緣蝦壹麵 (已結業)

同朋友講話食「緣蝦臺麵」，佢即刻話：「緣慳一面？」先發現原來餐廳個名食字😂是日午餐，叫左海南雞飯同肉骨茶；重試左拉茶。拉茶可能有就返香港人口味，唔算好甜。海南雞飯有埋湯同黃薑飯。飯真係粒粒分味，味道又唔算artificial，湯都好清甜。可惜主角海南雞比較鞋同埋乾⋯肉骨茶胡椒味偏重，我本身比較鍾意藥材味嗰種，所以唔係特別鍾意。另外，不得不提店員態度好好。朋友唔鍾意甜，短頭髮姐姐好有耐性介紹各種野飲點整，同埋甜度。又聽到隔尼枱有人問啲餸嘅煮法，店員都可以解釋得好清楚，真係有比心機了解過！整體服務環境Ok, 但食物就可以再進步。

香港雖然係美食天堂，但一碗好食嘅叻沙真係唔係咁易遇到，可能我都懶試左幾間都一舨就放棄左～但前排行過旺角新商場見到呢間有叻沙食嘅新開，又癮起，就叫埋鍾意食叻沙嘅朋友一齊黎試下。環境唔錯，幾舒服，適合同朋友邊食邊傾竹炭米紙軟腳蟹卷都唔錯，雖然食唔出竹炭嘅特別之處，但勝在蔬菜量夠，口感清新，賣相亦都唔錯加埋醬汁就更開胃。叻沙有幾隻，主要都係配菜唔同，有冇海鮮嘅分別。呢碗叻沙係偏馬來風味，有溝米粉，湯頭都濃味，但始終唔夠新加坡嘅鮮味。同埋我自己鍾意食新加坡口味嘅叻沙，所以覺得呢度仲係差少少。

果個咩鬼肉骨茶。。d骨質感乾爭爭。。成個茶都似冬菇水另外個魚喇沙。。豆卜《宿》。。魚就一陣雪味個喇沙個麵好快就浸漲哂冷氣口滴水。。。冇人理。。😤叫俾杯水嚟。。隻樣就有一大個唇膏印😑本人唔用有色唇膏（下午茶時間必須食午餐😑😑😑）

商場新開，一定有d新鋪想試下，依間鋪一直位列於“想試”表上，今日難得放假，特登同老公出黎食下午茶，點知一入餐廳，店員通知:今日冇下午茶，只有星期一至五先有......請問，你門口放下午茶餐牌為咩呢叫左一個豬頸肉叻沙，一個魚柳叻沙，再加一杯馬來拉茶，風味咖啡。。。馬來拉茶夠奶味，茶味亦香，似珍珠奶茶，容易入口。。。另一有趣之處:拉茶係唔會提供飲管，而咖啡就有，唔知係唔係馬拉practice呢。。。叻沙一上枱，橙色一碗，真係分唔清魚柳定豬頸肉，即刻諗到“矇查查”(透露左年紀添)。。。老實講，我平日好少食叻沙，驚好膩，依碗叻沙唔會太濃味，唔會太油，唔會太膩，都幾大碗。。。我食唔晒啊。。。係一個不錯嘅新嘗試，至於驚喜，就冇咩啦

星期六下午又要嚟旺角做野，食晏時間周圍都是人突然諗起新開商場T.O.P. 開咗好多食肆，一行入去上電梯左左右右前前後後終於上到四樓見到間叫“緣蝦壹麵”個名幾特別喎就入去試下先，睇睇餐牌見到午餐有肉骨茶即刻唔駛諗要一份，仲有點了海南雞飯同豬頸肉叻吵，點好餐員工好細心問我要唔要碗仔因為我哋二大一小見到有小朋友唔駛我哋問佢自己就開聲先這份細心同友善真的加晒分，話咁快嘢食嚟喇。。。“豬頸肉叻沙”好香好大碗，“海雞飯南”到喇差不多有半隻雞份量黃油飯夠味主角海南雞好鮮好嫩，“碼頭勇士肉骨茶”好香藥材味飲一口勁香胡椒...正總括樣樣都做得唔差份量夠多我哋會再嚟食因為我未試佢嘅招牌“緣蝦壹麵”

因為店內裝潢及網上宣傳，終於前來新商埸一試平日有午餐及下午茶，不過一試之後就不會再想光顧當日點了兩款午餐，分別是海南雞飯油飯偏乾身並沒有油香味，少少失望醬料中配有港式薑蔥蓉，非常不正宗豬頸肉叻沙椰汁味較重，配米粉比較滯唯一較好就是豬頸肉薄片較多最失望的莫過於軟殼蟹竹炭紙米卷 配甜酸醬而非魚露竹炭紙米卷外表比較特別，但味道跟普通的沒有分別除了軟殻蟹外，只有沙律菜作配菜口感欠奉，外表亦不均太失望了，不會再來光顧服務亦是普普通通，飲品和食品質素在旺角區必能找到更好

星期一至五，午餐叻沙包飲品，好抵。旺角區算平。而且味道啱啱好，夠椰香，唔辣。服務: 女侍應有啲黑面。男侍應服務態度較佳。環境: 乾淨企理，商場亦有洗手間，旺角區算難得。

呢個食評係食左兩次先分享嘅因為我多數都係一個人食lunch所以每次只可以食到一個餐所以諗住食夠兩次先分享用餐後經歷第一次食嘅係 豬頸肉喇沙$62（配東南亞風味咖啡）喇沙味香而唔辣 好惹味麵嘅口感特別喺香港第一次食到咖啡都係驚喜 但係鍾意清淡嘅人可能接受唔到佢濃郁嘅味美到第二次嘅係碼頭勇士肉骨茶$78（配馬來拉茶）飯夠大碗 夠飽個人覺得拉茶好飲過咖啡肉口感鬆軟 我牙力不嬲唔夠都食到重胡椒粉味 幾特別最好嘅係每個侍應幾忙都好有禮貌又滿面笑容座位又舒服 咁忙都主動埋單lunchtime1個人嚟又唔會好似上一層間柞xxx咁唔接受一位用餐以後午飯又多一間飯堂可選擇～

入到黎當然要叫番個肉骨茶同叻沙湯底試！！！小編今次叫呢個蝦蝦霸霸叻沙湯麵，湯底濃厚，帶有小小花生香味，料又足！！好味！！另外，呢個碼頭勇士肉骨茶，用既係一字骨，湯底有陣陣胡椒香，非常暖胃！！可惜個排骨一D味都冇，有D失望！呢2杯分別係馬來西亞拉茶，東南亞風味咖啡。杯拉茶係有驚喜......茶味夠又夠滑，杯咖啡小編個人認為偏淡，冇咩咖啡味！！

見到新開商場入去行下就見到呢間野好似幾吸引就入去試下, 環境都幾<蝦蝦霸霸>海鮮米粉叻沙, 好足料, , 魚蛋, 蝦, 軟殼蟹, 魷魚, 蜆等等,  湯頭太咸, 但份量就好足夠,  成個賣相都唔錯, 不過有一個好大嘅死位, 就係蜆係死蜆 , 食落口係臭嘅,  成碗野都好普通, 除左多料之外就冇咩特別, 因為俾D圖片同名吸引而入咗去試, 雖然唔係話太差, 但係就真係冇咩特別原因可以支持再食, 如果想食叻沙可以有其他更多更好嘅選擇, 未試過可以試試, 但係唔好有太大期望就好D.呢碗野88蚊喺旺角係正常價格, 但係可以再做好D.

蝦面湯底冇蝦味。喇沙唔啦。海鮮真係有俾足料。拼盤一般。拉茶還可以，係有點似馬來西亞奶茶。入口有澀味。辣拉拉很普通⋯普通到清炒比較好吃。總結：麻麻地。就係一般湯麵粉。

環境：⭐️⭐️⭐️⭐️四星設計時尚有現代馬拉風格，但座位較少同窄，同埋需要搭枱，不能座太耐，但不會趕客走同無限時！食物：⭐️⭐️⭐️⭐️四星蝦湯味濃厚，鮮甜，蝦肉新鮮，爽口。款式選擇不多但都可以接受，小食推介有森巴舞同一骨雞，幾有特色！份量適中，賣相都幾靚仔！飲品選擇亦多且有驚喜！服務：⭐️⭐️⭐️⭐️⭐️五星員工親切有禮，落單快，起菜時間可接受！分數：⭐️⭐️⭐️⭐️⭐️（五星）最高， ⭐️（一星）最低！

因為附近返工，見到商場新開餐廳，即刻衝去試🏃‍♀️🏃‍♀️1：30pm去到，可能啱啱一點鐘食飯時間入咗一批，我哋都等咗一輪先有位，叫咗佢落單先，希望可以一坐低冇耐就有嘢食， 午餐有肉骨茶，海南雞同叻沙，我同朋友一個要咗豬頸肉叻沙🍜，一個要咗香煎魚柳叻沙， 等左一陣有得食，個樣幾吸引😍，同埋好多料，有好多舊魚角同豆卜同埋豬頸肉都好大好多片👍🏻，側邊有啲牙菜同半邊蛋🥚，另外會有半個嘅桔畀你再落去，呢碗叻沙啲麵似係啲粉絲，不過d麵唔係好索湯，所以每次食麵我都連埋一羹湯一齊飲，咁樣就好夠味，個叻沙湯底亦都好好味，但因為一路食一路飲個湯，所以食唔曬碗麵加上佢個麵都幾大，亦都好多餸，所以一碗男人實夠食，女仕嘅我覺得少啲麵都得，午餐有得野飲包，可以揀要馬來拉茶或者咖啡，我哋要咗拉茶，幾好味，但有啲甜，不過因為拉茶要煮，都要等一輪先嚟，新張期內有全單九折，另外有商場個apps或者傳單會有嘢送，免費脆梳東三件，埋單時姐姐有講其實可以打電話📞book枱，建議如果人多可以book定位先，唔使等咁耐

TOP唔覺又開左一段時間，如果專登去食野就無謂，好多舖都未開上2個星期已經想試，但隔離日本野 (同一個廚房，應該同一個老闆)好多人排到塞住入唔到有睇開我寫食評離不開荔枝角角/長沙灣/太子/旺角，對於宅女係咁上下，都係果句剛唔洗排有位肚有少少唔舒服，唔咁叫喇沙，男友叫我都會試下，正宗又未講得，但都唔錯，配炸魚少有，魚肉無雪味，又唔會太多炸粉，最慘個麵似米線，點解今次男友無呱呱叫呢我就補補骨膠原，叫左個豬手飯，汁比較咸，豬手入味唔肥同粘口，瘦肉部份都軟稔唔貴無加一可以再試，本人覺得佢地馬來西亞咖啡好飲過拉茶

見佢新開，加上OpenRice 又有推介...決定去試一試佢先...去到門口等咗大概15分鐘...因為我實在太鍾意食喇沙...所以我就叫咗個蝦蝦霸霸叻沙...$88仲要係中辣...但上到枱嘅時候...賣相幾靚仔幾吸引我.....但係湯底唔係咁濃郁....完全唔辣....太重奶味...就係咁樣有啲失望😞...朋友叫咗個緣蝦壹麵...湯底有少少鮮甜...但都唔係好突出...$128...都係比較普通...唔係好值呢個價錢....小食追加 香茅雞翼 4隻...$24...雞翼唔係好夠入味...辣啦啦....$68....佢漏咗單...吹左一次...佢先黎...食到有少少沙...我哋冇叫野飲....如果下次再嚟會試一試....嘢飲價錢偏貴.....所以我哋將嘢飲嘅價錢叫咗小食...賣相都幾吸引....但總括來講...一般....我覺得喇沙可以再好味的....由於新店開幕，有九折嘅關係... 所以係免收+1服務費....