羊城火鍋海鮮酒家

營業中

休息中

昔逢今日放假,和太太到羊城飲早茶.通常性都是去餐廳或快餐食早餐.價錢大約17至24元不等.當踏入酒樓,看見茶客多數上年紀.查看抵食點心,都有10多款.叫左羊城蝦餃皇,原價19.8加一后為21元.現售8.8加一后為9.5元.發覺並沒有偷工減料.皮薄料多(有半蝦的材料)蝦有蝦味(新鮮感覺)抵唔住叫多一籠.埋單共45.5元.每人大約23.元.我同老婆講.下次放假都去羊城飲茶.

每隔一陣子就會進屯門和親友吃飯聚一聚，基本上每次也一定吃中菜因為屋企的長輩喜歡嘛。之前幾次也是去明星，今次想吃一間新的酒樓，所以就來到這裡了。家人一早來了搵位，不過其實也不用等，是晚驟見整間酒樓也非常冷清，不知半滿也有沒有，可能不是很多客人，所以環境幾好幾安靜的，而且很闊絡呢。人齊就開始點菜了，人多可以點很多餸菜，真好。食物太多，繼續長話短說。夏天為了消暑，冬瓜盅依然是大家喜歡叫的，這裡的冬瓜盅味道偏淡，不夠清甜呢。不過佢勝在味道較清，不會像下了很多味精似的。海蜇燻蹄也是家人常叫的食物之一，燻蹄解凍得夠，而且幾入味，再點一些白醋吃就變得開胃了。是晚蔬菜主要有金銀蛋莧菜和啫啫通菜煲，前者非常多料，皮蛋鹹蛋勁多，所以整碟菜都幾入味又不會太鹹。啫啫通菜煲來到雖然聞落非常香，不過食落味道幾淡呢，通菜爽口無渣，都可以接受的。叫了一個豉油皇鵝腸，鵝腸幾乎一點肥膏也沒有，食落幾爽口的，不過一樣不太入味呢! 感覺只有顏色，食落一點豉油味也沒有。我們叫了一條蒸紅鮪魚，比較喜歡吃不太大條的魚，因為太大條通常都很難蒸得啱火喉的。這個都ok，雖然不算蒸得很滑，但起碼不會過哂火，肉質雖不算很嫩但也起碼有魚的鮮味

今晚兩公婆係度食晚飯，好多人都係度烚下烚下，我地都係揀小菜。茶每位$9，芥唔知幾錢，另加一服務費。１。芝士焗龍蝦（伊麵底）$168：可以做得好Ｄ，芝士濃度適中，龍蝦就有Ｄ唔熟咁，不過都夠鮮甜。２。泰醬茄子豬頸肉$68：茄子辣辣地，豬頸肉甜甜地，好crossover。奉送糖水－紅豆沙：煲得幾棉，甜度唔太夠。

本人一向對食品或招呼都沒有太大要求,故重未有出評論,但昨日所見所受的很想與各位分享,今天的服務態度會這樣嗎!中午到羊城用膳,朋友說這裹的點心小炒不錯,我第一次來,當然順應他們還帶著期望,我們點了點心粉麵後準備落單,舉手叫侍應,但片刻冇人,一會有一位原本站在前幾張檯,跟一女人傾談,面容開朗,喝著一壺東西,該人施然行來突然面容嚴肅搶去手上的點的紙,嚇了我們一跳穿西裝配戴耳環是員工或是其他人,因我們介乎張到下午茶時間,朋友想多問他中午跟下午茶分別,他即時更不耐煩的說趕時間就而家入單,唔趕時間就一陣入)突如其來的答案另我們四人頓時失聲算了我們要開工,這樣的態度食完快走,我說(現在入)他轉身就走,那點心單隨手交了制服員工,他便回到剛才的檯那裡,我們眼光一致望著他,只見他口中念念有詞,那檯的女人時不時望遇來我們只好忍耐,因屋村地方不想麻煩十幾分鐘食品到,最快時間食完走!其間他從未離開那張檯,談笑,喝湯..........埋單後我們覺得現金食肆點會有這樣員工,或許他是老闆食品確實唔錯,但我們以後不會再來

呢間酒家係我在屯門的指定飯堂!因經常食的關係,所以冇相post出黎同大家分享先講晚飯:價錢合理,大概$30-40一個菜,味道中上, 不過不失! $98孖寶~~半隻燒鵝 ( 係鵝唔係鴨 )一打蟶子超抵食火鍋~~$18.8指定湯底 ( 上年係醉鶏半隻,而家係豬骨煲 ),$8.8碟美國肥牛&$8.8碟串蝦(碟數不限)以上優惠任選一款~~~睇落吸引必食之火鍋料~~~~本地生蠔$22有6隻,夠肥夠大隻!釀油炸鬼$28有6件,叫先整,食o個陣要小心辣咀,串蝦全部都生猛,肥牛有6片之多,其他鍋料都好新鮮!但千萬不要食牛肉粒,佢次次俾d變晒色,睇落好似豬紅的俾客人,不過叫佢換佢都冇問題!

同暑期講byebye前 就同媽媽來飲個茶先。服務再次比0分你整得幾靚都好 d服務員或者經理咁既態度 我好難食得開心腸粉上次說必叫 今次唔係了唔通假期收貴d就好食d? d料少左 而且d醬完全唔好味小籠包就幾好味 咬落去皮唔厚 肉汁多 正!牛柏葉 得6細舊 如果廚房無貨 就停啦。鳳爪 不過不失 幾有味道。燒賣 食次無味 棄之可惜吧。當飽肚啦。價錢一點也不便宜 服務0分 我都係落元朗吧。80蚊 我覺得其他地方會食得開心同選擇多點。

9號波真係輸比你...攪到我手停口停唯有同媽媽去飲過茶食個包wa 一黎到成村人等緊位 但阿媽堅持唯有順下佢意入到去 發覺裝修真係幾有心思至少整高天花係不錯的 會無咁嘈。今日叫野真係好貴 全部星期日價唯有輕輕食兩下算啦叫左碟20蚊既腸粉20蚊既雞腳十幾蚊既蘿蔔糕同區黎講 佢真係幾貴腸粉好味 好多蝦米 同 漿水做得好靚 食落好滑唯一不足係煎得唔夠香口 可以煎多兩下雞腳真係極麻麻 唔抵食 超細隻 而且唔覺個飽汁有幾好味 我情願要返沙薑蘿蔔糕都幾大件 但都係煎得唔夠 同埋個糕好似好散 同無咩料 但蘿蔔容係幾不錯的下次可以再來一試 但平日吧 假日我覺得係唔值的。另外服務其實很差 成日d人係行去同熟客吹水多過做野 呢樣真係改善下。

樓上說得對,同址開的酒樓已經易手多次,次次都開不多久. 不過羊城進駐,我覺得會開得久.原因是更改了門口的位置.原來的門口對住天橋的樓梯,估計煞氣都大D.講回食物,本人都去了多次,沒有遇到樓上那位的遭遇, 不過春捲這類食物都不是現做的,陷是冷的,所以感覺不是很好.說到好的,應該就是羊城蝦餃($8.8-),點心拼盤($12.8-)這類開張"特價"食物了.希望這才是羊城的水準吧.

o係呢個舖位開o既酒樓冇一間做得長~可能舖位太細啦~又新開張~見佢叉燒都賣成$70一斤(隔離酒樓先賣$50)~試下佢d野係咪真係咁好食~星期六朝同媽媽2個人飲茶~新開關係~10點幾都有唔少人等~全場搭檯...冇計啦~佢咁細間~搭就搭~d座好迫~放得太多檯~所以好嘈~叫o左叉燒包~叉腸~凰爪冇特別~咸水角係凍(唔係唔熱~係凍)~餡好少~特別要講係上湯鮮竹卷~未食已見入面d餡係全綠色~心知不妙~咬開少少~驚見入面全部都係綠色~相信係莞茜莖~另加好少好少肥豬肉~根本係莞茜卷~真係好離譜~我從來未食過咁o既鮮竹卷~真係好想問下個經理知唔知鮮竹卷係咩同有咩餡~為o左慳成本做到咁~接受唔到~環境食物都唔掂~要飲餐好茶都係去番巿中心啦.