繼光香香雞 (連理街)

營業中

休息中

今天與好友相約要一起做功課，但事前當然要為肚子作個打算先。走過商場便聞到了陣陣的香味，經好友一說就決定試試這間台式炸雞。人流還是挺多的，落單後還需要等候，因為炸雞都是熱辣辣出爐的。落單時店員還會詢問是否要辣，十分貼心。是次選擇了普通份量的炸雞，要了微辣。炸雞到手時還真的是十分熱。吃下去不會太油，十分香脆，而雞肉十分有肉汁。不會像坊間的油淋淋之外還是乾巴巴的。配上香料，炸雞整體變得十分可口，真是還想來一杯珍珠奶茶來配搭一下呢！

自從繼光香香雞進駐香港之後，我已經好少幫襯其他舖頭既台式炸雞喇！鍾意繼光既炸粉漿好薄，獨有既鹽酥粉特別香，雖然真係好熱氣，不過間中食下都唔過份丫！呢日經過買包細既過下口癮，隔左段時間冇食，原來依家已經有分大中小size,價錢分別係：$50(290g), $38(220g), $26(150g), 計一計數原來買多d並唔會抵左，又幾均真喎！等候期間見到推銷花枝丸既poster,竟然要$15/2粒！雖然見唔到實物唔知幾大粒，不過都不禁慨嘆香港既街頭小食文化都漸漸變成高消費活動…熱辣辣既炸雞到手了！要等一下先可以食，因為真係新鮮炸起熱到飛起！食落好似冇以前咁多肉汁，有少少乾，不過鹽酥粉同辣粉一如以往咁惹味！

又係食繼光雞嘅晚上，今次食番我最喜歡嘅spa 雞扒！spa 雞扒係即叫即炸的，你可全程睇住雞排嘅製作過程。（個人幾鐘意望住佢地炸雞天然呆下）人小時大幾等5-8分鐘就有得食！雞排肉夠厚，而且超幼嫩，加上外層香脆，可以大啖大啖獨享一塊美味雞排，覺得自己真係小確幸

今日因為要幫老豆而到將軍澳醫院買打針用的針頭。中秋過後，快十月啦，天氣還是這麼熱，全球暖化已經迫在眉睫，你我又豈能置身事外？買完針頭後時間尚早，將軍澳商場雖多，然而坐位欠奉，想坐低以吹吹冷氣也不行，惟有只買點小食，在公園稍事休息避暑歇歇腳吧！走到坑口港鐵站上蓋的商場，我找的至愛之一：香香炸雞。買完即刻走到公園一邊歇涼一邊試食，涼風陣陣吹在身上，在找張櫈也甚艱難的將軍澳是最快樂的事。香香雞和雞排最大的差別，亦是我最愛香香炸雞的原因之一：無骨。之前吃過雞排很多次，魔法雞排或豪大大雞排都好，雖然啖啖肉，但始終都要吐出骨頭，怎都比不上吃香香雞般方便，一啖一粒，多好啊。辣度也可自由控制，我喜歡小辣，辣度適可而止才是最高享受啊！

首先去要澄清，我絕對係繼光雞嘅粉絲，但係今次試左佢嘅甜不辣之後好失望呢⋯甜原辣咬落去唔香口之餘仲要感覺好油淋淋，有啲食落去仲苦苦地，是炸得過火定油溫問題？！我的續光香香雞，不要再讓我失望了⋯

下午茶時間，有少少肚仔餓，落街睇下有咩好食，經過商場傳來陣陣香氣，呀！是我每次經過這裡也會聞到那陣熟悉的香氣～去到有好多人等籌拎雞雞，第一次食這個香香雞，叫左個細size$29，叫住職員係即叫即炸好新鮮，買嘅時候，佢有個電子磅，細size好似係250克～炸好左，磅好左，入好袋再加入味粉，搞掂！可以選擇辣同唔辣嘅味粉架，我揀左少辣～拎住袋炸雞番屋企沿路都聞到香味！衝番屋企開餐先！$29，大約只有8粒上下的雞雞，價格小貴啦～炸雞味道唔錯吖！雞肉本身冇乜味，全靠後加味粉的功勞！雞粒外脆內軟，肉質唔鞋，小辣其實都唔太食到辣味，只係令惹味指數再提升吧！！

脆炸杏鲍菇 $23放學途中經過呢間鋪頭，俾果陣香味吸引左，不過我又對炸雞冇乜興趣，所以就揀左杏鲍菇。因為呢間鋪標榜即叫即炸，所以等嘅時間相對會長少少。可能冇乜人叫杏鲍菇，佢要重新炸過，所以我都等左約莫7-8分鐘。其間店員都有解釋番原因同講番唔好意思。鋪頭有一個位可以俾客人睇住店員準備食物嘅，衛生程度就咁睇都ok ，店員會戴口罩同帽防止污染食物。另外一様值得一提嘅係店員時不時會用台灣腔嘅普通話promote，雖然係得嗰幾句，但係就多左d去左台灣嘅feel。講番食物啦，杏鲍菇有得揀辣同唔辣。我揀左唔辣。啱啱整起嘅時侯真係好香，外面嘅皮好脆，入面就好腍，個對比幾得意。不過可能係因為菇較多水份嘅關係，個皮好快就唔脆，所以一定要趁熱食。不過就算凍左味道都唔差。

入西貢係坑口搭車, 諗住買少少野入去食, 見到依間話係台灣傳過黎好HIT既炸雞, 就買左一包, 佢標榜住即買即炸, 拎上手係很熱辣辣, 味道都很濃很惹味, 外面炸得超脆但入面肉質仲好多汁好滑, 不過食完一件, 就好口渴, 要狂飲水, 再食多件, 又係超口渴, 又要狂飲水!!!真係落得很重味精, 難怪咁好味, 不過我地無可能食一件飲咁多水, 幾時先食得灑成袋雞, 所以最後掉左!!!講真, 而家香港人都好重視健康, 好食唔一定要落味精, 真係要檢討下!! 仲要賣得好貴, $45細份, 不會有下次!! SORRY!! 

之前睇團購網時有見過呢間嘢，但當時無買到因為店鋪位置唔就腳～今日咁岩經過坑口，諗起呢間嘢就去買黎試下～本身正係諗住想食下炸雞，唔會特別有啲咩期望點知就有驚喜，雖然去到無人。等左大約5分鐘就有得食叫左一份中size既炸雞$38。中辣食左一半先影份量超多，2個女仔食唔晒～好夠辣食落口感覺唔會好油，值得一試如果天氣唔係咁凍會買杯水果冰茶試下一定再有下次

台灣小食喺香港非常普及，同樣競爭都非常激烈，要喺市場佔一席位，只靠噱頭新鮮感未足夠，質素服務先係王道。        將軍澳屬新區，年輕人比例高，自然有利賣零食。但同樣要面對激烈競爭。繼光香香雞店面簡潔，食物選擇唔多，不過只要有招牌菜，款式唔使多都會生意興隆。呢度提供原味同大中小辣香香炸雞，蒜脆杏鮑菇、葱蒜樂薯、SPA 雞排同飲品。我只鍾情炸雞，今日點咗原味同中辣香香炸雞。作為小食店，應該追求速戰速決，大部份都會整定等客幫襯。呢間店值得尊敬嘅係堅持即叫即造，保持產品質素，而且每炸完一次，店員會即時篩走油裏面嘅渣籽，確保油唔會咁快變黑。炸鍋同客人只用玻璃分隔，整個過程客人可以一覽無遺，亦係店舖自信嘅表現。只見店員將雞塊放入炸漿，令客人最期待嘅畫面即刻出現，就係將雞塊放入滾油，隨即滿鍋翻滾，話咁快就出爐，店員隨即灑上蒜鹽同辣椒粉，即刻有得食。雞件炸得香脆鬆化(亦非常熱氣)，由於油溫高，雞件油份逼晒出嚟，所以香脆不油膩。 整炸雞，人人話手板眼見功夫，但要堅持做好每個細節，持續保持品質，除咗努力，仲要對食物有一份尊重。

係台灣買過繼光香香雞,味道不錯,係天氣寒冷既時候,食番件炸雞粒特別暖和熱氣.想不到原來一早登陸左香港,一於黎回味下$25 香香炸雞加$10 果茶係好既配搭份量足夠2個人共享,炸雞肉粉嫩,而且重點係肉質一絲絲的,好似係用雞胸肉做既感覺,就係因此咁樣總係覺得無咁肥膩,但不等於無肉汁.調味都係不外胡椒,辣粉,五香粉類既東西.駗熱食吧

香香雞新鮮現炸這點非常討人喜歡，有吸引人回頭的慾望。一份香香炸雞要$25，份量一般，必須在新鮮熱辣時吃，才放了一陣子就會完全涼掉和變乾..不過不油不肥這點挺不錯。店員會用普通話來歡迎和送別顧客，這點很不錯，不過這次的店員大哥聲音比女生還高還可愛，聽了有關毛管凍就是了..

中產不易爲。KFC、Jollibee之類的快餐屬於基層。雖然一客套餐索價至少三十元，但就相對價格而言還是划算。畢竟，四、五客套餐方抵上一客韓式炸雞的價錢。韓式炸雞店人均消費二百多元，或許中產有餘而上流不足。於我而言，此等炸雞與快餐如出一轍，價格不應相差這麼遠。應說是韓風把韓式炸雞推上上流吧。至於新鮮雞炸子雞則要更上一層樓成爲特供食品了。我一直堅信，上流與基層之間，其實有很大的空間。後來，我在繼光雞找到這片空間。炎炎夏日，在商場過道冷氣籠罩下「掃街」最好不過。既避開一切日曬雨淋風吹雨打，又不必擔憂食物受路邊廢氣污染。店面寬敞亮麗。只是中間空蕩蕩。以其面積之廣，大可弄幾張桌椅供食客堂食。玻璃窗後，炸爐只佔一角。店員都帶上特製口罩。一般口罩往往蓋住口鼻。見過不少職員「創意」佩戴口罩，口鼻硬生生殺出一條生路，戴上與否根本沒分別。這兒的口罩，像極球迷調侃烏拉圭球星蘇亞雷斯的「防咬口罩」，僅在嘴巴以下伸出一塊「防衛牆」。戴得舒服，看得安心。店員下單時態度很「臺灣」。由歡迎到重覆柯打，由收錢到報上找續，由叫號到燙手提點，通通很有禮貌。廣東話取代國語，既香港又臺灣。最後幾個店員更齊聲以帶香港口音的台腔

上個月去左台北幾日食玩買, 食得最多除左7-11同familymart嘅冷麵外, 就係繼光香香雞。早兩日突然間心血來潮, 好想再食一次, 重溫返台灣嘅味道, 於是放左工就搭左半個鐘地鐵入坑口開始左呢次尋味旅程店鋪開喺商場入面, 當日去到時係20:30, 門口一個人都冇。走埋去已經感受到店員嘅熱情款待。當晚叫左2份香香雞 ($25/份) 同一份SPA雞排 ($28/份), 店方收到order後即時製作, 所以要等候片刻。而於等候時, 除左隔住店內大玻璃都聞到嗰陣熟悉嘅香味外, 亦見到有4 - 5人來光顧, 估計呢間鋪都幾受區內人歡迎。5分鐘後, 我的食物已經新鮮做好, 放到同台灣店舖一樣的包裝膠袋內。拎食物時, 店員除左會同你講小心熱外, 一眾店員更會一齊用國語叫「謝謝光臨」, 呢一點係令我覺得, 我真係返左台灣!講返食物, 新鮮做起呢一點其他鋪已經不能相比外, 味道亦同台灣店的不相伯仲。今次叫左微辣, 真係少少辣又未至於辣到要飲水, 個人覺得做得好好。香香雞外脆內juicy, 十分好食, 而且香港店嘅雞更加係無骨, 雖然個人喜歡有少少骨啜下, 但無骨雞在街吃實在比較方便。至於SPA雞排

Boyfriend and I were walking around Tsueng Kwan O when boyfriend said...there is something he wanted to eat here but he couldn't remember what. Then we walked by this fried chicken stand and he exclaimed.....this is it!!! Let's get some!It's a small take away stand that sells fried chicken, fried mushrooms and fries. Yeah...fried heaven. You can add $10 for a drink. Menu in English and Chinese. You can request spicy or not spicy. The person working there speaks English.They gave our takeaway in