緣聚西日餐廳 (仁愛堂圍) (已結業)

早兩日中午時間同老婆突然想食放題，屯門區選擇不多，就搵左呢間，點知都好有驚喜，食物種類不算少，我哋仲升級食埋刺身套餐，每位168加一😊首先講下啲刺身先，有三文魚、金槍魚、象拔貝、帶子等等......食落都好新鮮，肉質都好有口感，🤤唔會話做午市就比啲低級材料客人！👍跟住就食佢啲手握壽司，全部都細細件，好岩我哋啲想試哂唔同款式既客人👏👏我哋點既嘢食都黎得足，飲品 同 甜品選擇亦都多，係屯門區日式放題呢間都係算叫做數一數二👍

2021.5.1(六) $200五一假期要慶祝，今日埋單後計過$2.5一啖，哈哈！有賺趁人少少就黎每月【飯堂】今午選擇全凍食，點了2次刺身，三文魚、帶子、仿鮑、希靈魚、榮螺、玉子……其實都係厘幾款基本生魚片，新鮮！無異議～新鮮2件花之戀及3件壽司，ok啦，我對飯唔係太有熱衷。但接受到這家的壽司飯雖然無熱食物，即係無炒菜、素魚翅、煎牛扒、烏冬、麵等等。但叫左天婦羅，炸漿好薄，4隻蝦、南瓜、紫薯、矮瓜各一片（太急，無影相）雖然無熱食，但叫左焗蠔，4隻芝士及4隻芫荽，各有各特色，最喜歡芫荽。同埋叫左4隻燒大蝦，好好味最後必食既係<齋阿士>朱古力雪糕及榴槤雪條不得不提，全場飲品及甜品自取任食今天太飽～無食

放題選擇多 星期五晚市$258一位刺身一共叫左3 round 食材都幾新鮮 不過選擇可以多d 油甘魚叫左第一round之後就售罄了第一round叫左象拔蚌 食完嚇親我 好似擺左好一個下晝再拎佢賣咁 味道唔新鮮仲有d奇怪味於是第三round再俾多次機會佢 味道三級跳 回復番正常水準壽司只試左三款 火炙醃漬左口魚邊壽司 魚味被面頭既漬物味蓋過曬 鵝肝帶子壽司亦都食唔到鵝肝味但帶子味道鮮甜海膽手卷極腥仲有d苦 所以食海膽手卷的話 期望唔好咁大啦😂個煉奶印度薄餅亦都係一樣 好似煉奶撈麵包皮咁濃湯煮蜆賣相欠奉 驟眼望落得個殼 但味道幾好 湯頭都幾濃郁至於個螺既汁好出色 撈飯食應該好正榴槤炸彈超級讚榴槤味極重 咬開仲見到入面有榴槤蓉喺度燒粟米燒得好靚而且好香 但粟米冇味烏冬同拉麵好似即食既感覺 叉燒比較乾硬焦糖3.6牛乳雪糕 除左有焦糖味之後完全食唔到牛奶味 仲以為自己食緊雲呢拿雪糕海鹽雪糕 就真係雪糕嗰度撈左啲鹽落去好奇怪 個人覺得好難食整體黎講係抵食既 刺身性價比高 喜愛飲啤酒人士仲可以自己任針啤酒 飲品除左罐裝或盒裝飲品愛仲有手沖嘅飲品例如有紅豆冰、龍眼冰等等

每年食幾次今次老爺生日，我老爺比較麻煩，食野有要求。緣聚價錢我覺得正常，食物真的新鮮。朋友覺得這個價錢出尖沙咀更好當然如果不是住屯門，不進來很正常這餐廳做這區生意為主！對於我住屯門，想近近地和家人食放題，我首選一定緣聚。我們主打的是刺身，又凍又新鮮！有三文魚腩，超厚又肥美爽口，老爺奶奶至愛！金槍魚沒有筋，入口溶化好吃！這個是新的，我超喜歡！大大粒帶子，每件帶子好大件，鮮甜！厚切油甘魚，基本魚刺身都厚切，這是喜歡原因之一象拔蚌爽口鮮甜，追加3次刺身今次比較特別是芫荽天婦羅不吃芫荽奶奶都覺得好得意，吃了2件因為天婦羅粉好薄，芫荽眼見到超綠，真的很吸引！炸後沒有芫荽味，像吃空氣口感真的很值得試！我們4人都搶著吃！想要濃芫荽味有另外附上芫荽醬，可點吃芫荽焗生蠔，我吃完覺得芫荽味好重，蠔味太淡不是太喜歡……沒影相。花膠碗仔翅，主要真有一大片花膠花膠又滑又軟，瘦肉就不吃，很老……手握壽司，我喜歡火灸和牛，火灸鵝肝帶子，火灸金槍魚黑松露大蝦也喜歡！壽司飯好細件，所以不用擔心會飽花之戀長輩喜歡only燒物選了雞軟骨串，燒羊架燒大蝦，隻大蝦在底，其實超大隻，沒另外影相，因為忙著吃另外選了中華沙律，蟹子沙

店舖：緣聚西日餐廳晚市放題$273 已加一一間放題的小店有別於大連鎖，裝修具有個人風格。可能因為少人嘅關係所以被安排坐喺四人座位，坐得都幾舒服，樓面收碟俾嘢食嘅態度都好好，值得讚賞刺身類食物都算新鮮，每次叫幾多佢地都會排好同擺乾冰做裝飾，唯一可惜係可能因為成本關係，吞拿魚係用赤身，帶子係細粒既，令到個囗感和滿足感減少左，而且三文魚腩切得太大，如果可以切成一片片就唔會好似食一大舊脂肪甘膩。壽司類就冇咩特別，因為果道並唔係太多特別嘅創意壽司。雪燕糸列應該係佢地唯一同其他放題店有分別的地方。不過佢通常都只係將雪燕放喺壽司嘅上方，味道上冇任何分別，而且雪燕微微帶有酸味，同魚生唔多夾。熟食類都係一如既仼的一般。所以就唔特別講評，雖然呢道有出面放題店冇既火鍋，但可惜係我揀既昆布湯底太甜令所有食物煮完都好甜，所以都不太出色。甜品方面，榴槤雪糕和焦糖牛乳雪糕都幾唔錯，值得一食，雖然賣相差啲不過味道吾太甜，口感都滑，我個人幾鐘意

餐廳：緣聚西日餐廳 (仁愛堂圍) (屯門)地區：屯門地址：屯門仁愛堂圍45號興泰大廈地下1,1A, 2至8號地舖日期：17/1/2021時間：13:00人數：1人 等位： 唔洗價錢： ＄140.8呢間係食日式放題，見佢lunch兩個鐘放題每位$108就去試下，但飲品+甜品要加$20，之後再要加一服務費，總共$140.8。$108個餐主要有壽司、炸物、沙津、主食，如果想食刺身就要簡$168個價錢。我就嗌咗好幾轉壽司食，味道唔錯，可惜嘅係壽司啲飯硬咗啲，拖羅、燒鰻魚、醬燒三文魚壽司係最好食，值得推薦；而炸物、其他野食就中規中矩，正常放題水準。出面食三碟壽司都差唔多係呢個價錢，多就就係回本，如果胃口大嘅朋友就值得去食回本🤣

諗住限堂食前食個放題點知中伏魚生成盤一端上尼已勁大陣雪味焗蠔仲誇張 好似去左長洲大澳咁 成陣海味臭味😭🤮下次都係岀翻市區食不過服務okay 價錢270蚊位就不會再有下次

24/10/2020,晚餐沒有服務，職員粗口橫飛，沒有禮貌，食物不新鮮。😩😩😩😩😩收費又貴，又要加服務費，一點服務都無！食物方面：不新鮮，選擇性少蠔，有沙，臭，細細粒硯，同樣係有沙，擺左好耐甘。燒大蝦，蝦肉同樣是臭的，怎可以攞出黎俾客人食呢？環境方面：冷氣不足，地方不清理。多枱都擺滿碗碟。職員方面：黑面，叫完無反應，有應走左去，收執碗碟發脾氣甘，扔落盤大大力！😵😵😵😵😵😵😵🙄🙄🙄🙄😒😒😒😒總括來講第一次亦是最後一次食。🥱🥱🥱🥱🥱呢d餐廳真係只會食一次吾會有下一次。

出面好多放題都用緊qr code訂單，旦未見過一個吾可以系訂單入面delete 吾到一定要禁番入產品個到先可以delete 到既，初初吾識就諗住問啲員工啦，個員工同我講落錯吾緊要删除番就ok,大佬牙！我就系想問你點delete 囉😓😓，再問多佢一次要點delete，佢吾系好耐煩甘答我，叫我自己研究下，員工吾系應該知道點樣用個系統落單咖咩？你吾識系米應該要搵第二啲同事過黎幫手牙？唉，諗住開開心心食餐飯都吾得😔😔😔

緣聚（屯門）這店的芝麻雞翼確是很美味，看見已很想吃，一咬下去已感到外表十分鬆脆，而且有淡淡的芝麻香味，內裏充滿肉汁，真的做到外脆內滑，一口氣吃了幾隻。一定要試試。其他的炸物也很不錯，我特別愛吃酥炸生蠔，以放題的水平來說算大隻了，外表炸得很酥脆，蠔亦嫩滑，一點也不會乾，不遜於一般的日式餐廳。而其他的天婦羅亦保持水準，鬆脆香口而不會太膩。刺身種類也不少，十分新鮮，尤其是三文魚腩，肥美可口，厚切令口感更好，爽脆甘香。而帶子亦十分鮮味美味，一點腥味也沒有，色澤皎白，夠新鮮。油甘魚亦不錯，十分爽口鮮甜。燒物亦有不少的選擇，燒大蝦真的很大隻，明符其實的大蝦，肉質彈牙美味。而燒蠔亦很吸引，夠大隻，有鮮味，燒烤火路剛好。清酒大蜆也很鮮甜，又大隻，比不少日式餐廳還要大隻，以放題來說真難得。甜品也有水平，還有dryers雪糕，雪燕奶凍亦不錯，不會太甜，但奶香濃郁。

本身見到佢Fb有好多野新加都幾期待 但原來只有更伏。先吾講星期日夜晚冇乜人 好似死城咁 啲侍應好似喪屍咁。。全餐我個人覺得得炸物同邊爐ok不過我叫左隻炸雞翼 個心係凍😡直頭係未溶雪個種凍蟹子沙律得個丁點沙律醬 叫我食青瓜瓜？凍0茶好似涼茶咁最搞笑係芝士奶蓋 上網見到條片個杯芝士奶蓋係半折手指公高度 到現場 矮過手指甲多多聲？？？仲要勁水總結。冇服務 味道吾掂 重點係野食吾熱既 好似攤左成粒鐘先上枱咁比200幾蚊食垃圾

屯門分店令我太失望，16/10是我第二次光顧，但服務質素與第一次時大有不同。食物送上速度慢，說明放題兩小時，但到了一小時半已截單last call和埋單，有一名四眼男性服務生態度超差，還有兩分鐘才夠鐘，他走過來說我們已夠鐘，我的雪條快要吃完都準備離開，我向他說吃完就走，四眼仔回應我，「依家係夠鐘交枱，唔係話你哋食完就走」，這是甚麼態度，服務行業可以這樣對待客人嗎？説話不能客氣點，婉轉一點嗎？這個四眼仔的服務，絶對對餐廳有影響，我也不會介紹別人來光顧。

前晚同朋友一共3人去食呢間放題，只知點左十樣，平均只來6样，送餐速度超慢，刺身唔夠凍，出水現像，食落冇鮮味，其它食物都比較差，侍應服務都頗離地，以後唔會再幫襯！

2020.8.28(五)今天在家工作, 都要食飯架。 食咩好, 又要豪又唔好貴。 好耐無去屯門緣聚, 通常家人生日必定食緣聚。 近來又唔可以外出晚餐, 生日只可以在家火煱。點解對緣聚印象咁深刻, 第1次打電話去訂位, 我老公口齒<唔>伶俐, 問: 係咪緣盡呀, 接線生話係呀 then 笑到講唔到野, 要另一位女子來接聽。喜歡佢既刺身=好新鮮, 必食=三文魚/希靈魚/帶子/吞拿魚/蝦/象拔蚌/玉子/仿鮑魚，今次食左黃金雞軟骨=超正。。。。。食物係一般, 場地及職員都要有紀念價值, 試想想~如果場地不乾淨+職員口黑面黑=邊個會再黎?

食放題唔叫返3,5,7次刺身又點叫做食放題呢~ 呢間綠聚刺身好新鮮, 特別係象拔蚌!! 鐘意食三文肉的又可以瘋狂落單, 佢有隻三文魚腩都唔錯, 口感一流, 唔怕肥可以食多幾件! 其他仲有油甘魚、甜蝦、帶子, 都係平時必食之選!!雖然食壽司有飯會飽肚, 但我都想試下其他款式, 好似炙燒左口魚, 入口即融, 肥美到一個點!!! 其他壽司上都加了少許黑松露醬、蟹膏….唔同的醬料, 食落又同刺身比係另一種感覺。雪條有韓國的MELONA, 4隻味, 我最愛食哈密瓜味!! 幾飽都要留肚食~食放題都係睇重刺身水準, 我覺得貴精不貴多, 只要我愛食的都有就得~