緬泰皇宮

營業中

休息中

聽侍應講有兩個廚走左, 今晚得番個Special Menu, 得廿樣野食倒, 等野食超耐.叫左:青咖喱牛- 得個辣字, 冇咖喱香味原個菠蘿炒飯- 個菠蘿黑灑, 唔知用左幾多次蔗香排骨- 油淋淋肥豬肉, 仲要唔熟的以前唔係咁架喎

當晚一行四人,嘗了最差的一次泰菜;那天晚上本想去曼谷泰菜在香港仔的分店晚飯,但去到看見人山人海,要排長龍,實在太餓,因早上己將所有精力都留在海洋公園,己疲憊不堪,友人建議舊大街也有一間泰菜,在無奈下也可一試,到店內,己知不大對路,weekend 竟然還剩大把位,坐下來點了本人最喜愛的冬蔭功,炸蝦餅,生蝦剌生,泰弍通菜,還有等等,,,,,,先講冬蔭功不酸不辣,不知所謂,蝦餅不新鮮還有異味,生蝦入口竟然在口內起膠狀,明顯是死蝦,到這地步實在不需說餘下的食品,本人忍無可忍之下只好通知待應生,但反應是冷淡非常,若無其事,本人亦不想多事也不想為一餐飯而影响心情,一心回家休息,在離開餐廳前,竟然聽到待應們說我們一行是表叔不懂泰菜,真係無奈? 真係唔明白這種餐廳為何還可生存這麼多年,實在想不通???????不過相信無下次>

今日lunch到這裡試一試，本來想要黃咖喱雞煲，但見到鄰檯的湯河賣相也不錯，於是便改要了湯河。雞絲．豬扒金邊粉（$16）：雖然說是雞絲，但其實是雞柳才對，因為真的太大件了；豬扒稍微炸過，但放在湯河上，炸及沒炸也沒多大分別了；金邊粉很爽口，份量也不少。整體來說味道是很不錯，而店員的服務態度也很有禮貌。下次光顧時再試試別的菜式吧^^

講少左個紅咖哩喎, 呢個認真唔得, 佢用一個大碗上枱, 下面有一個香薰燭台的火熱住佢, 試問咁又點會熱到上去呢?入面個d鴨胸極少,全面大部分都係茄子, 同埋都唔係鬼佬鴨胸, 煮到好似潮式鵝胸咁鞋, 好渣, 紅咖哩一d都唔辣, 唔可以稱之為紅咖哩........

其實香港仔係無泰國菜, 所以泰皇宮係唯一選擇個日六個人去食Lunch, 叫了一個四人餐$188, 有蝦餅,春卷,什錦窩河,炒時菜同埋泰式鳳爪,再散叫一客紅咖哩鴨胸$48, 蝦餅有4件,可能食過小曼谷個d, 覺得呢個真係超渣, 又薄片, 又細塊又唔彈牙, 春卷就好幼好細條, 入面只係得d菜絲做料, no good, 鳳爪個樣幾得, 炆得夠腍, 但係好唔入味, 只係得面頭個d辣椒絲, 可以做得好d, 炒時菜係一碟好一般的蒜蓉小棠菜, 菜都新鮮同大碟, 但係通常泰菜都比炒雜菜instead of一種菜, 什錦窩河係呢度招牌貨, 河粉係好滑同幼的, 湯底係甜甜地的, 有好多料, 有雞肉(煮得過時, 鞋晒), 豬扒(煎得唔夠時候, 豬扒重係白雪雪) 豬肉(係煲湯肉, 幾腍) 豬頸肉(浸係湯入面, 味好似淡了點)六個人全部清晒, 所以要再叫多一窩河粉$48, 今次叫佢加牛丸, 牛丸係好彈牙爽口的, 有四粒, 今次個豬扒煎得好左, 唔再白雪雪, 雞依舊鞋.最後上甜品, 一人一舊大菜糕同泰式西米糕, 唔知點解舊大菜糕可以做到鞋架呢? 我係屋企做都唔會鞋架, 都唔知佢點整, 西米糕就ok, 面頭個d白色

個人推介生菜包, 超好食, 啲豬肉好香,用生菜包住, 好有口感, 一流,可惜生菜吾太夠, 包吾晒啲豬肉

今晚同左家人來, 3個人叫左一個餐$130有蝦餅拼豬頸肉, 炒通菜, 芋頭煲仔飯同甜品西米糕.另外叫左炒聖子($38).蝦餅拼豬頸肉- 蝦餅依然熱辣辣, 但d汁好似沒以前咁好味, 豬頸肉ok, 不過好似冇咩味.芋頭煲仔飯- 材料都幾豐富, 但有d"漏", 同d雞肉冇咩味.辣椒膏炒聖子- 同上次一樣好好味, 今次用左d較細隻的聖子, 比上次鮮嫩唔難"趙"

我1,2個月前來過這裡食晚餐, 平時夜晚有7,8款小食特價, 十幾蚊有一碟, 生蝦刺身都好似$38一碟ja~我們2個人叫左4,5樣野:炸蝦餅($19/2塊): 拿埋來時仲好熱的, 熱辣辣入口一流, 不過蝦味唔夠, 但d醬汁好好味, 酸辣適中, 愈食愈開胃泰式炒時蔬(好似廿幾蚊):原來係蒜茸炒白菜仔, 呢個有d失望, 因為炒得唔夠穫氣, 好似有d未乾水, 唔覺有咩"泰式", 早知貴少少食過炒芥蘭好過.辣椒膏炒聖子($38):好味又抵食, 辣椒膏真的很辣啊, 食到我麻痺左, 但d味好特別, 唔知加左咩調味, 酸酸辣辣, 唔同出面果d炒聖子架蝦膏炒飯($45):有蝦, 蛋絲同肉鬆做配料, d飯好入味又唔會咸得滯, 好味道~芒果汁/菠蘿汁($11/杯):味道唔似溝左糖水的, 因為唔太甜, 又有渣, 芒果果杯好"杰"tim 呀

好好食架佢地D野值得一試呀,我就最鍾意佢地既拼盤啦勁好味啦,仲有就係蝦醬炒通菜呀,令人回味無窮呀,仲有係八雲鳳爪呀,少少辣,掂呀,不過係價錢貴左少少啫,不過都要去試下呀

我是在平日的晚上去試這間餐廰的,食客約有六成,環境都幾整潔, 侍應服務都幾殷勤, 食物都幾好吃,份量一般, 我們一行五人叫了六款食物,包括炸春卷, 烏頭魚,咖喱牛, 特色炒飯等,埋單一共四百元, 價錢ok, 如要同朋友去香港仔食飯, 這是其中一間可以值得選擇的食肆。

昨晚又起酸辣癮,醒起香港仔仲有間碩果僅存的泰國菜館,於是又拉埋長頸鹿去試.入到去的環境,同傳統的泰國菜館一樣,由佈置,椅,餐具到音樂都係好有泰國feel,正! 由於我們都唔太肚餓,所以我只係叫左碗生牛肉金邊粉,而長頸鹿跟我都叫了杯青檸冰,無叫野食.先來青檸冰,酸酸地,幾開胃,我試到除了青檸汁外,應仲有蘇打水(soda water),檸檬汁等溝埋的.個粉上前,侍應送來食泰式粉必要四大醬料,包括辣椒粉,辣椒魚露,辣椒醋同糖,待我之後加入伴食.生牛肉粉上時,d牛肉未熟透,食落都幾滑,碗粉唔係一舊舊未淥散,加埋醬料後,酸酸辣辣的,好開胃,似乎同正宗的相差不遠,只係味精稍多,食完有少少口渴.雖然我倆叫野唔多,但侍應都無白眼,仲好好禮貌,埋單又快,只係可能我們好夜先去食,臨近收舖,人客唔多,d待應都幾大聲傾偈,不過情有可原,都無所謂了.

呢度午市真係幾平既,$12單拼河粉,$14雙拼,野飲就$10雞絲金邊粉:唔得,d雞太大舊同懷疑唔熟,粉未淥得夠就上檯鑊仔咖哩雞$45:呢個好好味,唔太辣,椰汁好香,好多雞肉豬沙爹$22(3串):燒得好香,甜甜地石榴子冰$(10):太甜,飲左半杯已經好滯service幾好,會送甜品(椰汁糕),但有一次食過"叔"既就無再要la

lunch time 好多學校幫襯service幾好個老板仲送過甜品比我地

我住得唔算遠，但無食評推介就未試過。緬甸薄餅，新鮮鬆軟，好香麥味，必食。鮮搾芒果汁，真材實料，飲管直立不倒，只十一蚊，強烈推介。串燒幾香口，唔似油炸喎，咖喱唔錯，炒什菜普通，炒蟶子五十蚊有三十隻以上，雖然唔大隻。午市有雙拼粉麵，十五蚊，檬、金邊粉、河粉、豬扒、雞翼、豬頸肉等等任揀，新鮮即製，配菜係豆苗! 地方又「骨子」，雖然平但服務都唔錯，尤其係其中一頗高大既男senior 職員。

經理服務唔錯. 9個人叫了$888套餐, 一個冬陰功, 經理加左過送, 全部清哂. 泰式蝦餅真係炸得唔錯, 正! 想佢開分店, 但唔知Keep唔keep到d水準. 試吓啦