維記咖啡粉麵

營業中

休息中

維記咖啡粉麵豬潤蛋麵$39星期六3點幾去深水埗走左去食維記！佢一條街已經有3個鋪位😱我入左間最大個間鋪坐! 里面環境雖然摺枱摺凳及同人搭枱! 環境都OK! 整潔，冷氣夠!👍我叫左個豬潤麵加左隻蛋! 叫左一陣,好快就有得食!上餐熱辣辣 出曬煙!! 一睇就知 剛剛煮好拎出來! 正! 麵淋左dd 可能因為太熱，下次叫米粉應該好d👍 內有很多片豬潤, 好大碗抵食👍湯用薑同豬潤滾出來! 入面仲有薑粒架! 邊食邊飲好味! 中意食豬潤要來試下！😊叫左個凍檸茶🍋$15都吾錯, 夠荼味, 檸檬吾苦澀, 個杯個SIZE已經夠曬我飲! 岩岩好! 本身想食完叫多個咖央西多, 但已經太飽! 😊得閒會再番來食下! 要定期來補補血❣️🤭😋美味指數:8/10💲性價比:8/10🏡環境:6.5/10🚶‍♀️服務：7/10📍深水埗福榮街62號及66號地下/ 北河街165-167號地下D號#維記咖啡粉麵 #維記 #深水埗 #豬潤麵 #food #美食 #香港 #HKFOOD #掃街 #為食貓奴 #catslavefood #香港美食#飲食

因為咁岩係深水埗附近覆診，終於可以試到一直想食既豬潤米粉🤩🤩，湯底好味，食到豬膶同薑味，同埋超抵食$36，凍檸茶都好好飲。而家要食到30幾蚊嘅嘢食都有啲難度 ，真係窮人恩物👍🏻👍🏻😁🙌

太喜歡🐷膶水的味道！因兒時母親定期煮給我們小朋友渴補身❤️。大個到處去找這樣味道的食肆，始終還是最留戀這間。豬膶多，不過火，厚薄剛好，薑味夠重😋,每次必飲埋它的湯！多客人迫！繁忙時間去要等位。

「好味，就係維記」小妹最近因為血紅素過低入左醫院幾日一出院就比男朋的左去食維記話幫我補血其實我就唔太喜歡食內臟不過為咗身體着想 都叫咗碗豬膶牛肉公仔麵豬膶同埋牛肉，兩者都係補鐵嘅最佳食品牛肉幾滑 豬膶質地同個湯味道都好香而且唔腥Hahah 好surprise 我諗佢落咗好多薑辟味整體而言感覺都係幾好的🤭不過當然，我係食唔晒成碗豬膶嘅，因為真係唔係好接受到內臟嗰質地hahaha另外我叫咗杯凍奶茶少甜值得一讚係佢嘅茶底好香，奶都好滑最重要係佢嘅少甜真係唔太甜，啱啱好！

應該好多人都聽過呢間麵店，我自己最鐘意食豬潤麵。💡豬潤麵啲麵質上到枱都唔會淋晒，軟硬適中。豬潤岩岩好熟，所以好易咬。個湯底一流👍🏻💡咖央多士基本上係必食😋😋即叫即整，醬既份量好足夠👍🏻👍🏻👍🏻➡️基本上次次黎呢間食都必叫呢兩款食物，叫完5mins 唔洗已經拎到出黎，仲要係出煙👍🏻👍🏻(5🌟為滿分）環境：🌟🌟🌟打卡：🌟🌟🌟🌟味道：🌟🌟🌟🌟🌟價錢：🌟🌟🌟🌟🌟再訪：🌟🌟🌟🌟🌟

以前係街坊，每次經過都會返嚟食今次嗌左潤牛米($39)睇相都知道佢湯底淆左好耐，好有味，但無味精。豬潤唔係淋到爛 好大陣內臟味果種，佢既豬潤薄切得黎好爽最緊要係份量多，肉同米嘅比例係一比一。咖央多士($15) 佢個咖央醬真係唔同出邊食到既。有淡淡既咖央味，仲有濃厚既蛋黃香味。外脆內軟凍檸茶($15)食左咁多年都keep到水準，真係好難得味道：10/10環境：7/10服務：8/10價錢：$69推薦：9/10

📍維記咖啡粉麵, 深水埗🇭🇰#愈經常食愈少影相系列維記係我冇食一排會好掛住嘅茶記🤎因為我唔鍾意薑嘅關係，每次都係order一碗「嘔麵 (牛麵)」，個牛肉湯底真係正都不得了…🐮🐮🐮每次上枱都係熱哄哄咁標晒煙，牛肉亦係俾得超級多，多到我經常性都係食唔晒D牛肉🤭另外咖央西多都係好好食! 蛋香十足呀🍳我的回憶✨入院準備開生第一胎之前我係揀左嚟維記食我嘅「生仔前最後晚餐」🥰飲左我第一胎懷孕期間唯一一杯奶茶😆諗返果時第一胎真係戒口戒得好乖… 奶茶同公仔麵我都當係臨生前”放肆”嘅野食，再加上坐月時都唔可以食呢D，咁就生之前一次過喺維記食晒落肚😌

週末同老公出去深水埗買嘢🙃出親深水埗，我都指定一定要去幫襯維記，食返碗潤牛通/豬潤麵先開始行程😀今次就叫咗碗潤牛通✅湯底好濃✅豬潤入味✅牛肉唔韌✅通粉夠多老公就叫咗碗潤牛麵 - 一流🆒豬潤夠大🆙麵底一般🆗湯底好正🔝食完碗麵/通粉，我哋覺得未夠喉，決定叫埋個咖央西多士邪惡一番🎶賣相好好💓咖央餡好香🉐西多外皮好脆💯大🈵足除咗食物，我亦推介飲返杯凍桔蜜✔️清熱下火又解渴💋最後兩個人食咗$129，性價比一流🤞🏻

深水埗非常出名的豬潤麵 招牌豬膶公仔麵$35👍👍👍👍👍豬潤夠爽身，剛剛熟，火候掌握得好好，最精彩是湯底，湯底經過很多年烹煮, 超級香豬潤味 , 豬潤份量頗多, 質素高 ,豬潤夾著薑絲的香味. 很軟稔，吃落也沒有腥味。 湯的濃度也剛剛好。豬潤麵好味, 味道調校得剛剛好 .如果去深水埗的話,值得去試!!價錢相宜 , 性價比高 是很傳統的茶餐廳 , 來香港旅遊的遊客非常值得去感受一下香港地道風味的美食 !!咖咉多都很多人推薦,今次沒有試,因為不是太肚餓,下次都會試,看起上來非常不錯,很多人都有叫 . 環境 7/10味道 8.5/10服務 7/10衛生 7/10性價比 9/10人均消費$35-50店名維記咖啡粉麵地址深水埗福榮街62及66號

有少少失望好日唔去深水埗好耐無去食過維記難得食下比之前薄了少少不過個味道都叫keep到比之前貴了我去個日唔算多人喎如果啲豬潤厚返啲就好啦不過湯底都算係唔錯❤️❤️

有次經過見到好多人食，另一半問：呢間好似好出名，點解你冇帶過我去食？我話：因為呢度出名食豬膶。。。佢話：咁都可以試其他丫今日諗唔到食咩，而佢起身只想飲有凍奶茶飲嘅茶記…於是我揀左去深水埗食維記😂不過我哋兩個都唔食豬膶😂😂😂我食蛋牛通$39，佢食餐蛋麵$39+咖央西多士$21+凍奶茶$15牛肉係真材實料，你睇個湯同上水廣城一樣就知！牛肉份量都多，有啲比較韌，但整體上都係ok嘅鮮牛，仲要好大碗！個湯好濃，可惜通粉唔係我喜歡嘅坑通。而另一碗叫餐蛋麵個湯係清好多，所以佢果碗係少左牛肉味？明顯佢係冇果啲牛肉泡泡係面，其他人叫豬膶/牛肉都一定好多泡沫係湯面嘅，所以唔食豬膶嘅朋友都唔洗驚有豬膶味，因為佢似係分開放湯咖央西多似係煎嘅？塊包好濕，你問我就鍾意西多士係炸嘅，不係就法式多士果種焗過嘅，呢種真係古法煎西多😂另外杯奶茶夠滑，還好。不過全場除左我2個都基乎係食豬膶😂😂😂

深水埗區特別多平民美食，友人話維記出名豬潤、牛肉麵等，所以一於黎試下😎我地今次叫左1️⃣豬🐷潤麵💰35上檯賣相唔係幾好，上面係一層浮沫，但係食落口有驚喜，豬🐷潤份量好多，湯底有濃濃薑味，豬🐷潤食落一啲都唔腥，好爽口，食得出豬🐷潤新鮮👍👍2️⃣牛肉米💰33牛🐮肉份量好多，質感偏軟，有牛🐮肉味，米粉煮得好，唔會過淋，食落依然爽口，而且掛湯，食落都係唔腥👍👍3️⃣咖央西多士💰20第一次食咖央西多士，西多士外層用蛋液煎香左，顏色好金黃，食落好香蛋味，多士裡面搽左咖央醬，有淡淡椰香甜味，我覺得蛋香味濃過咖央醬味😋消費價錢：2人💰88，人均💰44結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️⭐️回頭指數：⭐️⭐️⭐️⭐️餐廳名稱：維記咖啡粉麵餐廳地址：深水埗福榮街62號及66號地下/ 北河街165-167號地下D號

有邊個唔識維記豬膶麵？🤷‍♂️ 每一日嘅午市及晚市，一定排晒長隊！星期六日及公眾假期，更加唔使講 😅 開咗咁多年都可以保持到最佳的味道 👍🏼 特別係湯底，真係好香好濃味。每一次去深水埗，有時間都一定要去幫襯 今次都唔例外。其實除咗食物味道之外，我好鍾意傳統落單方式🤣 啲姐姐會大嗌 🗯️ 潤麵 潤通加底 凍啡 … 沒有feel！因為而家餐廳大部份都係手機落單同員工冇乜接觸 冇晒人情味 👫👩🏼‍🤝‍👩🏻👨🏻‍🤝‍👨🏼

今日就去咗深水埗區行街，順便去試吓呢一區嘅懷舊餐廳，維記絕對係我嘅童年回憶，細個屋企人成日都會帶我去食，咁耐冇食決定去試吓！一如以往，大家都知道呢度最出名係豬潤，所以決定叫豬潤公仔麵加餐肉試一試！睇吓同以前嘅味道有冇唔同！由於係假日嘅關係，餐廳嘅人數都比較多，有少少迫嘅感覺，不過都唔緊要姐姐好快就拎咗我碗麵俾我，大概只係等咗3分鐘！好期待究竟係咩味？！豬潤嘅味道同以前差唔多，都係比較爽口，由於佢嘅貨源係比較新鮮，豬潤唔會有好苦嘅味道，份量亦都好多，唔會只係得一兩件 公仔麵嘅硬度就適中，配埋佢嘅凍奶茶，實在非常滿足

深水埗最有名氣既一間茶餐廳，維記咖啡粉麵一定佔一席位！1. 牛蛋米 $36 深水埗平民既食堂，每次經過依間都係其中一個選擇之選，太耐冇食就決定回味一下😉，香港既味道！ 兩個人食識食一定每人叫雙併啦，大家可以交換黎食😬😬😬2. 豬潤餐米 $ 36 食物質素依舊，保持到水準，份量都非常足夠生滾牛肉，牛肉嫰口，靚牛肉！湯底依然鋪滿好多泡，正😋😋😋豬潤份量超多，豬肉爽口，唔腥，質素高，抵食，餐肉超厚仲要有2塊，真係世一既馳名豬潤米👍🏻👍🏻👍🏻👍🏻