻👍🏻👍🏻👍🏻

有三年冇黎維記，以前每個月都食一兩次，今日同老婆兩個人點午餐肉豬膶面和米，味道完全另一回事！完全係清湯豬膶薄切餐肉米！湯水清澈干淨冇晒豬膶既濃香！餐肉真係好薄切！！！冰奶茶勁淡但老婆杯熱既就冇問題...真心唔會再去，間野完全冇心機去做豬膶面！非常失望！兩個人埋單107 ，過百蚊食到咁樣真係個心唔舒服，唔明點解仲有人話好食！而且有唔少遊客會去，如果只想食遊客既水搞都咁樣，覺得好可惜！但係已經冇晒人龍冇針插台既場面，希望維記好好改善一下！

📍深水埗地道馳名豬膶麵!全港最好味維記維記已經進駐係深水埗好多年，唔單止街坊熟悉，好多其他地方的朋友都會專登黎食🍜必試豬膶麵豬膶又爽口湯底好深厚豬潤香味，再多兩片薑好暖胃🍜餐膶麵通常兩個人食，有一個會叫下餐膶麵or膶牛麵，可以有多一個餸食下😋🥪香濃西多士西多士整得好香已經底加多一個層蛋醬汁令到西多士更加滑☕️齋啡飲落好似Cold brew👅味道:❤️❤️❤️❤️❤️🍔賣相:❤️❤️❤️🏝環境:❤️❤️❤️🤵🏻服務:❤️❤️❤️❤️📸打卡:❤️💵價比:❤️❤️❤️❤️💌舊式茶記，地方就唔會好乾淨但食物就一流，高質茶記🏠維記咖啡粉麵深水埗福榮街62號及66號地下/ 北河街165-167號地下D號🕰營業時間：星期一至五 06:30 - 20:30 & 星期六至日 06:30 - 19:15🔖地道 | 深水埗 | 🚇交通:港鐵深水埗站 B2 出口, 步行約2分鐘☎️電話: 23876515

 深水埗好多平民食堂，呢間維記咖啡粉麵絕對係其中一間好多人都聽過既鋪頭。鋪頭最出名既就係豬潤麵同埋咖央多士/西多士，黎到主要係食一種舊式情懷，見到啲姐姐落單係就咁對住個廚房嗌：「潤牛麵！」「咖央多！」好有翻翻細個去屋企樓下茶餐廳食野既感覺☺  1⃣️豬潤米（$35）豬潤份量好多，食落唔腥，湯底帶豬潤鮮味同埋啲豬潤碎碎，仲加入左啲薑粒辟腥👍另外米粉食落爽口。  2⃣️咖央西多士（$20） 西多用蛋漿煎香，食落帶蛋香而且唔會感覺好油膩。中間夾住搽滿既咖央醬，甜甜地好食😋 

維記的豬膶麵相當特別，無論是有大集團，或者是小餐廳都做不到那種豬膶麵的味道。可能這就是一個屬於深水埗的味道吧。有一段時間很多時候下來香港時，他的主人是與之前有點分別，近兩年的味道也變回了從前的好味道了。今次點了豬潤蛋麵，對於我自己來說有煎蛋的麵是特別好吃的，假如想吃他們新鮮煎的蛋，你一定要說要太陽蛋，否則他們只會給你一些已經煎好的煎蛋，而且有機會是全熟的。凍奶茶他們也是特別好喝，我也特別推薦。無論熱的還是凍的。另外咖央西多士也是十分好吃的，假如你吃完面都感覺未飽的話，也建議你點來吃一吃

一個月內食左兩次。上一次食，好多薑，豬潤都仲有DD腥味。第二次就無甘多薑，湯比較淡，豬潤無乜腥味。牛肉依然有牛味。米粉吸曬湯既味。食左幾次都係甘吸引。女士補血一流。