繼光香香雞

營業中

休息中

今日520，是食的節奏，人山人海⋯⋯每間都要排隊買飛排隊等拿食。聽講尼間來自台灣的炸雞不錯，於是試下。都👌咁喇，無話特別好食，偏甜左D，如果唔係就會俾個👍距

頭先食完玉子燒，行上一層搵下再食d乜好見到人地手上拎住一碗黑色條狀物行過，就比我搵到黎繼光香香雞啦既然有新野食，今日就唔食炸雞啦，試下新既依款義式墨魚甜不辣配他他醬，見佢地依幾日做緊prompt加5蚊仲多杯水果茶或者酸梅湯添熱辣辣既義式墨魚甜不辣到啦，點落個凍凍地既他他醬度食都幾好味，外面香香脆脆，入面口感煙煙韌韌，有少少少少既墨魚味香口既野通常都係食開就唔停得口既，轉眼間嗰十幾條就比我消滅哂啦，26蚊唔貴丫，下次可以考慮試埋配海苔嗰款

是日小人於葵廣附近拿到公司要的東西，想著吃少少東西即回，又掃到一處小食炸雞檔。說到底，葵場非甚麼高貴廣場，還帶些殘樣；卻原來當中藏龍卧虎，有不少平民美食。小店位於商場內的一處，毫不起眼，左右隣舖都是一些賣衣飾鞋襪的店子，有點格格不入。小人見店外有人龍，即管一試。炸雞有分大中小辣，嗜辣的小人當然來客大辣的。新鮮炸起的雞件相當熱燙，每件都不太少，雞肉算滑，沒有雪藏味，而辣度果真夠勁，嚐辣者絕不能錯過。不過作為街頭小食，實在等得太久了，一份柯打需時十五分鐘，乃唯一詬病之處。

葵涌商城小食越來越多，上至壽司熟食，下至甜品飲品，行一個圈，就可以滿足早午晚三餐，包你捧著肚子走。這次買了台式炸雞，見網上評論不錯，門口等候人龍也多，肯定好評。買飛後，等大概7-10分鐘，一份新鮮熱辣的炸雞就到手。小份炸雞有七八件，可選辣或者不辣，小食多滋味，分量足夠兩人分享。外層薄薄一層粉漿，熱辣辣還燙嘴，入口香脆，雞肉不會太乾身，微辣咸香，是令人一口接一口的小食，再去隔壁買一杯珍珠奶茶，絕配！題外話，落單的店員好客得令人覺得長氣我：唔該要一份炸雞，細既。店員：細既有7-8件，是否足夠？我：夠了。店員：需唔需要加其他小食？杏鮑菇唔錯。我：唔需要。店員：需唔需要加杯飲品？我：真係唔需要。其實我真的只想買一份細的炸雞。

葵涌廣場美食無人不知, 當你上到三樓時已經人潮湧湧, 美食多不勝數香香雞源於台灣, 香港真係第一次食由於是外賣店, 職員會有膠袋提供, 份內細心叫左中份同友人分享, 每粒香香雞均屬大粒, 唔會太油膩, 有外酥內彈牙既口感, 唔會炸到好乾身, 仍鎖住內裡雞汁, 當然要灑上辣粉, 值得一讚既係落左辣粉都無蓋過醃漬過既雞肉味

葵涌廣場3樓，假日人多到爆炸💥💥😥雖然有好多小食檔，小編見到炸雞都係忍唔住！澎湖花枝丸 $15/2粒花枝丸好吸引😍😍 即點即炸，外面乾身香脆，裡面熱辣辣解嫩😋 2粒份量岩岩好，可以留返啲quota食第啲意式墨魚甜不辣 $23 （加$3 有他他醬）賣相黑媽媽好特別，食起黎冇乜墨魚味，其實整體都冇乜味😂😂 所以一定要點醬！反而口感唔錯，炸得外脆，裡面又QQ地，越食越想食

聽聞葵芳開左間繼光香香雞，因為之前係台灣食過好好食，所以專程黎試試。一去到，已經好多人等緊。因為係即叫即炸，所以個個都要等。而我前面有7-8個人，結果差唔多等左10-15分鐘。終於炸完！我拎起個袋都覺得好熱我叫左細份，但份量都唔少，夠兩個人食。d炸雞落左辣粉，所以有少少辣。而且新鮮炸出黎好惹味。但感覺好似無台灣果d咁好食

比起朋友喜愛的韓式炸雞，我可能更喜歡台式炸雞－喜歡有如雞胸肉般的雞肉，以及惹味的唯鹽粉，加上一杯珍珠奶茶簡直是完美的配搭。雖然係即叫即整，但等候時間不算長。細份大約有7件，價錢算貴，但由於係台灣帶來香港，貴些都冇辦法。味道方面因加了調味粉及辣粉，一定惹味，可惜朋友覺得有少少雪藏味，希望店舖可加以改善。

搵食第一站，葵涌廣場3/F,今回又有新店啦！台灣鹽酥雞有咩特別？呢間特別香，特別惹味！呢度叫香香炸雞，話就掃街第一站，當然要份小的（$26）過過口癮。 點餐時職員細心講解小份有大約七至八件，又問要唔要胡椒粉，見我打算說不時，又提我呢度的胡椒粉係唔辣的買畢後就站在一旁，隔離有7-8人都正在等候，看著店員即炸，雖然等了好一會，期待的心情愈來愈高漲終於叫我啦！除了紙包裝外，仲有個膠袋，唔怕沾到食物油漬。要加分！新鮮炸好的雞件唔會太大件，食得好方便。而且一點也不油膩，每一件都很juicy,好嫩滑，不消一會我倆就吃清光，嘻嘻哈哈繼續尋找下間小吃店。

台灣黎既雞粒，見過佢好多次，但價錢唔抵，我成日都無試。今次朋友話我知佢係好好味，係台灣食過好好食，咁我就緊係同朋友一齊試下啦。比左＄26蚊買小份雞，店員就係咁強調小份得六七粒，中份＄3x會多少少，我地講左兩次唔洗，佢都仲係度sell，心諗係葵廣都係試下小食姐，又唔係試你一間要食飽。等左大約20分鐘，等到有d火滾，錢就係咁收客既，拎貨就慢慢黎，逐件逐件雞咁夾，慢到一個極點，定其實呢d係佢地既營銷手法，製造人流假像。如果你話口味，等左20分鐘都叫話值啦，點知等左咁耐，望住佢一粒一粒雞咁放落磅咁秤，之後重左少少就拎走粒大粒既，換上一粒細粒既，粒細粒既又跌左落枱無補番上個秤到，姐係未夠秤啦！打開門口做生意，勁鬼市儈計埋果一兩g，呢20分鐘就係咁望住佢一粒粒咁計到盡，真係有d想上前鬧佢。包唔夠秤既唔香雞呢到手，一d都唔香，叫咩香香雞！ 食落口，又唔脆，得個乾同硬字，味又唔夠，又唔係咸，又唔係香，又唔係“野“味，可以形容係味淡唔香乾乾雞，總知就＄26食幾件垃圾！！！！我個fd好鍾意食香香雞既都話香港呢間整得好差，大家表明唔會再食！初初就以為係佢落得唔夠粉，番轉頭叫佢加粉，話哂又貴又等左20分鐘，點

每次踏入葵涌廣場，第一件事一定是先到3樓醫肚，滿足了胃口才有力氣逛街。 在云云台式美食中，最終我選擇了沒有人龍又向來有水準的香香雞。付錢後店員有提醒是即叫即整所以等候時間約5-15分鐘，我也在5分鐘左右拿到我的香香雞。點了原味香香雞，有加胡椒粉。$26比我想像中多，拿在手上很有份量。炸雞皮夠脆不會太硬，比較乾身沒有油膩感。另外，不得不提員工很有禮貌，而且快手快腳包裝是紙袋外面再有膠袋，其實很方便不會一次過吃完的朋友。不過建議在顧客需要的情況下才提供膠袋，因為有多數顧客買完就在旁邊吃完，紙袋也有足夠厚度，膠袋可以省卻，省錢又環保

店員熱心解釋細嘅香香雞大約7件($26)，而中嘅大約12件($38)，其實中嘅係抵食啲，但我哋止口痕所以要細嘅就夠。雞真係新鮮即炸，拎到手熱辣辣，仲好細心加多層膠袋冇咁油，但就唔多環保。本身以為分量好少，但原來每件雞都唔細嘅。炸衣唔厚但都幾脆，雞都有少量肉汁唔會乾。調味粉都幾惹味，有少少辣辣哋，不過好似撈得唔係好均勻。

星期六經過見到成堆人喺度排隊作為咁為食既我梗係走去試試產品唔多揀但又唔知邊樣好跟住個收銀竟然主動介紹一般鋪頭都係等客人自己諗咁主動好少見聽左個收銀講話炸雞好食，試下啦俾錢，跟住佢話，即叫即炸，要等15分鐘嚇到我呢咁是但啦等了又等終於等到食落口發覺同其他出名炸雞店唔同肉汗好豐富食完仲覺得唔夠喉想再買，但又趕睇戲唯有下次但絕對低讚，啲員工好鬼好笑容，又主動，真係無幾何

上星期去見到開左間，本身台灣食過好好食，所以就去左排隊試下本地野。整出黎幾好食，首先係同台灣一樣即叫即炸，味道一樣好味同滑，驚喜竟然係無骨，台灣食幾次都有，呢個抵👍👍

因為在葵涌廣場返工的原故，我經常買來食的。最近我愛上食原味的炸雞，即是什麼粉也不放，真正的原汁原味，正另外，炸杏包菇也很出色啊，外皮很脆，而裡面很多汁，熱辣辣時食真是一流啊雖然要等10-15分鐘，但是值得的！