羅麥記 (已結業)

一家四口點了三個餐，海南雞飯，豬扒炒公仔麵，金銀叉燒炒飯。海南雞飯-飯只是在面加上雞汁，攪拌下都不可攪平均，同時飯略乾身，雞方面不錯，食落夠滑有味，但汁水較弱义燒炒飯-整體配合不錯，不算多油，但沒有味炒公仔麵-簡直敗北，炒燶唔夠味，麵太淋，不夠干身，要退回

今日會合女友往將軍澳新都城中心逛街，我們下午茶往羅麥記食磚頭焗朱扒飯和紅荳冰奶茶，磚頭焗朱扒飯茄汁好香，朱扒好好味、而個面飽好脆好香，配上職員提供的白汁和咖喱汁，有不同的感覺，建議脆的部分點白汁會突顯面飽的鬆脆，中間部分點咖喱汁個人感覺好好味。

自上次同朋友慶祝生日後，又再一次踏入將軍澳新都城商場！上次令我一試難忘嘅芝士雲吞，於是決定再同幾個朋友再食過！今次有新驚喜呀🎉！出咗好多新美食，左揀右揀，眼闊肚窄嘅我哋，樣樣都想可以試吓，😋腐乳雞球撈麵，需然叫腐乳雞球撈麵，不過原來麵底用嘅係芝麻醬，容易入口😋鴛鴦蛋沙律🍳，大蝦🍤的骰西多士🎲，避風塘鮮魷🐙有蒜味又香口，黑汁墨魚鬚🐟甜甜哋炸乳鴿🐤，最值得一提嘅係居然唔食葱嘅我，竟然比一款叫葱油牛肉餅卷所吸引😋！可能因為有芝士嘅原固啦！😆真係好開心，比我哋揾到間令人懷念嘅校園餐廳，又有咁多好美食👍🏼👍🏼！

星期日一家三口出發去將軍澳新都城消費購物，到十二點半左右家少爺話要先醫肚，就去咗前身係美食廣場嘅羅富記，上到去冇人等位，可以直接入去地方有點擠迫，但都ok餐牌都幾特別，價格都ok很特別的焗飯，豬扒有四小件，味道普通，啲汁較為甜啲，有啲失望就係啲飯係白飯底，整個配搭是幾創新的，但索價$82蚊就覺得有啲不值麵和葱油都冇乜特別，但兩塊豬扒炸到乾晒水總括呢度食物係很有特色，餐牌上還有很多食物想試，但吃過撈丁之後都暫時唔敢試住了。

今晚的晚餐，我跟女友兩人去左羅麥記，聽講呢間幾特別，價錢又合理，所以試下！我地二人嗌左三樣，只係打算輕食，有豬羅包，墨汁魷魚鬚，羅麥雞翼撈丁。豬羅包係兩食的，一邊夾的是煎豬扒，另一邊夾的是吉列豬扒，一分為二，可以方便分享之餘，又可以食到兩種風味。整體豬羅包是好食的，豬扒份量夠大，夠熱，面包又乾身帶點翠！我同女友也很喜歡！第二係羅麥雞翼撈丁，看到隔離枱食而點的，有辣同吾辣選擇，我選了辣，因為較野味，但其實不是太辣，對於吾太食得辣嘅我都接受到，相信很多人都ok的！雞翼吾老多汁好食，而面又彈牙吾會太淋身，也不錯！最後，嗌了小食墨汁魷魚鬚，原本打算當小食食，點知上面原來有咁多，咁大碟！！很有驚喜！因為價值吾貴！而味道方面，每條魷魚都入晒墨汁味，甜甜地，爽口，吾錯！整餐飯也食得很愉快，食物，環境，服務員態度都好，會再次光顧！

今晚如常外出食飯，係新都城呢間嘅羅麥記我都幫襯過幾次，一直都幾滿意，發現最近應該換左新menu，加多左吾少嘅菜式，所以再幫襯下！首先，order左我最喜愛嘅“羅麥辣雞翼撈丁”，面很彈牙，加埋好入味嘅瑞士汁雞翼，正！可以選辣定吾辣，我今次選辣，但都只係微辣，應該很多人都可以接受！另外，仲嗌左蝦多士！呢個一向係我羅麥記最愛食物之一，多士翠卜卜熱辣辣，痴住嘅蝦肉又爽口彈牙，好正，又吾貴！大大件，吾錯！仲有招牌頭飯，選了軟殼蟹，份量勁多！我覺得一碟可分三人食！入面有飯，外面方包，每次都吾會食得哂，另可以免費加汁點面包嚟食，有蕃茄汁、咖哩汁和白汁，但其實味道我覺得一般，因為對我嚟講有點咸！其他仲嗌左“麥SIR乳鴿仔”，但皮吾夠翠，上碟不久已經凍晒，所以扣左分！仲有牛肉卷?，味道一般，不過不失，但我厭皮過厚，我就對此一般，但媽媽就很喜愛！除左食物方面，環境我都很滿意，裝修似課室，幾特別，另外服務員也態度不錯，可以接受。總括嚟講，喜愛重味嘅朋友應該很喜歡呢間食店，價錢都合理！

心先生曾幫趁銅鑼灣分店, 覺得幾有特色, 便介紹我來.這裡是主打懷舊的, 只見坐位是學校學生椅, 牆上是學校壁報, 有時間表, 有家政堂食譜等, 令人回味校園生活. 這點可能是年長一點的人才有感覺的.我們叫了紅豆冰, 粒粒紅豆奶茶, 蝦多士, 瑞士雞翼通粉, 丁麵. 都很老香港的.粒粒紅豆奶茶, 除了把奶茶雪了變成一粒冰之外, 其實沒有什麼, 味道一般. 加上它只有一兩粒冰是奶茶雪成的, 其他的就是普通冰粒, 所以冰融化了後仍是會令杯奶茶變淡.蝦多士並不是食開的口味. 平時的是連蝦和麵包一起炸的. 但這裡是只炸麵包, 之後再於上面放一隻大蝦,加沙律醬. 雖然隻蝦都好大隻, 但我還是喜歡傳統的口味多些. 這個新做法很fusion.瑞士雞翼通粉, 丁麵和 紅豆冰, 就是一貫的好味, 因為這些東西本身就是我喜愛的.

同女朋友行街諗唔到食乜😣經過羅麥記被羅麥記模仿校園嘅設計吸引左，見到入面嘅校訓，校歌，作文，書法，獎牌，作品，最令我深刻嘅係入面d凳竟然同我返學嘅一樣加上我已經畢業左一年，好懷念以前返學嘅日子。所以決定入去試一試，由於唔係好肚餓所以只係叫左幾樣小食😋😋。七彩西多士賣相好得！食落去超好味😍值得推介！最搞笑係蝦多士得五件我同女朋友每人食左兩件最後一件都唔知爭左幾耐先食到😂😂好彩蔥圈係雙數如果唔係又爭餐死。下次會試下食晚飯，超想食磚頭焗豬扒飯想講可以免費加其他汁，下次再試。

同朋友慶祝生日🎂嚟到將軍澳新都城見到有間懷舊校園feel嘅餐廳！真係最啱我哋呢啲舊同學懷念吓校園嘅生活喇！等咗一陣就有得入去！一坐低就當然叫我最想試嘅炸芝士雲呑啦！咬落去芝士就流出嚟，真係好好味呀👍🏼👍🏼！海南雞飯，就最啱我呢啲懶人，因為師傅將佢去咗骨㗎😆！而朋友就叫咗雞翼撈出前一丁！味道甜甜哋都幾好味吖😋！南瓜焗飯都算ok！3個舊同學食，果然係一個好選擇嘅地方！

食到好飽晚上在新都城逛街，路過見到羅麥記的磚塊焗飯挺吸引的，便決定入坐。當時晚上8點幾，沒有人等位，可以直接內進。店鋪以學校為主題，連餐牌也模仿學校的功課簿，很有創意。我點了一個磚頭焗豬扒飯，以及一杯菠蘿粒粒冰，兩者都是店內的必食推介。磚頭焗豬扒飯 $82這焗飯的制作需時比一般食品長，但以焗類食品來說已經算快。我根據餐牌上的指示把麵包撕開，沾了番茄醬吃，味道酸酸甜甜，十分開胃。麵包外層焗得脆而不硬，咬下去很有口感，內層則是軟綿綿的麵包和米飯，兩者沾上番茄醬後也變得十分好味。豬扒的肉質太過"林"，不像普通豬扒的質感，而且也太咸，必須配飯吃。但值得一讚的是，磚頭飯本身不夠多番茄醬，但可以叫店員為你添醬。菠蘿粒粒冰 $38味道跟普通菠蘿汁無異，但特別之處在於混在菠蘿汁的菠蘿肉，以及最上層的幾粒菠蘿冰。因為嚐得出有很多菠蘿肉，令人感覺落足料。而且酸酸甜甜的，喝完整杯也不覺膩。

羅麥記以兩位七十後的老闆取其姓氏作為餐廳名字。以前已光顧康山的羅麥記，今晚試下在將軍澳新開的羅麥記。這家新店以六、七十年代的校園做主題。一踏入餐廳，見到書檯椅的餐椅、昔日的吊扇及操場地板，有如置身兒時校園。貼上四大天王照片的壁報板、黑板上寫滿兒時的經典金句，例如「 萬里長城長又長, 我倆友誼比它長」。令老公跟我不斷地想當年。餐牌用上手册的設計，食物照片精美，餐廳提供有不少特色本士食物。在其它分店已試過羅麥記的招牌菜，磚頭焗飯及羅麥炒河，但是味道一般沒有大驚喜。今次試下其它食物。羅麥炒飯炒飯面上放滿炸過的白飯魚干，十分白口惹味。飯炒得干身，飯粒粒分明，味道不錯。蝦多士雖然炸得不夠金黃，但是形狀比其它餐廳圓，漲卜卜而且厚身。賣相都討好。蝦膠味道一般，口感比較實。多士太厚。味道一般。炸雞脾薯條雞脾薯條熱辣辣地送上。雞脾外皮炸得香脆，調味輕手肉沒有什麼味道。薯條粗食落較粉，面沒有灑鹽，小了入咸香味。總結：以懷舊校園做主題，環境不錯，可以重拾校園回憶。食物質素一般，價錢合理。

男朋友跟我生於在智能電話還未發明、小學還是分上下午班的八十年代末至九十年代初的時期。對於我們來講，和小夥伴一起去學校小賣部選購琳瑯滿目的零食，是童年時代的重要回憶。 正當我們在煩惱晚餐該吃甚麼的時候，男朋友提議到區內新店「羅麥記」，貪交通方便！ 餐廳裝飾以70年代的懷舊校園風為主，一磚一瓦都充滿懷舊況味，將往日美好時光再度呈現眼前。地磚、壁報板、桌椅與儲物櫃，分別以綠色、白色和咖啡色點綴，校園味道滿瀉。而餐牌另採用了藍綠色的發黃效果處理，呈現出經年累月的迷人風貌，瀰漫復古氣息。 食物方面，沒有刁鑽食材，菜式夠地道，但食物味道和質素則有待改善。 豬羅包味道最好，豬排夠外脆內軟，十分有口感！豬頸肉芝士撈麵除了豬頸肉太乾，芝士味濃，奶味重，味道不錯！ 炒蛋沒有澳牛的香滑，烹調時間過長，略為乾身。 飲品方面，我點的是香甜奶水，就是煉奶的味道，沒甚麼特別。男朋友點的奶茶卻不夠香滑，茶味和奶味更偏淡。 總括而言，環境好，服務亦周到，但食物味道和質素則有待改善。

今天晚上同朋友睇完戲就當然食個dinner醫下肚,走左上去最頂層一堆食肆;睇下睇下就決定試下呢間叫羅麥記既餐廰(原意係食第間,但係門口見到d裝飾好搞鬼所以決定試一試).見到佢寫係上學期既MENU先知原來係以學校課室做主題; 不過本人認為其實唔太似hahaaaa...入到店內睇menu叫菜見到菜名十分特別;叫左杯奶茶仔溝咖啡妹(問下waiter先知原來係鴛鴦haha);而我朋友就叫左紅豆冰粒粒奶茶, 眼見三粒冰入面有d紅豆 可能係怕冰溶左之後無味啦..最重要當然係試下飯菜啦!我同朋友決定簡簡單單叫2個飯 + 一個特色既小食就決定叫個磚頭焗豬扒飯,闊佬炒飯+美祿牛奶麵包美祿牛奶麵包本人認為不太特別;可能我比佢個名字吸引到..哈)))其實只不過係煉奶加美祿粉闊佬炒飯即係鴛鴦飯，白汁+茄蛋雞絲;;賣相有點吸引，大大碗侍應拎到埋黎真係哇一聲!同朋友share食真係最岩,味道不過不失，茄蛋雞絲份量剛好;不太多不太少，蝦都好大隻，溝埋d汁食落口非常滿足)))))肚仔餓ma..haha最後就係好有特色既磚頭焗豬扒飯!!!豬扒咬落剛好;相當有口感;不會太乾'配上茄汁真係好好味!最記得係食食下無咩汁;見到

當天, 我跟家人一起去羅麥記吃慶祝母親節晚餐。那裏有很多人排著隊等吃晚餐, 可能是因為新開張的緣故吧～～我們帶進去坐在最近牆壁的大餐桌, 紛紛叫了很多食物, 不過我在這裏只寫我覺得最好味的食物款式。首先要介紹的食物是「麥sir乳鴿仔」乳鴿的熟度燒得啱啱好, 不會熟得太乾爭而鴿肉也多肉汁, 我知道乳鴿一定是新鮮出爐, 因為咬一啖乳鴿皮, 你會知道它是十分脆口。總結：乳鴿熟得外脆內嫩  .......你想像到嗎？ 然後是「避風塘魷魚」魷魚炸得不錯, 聞落沒有油益味, 加上魷魚上的避風塘料辣味ok, 不會過鹹過辣而蓋去魷魚原本的味道 始終魷魚是油炸製品, 吃得多使人覺得會開始喉嚨隱隱痛 最後是「水牛芝士炸雲吞」炸雲吞裏的餡料十分平均, 水牛芝士與魚肉混合得好, 雲吞皮炸得不硬, 可以點甜辣醬一起吃。不過, 跟「避風塘魷魚」一樣, 太過油炸的食物是不應吃太多           This is the end of my presentation and thanks for reading it

懷舊吓，午餐嚟呢道，先回味鹹擰七，即是鹹檸檬加七喜，鹹酸味道加埋汽水啲汽，超爽！炒牛河，油唔算多，好多鼓油汁，顏色黑黑，牛肉軟熟夠腍，容易食，牛肉牛河都好入味，仲配埋蔬菜，健康啲。