緣屋 札幌元祖蝦湯拉麵 (K Plus)

營業中

休息中

收工同表妹近近地係佢屋企附近覓食!佢介紹我來呢間北海道人氣得獎拉麵@緣屋札幌元祖蝦湯拉麵 , 佢話食過番尋味喎！ 我地差唔多8點幾來到,餐廳依然滿座,在區內真的頗受歡迎! 餐廳有bar枱位又有卡位,都闊落舒適！客人要自己用拉麵紙來落單,除咗可以選擇拉麵的硬度外,也可以追加配料的！而我就喜歡偏軟一點喇！ 🔮元祖味增  餐廳得招牌主打! 濃厚的甜蝦湯底, 熬成深橙色,未食麵先飲湯!一試便有驚喜, 蝦味濃郁,鮮咸味十分掛湯, 拉麵質地煙韌彈牙!一啖麵一啖湯,好味到食到shu shu聲呀！配料有大量櫻花麵份外提鮮,叉燒軟腍有人口即溶之感!天氣涼涼地來食,感覺暖身又幸福呢🤭 🔮原味味增  味增湯底原自札幌自家秘方,香濃而帶咸香,麵底份量也很多,絕對足夠一個人食飽！入口日本溫泉蛋,蛋黃帶甜,配料還跟上粟米大蔥絲等,既咸又甜亦帶香,增加味道的層次! 🔮乳酪蝦多士  麵包炸得甘香鬆脆,手打蝦滑既鮮又彈牙！略加乳酪更減膩！ 

今日唔想煮飯，天氣凍凍地，所以又出街搵野食☺️西菁街真係美食雲集地帶👍🏻行過見到拉麵就好想整番碗暖身😆坐位闊落，但得舒適👍🏻如果有埋我最喜愛的生蒜泥會更佳🫶🏻👉🏻$78味噌蝦濃湯拉麵🤤一上枱已經聞到蝦濃湯嘅味☺️味噌比例控制得好好，唔會太咸或太淡👍🏻碗內仲加入咗大量櫻花蝦，仲有粟米仔，添味得黎又令口感層次豐富👍🏻流心蛋外層包裹住日式醬油香😚👉🏻$85焦香醬油蝦濃湯拉麵🤤焦香醬油比想像中更多幾分焦香，木耳絲同芽菜令口感升華🫶🏻碗內嘅薑蓉更能帶出蝦湯嘅鮮味👍🏻拉麵嘅叉燒肥瘦均勻，厚度有咬口，微微燒焦又帶出豚肉香👍🏻呢度嘅麵冇得揀軟硬度，但煮出黎麵質又啱啱好☺️

| 超惹味濃蝦湯拉麵推薦 @ 緣屋 札幌元祖蝦湯拉麵 | 講女美食團= = = = = = = = = = = = = = 💬 總括： 拉麵蝦湯底濃郁有驚喜，值得一試 環境：★★★★★ | 味道：★★★★★ 服務：★★★★★ | 抵食：★★★★★ ————————————————卡咪一向愛拉麵 平時多數是豚骨湯或雞湯 今次同親愛係元朗一試北海道人氣得獎蝦濃湯 - 餐廳位置有吧枱位、有卡位 坐底後望望餐牌有好幾款拉麵 同親愛的點咗2款唔同湯底 自己用紙剔落單 仲可自選拉麵 硬度- 2碗拉麵好快上枱 湯頭同樣用上甜蝦頭熬製，呈橙紅色 上枱後蝦味好香 2款拉麵上枱都有大量櫻花蝦，鮮味十足 加一片經過炙燒叉燒 - ▼ 味噌蝦湯拉麵 呢個是招牌拉麵 上枱後先飲一啖湯 蝦湯 + 味噌湯底，飲落蝦湯濃厚 濃郁蝦鮮味，鮮味得黎唔帶腥 好惹味 - ▼ 鹽味蝦濃湯拉麵 鹽味較淡品 入口蝦湯味更加突出 - 拉麵偏向粗身 掛湯能力不錯 - ▼ 唐揚炸雞 另外加點炸雞 炸雞唔會太乾 雞肉Juicy———————————————— ─ 🔎 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─餐廳：緣屋

終於試到著名過江龍的蝦湯拉麵起上環同元朗都有分店 試過呢次已經深深愛上了此店麵量十足 夠誠意😉 唔係幾啖就完叉燒味噌蝦濃湯拉麵 $98湯底不得了😎真係好濃蝦湯 但又唔會好咸見到日本小蝦🦐喜歡喜歡呢個仲要係增量版💪🏻 有4,5塊厚叉燒🤤 肉就一般水準都係湯底較為出色🤩 加點拉麵胡椒更有驚喜♥️焦香醬油蝦濃湯拉麵 $85特別淋上炒過蒜香醬汁 非常惹味😆超邪惡連大帝都連連點頭🤩 雙眼叮一聲 味道好特別蝦湯味相對淡啲 但仲可以嚐到出黎👍🏻匙羹上的一丁丁的薑蓉 好似有神奇魔法咁😳瞬間改變左湯底味道 變左另一風味🙃好正芝麻醬椰菜沙律 $28志在多碟菜食 份量ok 適時過過味蕾也不錯店内個人空間都闊落👍🏻 6點左右到都已經8成入座率 而且真係serve 超冰水😳夏天食都無問題😂必須回頭🙆🏻‍♀️ 私心推薦

提起蝦湯拉麵，可能第一時間會諗起一幻，但原來仲有緣屋呢間北海道過江龍！🏮店內嘅裝潢同日式拉麵鋪差唔多，都係紅色配木系枱凳，🪑坐得舒適唔會趕住走，仲播住有中文字幕嘅日本電視節目，好似去咗日本旅行咁！😜緣屋嘅蝦湯仲有多款唔同口味嘅配搭，想食清定濃味都可以自己揀。🥣因為係札幌風味，當地會為咗保溫，上台前會加一羹油，所以湯底都比較油身香口。🦐鹽味海老拉麵 $75今次揀咗比較清爽嘅鹽味海老湯底，鮮味好突出，仲有大量嘅櫻花蝦喺面，一上枱就傳出陣陣蝦味。配菜方面有一塊帶點焦香嘅叉燒，煮到啱啱好嘅溏心蛋，同埋拉麵比較少見嘅粟米仔，唔算好多，但都好夠飽！🐷原味味噌拉麵 $72原味味噌係豬骨湯嚟，味道濃郁，配粗身嘅拉麵食，有掛湯效果。

元朗區拉麵十隻手指都數得出，最近行經西菁街，發現有間裝修光猛又有卡位，🥰坐得舒服嘅日本拉麵店。每個拉麵$72起跳，緣屋招牌係蝦濃湯，當然要點蝦湯底試一試。🤩🔸鹽味拉麵 $75先試飲湯頭，果然濃厚鮮味，再加上大量櫻花蝦，鮮味十足。每碗拉麵都有一片叉燒，厚度適中，入口即化！麵質為粗麵，非常掛湯。🔸焦香醬油拉麵 $85焦香兩個字好吸引，坊間比較少有。蝦湯底加入大量火炙腩肉碎，肉香味增，提升湯底層次口感。加上奉上一小匙蒜茸，味道更豐富。

豬骨湯或雞湯的拉麵店都食過不少，是日就黎試下緣屋，呢度主打係蝦濃湯底，仲有多款唔同口味嘅配搭添。三點黎到，估唔到咁多人喎，全店滿座～咁受歡迎一定係好食啦，快快寫單等食先😊客人甚多又係即叫即煮，都等左十幾分鐘先有得食㗎，一上枱已經聞到好香嘅蝦味👏🌶️🍜辣味噌朋友點的辣味噌湯底，要了中辣，嘩嘩，個湯真係好得，入口先有極濃嘅蝦味，漸漸就食到味噌味，中辣辣度剛剛好，唔嗆喉又有刺激感，好味好味🤤🧈🍜焦香醬油自己點左醬油口味，除左蝦味仲多左份鹹香，厚厚嘅油脂中帶有焦香味，味道複雜有層次，蝦味無辣味噌咁突出，但焦香醬油都十分吸引，兩款湯底都好正🤤🥟煎餃子除左食拉麵，再加左一份煎餃子，煎得香脆的日式餃子，好食👍湯底咁正梗係飲晒佢啦，呵呵🤭而家下午茶時段做緊第二碗半價優惠，更抵食了👏留意返，加一係計正價收費的😌

呢間主打蝦濃湯的拉麵店 見佢價錢都合理似日本的拉麵店的裝潢 播著日本的電視節目可看到師傅煮麵 都幾日式~有張紙自己揀湯底同埋麵的硬度.🔸辣味噌蝦濃湯拉麵(辛）$88辣的蝦濃湯比較惹味有九菜蔥絲帶出個香味揀了硬麵 都幾掛湯.🔸醬油蝦濃湯拉麵 $75可揀鹽或醬油有大量的櫻花蝦 海苔 配蝦濃湯叉燒夠嫩較肥 溏心蛋好出色仲有粟米仔做配搭麵的口感唔錯 份量都好多.📍緣屋 札幌元祖蝦湯拉麵📌元朗西菁街23號K Plus地下17-18號舖📌上環干諾道中168-200號信德中心2樓228-230號舖

香港主打蝦湯麵的餐廳不多，呢間店聽聞起源於札幌，香港現時有2間分店。作為蝦的愛好者，今日特意前來一試。餐廳的裝修風格與日本的拉麵店無異，也都會為客人奉上冰水。揀左✨️味噌蝦濃湯底拉麵湯頭用蝦頭熬製，呈橙紅色，加上味噌湯底，多了一份層次。飲落有濃郁的蝦鮮味，再加上一大把櫻花蝦，香味加倍提升。加了20元，有額外4塊叉燒。叉燒表面燒過帶點焦香，外肥內瘦，肉質尚算嫩滑。✨️原味味噌拉麵原味味噌湯底也做得不錯，飲落有濃濃的豬骨湯味，而且不會太鹹。拉麵的軟硬度適中，份量正常，又夠掛湯，質素不俗。2碗拉麵的湯底都被我們KO。食完拉麵並沒有口渴的感覺，應該都算真材實料。

晏就食lunch見呢間餐廳門口show左呢個set幾抵食，而且話系日本開過黎香港，搞到我好想試下。味噌蝦濃湯拉麵 套餐 $88睇餐牌就系叫一碗都要$78，多$10可以有炸雞同飲品都算ok。橙黃色既濃蝦湯底幾鮮甜，帶點味噌既咸味，吾錯，拉麵屬正常，幾多麵，反而覺得吾太夠湯，另外有一片叉燒，叉燒幾軟嫩幾好食，溏心蛋同樣好食。跟餐既3件唐揚炸雞大大件，炸得吾錯，雞肉都滑同juicy，飲品揀左熱檸檬柚子蜜。另外朋友叫左碗醬油蝦濃湯拉麵 $75湯既顏色同岩岩個碗好接近，只系呢碗多左醬油同海苔味，中間綠色既海苔味道好濃，個人建議攪拌好再食，湯底會更好味。

喺門口見到最平70幾蚊有一碗拉麵見唔係好貴就入去試吓啦，門面都幾靚本身都冇乜期望嘅，我本身唔算好鍾意食拉麵，不過朋友鍾意食就陪吓佢啦😚😚門口裝修都好有日本風味最平$72一碗拉麵，另收加一。坐得都好舒服，有位放袋放嘢幾好，而且仲會提供冰水添。😚😚😚我同朋友覺得好有去咗日本嘅感覺呀😆😆❤️有紙比我地自己剔✅嚟落單，好方便呀!!!仲有得俾你揀✅麵要硬/正常/軟湯底麵有得✅揀濃/正常/淡，唔同口味嘅人都可以配合到。我全部都揀咗正常。🌸味噌蝦濃湯拉麵$78🌸醬油蝦濃湯拉麵$75叉燒半肥瘦好正😋佢個蝦湯底真係好香好香，而且仲有好多櫻花蝦，又有溫泉蛋。平時我食拉麵好多時都食唔晒，但今次我真係食到一啖都冇淨呀😂拉麵口感勁正，有啲咬口，好啱我口味!!湯底超好味我係食醬油蝦，朋友食味噌都話好正!!!睇返餐牌介紹原來緣屋喺1998年於北海道開業，創辦人以甜蝦頭的湯頭混入秘製湯底，成為日本首創的特色濃蝦湯拉麵，而且更於1999年新横濱拉麵博物館特别企劃比賽中，打敗344名參加者，勇奪第二名，自此聞名全日本🇯🇵👏🏼👏🏼

今晚和舊同學晚飯，2個住大西北的人選擇了到元朗K Plus的「緣屋」食拉麵。味噌蝦濃湯十分濃郁，尤是蝦鮮味頗為突出，據悉店舖會先把蝦頭烤香再熬煮湯頭，難怪蝦香味如此明顯。麵條偏粗帶少許彈牙感，甚為掛汁。碗內配餸有叉燒、半隻溏心蛋、粟米，還有大量櫻花蝦乾。叉燒有被炙燒的痕跡，味道好香。7品分別有黑薯糕、白蘿蔔、牛蒡卷、燒魚餅、福袋年糕，以及芋絲2件。湯頭鹹中帶甜，幾款配餸都煮得好入味。當中白蘿蔔燉至腍身，而黑薯糕爽彈口感也十分特別。雞塊炸至金黃香脆，入口外脆內嫩，肉質十分juicy。個人喜歡擠上檸檬汁同吃，酸酸的，開胃又解膩。

拉麵就食得多，好食少少既都要成舊水一碗，最近發現左元朗有間唔錯既拉麵，以價錢同味道來講，都算抵食唔錯，食完好奇上網睇返先知原來係日本札榥過江龍😳，係當地都幾出名。店舖主打香濃蝦湯係用足料熬製，仲會先將蝦頭烤過，令鮮味充分揮發出來，難怪湯底咁濃郁😋味噌蝦濃湯拉麵$78要食當然食人氣之選😉，有烤粟米仔、溏心蛋、日式叉燒，仲有好多櫻花蝦，都算幾豐富。未食先飲湯係我個人飲食習慣，因為不受其他食物味道影響，咁先試到最真實既湯底味道😌湯底飲落好香濃鮮味😍好重蝦味，食得出幾足料。加埋櫻花蝦咸咸地一齊食更加香🤤，麵身略粗有彈性，而且好掛汁，麵條質地好襯濃蝦湯底👍🏻餸方面不過不失，不過吸收左蝦湯既鮮味，食落都唔錯。鹽味蝦濃湯拉麵$75外觀大同小異，最大分別係湯底，同上以蝦湯為基底，但味道傾向咸味為主，以個人口味來講，我會比較鍾意味噌蝦濃湯拉麵，感覺味道更多層次😌

男朋友拉麵癮又發作😅 今晚就同佢嚟咗呢間蝦湯拉麵專門店試吓～禮拜六夜晚大概等咗10分鐘就有位😁❤️焦香醬油拉麵一嚟到試左個湯底先，果然好濃郁！油脂豐富😍呢個拉麵係配咗我中意既粗麵條，口感彈牙～配料有炒過既雲耳同叉燒粒，好香口👍❤️鹽味拉麵湯底同樣濃郁，鹽味令蝦嘅鮮味更加突出😋溏心蛋蛋味香濃，叉燒有焦香味，油脂豐富～但叉燒份量就好似真係少咗啲😅 如果多返兩塊就好啦😆#元朗拉麵 #元朗美食 #拉麵推介 #蝦湯拉麵 #醬油拉麵 #鹽味拉麵

緣屋 札幌元祖蝦湯拉麵 （K Plus） (元朗)元朗西菁街23號K Plus地下17-18號舖味增叉燒增量拉麵🍜今晚食味增拉麵🍜湯底有超濃唧鮮蝦味，好香濃， 好鮮甜，大大塊叉燒，香，甜，爽滑，半隻溫泉蛋，好有蛋味，鮮甜滑，拉麵煮得軟硬適中，好好食，食到雪雪聲，湯都飲埋，正😄😄😄炸餃子🥟炸餃子，香脆，肉滑，多汁，好食😋雞中翼燒得香脆，肉鮮甜，好好味😋免治雞肉棒就最好食😋貴店唧特製燒烤汁，免字雞肉嫩滑，多汁，燒得焦香，超好食，加單，必食，極力推介🥳🥳🥳