維記咖啡粉麵

營業中

休息中

好少寫食評，我第一次去，大鄉里， 人地話好食，所以試吓。 先吾講企堂大哥大姐既態度，深水埗都冇咩期望，叫左碗牛腿通，我本身都食豬潤，但成碗湯都係豬潤既「滑潺潺」感覺好似食緊哨水，陣味係臭。。。真係唔識欣賞

呢排我仔好鐘意去深水埗玩具街買玩具行開呢邊所以就周圍搵下野食下比我見到平時勁多人排隊的維記少左人排隊因為之前來深水埗幾次都想試一下但呢間店長期都勁多人排長龍食 所以我哋二話不說就去咗排隊等食 哈哈維記原來有幾間店 不過位置就好近係隔離鋪我哋叫左一碗牛潤米 一碗牛肉麵 一份咖央多牛潤米：都ok好味 我哋平時食豬潤多好少會食到牛潤 湯底就不過不失食物評分：牛肉麵： 就是普通的牛肉麵食物評分：咖央多：一般 咖央多唔夠脆口食物評分：

性價比：⭐️⭐️回頭率：⭐️滿分為5⭐️數一數手指已經幾年冇食過，心血來潮突然之間想食，就過咗去食晏晝，叫咗一個潤牛麵同埋一個潤牛通。牛肉同埋豬膶都係薄切湯底完全冇薑嘅味道通粉亦都過淋，麵質亦都比較奇怪咖央西多就冇乜點退步到有三間舖位依然係人山人海，門口都有小小嘅人龍，地方都仲算企理。兩個人都係食咗$100左右，價錢唔貴，但係質素就未必令人有回頭嘅意欲，同區有另一間差唔多種類嘅舖頭，唔知而家有冇退步到。

難得有一日可以去深水埗，路過順便食早餐。一籌莫展，又唔知可以去邊度食嘅時候;就會抽起條根諗起呢間。你問我佢係咪特別好食？非也，只係熟悉嘅味道。一餐雙併$40連凍飲，到家陣$50仲要補$1。。。。。。麵，都係平時食開嘅餐廳用大光麵; 牛，都係平時嘅口感味道;唯獨是湯頭今日無平時咁重口味; 我唔係咁Like重口味，所以今日嘅味道感覺更順滑。或者係時代嘅推進，令佢地有所調整？希望佢地接受到時代嘅轉變得黎，都仲可以保留老香港嘅味道。

Wai Kee is one of the most renowned eateries in the Sham Shui Po area. I always opt for the pork liver vermicelli noodles. The ginger and rice wine based soup with loads of "blood water" is my favorite.I don't get it why they seem to have different standards and recipes in different shops, even they're just next door. The smallest shop serves the best quality. This time the smallest shop was not open so I went to the shop next by. The noodle bowl has gotten huge like a mixian bowl😳that means the

老字號維記豬潤麵應該大家都唔會陌生，最正嘅係佢啖湯，香濃豬潤味，再配陣陣薑香，真係越飲越好味，配上大光麵，彈牙又唔會煮得太淋，真係好正！唯一投訴係豬潤唔係厚切，有D碎濕濕⋯另外一個鮮牛米就真係太失色，冇乜牛味，米粉煮得過淋，失望中嘅失望⋯

今日落雨天去深水埗，見維記豬潤麵無咩人排隊就選擇去回味一下。我選擇去左中間果間維記食。今日叫左碗豬潤牛麵同凍檸檬茶，但真係好失望，牛肉唔太新鮮同豬潤無咩味，湯又淡味。唔係當年既味道，真係好失望！記得以前好好食的。而且見到有個姐姐服務態度超差，尤其有個高大肥長髮的女人，唔知佢落錯單定廚房錯。有枱食客話要咖央西多，佢比左多士人，人地話佢拎錯，佢硬屈人地要左碟多士！！🤦🏻‍♀️ 見到個食客無奈接受（可能見到呢啲劣質姐姐，十幾蚊費事同佢嘈）呢個女人倒緊舖頭米維記變了，短期內唔會再幫襯

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻   📸打卡指數： 👍🏻👍🏻     🪑環境衛生：   👍🏻👍🏻👍🏻   🤵🏻店員服務：  👍🏻👍🏻👍🏻👍🏻相信維記豬潤麵都係遠近馳名，黎到深水埗當然要食啲童年回憶野食。想知道又靚又好玩地方，fai.lok.mode仲會係社交平台分享相片同攝影心得。    ______________________________潤牛麵  ( $36 )維記最出名就係豬潤麵，不過fai.lok一向好貪心，都會食雙餸，因為牛肉都係非常出色，豬潤同牛肉都好多，麵同餸個份量都好多，fai完全係食得飽，個湯清清，但好有豬潤味同落左幾片薑。潤牛通  ( $36 )通粉係lok至愛之一，食潤牛都唔會放過。

終於試到深水埗名物👽去到排咗10分鐘隊左右叫咗一個豬膶麵同豬膶米🍜加多杯凍奶茶🥤姐姐效率好快，一落單傾一陣計就有得食🥸豬潤好滑幾好食，湯底就一般🤫如果可以有薑味湯底咁就正啦😍總括而言，可以一試，但期望不要太高🤪

位於深水埗的人氣茶記 因豬潤麵出名 假日人龍不絕😆😆排左大約10分鐘食得 叫左餐肉豬潤米 雖然賣相不太吸引 但食落很不錯 豬潤好新鮮 咬落好軟身 另外湯好清 有淡淡豬潤香 忍吾住飲左半碗😍😍😍

今日入開深水埗買嘢，晏晝諗住食返以前細個嘅豬膶牛肉米粉，決定去咗維記食，裝修依然都係以前咁，我叫咗豬膶牛肉米粉，另外叫咗牛肉蛋麵，味道當然冇以前細個食嘅味道，但係間唔中過嚟都可以懷緬一番☺️☺️☺️

記得細個屋企人帶我去食宜家大個咗我想試吓一睇就係好 殘舊嘅裝修但係我都冇嫌棄我叫咗午餐肉加雞蛋嘅通心粉$36男朋友叫咗午餐肉牛肉公仔麵🍜 $36男朋友嗰碗嗰個湯底都算還好有啲味我嗰碗個湯底係清水嚟㗎冇味道㗎！佢話加咗少少牛肉汁俾我但係我完全唔覺。。我反映個湯底冇味道之後，有冇啲乜嘢可以加落去，三個職員都係異口同聲話冇辦法㗎係咁㗎冇嘢可以加比我 勁hea仲叫我試吓用枱面啲鹽或者豉油 我加咗豉油之後 我嗰碗嘢難食到死仲有佢呢度叫凍檸茶或者凍奶茶居然要$17就算可樂都要$15同搶錢冇乜分別而且佢裝修又唔係靚.位置亦都唔係坐得舒服，絕對唔值呢個價 我食咗兩啖已經唔想再食，呢碗通心粉真係好差 食完之後我嬲咗半日嬲到我依家忍唔住要打食評絕對唔會有下一次 亦都唔明白咁難食點解仲有人 幫襯煮湯麵 湯底真係好重要一間歷史悠久嘅餐廳 個湯底居然做得如此惡劣 我煮個即食麵個湯底都好食過佢 真心好失望呀！

真係一次差過一次，曾經係人人都覺得好好味嘅豬潤麵，點解會變成咁樣⋯D豬潤煮到又老又硬，同借日嘅嫩口，又有口感已經係兩件事⋯啖湯更加係死喊，而且冇乜豬潤味，食完仲好鬼口渴，真係今非借比⋯大光麵底竟然可以煮到咁淋，更加係失敗中嘅失敗，一定無可能會再返嚟食⋯

深水埗豬潤麵😍😍😍😍雖然唔係大眾中意嘅食物 但點都要介紹，未食過嘅就一定要去試下啦！果然係名不虛傳😋1️⃣豬潤麵好多舊豬潤，個湯好入味又唔會太鹹，但係個麵就麻麻地。大致上都係好食嘅😋😋份量都正常。💰HKD$322️⃣西多士依個就失色啦，唔夠牛油，炸得唔夠耐，大快活一定好食過佢😩💰HKD$193️⃣凍奶茶叫左多奶，茶味同奶比例好夾，合格奶茶👍🏻茶味唔會太濃，唔苦💰HKD$15

🍜維記咖啡粉麵一去深水埗，維記豬膶通一定係頭3樣必食嘅嘢！就算佢有3間分店係曬同一條街，但隊仍然仲係要排嘅🤭🍜豬膶餐肉通粉湯底濃濃嘅薑味、豬膶啱啱好熟，唔洗多講啦。一個字正！💯📝今餐總結我其實都唔算係一個豬膶嘅愛好者，但維記嘅豬膶通真係好味！如果未試過嘅你，值得一試🍽#維記咖啡粉麵 維記咖啡粉麵 (深水埗)深水埗福榮街62號及66號地下/ 北河街165-167號地下D號環境：💛💛💛味道：💛💛💛💛💛價錢：💛💛💛💛 💛(五個心為滿分)