緣聚西日餐廳 (西裕街) (已結業)

同同事去元朗公幹，山長水遠入到黎，梗係要食返餐好啦！點知個大頭蝦同事唔記得book位，跟住又諗唔掂食咩好！係又熱又攰嘅情況之下，就隨便入咗一間放題，心諗唔好食都可以飲番幾罐啤酒抖下！價錢大眾化，唔係好貴，一般放題價錢，尤其七點半前離座超抵！店內環境算係幾舒服，冷氣又充足，啱晒夏天飲嘢！全場有得任飲Apple Cider，成班女同事的我哋，抵過落酒吧飲野好多！唔飲酒嘅都有凍檸檬茶、凍檸水同埋咖啡正過茶餐廳，啱晒香港人嘅我哋！嘢食種類同一般放題差唔多，尚算多種類可以選擇！刺身厚切、新鮮！有燒生蠔、台灣腸，算幾特別，最重要送啤酒啱晒！炸物拼盤唔少得，熱辣辣！😋🍻最愛燒蝦，勁香口勁鮮甜，一個人食咗半打！大食嘅我哋，仲要整多盤卷物！總評：價錢經濟實惠，食物環境都有驚喜，可以係入到元朗嘅一個唔錯選擇！

今日好開心，天氣好，一班同事去元朗開工，順便看有什麼好食。星期五，大家心情好，等週末又可放假，所以午餐去了吃自助餐，在開飯啦見到這個自助餐區內排行第二的，一定要試下， 星期一至五成人$88(豪華版$148），小童$78，星期六、日成人$98，小童$88， 豪華版有魚生壽司手巷、火煱丶天婦羅、炸物等，大量飲品任飲，全部好有水準！美味午餐訂枱可以享有九折優惠，晚餐在生日月份可以全枱八五折，不過，點菜前最緊要講明想吃$88定豪華版$148先會好啲。

係元朗幾次揾野食見到呢個最正放題牌，今日終於行動去試下有幾正。個位置都幾易揾，係千式廣場後面小巷落樓。中午十二點幾食晏時間入去已經9成滿，有一家大細有男男女女聚會都幾熱鬧。坐低第一件事叫野食，放題嘛🤣當然叫左食左先。有好多款咼，餐廳主打日式西式。所以壽司都有卷類，手卷，刺身，手握款揀。天婦羅，煮物，牛羊扒，主食拉麵烏冬，煎魚炒蜆，串燒......火煱都有。我地攞哂啲點餐紙劃劃劃，好興奮甘等左一陣，野食好快上齊，佢地效率好高。壽司一口一粒，飯細細魚大件好新鮮，天婦羅推介👍🏻炸到皮簿簿地入口入面既南瓜蝦都係好juicy既，我encore左3次。印度溥餅煎到半脆好香口，有朱古力或咖哩汁揀。青魚同三文魚頭都一定要試，皮脆肉嫩多汁誠意之作👍🏻。另飲品櫃上至Somersby 下至菊花茶都有，另外有梅酒清酒叫，好多選擇。餐廳雖然人多坐滿，但係有好多卡位，同埋最緊要個坐位夠大，張枱夠大，上野快，執枱快，食放題最驚人多位細食得唔舒服甘就掃興啦。整體感覺十分滿意呀，今日食得好開心，又抵食又舒服。唔使一定大集團最緊要用心做👍🏻

早前友人生日，我地去左元朗都多人食嘅緣聚西日餐廳食放題，因為佢話見openrice 寫呢間有生蠔同蟹腳放題，其他放題鋪少見，所以特地生日同佢去食。不過去到先知原來想試到嫩滑嘅生蠔同鮮甜嘅蟹腳係要每人加98蚊嘅！諗落都幾貴，所以最後我地都無加，只係狂叫芝士焗蠔，味道都幾好，係細隻左小小。意外嘅係呢度可以無限任飲apple cider、梅酒同清酒，出面放題真係好少見！我地都不停encore。每次放題梗係唔少得必食嘅刺身，呢度嘅刺身都唔錯，厚切！食落都幾新鮮，而且仲有泰式生蝦食。除左刺身、料理同壽司之外，呢度仲可以打邊爐！我地都叫左個蕃茄芝士湯底洽下佢。甜品方面，好開心有甜筒食，而且口感好smooth，值得推介。個人覺得必定要試焦糖芝士雪糕，真係好濃芝士味！

難得走入黎元朗行街, 對之前食過既日式放題一直貪貪不忘,所以決定今日翻啃再試試! 今日係平日,價錢係228蚊/位,任飲任食2小時!距離千色店只有幾分鐘路程就到達今日既目的地-(緣聚西日餐廳TOGETHER) 天都未黑齊就黎到,馬上同太太走落去,我地簡稱佢去神秘隧道,原因係佢既門面裝修同佢入面真係好大既出入入到入面完全兩個世界,餐廳以工業風格為主題,隔格裝修全部重金屬元素,一啲都唔老土(如果我間屋有咁既裝修都唔錯)我地被安排坐入餐廳最入既一個小偏廳位置,呢度感覺似用黎開PARTY 用,因為目測最少可收容納到30-40人開PARTY,如果我生日黎開PARTY 應該感覺都唔錯上次黎都無機會試生蠔同松葉蟹任食,所以今日黎既一大目的就係為左試佢!  因為上次朋友黎話食完大讚食到停唔到口,攪到我個心一直唔食過唔安落呢度既生蠔同埋松葉蟹係每次只能ORDER 2件,但唔代表有限制.因為你食完可以再ORDER,以確保我地唔會浪費食物,呢樣我幾欣賞! 我地送黎既松葉蟹同生蠔都超巨形,生蠔有成隻手掌咁大隻,最重要係超新鮮,食落海水味唔算好重,但係就有回甘,蠔質厚實,口感豐富! 蟹一直係我最愛,而且仲要係松葉

相隔上次來這裡吃飯已有一年，原來已搬到了橫街，門口位細了很多，所以花了點時間才找到。內裡應該是新裝修，感覺較之前坐得舒服，服務亦較之前勤快。豪華午市放題，148元任食，我們在不同的點菜紙上點清楚食物，填寫枱號後，交給店員，很快便上菜。刺身： 全都細細片，最喜歡吃泰式生蝦刺身，鮮甜膠質重，encore了6件。螺片很爽口，馬刀貝刺身爽口得來帶有鮮甜味，希靈魚刺身則較鹹。日式凍雞腎，比想像中大碟，加了芝麻油令腎片滑身，但口感仍然帶硬，幸好辣辣地，慢慢嚼 幾香口。清酒凍蝦，在清酒中泡浸過的熟蝦，海鮮味中帶酒香，淡雅清澀。大蝦天婦羅，新鮮炸起，很香脆，內裡蝦身不算大隻，但非常嫩滑，又encore 了4只。壽司方面，點了火焰三文魚加洲反卷及和風鯛魚壽司，鯛魚較腍身，淡口。熟食：澳洲西冷扒，好腍，味道尚可；在日式放題店點牛扒當然不能和西餐廳比較啦。新出品，手打漢堡入口較乾身有質感，咀嚼中有牛味。享受食物過程中，點了一大杯梅酒相佐，感覺異常滿足。其實這裡還有很多其他飲品和甜品選擇，一於下次再來嘗試。

好耐無去缘聚放題,今晚收工一個人去左,實在太想食,一個人去感覺總是有D怪…最想食長腳蟹,生蠔和壽司長腳真係好鮮味,壽司正叫即做,飲粒粒分明,材粉非常新鮮,呢個係我係元朗食曰本野通黎呢度既原因…細細件,賣相已經够吸引,食落真的比美高級曰本餐,最重要係即叫即做,有别於有D放題,一早做定任你揀,一個人食有D過份,食左兩轉,刺身亦好新鮮,感覺食物質數越黎越好,難怪越黎越多食客,住元朗既朋友都覺呢間食物質數好出色,今晚好滿足,最緊要既當然重有食完行5分鍾就返到屋企

朋友叫我搵間lunch放題放縱下,一齊狂飲狂食狂傾計,早一個星期book左位,有免費任飲Somersby蘋果酒最吸引我!西菁街我又來喇!緣聚位於西菁街兒童遊樂場旁,呢邊好多寵物店架。門口雖然唔大,但在街頭已望紅白色招牌。午市,晚市既餐牌已製成大board放在門口,比客人更清楚地睇到西日放題美食的種類。餐廳要落一層在地庫,梯間裝潢簡單得來又高質,沿著落到地庫都是一邊牆身一邊落地鏡面。店內有點懷舊工業味,梳化卡位較多,也有10多位的長檯。豪華午市放題$148,檯上已放左有12款order紙,我地好興奮,有好多野食呀!無酒精飲品有13款,有酒精飲品有4款。三文魚,好新鮮呀,帶子同甜蝦仲超鮮甜,八爪魚更是少有的唔韌!火焰三文魚,火焰芝士蝦壽司,仲加上日本沙律醬,每人一件唔夠喉,再叫再叫。仲有火焰和牛,花之戀,北寄貝壽司。蟹籽沙律,爽口青瓜加上沙律醬蟹籽,不是一早做好放入雪櫃雪得又凍又無青瓜味的。螺肉多汁大舊爽口,好大隻芝麻八爪魚!黑椒枝豆夠哂入味。汁燒既雞肉串唔錯呀,有點半肥瘦不乾柴。天婦羅大蝦,南瓜,泰式蝦餅,其中爆醬芝心蝦丸,日式炸脆皮餃子我最中意食!有7款雪條,綠茶甜筒茶味重,唔會太多奶

緣聚西日餐廳位置不顯眼，好容易走過頭都不知道，我十分懷疑為何在元朗芸芸食店中屹立不搖。食過就知，只做回頭客都大排長龍。緣聚門面不大，只有一扇小門，走下地牢，地方還算不錯，一點都不感覺擠擁，都算坐得舒舒服服。而且價錢十分抵吃，怪不得那麼多人捧場。一般放題有的，這裡都一應俱全，選擇一定不少。放題當然首要看刺身質素，這盤刺身我最喜歡💕帶子和三文魚。帶子非常鮮嫩，三文魚是意想不到的，魚油豐富，十分肥美。另外，燒大蝦🦐和羊架是必點的。燒蝦🦐大大隻，肉質爽口彈牙，十分新鮮。羊架羊味濃厚，一點都不羶，香料味令羊架味道更濃。肉質頗嫩滑，口感軟硬適中。我十分喜歡這碗蟹粥🦀，吃完刺身想暖暖肚子，吃這碗蟹粥就最適合。本來想每朋友每人吃一兩匙就算，以便留肚吃更多好東西，但太鮮甜了，我忍不住再點了一碗，自己一個吃完。豉椒炒硯風味十足，比得上大排擋。天婦羅拼盤選擇很多，香脆不油。我最喜歡番薯天婦羅，番薯非常香甜。芝士焗蠔質素不錯，芝士香濃，焗蠔仍蠔汁豐富。甜品和飲品也有其特色，焦糖牛乳雪糕和芝士蛋糕都一定要試，兩款都十分香滑。免費任飲somersby 蘋果酒最吸引。除此之外，還有即沖冷熱飲。

星期三，工作關係，來到元朗。元朗實在是我甚少踏足的地方，於是住元朗的舊同事，便推介緣聚西日料理，難得我們到元朗，他還預訂了枱，並約好了其他人，打點一切，我們一於要大吃大喝，放肆一番。緣聚西日料理，位於街的地牢，雖然在地牢但不算難找，因為老遠也可看到緣聚的燈箱，找到門口後沿樓梯走下去，別有洞天。餐廳很大，座位很多，而且裝飾很別緻，牆上貼滿了舊車牌，舊的Love字樣，很有格調，備受年青人愛戴。天氣很熱，我們立刻拿飲品，想不到竟然有apple cider，還是任飲的，肆酒的朋友立刻拿了罐，悶氣全消。酒品還有其他啤酒和清酒。愛酒的朋友不能錯過。看到了這個餐牌，食物種類眾多，我們超級興奮。我們先要了各款刺身，帶子、蝦、螺片、希靈魚，鮮甜爽滑，大愛。然後是各款熟食，沒想過放題的熟食可以如此出色，最愛炸至金黃色卜卜脆的雞軟骨串，和甜絲絲的小番薯。至於炒蜆，更是不可小覷，惹味鮮甜。不能不提的是燒羊架和大蝦，好吃得欲罷不能。我足足吃了兩塊，是兩塊羊架啊，超嫩滑多汁，配以香草烤焗，香噴噴的啊！燒蝦鮮甜，肉厚爽滑。難得的是，放題竟提供熱飲，吃了那麼多冷盤，能有一杯熱飲是非常感動的事。熱食還有蟹粥，綿軟鮮甜。

今日又係同男友覓食既時候..發覺同佢未試過兩個人食放題！見到openrice好多like 一於黎試下！ 首先一黎就梗係食個刺身 好新鮮 三文魚唔會過太肥食到滿口油！我地仲加左$98 可以任點左長腳蟹同生蠔！ encore左起碼四次！ 長腳蟹好肥美同埋好甜 生蠔夠新鮮加少少檸檬汁已經好好味！我諗我地大半餐都係咁食海鮮呀！ 之後就點左啲炸物！炸物最緊要唔好有油溢味！最驚！ 好彩呢間無 同埋天婦羅啲粉唔會太厚！ 仲有點左紫心香芋丸！ 本人鍾意食啲紫薯呀 芋頭既野 呢個好好味呀！唔會太甜！ 好q好彈！ 忍唔住食埋男友個份 先再點😂😂✌🏻✌🏻仲點左蝦餅、芝心蝦丸！仲有台灣食開啲熱狗！ 好驚喜呢到有！ 台灣啲腸真係好好味！芝士焗蠔同埋蒜蓉焗蠔.. 好入味 唔會有好腥既味 仲點左兩set梅酒！ 抵讚既係好濃味 唔似有溝到水 ！ 呢到仲可以任飲apple cider 清酒 正 不過我鍾意飲梅酒多啲😍😍😍最後就係甜品時間， 好多野揀！ 不過我肚皮無能為力 男友點左榴連雪條 （仲逼左我食一啖😅） 我就食左焦糖芝士雪糕！ 好滿足既一餐！上菜好快 最梗要無漏單 最後每人埋單300幾蚊 唔算好貴

為慶祝朋友係元朗置業, 我地一行數人專程入元朗參觀朋友住所, 朋友為了答謝我地送的厚禮, 决定請我地食晚餐。一大班.最好係去食放題, 於是我地係附近揾到這間餐廳。朋友識趣地自動幫我們升級，加$88有蠔蟹任點任食。生蠔新鮮冰凍清爽, 又夠大隻, 唯欠少少蠔味。長腳蟹亦夠冰凍, 咬開啖啖肉, 亦有鮮甜的蟹味。羊架雖不是大大件, 但勝在肉嫩, 羊羶味不是很濃。大蝦算幾大隻亦很夠味, 蝦肉爽脆。刺身亦夠冰凍, 所有刺身亦很新鮮。三文魚刺身有魚脂的香味,  帶子鮮甜, 鮮蝦清爽, 希靈魚有囗感。赤貝很爽甜。雞軟骨夠熱, 很香口。薄餅略嫌唔夠鬆化, 但很香口。清酒和梅酒唔係好重酒精味, 易於入口。最後試了季節限定-榴槤炸彈, 㚈表好熱好香脆, 而且都幾大粒，內𥚃好重好香的榴槤味榴槤肉, 很香口。

今日黎到元朗搵食兼行街，雖然無事先搵定食咩嘢，不過元朗勝在美食多，成個元朗不論東南西北各方都有美食！行下行下發現一個比較偏辟既巷仔，竟然發現一間日式放題餐廳，一睇食物選擇唔錯喎，於是決定入去試下!餐廳內部格局是以工業風格為主題， 並且擺放了不少工業燈飾及擺設品，型格十足！我們被安排到一小角落，而這個小角落依我目測約有20個座位，非常適合用作party及大伙兒前來!因大餓所以立即進入瘋狂點餐模式，呢到既食物選擇種類很多，不但有扒類，刺身，壽司等，最驚喜是有松葉蟹腳和生蠔提供（不過是要加錢）因我們都極愛吃蟹腳所以沒考慮下馬上決定選擇了加錢食!首先來是刺身和蟹腳生蠔拼盤，這拼盤的賣相很美觀（還會噴煙）刺身味道沒有任何雪味而且也算很厚和新鮮，生蠔不過不失! 最驚喜還是松葉蟹腳 有很濃的海水味而且蟹肉很鮮甜，尺寸也是超巨大，所以重覆點了很多次小食類很惹味， 雞翼尖最值得推介， 有辣的味道而且雞翼尖很入味!壽司方面除了選擇多之外，最特別之處是全部都細細粒， 一啖就可以完全放落口而不需要擔心吃得太飽，而且味道也很有水準!天婦羅炸到金黃色，而且皮薄內熱，配埋天婦羅醬汁更出色!烤羊架和牛扒算是一大驚喜，

入元朗探朋友，當然忘不了約埋去缘聚食個午餐放題啦！因為上次大家食得很開懷！很回味！放題上次食夜晚今次改食中午……上次食夜~ 沒有看清楚原來 除了餐廳裝飾型格外，原來啲櫈是大油桶改裝的！都好有型！先來個刺身~ 甜蝦爽甜新鮮，三文魚軟滑， 吞拿魚可能位置問題口感上比較淡一些 ，帶子甜滑，與上次一樣保持到水準！壽司 件件都做得好靚， 大小適中昜入口 飯團還有些溫暖，我最喜歡这柔軟口感！嘩！ 這個蟹粥很鮮甜！粥底好靚 很綿滑！有蟹的鮮味，而蟹肉質嫩滑 ，冇得彈！！令我 一再encore！燒蠔~ 雖然不是大隻肥，但用了芝士調味搭夠，吃起上來很creamy一樣是好味！也算是很不錯！梅洒~濃濃的梅味很甜蜜！除了多款飲品選擇，美味的甜品中有雪糕， 泡芙，芝士蛋糕，啫喱和芒果布甸……等等 。其中我最愛的一定是榴槤雪條！很香！很香！很有榴槤的真味！今次是第二次來了，一樣吃得很開懷！價錢又合理，真是元朗區内的放題好選擇！

今日難得住市區既人 去到新界元朗區緊係約埋啲住係元朗既朋友食返餐飯咁我就約左3位朋友食 我其實一啲都唔熟元朗除左間某某仔糖水店有糖水食 其他一律唔識突然有朋友介紹話有間唔錯既日式放題 即刻要試門口都幾隱蔽 原來到左係地下都幾隱蔽但落到地下原來裝飾係咁靚既呢啲menu 都幾多選擇😎😎😎原來呢到仲有新鮮生蠔 同埋日本新鮮松葉蟹睇到啲蠔都好大隻 松葉又夠凍份量都幾多下壽司都好多款色 勁多選擇熟既野食都有好多啵 連雞翼尖都有咖😆😆😆呢個價錢都好合理 不過提大家 生蠔同松葉係要加錢咖😋😋😋