羅馬餐廳

營業中

休息中

原本想食午餐，見有下午茶。就叫咗碟，乾炒肉片金邊粉。上台時眼見肉片少得可憐，可以叫做1.xx塊，即時向店員反映意見。兩人見到，已只對望，冇出聲，即時散開。唔理我，我跟住再問，有位話炒過，我話你鍾意。有趣嘅系，講完冇件事。走開去冇回應又冇炒過。咁我就當佢唔理我，火到我特登食剩啲「肉」比佢睇。兩個人員拉拉扯扯，跟住又再話炒過比我。我話已經食完啦！之前講完又唔做，而家又講，博我冇件事，冇件事。冇多冇少！無心做事，話之你死！

住係附近,之前已買過好多次,今日買左雞脾薯條下午茶咬開左少少之後發現得面塊雞皮同側面少少肉, 雞皮後面得條骨打落去同佢講, 佢話要睇到先判斷到邊個錯, 所以我而傢upload上黎比佢判斷

好多年前食過呢間野,我覺得呢間野差左好多。同朋友叫左呢個BABY PORK BACK RIBS 開心分享,都等左好一陣子。份量唔算太大,但價錢都唔算特別平。RIBS係平時食都果隻味,冇乜驚喜。薯角都還可以。呢度既裝修比較老套,陳舊,裡面都唔係坐到好多位,多數係呢度既居民住。甜品我地叫左APPLE CRUMBLE,真係好多碎,個雪糕明顯係NESTLE既3色雪糕,非常差,好失望,仲要收六十幾數添。好彩個RIBS不過不失。

離開梅窩前想先吃個下午茶，在碼頭附近逛一逛，決定進這間試試。本身非常熱，一進到來，感覺十分舒服，因為冷氣很涼。選了卡位坐，對正電視，座位闊落舒適。我點了星洲炒米（$42）配凍檸茶（+$3）。落單沒多久，凍檸茶便很快送上。立刻喝下一口，十分冰涼，好好喝，整個人舒爽起來。而星洲炒米份量不多不少，當下午茶剛好。味道ok，正常，不過不太香口，鍋氣一般。因為和朋友有點累，而且環境舒適，我們又很多東西聊，所以吃完繼續坐著聊天。店員幫我們清潔枱面，更友善愉快地向我們說慢慢坐。付完錢離開時，收銀又跟我們說再見。店員都好好，好友善。

假日去梅窩玩落船已經12點，即刻睇下有咩好食吸收之前係坪洲食dinner嘅經驗，離島比較Local嘅茶餐廳可能會有驚喜，可能佢地本身用嘅食材質素已經唔錯，所以食落鮮味D～於是同朋友就揀左呢間唔會太GRAND嘅羅馬餐廳～我地叫左一個咸魚茸蒸肉餅配排骨飯，完全係屋企嘅味道肉餅嘅咸味主要黎自梅香咸魚，咸度岩岩好，送白飯一流餐湯我地揀左紅蘿蔔粟米豬骨湯，好足料，好似屋企煲個D咁～最後想講下餐廳嘅待應們態度都好好，因為我同朋友仲想試其他野食，所以只叫左一個餐，佢地都冇黑面佢地行出行入同我地有eye contact時都會笑笑口，所以成餐都食得好愉快XD

話說之前羅馬好好食，以為開返。所以特登揸車入去食。叫左個牛扒食，仲要7十幾蚊。㸃知塊牛排薄到冇朋友，不特止又難食。啲意粉口感林晒仲有水添。真心想講粗口。咁既價錢不如食大家樂冇咁嬲。不會再幫襯

Boxing day 當日，離開昂坪到梅窩，正值 1:00 有多，大家也肚餓嘞！我們沿著巴士總站的左手邊，看看有什麼餐廳適合我們醫肚吧！只見兩三間餐廳都是土耳其、中東菜...這類，似乎不太啱心水！恰巧！我向前望，見到有間綠色招牌的 <羅馬餐廳>，走過去望，門外有個午餐餐牌！午餐 $52包括：餐湯、飯或意粉及飲品 (凍飲+$3)抵食之餘，又啱大家口味！羅宋湯 橙紅色的羅宋湯都幾大碗！雜菜有：椰菜、紅蘿蔔、...頗為足料！湯水質感稀薄，卻是入口酸中帶辣，對我來說有點辣，最終要淋上白飯同食，有助解辣！干燒伊麵 $52最先送上枱，火候恰到好處！伊麵均勻著色入味，既乾身又不膩口！草菇蘑菇是罐頭貨色！蒜蓉豬扒飯 $52橙色的蒜蓉汁，是一般茶餐廳常見的醬汁！味道中規中矩，蒜香十足，跟豬扒好夾得來！豬扒肉質尚算容易切開！檸檬茶起初，第一口覺得茶味較淡，篤完檸檬之後，口味變得酸苦！

上次黎食過小菜～ 記得幾好食～ 今日搭船前有一個鐘時間要快食個午餐～ 就揀返黎呢度～ 十一點九就黎到～ 已經好熱鬧！睇黎係呢度返工既人常黎既飯堂～ 嗌左咖喱炒飯同黑椒牛肉炒意粉～另有餐湯同野飲～ 先黎湯～ 有紅白or中湯～好大碗！普通貨色～ 有加幾片蘑菇⋯飲完都飽左一半🙈🙈咖喱炒飯～一座山咁勁大碟！已經預想唔會食得晒🙊🙊 加左幾粒蝦午餐肉粒同雜菜粒去炒～ 得少少咖喱味～ 亦唔夠鹹⋯黑椒牛肉炒意粉冇影到～ 都係大大碟～ 我試左一啖～ 好淡味🙊🙊🙊🙊我見呢度大多係附近建築工人黎食～ 的確又平又大份！下次我會想試下熟食中心果邊d餐廳～ 黎既話都嗌小菜好了🙈🙈另外⋯以佢中午人流黎睇⋯坐無虛席（要搭枱）⋯十二點半仲要等位😱😱 應該有盈餘掛～ 希望可以換下d櫈⋯d皮已經爆開晒🙈🙈🙈🙈

同樣係離島，但相比起長洲，梅窩相對地少人得多，亦都因此比較悠閒，入黎散下心實在係唔錯選擇，至於食野方面，由於無咩人黎玩，唔會話有咩好特式或者好出名既餐廳要黎試，但依然都有幾間水準幾高既餐廳，其中我覺得最能代表梅窩既茶記就係羅馬餐廳聽落個名會以為佢食西式野，其實都係一間普通既茶記，但佢既水準一路穩定，而且食物選擇幾多又大份呢到最抵食其實係下午茶，但今次午餐時份黎到，都唔錯，有二十幾樣野揀楊州炒飯$39：好耐無食過炒飯，見到即刻叫呢個！不過今次真係等左好耐係咪要係羅馬炒完先拎黎不過等待都算值得既，上碟時熱辣辣，飯得炒得乾身唔油膩，而家係茶記食到乾身既炒飯已經唔係一件容易既事不過最扣分既係餸既份量，叉燒得幾粒，同本身既大份量印象有啲出入喎除左叉燒少，低成本既青豆或者蔬菜粒同樣唔多，真係名副其實既炒飯，好彩飯相對多同埋本身調味適中，食哂成個都夠飽肚檸茶配炒飯，中和返炒飯既油同大量澱粉質，中規中舉吧建議大家下午茶黎，配搭同份量都多啲又抵食啲！

在大嶼山的梅窩, 有一間開業多年的餐廳, 主打西餐(茶餐廳類)食品, 食物出品味道不錯, 鐵板扒類有誠意, 不馬虎, 牛排還可選擇多少成熟, 一個西冷牛排餐才HKD52, 十分抵食, 另外, 吉列朱排飯的兩塊豬排大得蓋過整個碟子, 也是HKD45.......實在太經濟了

於梅窩渡假，可能係我哋唔好彩啦，呢兩日比我一個啟示 -- 梅窩真係冇啖好食！十年冇入過梅窩，唯有喺OPENRICE SEARCH吓有咩美食，一塲嚟到，緊係要試吓位列榜首嘅「羅馬餐廳」啦，18個好評喎，又多人等位喎。點知，又賴嘢。******************************長話短說， 叫咗兩個TEA SET，炸雞脾配叉燒瀨 ﹠ 豉油雞脾配沙嗲牛麵 ($23+$2凍飲)豉油雞脾痴住塊勁肥嘅皮，視健康如命嘅陳生要撕走塊皮先敢食，肉係完全唔入味嘅，即係食緊一舊冇味､比雞胸肉滑少少嘅雞肉咁囉。沙嗲牛麵正正常常，一般茶餐廳質素，加$4可轉出前一丁，不過想慳得一蚊得一蚊，冇轉到，驟眼睇隔尼枱碗沙嗲丁，幾大碗。炸雞脾表皮冇乜油，DRY DRY地，唔香脆囉！好失望！入邊冇乜味，不過比起豉油雞脾，係好味少少。總括嚟講係一舊失敗嘅炸雞脾；真心講，我覺得大快活､大家樂嘅炸雞脾好食好多。比較之下，叉燒瀨係呢餐最美味食物，AVERAGE囉。******************************OVERALL，價錢係抵嘅，有電視睇嘅，冷氣夠嘅，就係唔好食囉。

太多事想要做...但時間總太少,當每日下班後的生活大多是飯局/試菜/回家寫稿時,雖然堆積了像小山般的稿...不過是我們5人的戶外活動,休息一日也務必要出席吧,因為我們平均都是一個月才會齊人的見一次,而他們4個也是我high priority的老死們.... 11時先在碼頭與阿妹2人分享一件6吋subway, 12點坐快船的話12:40左右已抵達梅窩,晚餐早已安排好,大家都決定行山前先吃點午餐補充一下體力,相信哥早已找了地方...一到埗就說可先到羅馬餐廳填填肚!雖然星期日我會想休閒點吃個brunch,不過又沒有吃過,又真的不知有幾多年沒來過梅窩,就當吃個新店子好了!有快餐也有散點,大家都按喜好點了想試的,有餐肉丁.有湯飯也有排飯!我點了個雞排腸仔意粉,有湯有飲品的,阿妹點了個叉燒意,hilda點了個餐肉丁,阿哥也點了個鴨腿湯飯還有shart也點了個焗牛舌意粉!湯要的是紅湯,沒有什麼味道,就是茶記水準,只是平平!飲了幾口就放棄了!雞排腸仔意粉份量不少,雞排頗大件,腸仔也有2條,再加上意粉和茶記必備的厚身蒜蓉汁!那個蒜蓉汁調味是可以的,都是一般水準,可惜意粉煮得太淋!至於雞排和腸仔都是合格的

遠足完便往羅馬餐廳食馳名的炸雞髀，小弟便order一客+薯條+凍奶茶($40) ，炸雞髀即叫即生炸，上台時仍然熱辣辣地冒著煙，而且表皮炸得相當香脆，小弟「落手」拿氣雞髀，再豪氣的一口咬下，兩個字講哂「過癮」^v^

2010 年12 月28日來到梅窩, 要吃東西其實選擇多的是。不過如果想要自顧自地吃一碟頭飯, 又要睇電視, 羅馬餐廳其實是一個不錯的選擇。餐牌午餐不算貴, $32 已經有很多選擇。洋蔥豬扒拼餐肉意粉 $32紅湯面層有勁多油到相信連摩西都分唔到不要幻想有太多洋蔥, 其實是洋蔥汁, 相信這是不喜歡吃洋蔥的人的一大喜訊。友人說味道不錯, 尤其是塊豬扒。不過我沒有吃過一口, 也不好意思評論太多。薄切奶醬多 $11有厚切薄切, 不過我也沒有吃過一口, 朋友亦沒有話多說, 相信都是普普通通不會要求太多。雪糕紅豆冰 $15這個算是正正常常, 平平穩穩。雪糕是云呢拿味, 與花奶本來就是天生一對。紅豆不算特別大顆, 但都叫做一粒粒, 不會太甜, 冰不會太多, $15 都叫做抵!出面都要$12/3 一個齋紅豆冰。 食物不算是驚為天人, 好食到嘩嘩聲, 但以茶餐廳來計, 水準都算是中上, 而且價錢不貴, 特此給予笑臉一個。

原本看到店名，以為是一間西餐廳，但原來是港式茶餐廳，準備前往海窩行山前便在這裡午餐。基本上所有選擇跟一般茶餐廳分別不大，味道也一般，實在沒有什麼特別。不過當天這裡的坐位比較其他食店多，不用等，算是一個優點吧?