緣聚西日餐廳 (西裕街) (已結業)

今日係我既生日！所以同老公二人世界！上次黎係lunch吾太多人！服務都ok!但今次夜晚黎就真係差拉！野食方面來來去去都係戈d食左一轉就無再叫！不過羊扒就讚拉！好冧好香！服務方面就差拉！已經知道張台細！方便佢地做野汁好個位比佢地！都要放台邊！比人撞一撞咪倒瀉晒！成晚無人汁食過既吉碟！都係老公轉身放上架車度！其實見到d年青人反工！連最基本既野都未做好！經理應該要好好教導下！野食點放！單隻手上菜！另外一隻手無拎野！都要我地自己去拎碟野落台！忙就吾係大晒！客人食得舒服先係首要條件！先會有下次光臨！仲有就係地下好滑！好油！

本月生日 見到openrice訂座生日月85折咪同女朋友試食下啦入到去 叫左刺身食 叫一般啦壽司？比爭鮮好dd 但如果想食壽司 我去元氣食啦再睇睇餐紙 野食款式太少 可以話無野岩食叫左牛扒 點知硬到食唔落最後都係靠打邊爐填飽個肚...如果要靠打邊爐 我去隔離酒樓打都得啦明明放題兩個中 最後15分中果陣就好似趕你走咁我心諗 飲啖野都得掛不過都有野讚下既得d奶茶咖啡好飲唔明白點解會有咁多正評 根本唔值得一去都係果句 唔會再去呢間

一入到門口 已經無人招呼我地 我地就咁嗌唔該唔該 嗌左成分鐘都唔理我 d人就系到行黎行去 坐低 問個待應系咪有ross仼飲？佢話等陣 又無理我 再問 又話等陣 最後話無😒我話加生蠔 佢就將d紙飛落我 真系比佢嚇親😕d人嘅服務質素真系好劣d食物都唔汁輸 d壽司一夾落去就已經散 d刺身腥嘅 d蠔3只系好1只系爛嘅 我嗌左3碟 碟碟都系咁😡其他嘅熟食真系好垃圾！雞軟骨咸到喊出黎😠全部都好難食 除左d雪條 其他全部都系垃圾總之真系好嬲！比錢我都唔翻去食！

總括而言 不值得去試星期五去食晚市 七點前離座$168加一如果食正價 $238加一 另加生蠔同松葉蟹$98若果以$168離講 對得住個價但若果食正價 簡直係吾值得食先談論刺生 選擇大約有數十樣試左三文魚 吞拿魚 馬刀貝 甜蝦 帶子 同虎蝦三文魚點完豉油食吾到魚味吞拿魚 可以幻想下同食爭鮮果隻無分別甜蝦同帶子都無乜味馬刀貝同虎蝦直情室溫 吾敢再食另外今次加左錢食生蠔松葉蟹加錢食首輪出得好快 後加越出越慢生蠔離講 好淡蠔味同海水味最後果輪一上枱即刻室溫 即吐吾食但最即得食既係松葉蟹隻隻蟹腳都好鮮甜同juicy 每次叫會有一個蟹鉗 最蟹肉最好食淨底其他食物 無試食過火鍋個人推薦黃金燒蠔（少雜料係上面）同羊架其他都不過不失 無話特別好食環境方面 刪入坐只有7-8台所以我兩個人比左張4人枱 呢方面幾好隨左加錢果兩樣出得慢 都無咩漏單簡單離講 吾會再食第二次如果大家想試 都吾好食正價時段

真係好多朋友同我一樣鍾意生蠔蟹腳~~今次黎到緣聚 除左食呢2樣外 仲有apple ciders 任飲我至愛~~正!餐廳位置響元朗嘉城廣場後面 行完街黎食最方便~~平日夜晚黎$228加埋生蠔蟹腳$98 連加一$350左右 餐廳裝潢有特式 有工業風既格調 座位闊落岩哂一大班朋友 ~~感覺選擇多 因為有多款西式食物 例如扒類 係一般日式放題無 ~除左自助甜品之外 仲有特製甜品 千萬不要錯過~~刺身超過10款選擇 壽司最吸引係和牛壽司 仲有芝心炸蠔卷上檯果下 好開心 砌到好精美生蠔size適中 厚肉 味道較淡 唔咸蟹腳就充滿海水味 鮮甜既~~三文魚夠大塊 啖啖肉而生蝦都係我至愛 同馬刀貝一樣夠彈牙係新鮮既~~壽司 好在細細件 一啖一口 試哂咁多款由上開始既鰻魚 芝士蝦 火炙三文魚 同和牛壽司都好惹味 其中和牛壽司最出色 ~~~揚物 炸得幾好 唔油 推介芝士蝦丸同流心香芋圓 魷魚圈都唔錯西式食物 試左漢堡扒 好厚肉 juice惹味~另外呢個肉醬薯蓉 值得一試 薯蓉好滑好creamy 配上味濃既肉醬 好好味~~飲品除左apple cider ,jolly shandy之外 仲有各式紙包同韓國忌廉溝

到訪好朋友的新居後，當然順道食餐好，相信日後亦大把機會 （或籍口）在元朗週圍食。是次有地膽安排，訂好了放題。跟著她經過橫街窄巷，終於見到餐廳門口。門口算是隱蔽，落一層才是餐廳真正所在。一入門，見到蘋果酒任飲，的確有點驚喜。餐廳裝潢頗有格調，感覺帶點韓風。我們首先看看點菜單，選擇算齊全，連火鍋都有，加錢還可以食蠔蟹。不過，兩女子胃口不大，就沒有再加。 吃放題，主菜離不開刺身，最回本嘛！刺身大部份都新鮮，尤其馬刀貝和泰式生蝦，極之爽口鮮甜，所以我們不停番點。平時放題只會叫少量壽司，事關怕易飽。這裡壽司份量的骰，反而正合心意，可以試多些其他食物。先試試季節限定：榴槤炸彈。大愛！外皮香脆，黏著一層煙韌年糕似的，果著香甜的榴槤，口感豐富！蒜香雞翼尖 辣味夠，雞翼尖又大又滑鮮菌蟹肉粥 粥幾綿滑，佐雞翼尖一流雞軟骨 夠熱夠香脆煎大蝦（配燒汁）夠大隻，肉質爽口，汁料豪不吝嗇，但個人覺得走汁會比較好特式甜品 焦糖雪糕 香脆焦糖，拼上雪糕，一暖一凍，過癮未夠喉的還可以選韓國鮮果味雪條。 多謝地膽安排，讓小女子吃得盡興。最後想特別一讚的是整餐放題，上菜快而準，並沒有漏單或延誤。

今日放假日，專程走入黎元朗搵朋友加佢既bb,探完後立即四出搵野食，經朋友介紹下打算試下這間開業不久既日式放題入口在後街位置不顯眼，唔熟路都未必咁易搵到，等左5分鐘左右就有得入去食門口位置放左一個大型紙牌，SOMERSBY蘋果酒免費任飲，正係我心水，因為平時在超市都會經常買回家飲入到去 座位滿左8成，估唔到元朗都咁多人，而入面既裝飾都好靚!經過見到甜品櫃，選擇都唔少，仲有我最愛既百福豆腐花，我最終試埋佢既和菓子同 班蘭果凍，好出色，唔會太甜!又不會太冰，另外點左3.6牛乳焦糖雪糕，勁好味，有好味牛奶味籌司好精美，細細粒容易食，花之戀既三文魚夠肥美大蝦size唔算好大，但夠新鮮之前見佢可以加錢無限任食生蠔同埋松葉蟹，當然要試試啦生蠔比想像中大，沒有很重的海水味，但是很新鮮，松葉蟹超大條，初初還以為是張腳蟹，但味道確肉質確實係松葉蟹呢!第一次食放題有得任食松葉蟹，大滿足呢

今日同一家大細走入一個平時少去既地方-元朗，黎呢度係因為呢度有間放題餐廳竟然可以無限任食松葉蟹，呢個天大既好消息吸引左我黎試試佢除左松葉蟹外，生蠔都係任食!入面嘅格局同門口折然不同，入面裝修別有洞天好有特式， 座位唔迫幾舒服酒嘅選擇好多，第一次有放題餐廳有somersby 蘋果酒刺身新鮮大件，三文魚好肥美，鮑片刺身必點!呢度嘅壽司飯細細粒，但係配料就大大舊 唔似其他放題咁會用飯整飽你等你食少啲枱既中間有提供火鍋爐，可以食自助火鍋，自選點菜同肉等，全都好新鮮黎到我最期待嘅食物松葉蟹松葉蟹超級大條，初初仲以為係其他蟹，點知一咬開確確實實係松葉蟹， 蟹好鮮甜，而且係無限點， 但係要食晒一碟先可以再點第二碟，以確保唔會有人浪費食物，夠貼心魷魚用嚟送酒一流呢個係佢哋嘅特色甜品牛乳雪糕， 好濃嘅牛奶味呢度嘅雪糕雪條同甜品選擇勁多 滿足晒鐘意食甜品嘅愛好者

今晚同朋友入元朗食放題, 佢提議 "缘聚西日餐廳" 門口比較隱蔽, 接待處在街上, 亦擺放價目表, 見$238有2小時任飮任食, 都ok 啦, 便示意職員, 幸而不用等位, 她便帶領我們入內。 餐廳地方都很大, 很光猛。由於時間關係，第一時間梗係望下食物纸, 有很多不同類型, 如刺身, 壽司一定唔.少得, 先點了一些刺身。掛住食, 忘記影相添。必點之一~~三文魚刺身, 雖然不是厚切, 但夠新鮮夠冰凍有魚味。大甜蝦刺身算大隻, 很鮮甜和冰凍。鮮帶子刺身顯然比較细粒左啲, 但肉質爽甜有鲜味。鹽燒鯖魚, 鹽燒多春魚 - 燒得好香脆和香口, 很入味。黄金燒蠔 - 燒蠔燒得金黄, 蠔亦很鮮味有肉, 亦唔腥。我們加$88任食生蠔和松葉蟹😀。我們點了很多次, 好似食極都唔夠。😂😂生蠔 - 都算大隻, 有淡淡的海水味, 蠔味就冇出。松葉蟹 - 多肉, 鮮甜, 有海水味。這裡可以任點清酒, 我們當然亦不客氣點了很多次凍清酒。瓶子和杯子都比較细，所以我們不知不覺飲左好多。清酒是沒有加水溝淡, 比較清甜, 不會搶喉, 亦很易入口。

未搬之前一直都同朋友，屋企人食過。都唔錯所以今次終於得閒再試過。由我落第一張Order紙後我等左三個字終於可以食份芝麻八爪魚，成家人就睇住碟八爪魚好耐，其他order唔知去左邊，一問所有野都冇落單。算，放題漏order係好閒既事。重點係等啊等終於有塊扒食下。。。凍既。然後其他野只係一般，無以前咁好食啦。講真貴左兼唔值依個價。228 旺中大把好食既我衰唸住間野會keep住以前個水平。值得讚下係特別既飲品多左d。除此外我唸唔到其他。仲有最後，服務員質素我不予置評，點解可以係咁撞到張枱，整到個牙籤桐跌左落地都冇反應要我媽彎腰執。。。唔會再黎啦。都唔會再叫朋友黎

第一次食到要打食評本來好地地6個人食個放題見緣聚好似好多好評又唔算太貴就加埋88蚊既蠔同蟹腳啦坐低左就即刻落單見人地每台都有杯好靚既特飲就我地台冇過左成15分鐘先慢慢黎食物，仲要狂漏單刺身好細塊，但馬刀貝同帶子算唔錯熟食就凍，燒蠔好的色好可愛黎既份量係落單一半蠔係大大隻，但係好似放左落洗衣機洗完咁乜味都冇，碎殻又多，差d整損個口蟹腳剪開一睇，縮到得番一半肉，有d霉但好部分仲好新鮮，睇你彩數所謂既燒大蝦諗住冇伏啦，結果我同個fd都食出霉既d蝦飲品款式多係抵讚既，咖啡奶茶不過不失甜品有幾款雪條同豆腐呀啫哩仲可以落單芝士同牛奶雪糕唔錯總結黎講可一不可再，唔會再幫襯

今日同老公千里迢迢黎到元朗試呢一間朋友介紹既日式放題,本來都沒有抱太大期望,因為一般好吃的餐廳都會在市區,而且走到門面只有一個入口位置而且招牌唔只是普普通,地方也在後巷野食都算幾多選擇喎一條樓梯落到地庫既位置後,就見到呢個我期待既BANNER(就係呢個原因所以我黎試,HAHA~)無限任飲一埋位餐牌都未睇老公就街出去拎左呢兩罐野黎飲,佢話一般好少有地方可以任飲黑BEER,而且仲要係貴野! 鐘意飲濃味BEER既人值得試食放題當然係由冷盤開始食啦,上圖係我ENCORE 既.因為第一盤食既已經比老公秒速食晒,呢度既刺身幾新鮮,唔會太過急凍呢度最特別既地方係可以加錢任食松葉蟹同埋生蠔.蠔加蟹任食只係$98,老公諗都唔諗馬上ORDER( 我地唔執輸叫左3ROUND, 好味道,蟹係非常鮮甜有蟹味,蠔就夠新鮮,唔太大海水味,都幾甜)因我本人係籌司控既原故,所以點都會叫一盤籌司,佢既籌司飯有水準,唔會太容易散,而且細細粒,一啖就可以食晒落口,方便又好味!呢四款係我推介既籌司,有大師水準,賣相都好吸引!燒蠔有兩款味,分別係原味同加左蒜,味道都差不多,因為兩款都好味,HEHE~蜆夠大隻,而且係我我鐘意既口味

自從上次帶左露媽去食日本放題之後，她好似愛上左， 原來緣聚西日餐廳搬左去千色另一邊， 今次裝潢以西式主題，加上地庫空間大， 座位更寬、舒適，最重要價錢亦唔貴~ 我地1點左右去到已經8成滿座， 食物種類好多，有刺身壽司、炸物串燒、小食、甜品、仲有火鍋添， 當然唔少得飲品同啦，有10幾款選擇~ 竟然可以任飲我最愛我hoegarrden 新出的莓莓味啤酒!!仲有梅酒~ 首先點左我地最愛的生蠔&長腳蟹~ 生蠔大大隻又新鮮，好爽口~ 長腳蟹好大一隻，肉質鮮甜~ 之後係刺身拼盤，擺盤好靚，仲有煙出~ 有三文魚、吞拿魚、希靈魚、甜蝦、帶子等， 三文魚肥美，希靈魚爽口，甜蝦鮮甜 壽司、反卷都唔錯，岩岩好一口size， 可以食多幾款，我個人最愛和牛壽司~ 炸物新鮮即炸，脆卜卜， 炸漿又唔會過厚，好好味 我最愛雞軟骨，一個人食左6串 另外仲有好多野食，因為太飽，食唔到個火鍋~ 甜品有啫喱、豆腐花、雪糕、雪條 唯有有少少失望係唔見人地講的榴槤雪條， 因為露媽係榴槤控， 不過都有韓國雪條&雪糕筒~

上次來過緣聚晚市放題，印象唔錯，這天入開元朗，不期然想再吃一趟。午市人流比較少，較晚市清靜。而每位侍應仍是面帶笑容，服務很到位的。首先自酌一杯任飲的Hoegaarden解解熱氣，再慢慢挑食物。朋友就比較喜歡梅酒多一點。松葉蟹棒，蟹肉結實，帶海水味。蟹子沙律，清新爽口。 以黑椒調味的毛豆，味道較特別。玉子軟稔微甜。火炙和牛壽司，牛味濃郁。火炙蟹腳肉壽司、火焰三文魚壽司、火焰芝士炸蝦飯卷、蟹棒壽司、鰻魚壽司都唔錯，用料新鮮。爽脆的盬燒雞軟骨燒多春魚芝士焗蠔，蠔肉比較瘦小。日本迷你蕃薯，軟中帶韌。燒羊鞍肉質鬆軟，帶羊肉羶香。燒大蝦，肉質新鮮。燒粟米頗香甜。草梅雪條味道比較淡，唔會太甜。紅豆和菓子，有很多香軟的紅荳蓉。因為不想撑得太飽和浪費食物，所以還有很多自助飲料和甜品未有品嚐呢!

今次係第n次嚟呢到食，亦係成家認為最差嘅一次。叫左三輪刺身，每次刺身嘅數量都唔係我地所寫嘅數量，亦冇咗所寫嘅一倍，除此之外 啲餸又上得慢 明明寫一客蝦 點知送嚟得一條 啲沙律比上次少咗好多