緬泰皇宮

營業中

休息中

昨晚又起酸辣癮,醒起香港仔仲有間碩果僅存的泰國菜館,於是又拉埋長頸鹿去試.入到去的環境,同傳統的泰國菜館一樣,由佈置,椅,餐具到音樂都係好有泰國feel,正! 由於我們都唔太肚餓,所以我只係叫左碗生牛肉金邊粉,而長頸鹿跟我都叫了杯青檸冰,無叫野食.先來青檸冰,酸酸地,幾開胃,我試到除了青檸汁外,應仲有蘇打水(soda water),檸檬汁等溝埋的.個粉上前,侍應送來食泰式粉必要四大醬料,包括辣椒粉,辣椒魚露,辣椒醋同糖,待我之後加入伴食.生牛肉粉上時,d牛肉未熟透,食落都幾滑,碗粉唔係一舊舊未淥散,加埋醬料後,酸酸辣辣的,好開胃,似乎同正宗的相差不遠,只係味精稍多,食完有少少口渴.雖然我倆叫野唔多,但侍應都無白眼,仲好好禮貌,埋單又快,只係可能我們好夜先去食,臨近收舖,人客唔多,d待應都幾大聲傾偈,不過情有可原,都無所謂了.